Симеон Денисов

 

Показание о речении образ.

[Предисловие и примечание издателя, П. С. Смирнова, «Христианское Чтение», СПб., 1911, апрель, стр. 485]

 

Предисловие.

Мы полагаем, что данное «Показание» написано настоятелем Выговской пустыни Семеном Денисовым, и что поводом к его написанию послужили «раздоры», происходившие в федосеевщине, где главным противником известнаго Евстрата Федосеева выступил некий Савин Михеев, — те «раздоры», весть о которых, очевидно, дошла и до Выгореции.

По поводу известных «исправлений» в старопечатных книгах, какия допустил федосеевский наставник Евстрат Федосеев, заменяя слово «образы» словом «лицы», — Выговское сказание гласит: «Возсташа неции на онаго Евстрата... паче же некто... Савин Михеев, который, по согласию с прочими, от онаго Евстрата, — оле, дерзости! — и вторично крестити смелость возъиме, и долго сей раздор в них протяжеся, даже до лет настоятельства Семена Денисовича, кий своими мудрыми богословеньми оный раздор погаси». В соответствие этому сказанию, в данном сочинении мы находим следующее: во-первых, предметом его является «речение» образ; во-вторых, автором сочинения назван какой-то «господин Симеон»; в-третьих, этот Симеон именуется «настоятелем», а известно, что был настоятель Семен, — именно в Выговской пустыни настоятель Семен Денисов; в-четвертых, Выговское сказание передает, что Денисову удалось «раздор погасить»: это случилось, как мы знаем, в начале 1735 года, когда Евстрат Федосеев произнес свое «исповедание» пред «собором» в деревне Ступилишках, а данное «Показание» к тому именно и наклоняло свою цель, чтобы склонить споривших к примирению.

В частности, Выговское сказание передает, что раздоры, возникшие в федосеевщине по делу Евстрата Федосеева, были очень велики и сильны, что некий Савин Михеев положил даже перекрещивать приходящих от Евстрата. Что же мы видим в данном сочинении? Сочинение упоминает о каких-то «любопрящихся» по вопросу о слове «образ» и говорит о том, что между этими «любопрящимися» начался сильный «раздор». В то время, как подобало «не раздирати согласия кафолической церкви любопрительными истязаньми и споры, но паче в единство мирное и согласие всеблагодатное слеплятися», в общине ревнителей старых книг начался «раздор» и «любопрение», так что появились «любопрящиеся» и «раздирающиеся» о «готовых речениях в готовых книгах, от святых патриарх и отец положенных, яже готово и благоговейно благочестивым разумом приимати подобает тако, яко напечаташася, яко изобразишася, яко от церкви истолковашася».

Кто такой Савин Михеев, противник Евстрата Федосеева? В определении федосеевскаго «собора» 1739 года. бывшаго в Польше, в деревне Давыдове, Савин Михеев упоминается, как «духовный человек», как видный член этого «собора», строгий ревнитель в вопросах, касающихся федосеевства. Очевидно, этот Савин Михеев и был главным противником Евстрата Федосеева, требовавший для последователей Евстрата новаго перекрещивания. Евстрат Федосеев, нужно заметить, также был на данном «соборе» — под именем Фаддея Денисова, очевидно — по имени, полученному при безпоповщинском перекрещивании, и по имени своего отца, в перекрещивании названнаго Дионисием.

Влияние сочинения Семена Денисова сказалось и на самом исходе даннаго «раздора». Денисов так писал: «Аще бы кто в таковых распрениях, или дерзновениях, погрешил, и, покаялся, от онаго своемышленнаго отшел разума, и совокупился согласно с кафолическою церковию: всерадостно долженствует приимати онаго к церковному согласию по древним образцем». А известно, что, когда 24 марта 1735 года, в Польше, в деревне Ступилишках, Евстрат произнес пред «собором» свое «исповедание», из котораго всякий мог видеть, что по догматическим вопросам он разсуждает вполне согласно с старопечатными книгами, — то «от всех христиан, яко грамотных, тако и простых похвален» был и любезно принят в общение, так что всякий «раздор» по этому вопросу уничтожился.

 

 

 

Показание велемудраго настоятеля господина Симеона со истолкованием и ясным свидетельством о богословском речении образ, и како оно приемлется: овогда за вид естества, овогда же за начертание и лице.*

 

Аще и дерзостно есть и зело бедовметно в вышесильная таинства вметатися и в пучину неудобознаемую богословскаго вреватися моря, по Премудрому, вопиющу: высших себе не ищи, глубльших себе не пытай: Сирах, 3, но слышание любопрящихся и раздор соединенных понуди конечную нашу грубость в толь превысокое, в толь всепревзятое таинство всепревознесеннаго богословия вступити, еже о пресвятей, единосущей и пресущественней Троице младенческими немотовати языками; о единстве образа святыя, и преестественныя, триипостасныя Троицы известити; святых богословцев богословными словесы и разуменьми, даже раздельшихся писательными гласы, во един божественнаго совокупления соберем разум, еже да будет всепресвятая, триипостасная, единица Твоею преестественною благодатию. Аминь.

Удобопознания же ради чрез вопросы и отвещания сия представляем люботщательным читателем

Вопрос: Колико есть образов во Святей, Единосущней Троице?

Ответ: Един образ, яко научают нас святии богословеснии мужие: Максим Исповедник во своих о вере изложениях, еже во Псалтирях Малых Следовательных Иосифовския печати обретается, и Катехизисе Малом, тако в книзе Катехизиса Великаго, и в словесех Афанасия Великаго, и в Маргарите св. Златоуста, слово 6, лист 60, и в Троичне каноне св. Григория Синаита, и в книзе Кириллове печатней, на листу 557-м, достаточно о сем написует.

Вопрос: Что есть образ?

Ответ: Образ истее значит вид и зрак существенный естества; обаче образа имя различно во Святем Писании приемлет: овогда за вид естества, яко у апостола о Христе: иже во образе Божии сый и образом обретеся, яко человек; зде вид естества, яко божественнаго, тако человеческаго значит; по сим прикладом во Святей Троице един образ естества божественнаго богословится. Овогда же за начертание и лице приемлется, яко во Евангелии: вопросившу Христу — чий образ и надписание? глаголаше: Кесарев. Не бо естество, но начертание лица Кесарева на цате бяше. Тако славенски повсемственно глаголем: образ Христов, образ Пресвятыя Богородицы, образ Николы Чудотворца; си есть подобие или начертание лица Христова, или Пресвятыя Богоматере, или святого коего; ибо естества и существа вид и образ всем человеком един есть, лиц же и начертаний виды и образы мнози и безчисленни. По сим прикладом у преподобных Никона Черныя Горы и Иосифа Волоцкаго имеется во своих им описаниих о Святей Троице едино естество и существо исповедается, и три лица, яже и образы наричутся, и собства, яко же греческое речение едино морфи многообразне знаменует: иногда зрак, иногда вид, иногда образ, иногда лице, — яко лексиконы славяногреческие изъявляют, — требует же праводника, искусна разумом православным, искусно превождающаго. Тако и словенское речение образ различно знаменует: иногда вид естества, иногда подобие, иногда зрак, иногда начертание лица, яко словенские изъявляют лексиконы, еже требует на разсмотрение искусна и ведательна мужа, познавающаго православно и глаголы, и имена, согласно кафолическому благочестию.

Вопрос: В Псалтырях и Октоихах Филаретовских и Иоасафовских, в каноне Троичне, в первой песни: Пресущный едине, Господи, и трисиянне образы; в седьмой песни, в первом стисе: крепку ми мысль устрой, трисветлая образы единице; во втором стисе: образы же троично нося число, — убо православно ли напечатася сие и можно ли за православное прияти?

Ответ: Всякое православными патриархи и учительми церковными печатное, или написанное, и православным разумом приятое, православно и есть, и обретается, кроме погрешения забытнаго и описи, еже всем человеком случается. Но и святейшие патриарси они, печатавшие, яко православни и быша и от нас приемлются; тако книги оныя от всея святороссийския церкви за православны имешася, и ныне от нас веруются; и оная речения, яко от православных патриархов напечатанная, православным разумом прияти долженствуем; православным же разумом сице прияти подобает: не за вид существа божественнаго, еже едино и есть и веруется всею кафолическою церковию, но за лица Божественныя, за начертания, за ипостаси, и свойства Святыя Троицы, яже три исчисляются кафолически и веруются,  яко у вышепомяненных преподобных: у Никона, и Иосифа, образы за лица и свойства написашася, иже быша православни и преподобни. Тако и предъявленнии святейшии патриархи православни и учители церковнии быша, и писания, и книги их за православныя и святыя имеем; убо и оное наречение образов за лиц и начертаний знаменование православным разумом приемлюще, православное оное и именуем и вменяем.

Вопрос: Чесо ради в печатех Иосифа патриарха напечатася вместо образов лица: Пресущный Едине, Господи, и трисиянне лицы?

Ответ: Сего ради изъяснися явственно, дабы православнии христиане, по первых святейших патриарх печатем читающие, идеже напечатано образы, ведали все разумевати и вменяти со святою церковью за лица, и начертания, и свойства Святыя, Единосущныя Троицы православным и благочестивым разумом.

Вопрос: Чего ради в Кирилловой печатной книзе напечатася: далече убо буди от нас, правоверующих, сицевое нечестие, еже три образа в Святей Троице глаголати?

Ответ: Для того, дабы читающие по первым печатем, идеже напечатано: три образы, не вменяли и не разумевали за естество и существо, еже есть богомерзко и нечестиво. Не три убо, но едино существо Святыя Троицы, яко и святии Никон Черныя горы и Иосиф Волоцкий вменяху и разумеваху, сами же дабы всегда веровали, и исповедывали, и глаголали: един образ, един вид божественнаго существа пресущественныя и вышеестественныя Троицы. Обаче ведати долженствует, яко во Святей, преестественней, пресущественней и пребожественней Троице, аще естество и существо глаголется, аще вид и образ, аще ипостаси лица и начертания, но вся сия безтелесна, невоображена, и непостижима православно веруются, и единою токмо верою всеговейно поклоняема, и почитаются, и исповедаются, яко святии богословцы и учители церковнии, и вся кафолическая церковь православно нас научает.

Сия бо кратко предложенная вопросоответствия за краткость настоящаго времени любопрящимся и раздирающимся о готовых речениих в готовых книгах, от святых патриарх и отец положенных, яже готово и благоговейно благочестивым разумом приимати подобает тако, яко напечаташася, яко изобразишася, яко от церкви растолковашася, а не мудрствовати паче, еже подобает мудрствовати, но мудрствовати в смиренномудрии, а не раздирати согласия кафолической церкви любопрительными истязаньми и споры, но паче в единство мирное и согласие всеблагодатное слеплятися.

Аще бы кто в таковых распрениях, или дерзновениях, погрешил, и, покаявся, от онаго своесмышленнаго отшел разума, и совокупился согласно с кафолическою церковию: всерадостно долженствует приимати онаго к церковному согласию по древним образцем. Ибо и Феодорит блаженный, и Ива Едесский, на 3-м вселенском соборе в сопрениих со св. Кириллом Александрийским от церкви отлучишася, но паки, покаявшеся, вселенским 4-м собором не точию к церкви прелюбезно прияшася, но и в епископы всеизрядно паки учинишася, и не токмо в епископы, но Феодорит — блаженный, и учитель церковный, и богословец всекрасный всекрасно почтен бысть, и дивно словесы своими и ученьми церковь украси.

Сия и мы смотряюще, мирное друг с другом гоним, по апостолу: и не раздорами и прями церковь украшается, но добрым, и благочестивым, и мирным согласием, и советы братолюбными, и спасительными, готовое отеческое православие держаще, готовая предания их соблюдающе, по готовым отеческим гласом молитвы Господеви простою и неоплазивою верою возсылаем, и друг друга мирно и братолюбно во всяком смирении приемлем; тако единостию согласия благочестиваго во единство кафолическия церкви вместимся, и добрыми, и мирными, и смиренными нравы текуще, единства небеснаго царствия сподобимся причастницы быти благодатию всепетыя и единосущныя Троицы. Аминь.

 

Примечание:

 

* Рукоп. Хлудовской библиотеки №272, лл. 42—46; здесь это сочинение подписывается так: "Показание велемудраго настоятеля господина Симеона со истолкованием и ясным свидетельством о богословском речении образ, и како оно приемлется: овогда за вид естества, овогда же за начертание и лице".