Вопросы и ответы о странствующей церкви и сектаторах.

[Из рукописного сборника «Кадес»].

 

 

Вопрос 2. Что нужнее ко спасению, Господь апостолом своим заповедал, и всем верным.

Ответ 2. Господь наш Iсус Христос апостолом глаголя, шедше во вся языки, учаще их и крестяще во имя Отца и Сына и Святаго Духа, и блюсти вся елика заповедах вам. Альфа, лис. 597.

 

Вопрос 3. Что есть знамение истинаго христианина.

Ответ 3. Вера правая и дела благочестива, христианин бо истовый дом Христов добрыми делы состоится, и благочестивым учением. [Иоанн лис. 61]. Яко о двою мудрости части являет деяние реку и видения. Деяние являет заповеди, а видение учение. Ибо веру являет в подобие златей основе, а деяние прекрасным утком, егда обои снидутся, тогда и камка красна бывает. от обоих украшение. Аще едино недостает, то и другое за оскудение мертво бывает.

 

Вопрос 4. Что есть потребнейше хранити християнину, веру или дело.

Ответ 4. Обои нужны, а веру паче дел достигати должны. Аще житием кождо друг друга и превосходит, но веру всяк християнин туюжде содержит. Ибо от дел кождо сам себе ползует или вредит, а другаго повредити не может. А при вере аще един верен, тако и вси в ней обрящут тожде спасение. А за веру за малой порок кии либо, аще кто в ней погрешит, и прочии не убегнут муки, яко Златоуст глаголет. Верою всем християном единаго исповедания святость причитает. При вере рече вси святи. Аще и дел не имать святость наследует. Беседы апостол., лис. 96. Яко ничтоже внесохом токмо веру ко оправданию. лис. 125. Нужно есть вера и в кратких глаголех имать спасение. лис. 96[?нрзб.]. Яко аще вере внимлет сей благословен есть, и верою в чада Авраамля причтено будет. лис. 152..[нрзб.]. Верою оправдившеся, Духа благодать имамы. лис. 2…[нрзб.]. Кроме веры Бога разумети немощно. лис. 38. Всех благих мати вера.

 

Вопрос 5. Како о делах имети смотрение.

Ответ 5. Аще во сто против тридесяти, и то не отрицает спасение, тожде церкви тело, за едино приемлется пустыножителя против простаго поселянина. А посмотритека о законе великое различие, наватиян ибо преступление их весма мало с верными различие, а хотя по мнению их на лучшее воздержание. Зри Никон Черн. гор. лис. 562. Куды их собор остави, даже всего лиши дарования Святаго Духа, и имени нарицатися верным, и крещение их опровержеся обаче житие их ничим же превратиша не по разуму святаго писания.

 

Вопрос 6. Что есть вера, и како ея подобает хранити.

Ответ 6. Еретик есть, еретическим подлежит законом. аще и мало что уклоняется от православныя веры [Никон, лис. 563]; И паки Максим Грек рече. Еретик убо он есть, кто мнению своему крепко прилепляется, и известно совестию истине вер..[нрзб.] противу глаголет. Вся иже чрез закон церковнаго предания или учительства и воображения, святых приснопамятных отец, новотворимая, или посем содеятися хотящая анафема [Никон, лис. 569]. Филарет патриарх Московский рече. Ибо аще и малое что раскольство учинится, и пребывающим в том конец мука вечная. И паки от книги Пчелы. Да не имать место спасения. аще и мал порок в вере, то неприятно его к Богу моление. Аще и мало что изменяяй все погубил [Бесед. лис. 539]. Якоже в царских златицах. аще что и мало что от образа пресек всю непотребну содела, сице и здравыя веры, аще и малейшую часть повредив все погубил. лис. 1575. Анафема и за малое превращение, не рече все превратит или непотребная возвестит, но мало и худое что подвигнет анафема да будет.

 

Вопрос 7. Мощно ли на милость Божию уповать, аще что и недоразумеет.

Ответ 7. Не рцы множество щедрот Божии сиречь очистит множество грехов [Бесед. лис. 1612]; чти тамо пространно. Никон. Черн. гор. лис. 222. Две надежды полагает на Бога, едина благая, а другая безумная ничтоже соделати, могуще, благое упование с делом закона, а другое безумное упование. Смотри Лимонарь, глав. 26. И рече ангел к старцу некоему. Аще и вся добродетели исправит человек а неправо верует, на оно место отходит, идеже Арии и Нестории и Ориген, и прочие еретицы мучатца; И паки зрите святии отцы Антонии и Арсении и прочии: рекоша им братия. Вы ли боитеся отцы смерти. и суда. они же рекоша, понеже яко человецы, сотворихом доброе, а не вемы угодно ли Богу или ни. Тогда на милосердие Божие надеятися, когда по повелению Его сотворим, сице и наше разумение о сей надежди.

 

Воопрос 8. Како подобает веру исповедати пред человеки, егда вопросят.

Ответ 8. Всяк убо исповесть Мя пред человеки, исповем его и Аз пред Отцем Моим иже есть на небесех [Мф. зач. 38]. Толк. На муки зде подвизает их, не хощет бо токмо душею веровати Господь, но и от уст ищет исповедания. Мк. зач. 37[?нрзб.]. Иже бо аще постыдится Моих словес в роде сем прелюбодейном и грешном, и Сын человеческии постыдится его. егда приидет в славе Отца своего со ангелы своими. Толк. Не довлеет по помысле вера, но и усты просит исповедания, понеже сугуб есть человек, сугубу быть и освящению, освящается бо душа верою, освящается и тело исповеданием: Аще не исповедаеши веры яже о догматех превращаешы ю [Бесед. лис. 436]. Благочестия отступити Бога отступити, всем злым виновно есть веры отступити [Бесед., лис. 2461].

 

Вопрос 9. Что аще помолчать о истине страха ради, или животолюбия ради: не будет ли греха.

Ответ 9. Евангелие в неделю 14. Истины умолчание сам себе осудил. Зри житие святаго Максима Исповедника [генв. 21]. Глагола авва Максим. се сопротивно есть ибо всяк человек освящается веры исповеданием. Троил патрикии глагола. Не отъимает ти во Христе двух воль, но молчати повелевает[?нрзб.]. Да вси миром ограждаемся. Глагола авва Максим, Дух Святыи чрез пророка глаголет. Не суть речи, ни словеси их же не слышатся гласи их. Чесо ради аще которое слово не глаголется, слово то несть весма. Аще убо Бог, и Божии пророцы, и апостоли повелевают исповедати нам словесы и гласы, веры таинство, иже приносит всему миру спасение. то несть полезно исповеданию тому налагати молчание. Того ради и Кирил святыи глаголет. Не ослабляю бо церковных жил. И паки апостол Павел глаголет. Никтоже нас разлучит от любви Божии, и проч.

 

Вопрос 10. Аще что страха ради умолчати, аще и еретиком назовут. то яве отступление. То како таковых церковь принимала.

Ответ 10. Кормч. прав. святых апостол 62. Аще которыи причетник страха ради человеча или жидовска, или еретическа. отвержется имени Христова, весма да извержется, аще не Христова, но причетническаго. рече несть епископ был, и не хощу быти епископ, такожде и презвитер, и диакон, и прочии причетники. Аще отвержется своего имени, да извержется от сана. Петра Александрийскаго правило 1. Отступивших от Христа. Надолзе пострадавших, и потом мук убоявшеся, и Христа отвергшеся. 3 лета, и 40 днии даем им покаянию. Прав. 2. Иже в темницу токмо ввержени быша и отвергшеся, 4 лет даем им покаянию. Иже ничтоже страдавше. а волею отвергшеся, 4 лет даем им. Прав. 5. Иже лицемерием. а не истиною обещавшися пожерше идолом, преблазнивше мучителей, и тако избегше, 6 месец запрещаем им. А без покаяния пребывающии яко варвари погании вменяем.

 

Вопрос 11. Что сектаторы глаголют, сии правила к нам неприличны, ибо мы не идолом кланяемся, но токмо к секте пишемся. правилно ли они глаголют, или ни.

Ответ 11. Антихрист не бо во идолослужение приведет люди. но самому себе покланятися и повелит вместо Бога почитати [Кирил знам. 10]. А чем паче Бога вознесется. А чем Бога почитают антихрист то возненавидит. и заповеди святых разрушит, а яже у него обратит[?нрзб.] и умыслит заповеди своим повелением держати. И паки святыи Кирил рече. Антихрист не вемы како приидет. Антихристу ни поклонимся и не предадимся. Аще кто ему поклонится той царствия Божия не наследит. И поклонятся ему вси живущии на земли, кии нерадяще о небесных тии поклонятся антихристу [Апок. 13].

 

Вопрос 12. Прежнии мучители единым идолопоклонением християн прельщали; или многим и прочим.

Ответ 12. Первое зри святыи Иоанн Креститель замучен ни за идолопоклонение, но за обличение Ирода царя …[нрзб.] прелюбодейства. Второе, зри Апокалипсис зач. 42. Аще кто озверившемуся антихристу повинется, и злочестивое жительство пройдет, онаго образующее, или словом или делом проповесть сего бога; сие являти может на руце и на челе даемое начертание. И той с ними приобщится чаши мучительныя. Видите ли два разума поставляет, един словом а другии делом, а мзда обоим равна. Святыи Григории Богослов рече [Собор. Бол. лис. 759 об.]. Зане имяше держащыя тя еретики, и бояся их, мняшеся еретиком равняяся, и ты еретик. Ниже. Есть же се, яко кому глаголати боязни ради еретик, еретик есмь и аз, а християнин сыи по всему. Бесед. лис. 1473. Аще бы рекл отступите от Христа, и идолом поклонитеся, то бы яко льстецов хранилися, ныне же остави их в вере и в прелести. Зри месеца марта 3-го. Глагола игемон мученику Евстропию покорися и пожри богом, или поне рцы словом при народе яко покаряешися, и пожрети хощеши, вси бо на тя зрят, внемлюще конечному твоему изволению. А в житии святаго Паисия [июня 19], ученик его за едино слово Христа отвержеся. Еще зри апреля 14. за брадобритие мученики пострадаша. маия 26. Святыи Георгии за тафию татарскую пострада. августа 1-го. Святыи 7 братии за свиное мясо пострадаша. От сего мощно познать, что все едино, что в секту писатися, что идолом поклонитися. едино Христа отвержение.

 

Вопрос 13. Сектаторы глаголют, и крепко в том выставляют, яко бы, ныне им несть вопроса о власти гражданской о вере.

Ответ 13. Зри Поморския ответы. Ответ 52. Егда их вопросил ермонах Неофит, какую государь веру имеет, и правительствующии синод, ибо мы надеемся спастися. Вы же вменяете нас за православных, или причитаете ко отпадшим еретиком соборныя церкви. Что они на сей вопрос отвещали. Мы глаголют его царскаго величества благочестия не испытуем, а Бога за него молим. А еже причитати ко отпадшим еретиком, мы таковаго нелепаго причитания, не точию глаголати, но и слышати не хощем, и произносити таковых словес ужасаемся. Чти тамо пространно, и еще 72 вопрос, и ответ. И еще были вопрошены, в 1716 году, и в 1724, и в 1735, и в 1764 году. И во всех сих указах записались именем раскольника. А что правильно исповедать веру Христову, со именем еже есть християнин и нет нигде того, и тогда и ныне и повсягодно потязуеми от властей, а християнина себе нигде не исповедали.

 

Вопрос 14. Которым еретиком повины нынешнии по всей России сектаторы.

Ответ 14. Зри Баронии лето 205, лис. 128. Первыя скверныя гностики. Не токмо ни бегати во время гонения учаху, но и усты Бога отрицатися. Глаголюще яко довлеет что за нас Христос умре, и не желает нашея смерти. Зри в книге святаго Епифания, слово 55. Павлияне еретицы егда водими будут, абие пременяют глагол, злочестивии душею и телом, и несмыслении. Книга Феатрон лис 172[?нрзб.] Прискилиналисты еретики учаху, всякому во время гонения Христа отрещися, токмо бы истину в сердце имел. яко бы Христос между супостатами сокровен быти должен. Баронии, лис. 120. Василид учаше, яко леть есть в гонение Христа отрицатися. то же еще еклесаиты подобны сим  учаху в гонение Христа отрицатися. грех и не грех разумеваху. За то вси тии анафеме предани и конечной погибели. Тако и нынешнии сектаторы, вси подобни древним оным еретиком еже сердцем во Христа веруют, а устнами не исповедают.

 

Вопрос 15. Сектаторы глаголют, мы хотя в расколники записались, а веры во Христа не отступили. понеже раскол добрая вещь.

Ответ 15. Посмотрим аще вы и приводите Феофилактово слово сице глаголемое. когда и которы и расколы Божия вещь быти мнится. Что же о сем ли расколе Феофилакт глаголет, или о ином. Зде вы писание превратили своим кривосказательным толкованием. По праву сказанию ни о сем расколе в которой вы пишетеся. Но понеже при сродницех сущия вражды. Егда отец сопротивляется, а дщерь в познание приходит и мать отнюд не внимает. о том Феофилакт, и Златоуст глаголют. Смотрите евангельския словеса. Яко не везде мир и соединение добро есть, сиречь законом естества совокуплени, сын ко отцу, а отец сыну, и матерь ко дщери любовию совокуплени, егда едина часть, в благочестие склоняется, а другая к нечестию. Тогда велит благочестивой части союз любве презирати якоже глаголет аще око твое, или рука твоя десная соблазняет отсещи ю повелевает, и тамо толкует не о удех тела, но о любовных нами сродницех; якоже Лествечник глаголет. Блажени миротворцы. Аз же глаголю, блажени враждотворцы смотри показание. Аще и единым именем вещь нарицается, а существом разница велика.

 

Вопрос 16. Может ли едино название, а вещи разныя, единосуществовать[?нрзб.].

Ответ 16. Не могут. ибо раскол речь едина. а вещию имеет велику разницу. яко небо от земли. Якоже Златоуст рече, где ветхое похваляет, якоже сице ветхии глаголати. И паки в гаждение приемлет, обедшаша от стезь своих. И паки исчистите ветхии квас, или мал квас все смешение квасит. …[нрзб.] и сице лев в сугубое приемлется на Христа и на антихриста. На Христа за царственно над всеми. А на антихриста за мучительное его. И паки змию на двое приводит. Где хранитися повелевает, а где уподоблятися завещевает. о сем много в писании, единым именем нарицается, а действом много разликуют. Якоже и мы глаголем тело мыющееся, и тело Христово, или кровь всякаго животнаго, или кровь Христова, или Дух Святыи, или дух всякаго животнаго. Аще просто приемлете писание велие постраждете[?нрзб.] злая. Ибо раскол именуется по писанию раздирающе церковь, и ссецающе тело Христово.

 

Вопрос 17. Что есть раскол в нем же сектари пишутся расколниками. како от церкви полагается имя сие.

Ответ 17. Зде глаголет раскол от Бога, егда словесем новыя благодати неверовати [Бесед. лис. 112, 496]. ко еже рцы ми творят распри и раздоры чрез учение, се есть наипаче развращение церкве, еже разделятися. се орудие дияволе. Подобно глаголет, во Апокалипсисе. О змии десяторожнем, десять рози, являет десять прегрешении противныя, или разделения церковная тому царству красоту носяще, яко расколом и смешением[?нрзб.] радующеся. И Филарет патриарх рече. Аз смиренныи Филарет не презрех таковаго раскола, да не погибнут овцы стада Христова. И паки, таже. Идеже аще и малое раскольство учинится, тамо востает гнев Божии и мечь и ярость, и пребывающим в том конец мука вечная. Потому и правилы глаголют с сим расколником ни молитца яко с еретиками.

 

Вопрос 18. Кое мнение правее по закону: никонияне, или сектари. всегда их расколниками пишут, а себя православными пишут, и никого в свое православие ни впущают. а сектари руку к тому прикладывают, а в разуме тако мнят что они еретики. и кто из них правея.

Ответ 18. Зри в 14 вопроси, кто устами веры не исповедали, гностики павлияне еклесаиты, тии вси еретики. Тако и сектаторы вси еретиком тиим подобны. А никонияне везде православными пишутся. А они вас за расколников считают. Аще спросит началник, ты кто еси, что речешы. Аще молчать беда, а говорить я де християнин. а он речет, а я кто. тут что речеши. Аще еретиком назвать, он мучить будет. Вот и говорят мы поморскаго, и прочаго какого согласу, (староверы), а вас не знаем кто вы. Видите ли прелесть помраченных раскол учинил с ними, и проклял их ересь и крестился. А не знаеш кто они. а за глаза еретиками называеш. а тут не знаеш что глаголати. Яве они правее вас зане устами всегда себя православными знаменают.

 

Вопрос 19. Кое мнение поставляется в закон правды, мучеников или мучителей.

Ответ 19. Мучителей зри месеца августа, святаго Елиазара и седми братии, егда мучитель повеле им свиная мяса ясти, имже тогда законом возбранено. А неции принесоша мясо не свиное, кое законом невозбраненое, дабы мучитель мнил яко свиное мясо, и тако свободилбыся от мук. Рече святыи Елиазар лучше мне рече воврещися во ад живу, нежели, исполнити волю цареву. Еще в страдании святаго мученика Савы Готфанина. Князь всем предложиша идоложертвеное ясти, неции от нечестивых да християном ужиком своим, вместо идоложертвеных мяс предложиша не идоложертвеная. Во еже тако тех от порока идоложертвеных отвести, гонителей обольстити. то уведев святыи Сава возгласив всем. Аще кто вкусит мяс сих християнин быти не может.

 

Вопрос 20. Кая нужда заставила поморцев, и прочих сектаторов, сицевое имя расколниче скверное прияти, а преславное имя Христово, еже есть християнин оставити.

Ответ 20. Ипполит рече. Ибо тогда связани вещьми житейскими, и желанием века сего, тии удобь приступят к диаволу. Катихизис Бол. 2-я вина, ея же ради отступят от веры, возлюбят мира сего славу, и красоту, и всякое наслаждение его, нехотяще лишитися тленнаго своего богатства, еже приобретоша, желающе еще болше избыточество получити, телеснаго ради питания, и прочих миролюбных вин, бегающе нищеты и утеснения. Книга о вере, глава 30. И многих прельстит и отлучит от правды, или паче тех кто любит скверное житие, ныне преболее тии от святыя церкве отпадают, иже не хотят уским путем ходити. Святыи Мелетии рече [послание 10]. Аще кто хощет прославитися и возвыситися, то инако невозможно, точию отступлением веры, отдатися ему совершенно, да всеми частьми благочестия сосуды праздны будут, точию сосуды таиники в конец высоты достигнет.

 

Вопрос 21. Что значит имя секты, ею же ныне сектаторы пишутся.

Ответ 21. Имя секты все едино еретическое. или расколниче токмо латинским названием секта. Что еретик, что расколник, что сектатор, едино и тожде, зри в словаре и в лексиконе. Аще римским языком схизматик. аще словенским расколник, аще греческим еретик, аще латински сектатор. Апокал. зач. 52. стих 19. С нами мнятся чинитися, и к своему чину приступити не дерзающе. а на поле перевод. Чину стоит секте, людие показующеся июдеи и они чин сиречь секту веру свою имут. Книга Альфа глав. 9, лис. 75. Книга Кирил. лис. 190. Зерцало богословие лис. 85. Тии себе яко злодеев шукают, яко бы в лести до того света могли, вымышляюще секты по воли сердца своего, а не по воле Божии и закону его. Книг. Месия правдиваго, лис. 108. Бо толко едина кафолическая вера между християнами правдивая. А инии веры суть фалшивыя еретическия которыя разныя секты заховают, а мы православныя кафолики, за християн их не маема, але еретиками их называема, и от церкви выкланяем и отлучаем. лис. 16. рече християни[?нрзб.]. Горою сионскою тут церковь называет. которую Христос наукою и чюдами своими возвысил над всеми секты еретическими яко на всех гор. Тако и ныне сего имени миновать никому невозможно.

 

Вопрос 22. Како подобает ныне глаголати на вопрос …[нрзб.].

Ответ 22. Слыши повесть прекрасную, от книги Зерцала душезрительнаго. Рече плоть души, претерпи укоризну досады, и поношение, и хуление, и покор, подражание, и насмеяние, душе моя оплевание умети, злородна, и нища, и не мужествена, и безумна, и злообразна. И нарекут тя вшей полна, многа должна, и скупа же, и безрукавна, и безгашна, и худа, и клеветника, и ругателя, и пияницу, и лукава, и прелюбодея и клятвопреступника, и оболгателя, и иная сим подобная. Аще тебе речет кто вся приемля. Еретика же тя нарекут се да не приимеши. И речешы яко несмь аз якоже ты глаголешы; Аще приимеши, отверхся еси Христа своего. Еще зри Патерик азбуч. в знамение аз. о авве Агафоне. и книг. Феодора Студита [глав. 2]; обаче яко аще речет кто о мне зле истинствуй, кроме еже не еретику ми быти, и прочее радуяся о глаголемых. Посему видимо что ныне никто не убежит имя секты, в коем заключается отступление веры Христовы, а еретиком ни глаголют дабы ни страшно было.

 

Вопрос 23. Како повелевает закон нарицатися и исповедати себе пред нечестивыми во время вопроса.

Ответ 23. Предисловие Псалтырь. Первое дано нам имя новое еже зватися християнин сие слово и имя неизменно, небо и земля мимо идут словеса же Моя не предут. В деяниих святых апостольских писано во Антиохие ученицы на соборе вси единым именем наречени християне. [Барон. в лето 43] Бысть собор во Антиохие и тамо вси наречени християнами, а кто инако речет той несть Божии. Книга Петра Дамаскина, лис. 44. Якоже рекл еси Господи некоему от раб Твоих, яко велико есть наречеся на тебе имя Мое, еже есть християнин, болше небеси и земли, да точию не отлучен буду от наречения имени твоего; Василии Великии рече [бес. 10]. По образу нашему и по подобию имать еже словесен быти, а по подобию еже християнину быти.

 

Вопрос 24. Сектаторы подписались ни учить ни крестить. Что законно ли они тако сотворили, или ни.

Ответ 24. Ето всех преступление болше, ибо сам Господь глаголет, своим учеником, шедше научите вся языки крестяще их во имя Отца и Сына и Святаго Духа, и блюсти вся елика заповедах вам. А сектаторы подписались ко указам со отречением не учить и не крестить, сие яве противно святому евангелию, и донога себя раздели. Сие преступление и к Богу нечестие. Чего во вся времяна, и во всех сего не бывало, что не учить и не крестить, и никогда тако ни писалися православнии; Аще и мучение терпяху, и паки учаху и крещаху. Зрите свидетельство, книг. Кирил. лис. 332. Аще погании царство земное держат и владеют ими, но верою християнскою един царствующии Царь Господь владеет. А по вашему действу конец прият закон новыя благодати. а по писанию[?нрзб.] закон новыя благодати конца не имать, но вечно пребывает. Что же есть закон новыя благодати. яве[?нрзб.] же разве не оскудети роду православных християн раждатися духовне чрез купель святаго крещения, и воспитатися[?нрзб.] млеком словеснаго наказания от источника святаго писания; якоже научаемся от жены страждующия виденным во Откровении, святаго евангелиста Иоанна Богослова. Коя в болезни раждает чада мужеска пола, сиречь верныя люди сластьми неослабленныя; Ибо святыи Андрей, ясно о ней рече, что святая церковь, православная конца не имать, даже до Христова пришествия. А что луна под ногами ея, то есть святое крещение, а на главе венец от звезд 12, то есть, 12 апостол учении; а два крыла, есть два закона, ветхии и новой, а облечена в солнце, то есть во имя Христова. и парит в пустыню, от лица змиева, и там питается всякии прохладныя сладости учения Христова, …[нрзб.] убо, и в пришествие антихристова наипаче. Аще в нужде ей быти, а приписует ей исполняти. Якоже Лука евангелист рече. Не прейдет род сей дондеже вся сия будут. Толк. Род не тогда сущии глаголет, но род християнскии верный, являет церковь, всея твари есть честнейши.

 

Вопрос 25. Когда сектаторы подписались в расколницы и не учить и не крестить.

Ответ 25. В 1724 года, месяца сентября 24 дня. Бысть указ гласяще сице, на тя на[?нрзб.] расколников записных двойной оклад положен и они записались, однако не для того чтобы они свою раскольническую прелесть рассевать могли, и других учить, но токмо двойной оклад положен, за то что по упрямству своему обращалися ко святей церкви. и в соединение с православными быти не хотят, того ради всех расколников обязати скасками с подтвержением и лишением имением и ссылкою на галеру. что хотя за непокорение их к правоверию, попущено двойной оклад, однако в том да будет сам кто записался, а других о той прелести и разговоров учении, ни токмо посторонним, но и в своем дому живущим никому ни произносить, никакими способы, к той расколнической прелести не привлекать, и потаенных учителей расколнических в домы к себе ни принимать, и противных правому учению книг, на болшей им прельщение и других на соблазн, как писменных так и печатных отнюд у себя не держать, а где потаенныя и незаписныя расколники, и расколническия книги ведают объявлять без всякия утайки. Видите ли сектаторы к чему подписались. Како зверь всех святых обругал своими богохулным указом, и охулил селение всех живущих на небесех [сиречь в церкви живущих незаписных в раскол], и нарек потаенных расколников (сиречь истиных учителей незаписных в раскол имать их ссылать на галеры). А святыя книги порек соблазном и прельщением, а учение истиное евангельское, нарек расколническую прелесть, и путь погибельный. Видите ли хулу зверину на Христа и на святых Его. А вы его хулу облобызали, и своеручно подписались, и выполнять обещались, его зверино богохулной указ. И вот стали вы со зверем заединьщики, и едины зверины уста хульныя на Христа на верующих вонь. Вот зрите все сектаторы свое исповедание и корень, весь згнил.

 

Вопрос 26. Сектаторы глаголют, ето не мы записались но отцы нашы, а мы неповинны есмы, право ли они глаголют, или ни.

Ответ 26. Слышите беднии, а крещение ваше не от иных ли отступников, кои во всем последовали звериным богопротивным указам. Слышите святаго Никона глаголюща [лис. 140 об.]. Всяк приемыи от Бога разум последуя неискусну пастырю без муки не будет. [Бесед. лис. 144] Единым человеком грех в мир вниде таже и смерть. Толк. Златоуст. Помысли колико время в смерти род наш, единаго ради греха 5000 лет. и множае преидоша. И смерть еще не разрешена. В Царствах глава 24 [Парап. книг. глав. 21]. Воста диавол на израиля. и наусти Давыда до сочислит израиля, и на то Иоав сопротивляшеся, еже бы вменилося царю в грех. обаче слово царево преможе Иоава. И сочисли израиля. И посла Господь гнев на Давыда, и погуби, 70 мужей, за грех единаго Давыда. И ныне да умолкнут сектаторы глаголющих яко мы неповины.

 

Вопрос 27. Чему достойни сектаторы подписались книги отбирать.

Ответ 27. Баронии в лето 302[?нрзб.]. Но зело мнози сицевых бяху иже таяху книги, и за них умираху. И Диоклитиян кесарь на всяк месец 17000 убивал, Иупл диякон за то замучен, за книги, и Филикс епископ. Тако тогда християне, все заедино судиша что Христа отступить, и что книгу предать суду. Тако и сектаторы подписались книги суду предавать, сие подобно бысть при Антиохе образе антихриста.

 

Вопрос 28. А како отцы поморския, и прочие сектаторы во всех указах подписались християн незаписных суду предавать, то есть свою братию которыя под раскол ни писались а укрывались от мучителей. Законно ли оно творят, или противу закона.

Ответ 28. В Кормч. есть правил., заедино церковь судила тогда и ныне. Что человека предать, или от Христа отступить, 4 года да отлучится от причащения. И паки есть правил. предающих пути и домы вовеки не причастить разве при смерти. зри месяца декаб., 5. Во обители святаго Савы, егда шедше варвари, един воин приступил к единому брату, вопрошая где прочии братия. Он же рече знаю да не скажу. За то усечен бысть. И паки декаб. 4, в житии святыя мученицы Варвары. Егда вопроси отец некоего пастыря, где такая та бежащая. Он же перстом показа на место. и абие окамене и вси овцы его. Видите ли сектаторы к чему вы подписались. Не явныя ли вси вы защитницы зверины.

 

Вопрос 29. Какое на то есть пророчество егда сектаторы подписались по указу в ревизию под раскол.

Ответ 29. Первое егда Россия пала, а сектаторы вси записались в ревизию под раскол. Тогда и бысть по Исаию пророку земля пуста, то есть всея благодати лишились, а гради огнем пожени, то есть мучительским повелением; и исполнилось пророчество святаго апостола и евангелиста Иоанна Богослова. Паде паде Вавилон и бысть жилище бесом, то есть обои власти пали, а бысть жилище бесам в душах отступнических, егда римская власть взялась от среды, тогда антихристово началось властельство, то есть отступническое мучительное ныне властельство. Егда исполнилось число зверя 1666 лето тогда бысть вся вселенная яко едино тело отступниче, и яко един дух. Тако рече святыи Ипполит. Вси во единой воли будут и поставят его царя. то есть во всем свете царствует пр..[нрзб.].

 

Вопрос 30. Было ли прежде в православных когда бы кто подписались ни учить и не крестить.

Ответ 30. Егда были апостоли во июдеи, тогда им июдеи возбраняху еже слово Божие отнюд ни проповедати, по всей[?нрзб.] июдеи. Вопросиша их глаголя не запретихом ли вам слово не глаголати о имени сем, иже исполниша Иеросалим учением вашим, и хощете навести на ны кровь человека того, и отвеща им Петр апостол глаголя веровать подобает Богу паче нежели человеком. Вязаемы убо апостолов руце а не язык. язык никто связати не может, токмо боязнь и неверие. Видите ли сектаторы како християне отнюд не творяху якоже вы сотворили, всего благочестия лишились, подписались ни учить и не крестить, сие явное нечестие ваше.

 

Вопрос 31. Сектаторы учат, всяким властем покарятися и всегда, аще и веру повреждают.

Ответ 31. Сам Господь рече [Никон слов. 17, в конце], ему же дань дань, ему же урок урок, ему же страх страх, ему же честь честь, кроме проповеди. Аще что таково будет проповедь повреждающее нектому дань кесарева, но дияволя сицевая дань. Аще царь над человеки царствует, а над собою же имать царствующия грехи сребролюбие неправду лукавство гордость, и ярость, а паче же всех неверие, и хула на Бога, таковыи царь не Божии слуга но дияволь [Иосифа волок. слово 7]. Ниже. Сему свидетели пророцы, и апостоли, и мученицы не покоряхуся нечестивым царем за то и замучени быша. Послание Ламеха папы благочестиваго к царю нечестивому Анастасу [Барон. в лето 505]. Речешы всяким властем повиноватися, мы власти приемлем дондеже на Господа не возносятся; Аще всякая власть от Бога, яже над Божиими вещьми поставлена есть. Почти ты сие еже Божие в тебе есть. Видите ли поморцы, и прочие сектаторы, како святии отвещеваху нечестивым властем. А вы ответили, мы твоего благочестия не испытуем, но за твое православие Господа Бога молим. Ето явное заблуждение и прелесть.

 

Вопрос 32. А что аще отец, или матерь, сами неверни, и прочим в семействе, повреждают веру, то подобает ли их послушати, или ни.

Ответ 32. Евангелие. Она же остависта корабль свой и отца своего Заведея. Толк. Сей отец Заведей, апостолу сею, Петра Иоанна и Иякову, является яко неверовав Христу, сего ради и оставиша его, егда убо повреждают добродетели и благочестию, отец или мать, или чада, или друзи, то оставити их подобает, и не токмо оставити но и возненавидети их яко врагов истины.

 

Вопрос 33. Что вси сектаторы глаголют, яко нынешняя ревизия все едино, что и при Августе кесари была, в нюже сам Христос писался. И глаголют яко несть вреда писатися в ню. Правилно ли они глаголют, или ни.

Ответ 33. Спросим их. 1-е, Было ли тогда в той ревизии всякому человеку одержание еже не отлучитися мира и всех яже в мире, и не можите того показать, аще кто куды хотел странствовать во образ Христа Спасителя, то отнюд того ни воспрещалось. А ныне не тако, но крепко к своему месту привязан; даже они сами глаголют. Кн..[нрзб.] Михаило Ломоносов слово похвалное пишет Петру первому. Прежде рече не пресечено было в Россие свое произволение, кто куды хотел преселятися или странствовать, во образ Христа не воспрещалося. А ныне превратил премудрый герой, описал нас каждую душу, и ограничил нас каждаго во своем жилище. 2-е. Не брали тогда паспорта для прихода. аще пройдет[?нрзб.] того срок и не сажали в темницу, яко злодея или некоего злаго преступника. 3-е. Не спрашивали тогда всякую душю какой ты секты, якоже ныне минуть никому нивозможно. 4-е. Не забривали тогда в военную службу со отступлением веры. 5-е. Тогда кесарь ничтоже заповеда противу закона Моисеева. Отселе да умолкнут ваша уста глаголющие неправду.

 

Вопрос 34. В какое таинство бысть при Августе кесаре ревизия.

Ответ 34. Первое зри [Лк. зач. 5]. В те дни изыде повеление кесарево во всю вселенную, сие первое написание было. Толк. Того ради написание бысть да всем сшедшися во свое отечество, и тамо роди Господа в Вифлееме, да збудется пророчество. Лепо же единому Христу преставити многобожие, и единому держати кесареви. Написуется же и Христос со всеми, да освятит написанныя и разрешит работу естества нашего, и сотворит яко сынове свободны. Слава на возвахах. Августу единоначальствующу на земли, и многоначалие человеком преста, и многобожие идолом упразднися, и под единым царством мирским гради быша, и во едино владычество божества языцы вероваша, описашася людие повелением кесаревым, написахомся вернии именем божества. Видите ли, а не именем расколника или секты. И паки в каноне, 1-го творца песнь 5. В рабех кесаревым повелением написатися покорся, и нас рабы суща от грех свободил еси Христе.

 

Вопрос 35. Все ли Господь повелел верным своим творити что сам творяше.

Ответ 35. Аще во всем будем на Христа полагатися что Он творяше, и мы будем творить, то велико неудобство воспоследует ко спасению, и всем ересям дверь отверзем. Зрите Потребник иноческой, лис. 349. Мы убо к сим речем, много такова суть, еже Христос сотвори а нам не подобает творити, Христос обрезася и суботьствова, а нам не подобает сице творити, Христос 30 лет дождався крестися, а нам не подобает сице творите, Христос на вечери насытившимся ученикам своим иудейская жрети повеле, потом им даде тела совего, а нам тако не подобает творити. Слышим и о сем, что Христос ни сотвори а нам подобает творити. Христос изложение веры, еже есть Верую во единаго Бога, ни глагола крестяся, нам же подобает глаголати. Христос на запад не обратися егда крестися отрицатися диавола, и обещатися Богу, зане сам бе истинныи Бог, нам же сия подобает творити. И многа есть такова писания что есть не подобает нам творити, что Христос творил. Но токмо что нам заповедал сам собою, и святыми апостолы, и священными соборы, тое должно творити со тщанием. А сектаторы яко пиянии, токмо и восклицают Христос писася и мы пишемся. Мы глаголем Христос в яслех родися, нам подобает ли тако творити. Сие ваше безумие, воистину заблудились вси.

 

Вопрос 36. Како православия остальцы разумели о ревизии. писалися в ню или ни.

Ответ 36. Смотрите истории о сибирских страдалцах, како они не соизволиша Петру первому в лето 1722 месяца февраля 25 числа. Изыде повеление от Петра перваго всероссийскаго Императора, во всю империю в грады и страны, и села и провинции; Таково повеление. Дойде и до сибирския страны, в пресловущии град Тоболск, из него и во вся грады и села, и вси сибирскии народ сии указы всеусердно совершаху и исполняху. Во граде же Таре, некоторыя крепко вооружишася не хотяху присягнути, и взыскуеми уклоняхуся. [Ниже:] Абие губернатор Соловой с воины прямо устремися к Таре, Тарскаго полковника, и прочих того града, ят, и оковав всади в темницу. И испытуя таряне лютейшими муками. [Ниже:] Тако и ишимстии, пометающе домы, избегаху, и в то время было до сто тысящь готовых умрети за Христа. Таже бысть[?нрзб.] ответ. Православных. В книги ваши законопреступныя не пишемся, и хотящим спастися никому не советуем, творите с нами что хощете, ибо записаны мы в книги животныя. на небеси у Царя Небеснаго. Тогда кажду душу приписывали к месту и согласию бысть нидвижиму никуда.

 

Вопрос 37. Есть ли на то ясное доказание от писания, что ревизия хотящим спастися зело вредна.

Ответ 37. Первое зри Апокалипсис глав. 12, ст. 4. Антиох образ антихристов. Книга макавейская первая глава 1-я, ст. 41. И писа царь Антиох всему царству своему, да будут вси людие едино, да оставят кождо закон свой, и соизволиша вси языцы по слову царя Антиоха. ст. 44. И посла царь книги рукою вестник, во Иеросалим и во грады Июдины, да пойдут во след законов чюжих земли, и возбранят всесожения и суботы, а иже аще не сотворит по слову цареву да умрет. Посем словесем своим написа всему царству своему, и постави надзиратели над всеми людьми, и повеле градом Июдиным пожрети во всяком граде, и собрашася мнози от людей к ним, и всяк оставивыи закон Господень. И сотвориша лукавое на земли, и положиша Израиля в тайных во всяком убежище. Книг. 3, глав. 4, ст. 12. И написа всякое колено по имени, бысть же сих написание с горким тщанием, и любочестным председением от восхода солнечнаго до захождение, и не возмогоша конца сотворити во днех 40-ти. ст. 14. По преждереченном же времени растоянии, возвестиша книжницы царю, яко никакоже к тому могут описати июдей бесчисленнаго ради множества их. Егда запрети жесточае, аки дарами на то подкупленым на коварство избежания, случися им известнее о сем его уверите, глаголющим с показанием яко и хартии убо оскудеша, ихже употребляху оскудеша. Книг. 3, глав. 3. Аще кто скрыет июдеина, да замучен будет, а кто возвестит, той свободу получит и увенчается, и 2000 драхм от царскаго сребра да дастся им за предательство. Видите ли сектаторы что при Антиохи бысть; Тако и при Петре было. Тако и ныне творится.

 

Вопрос 38. Что православному християнину аще поити в военную службу, браду обрить и власы остричь, и присягу принять, чтобы верою и правдою служить царю, якоже ныне вси сектаторы творят, законно ли, или противу правил святыя церкви.

Ответ 38. Ето всякому известно, что брадобритие ересь[?нрзб.] проклятая соборами, и все равно что браду обрить и Христа отступить. [Кормч. лис. 261] Аще кто сам пожерл и иных понудил[?нрзб.]. 10 лет покается. А сектаторы сами нейдут но иных[?нрзб.] нанимают, яко бы грех самому. но раба своего нудит[?нрзб.], таковым, 10 лет епитимия. И паки зрите како[?нрзб.] святии мученицы страдали за брадобритие, месяца апреля 14[?нрзб.] Антонии, Иоанн, и Евстафии. И паки нужно взойти смотрение. Аще ваша чада единокровныя, и единодуховныя. А они наутре же приидут прямо к тебе же ..ну[нрзб.] разорять, и книги священныя обрать. что ваша церковь такия ли чада раждает, которыя яко ехидны растерзают[?нрзб.] утробу матере своея; на сие ли святыи Ипполит рече ясным гласом. яко антихрист соберет бесовския полки на взыскание верных, и тии приведут на поклонение себе; якоже в Синоксаре речеся. Благочествовати изволившии далече их избегнут. Он же в горах их обрет с бесы искусит.

 

Вопрос 39. Сектаторы сице что творят. Аще еще кто не записан в секту, а пожелает креститися, а они первое попа призовут и крестят, а после его, еще сами повторяют, и глаголют крещение все очистит.

Ответ 39. Апостол глаголет о неких еретицех глаголющих сице. сотворим зло да приидут благая, сице и поморцы творят, в разу..[нрзб.] приступают к вере, яко должника Духа Святаго имут, да очистит их отступление, сие чюже есть всему писанию, сперва приступить к дияволу, а после ко Христу. И паки приводят правила, аще кто идолом пожерл, а по крещении неповинен. А сие правило к вам отнюд ни прилично, ибо там о таком писано которыи ничтоже ведал благочестия; а вы вси знаете никониян что они еретики и отступники, а приступаете ко врагам Божиим.

 

Вопрос 40. Сектаторы глаголют, мы не идолом кланяемся, ниже от веры отступаем, но токмо аще вопросит поп, были ли на духу и причащали ли. они глаголют были на духу и причащались, как сие разуметь.

Ответ 40. Аще кто обещался пожрети идолом, а не пожерл, 3 месяц да покается. Понеже преблазни мучителя обещанием. Аще не идолом пожерл ибо еретицы ничем же лучше поганых язык незнающих Бога, во вся роды погибели предадятся. Все едино есть идолом обещатися пожрети, что причастие еретическое обещатися принять единаче Христа отвержение. Аще кая душа, приимет от еретик крещение или покаяние, или молитвы, или что духовное или телесное брашно, или милостыню, или благословение, и таковых же бесове яко своих имут [Из Собор. Афонас. Велик. Досифея ученика его].

 

Вопрос 41. Что по случаю бывают зборы церквам еретическим на украшение, или отопление, и на то вси сектаторы помогают, законно ли они тако творят.

Ответ 41. Кормч. лис. 25, прав. 7. Аще который християнин, принесет масло или свещу в соборище еретическое, или жидовское, в поганскии праздник их, или свещу возжет да отлучится, священник да извержется. зри Кормч. прав. 25. Святии мученики отнюд ни созидали храмов идольских но сожигали, и со землею соравняли.

 

Вопрос 42. Сектаторы, наследие свое пишут еретиком; а они еще неверни, законно ли оно творят, или ни.

Ответ 42. Никон Черн. гор. лис. 152. прав. 85. Аще епископ или простый. егда умирает и пишет наследие еретиком сродником своим да будет проклят. Видите ли вы что содеваете и во всем вы свое здание разрушаете. В чем еще ваша надежда ко спасению. Воистину вы беднии окрал вас сатана, лишил богопросвещеннаго разума, и лишил вас пищи совершенныя, и дал вам ясти пепел от житейских прахов. Погубил души ваша с гладу. и не получите вы душевную отраду.

 

Вопрос 43. У поморцев по главным местам и моленным егда молятся. тут нечестивыя власти стоят и назирают. то законно ли они творят, или ни.

Ответ 43. [Кормч. глав. 10, прав. 6] Несть достоин еретик в церковь Божию входити, аще Василии Великии Уалента царя еретика прият в церковь, тогда еще правило сие не изложено было. Еще смотрите ка..[нрзб.] како святии с нечестивыми поступали. зри 4-го сентября, святый священномученик Вавила, нечестиваго царя Улиана како возбрани внити в церковь, укорил всячески. а егда приступи царь ближае к дверем, тогда святыи такову дерзость показа десницею к персем царевым приложи воспящаше его и отреваше, от Божия храма, даже и возвратитися царю со студом вспять[?нрзб.]. Видите ли поморцы что содеваете, даже и во всем правила преступаете. Увы вашего неразумия, и совершеннаго и конечнаго безумия. Вы токмо на свой корень уповаете, а правило вкнец разрушаете. Лучше бы писанию поучитися, и на путь истиныи возвратитися. святых явная картина. что мирская жизнь вас ослепила.

 

Вопрос 44. Сектаторы глаголют у нас ни церкви, но моленныя сего ради к нам сия правила ни приличны. Правилно ли они глаголют, или ни.

Ответ 44. Соборная церковь не стены суть, но правила, и божественных отец учение. Матфей правилописец во объятие всех правил глаголет, храмы Божия почитаем, и яже в них собрания, яко полезная лобызаем, ни в храме затворяем благочестие. Святых апостол прав. 9. Аще несть мощно собиратися в церкви неверных ради еретик, в дому да собираются на пение: О епископе да не внидет благочестивыи в церковь нечестивых. Бес. лис. 477. И о домашней церкви, толк. Златоуст. Такови быша благочестивии, яко и дом церковию сотворити, за еже сотворити верным, за еже странным двери отверсти им, ниже бо домы обычае просто церкви нарицати. Аще не бы многое благоговении, и многии страх вкоренен в них был. Книга О вере, лис. 19. Не стены и покров церковь именуется, но вера и житие. Книга Кирил. лис. 331. Ибо от оград и престол апостольское величество состоится и власть, но церковь, от догмат правыя веры и жития божественнаго.

 

Вопрос 45. Что сектаторы вси, обычаю елльлинскому последуют, в табельныя дни огнь в плошках вжигают в честь царя. Законно ли творят или ни.

Ответ 45. Кормч. 2-го соб. прав. 7. Обачаем ельлинским внимати, и пред домы своими огни творити. Аще епископ, или презвитер. се творит да извержется. Еще Номоканон. прав. 25. Сице глаголет. Верным последующим елльлинском обычаем. плясанию на браце, или, русском гласом, и проч. или огня запалением на стогнах. яже творяху ельлины древле. а ныне видим и християнскии дети сия творят. Священных убо извержению, людинов отлучению предает. Зри Баронии в лето 200. Изшед убо в Галлию Севир, Албина, его же товарищем своим сотворил было, победи и уби. и возвращься в Рим с великим торжеством бе прият. Римлянны и во окнах свещи зажигаху, и огни на стогнах возгнещаху. врата своя цветы украшением венчаху, и иная увеселения и пирования излишная, чести ради кесаревы творяху. Сего християне не творяху, во всей честности и благоговении и в воздержании пребываху, дабы о себе мнение не дали, яко божество некое кесарю приписуют и обычаю ельлинскому в беседах приобщаются. [Барон. лет. 201] Ибо Севир тех изби не за то что християне, но занеже чести не принесоша царю, паче подобающия. Видите ли сектаторы где ваша церковь, где ваше единомыслие со святым писанием.

 

Вопрос 46. Сектаторы глаголют. Мы аще де и преступаем правила. а покаяние за то приносим потому несть повинни[?нрзб.] остаемся. Что правилно они глаголют, или ни.

Ответ 46. Аще вы за отступление каитеся, то смотрите [Кормч. лис. 261. прав. 7]. Аще ли кто отступил, и Христа отвержеся, и потом паки исповеда и доблественно пострадавше и подвигшеся со всякою радостию и веселием приобщимся. Да возвеселившеся силнее будем. Зри апрел. 14. Святыи мучен. Иоанн и Антонии, а един из них отступи, и паки покаяся исповеданием; Пролог дек. 11. Святыи мученик Миракс, тожде отступи, и покаяся. Вот вы и покажите. кто у вас исповедал истину, несть никтоже и нигдеже. Аще же вы глаголите что каитеся, спросим вас о чем вы каитесь. о том ли что в расколники записались. да вы и повсягодно пишитеся, и за грех не сщитаете, и глаголете что раскол добрая вещь. Аще глаголете на Петра апостола отвержеся святыи Петр 3-жды, во дворе каиафином, а покаяся в рове галилейском, и паки то отнюд не творяше о чем каяся, и паки трижды обещася Христа любити. А вы помраченнии отступили Христа во дворе каияфином, сиречь в миру, и не идете каятися во двор галилейской, якоже Петр. А паки каятися во дворе пред отступникам, паки пред жидами, якоже Июда, христопродавец обратися со сребрениками к жидам; такожде и вы все писание по своей немощи превратили, и кривизны свои вси оправдали. Слыше святаго Ипполита глаголющаго, аще кто печать его принял тому несть покаяния яве погибе от Бога и от человек.

 

Вопрос 47. Сектаторы нарицаются, овы феодосеовы, а овы филиповы, овы андреевы, а ины, аристовы; и прочими разными названием нарицаются сектаторы, кто в помория, а кто в австрию, а кто в нетовщину, и прочим названием. Что законно ли они творят, или против закона.

Ответ 47. Апостол зач. 166. Аще кто не любит Господа нашего Iсуса Христа, да будет проклят. Толк. Сим словом всех устраши, еже тая творящим блудничи уды, братию соблажняющих идоложертвенным, и иже от человек именующихся, и воскресению неверующе анафема. Анафема глаголет да осудится сатане во огнь геенскии. Афонасии Вел. слово 2 на ариан глаголет.

 

Вопрос 48. Сектаторы глаголют. И при самих апостолех сие было, а овыя нарицалися Кифины, а овыя Павловы, а ины Аполосовы. А при трех святителех, при Василии василияне, и григорияне и иоаняне. Что правилно ли они глаголют, или ни.

Ответ 48. То что было тако во граде Коринфе при самом[?нрзб.] Павле апостоле, тогда Павел им зелно отрече тако нарицатися. Глаголет к ним. Еда ли в Павлово имя крестистеся, еда ли Павел за вас распят. Аще на сих столпах не подобает нарицатися имя колми паче на прочих. Видите ли поморцы и вси сектаторы, ваша явная прелесть разрушается. А о трех великих светилниках, зри Пролог 30-го генваря. Они вси трие явишася народу и епископу, и запрети тако именоватися, глаголюще мы все едино о Господе у престола славы равно предстоим. Видите ли свою ошипку, а наипаче же рещи ересь. Ибо сие за грех не почитаете[?нрзб.], но паче и красуитеся своим нечестием.

 

Вопрос 49. А како дозволено, и законно уставлено нарицатися от церкви имя святое.

Ответ 49. Предисловия Псалтыри. Первое дано нам имя ново, во еже зватися християны, сие слово неизменно, ибо и земля изменится, а сии слова не изменяются. Еще в Бароние в лете, 43, там писано ясно: Бысть во Антиохие собор святых апостол, и тамо крепко уставлено всем единым именем нарицатися християнин. Аще кто инако речет той несть Божии. Аще не Божии то яве диявольскии. Аще сектаторы и глаголют, что Павел нарицался, римлянин, и киликианин. Сие до собору бысть. А впрочем еще тогда сие имя римлянин. от церкви ни отторженное; да еще не такое якоже расколник или сектатор. Яве[?нрзб.] святии никто от мученик и исповедник, тако нарицахуся. Но яве християнами себе нарицаху. А не тако якоже сектаторы нарицаются по еретически расколниками.

 

Вопрос 50. Которым ересем подобны поморцы, и вси сектаторы тако нарицающиися.

Ответ 50. Афонасии пишет на ариан, в книге Григория Богослова. Тем же опасно[?нрзб.] да весть. всяк человек иже Христове вере, жити[?нрзб.] хотяй. (должен християнин нарицатися). Яко всяка вера, во имя человече именовася. глаголю же от Симона симонияне, от Ария ариане, от Маркиона маркиониты, и прочии ереси такожде, еже от человек именуемы, несть Божии, и несь Бог в них. Аще бы Божии были, то не бы именовашася человескими именами. нам убо похвала соборная церковь, еже самим именоватися християнин. и прочим яве проповедати. тако же от святых апостол прияхом. А ныне вси сектаторы, имя расколнич. на ся прияли, а имя християнина, ногами попрали, и того ради вси врось.

 

Вопрос 51. Поморцы антихриста Iисуса разумеют, право ли сие толкуют, или ни.

Ответ 51. Сие всему писанию противно, еже бездушную и недвижимую вещь антихристом разуметь, писание глаголет антихристу в человеки[?нрзб.] при смысле злобы быти, и власть имущему мучительскую. Аще глаголет Иоанн [зач. 17]. Аз приидох о имени Отца Моего, не приемлете Мене. аще ин приидет во имя свое, того приимите, той бо вам славу мира возда[?нрзб.] ея же вы ищите. Видите ли сие о человеке Иоанн глаголет. А Iисус како славу возвестит, ни существа ни ни образа не имеет и несть. Это явная прелесть тако разуметь. И паки Иоанн рече. Дети последняя година, (яко слышити) яко антихрист грядет, и ныне антихристи мнози. Сие о прежних еретиках рече. а последняго яко наистарейшаго всем именова. Антихрист родится от колена Данова. антихрист сядет на римском власти. антихрист похитит человеческую и Божию власть. антихрист от седми царств осмыи будет зверь и востанет на погибель. антихрист пошлет в горы и вертепы на взыскание верных бесовския полки. и паки святыи Ипполит рече. Сотворит себе началники от бесов[?нрзб.], и не покаряющихся антихристу, томлением и неисчетными муками изнурит, и приставники приставит немилостивы на всяком месте творити волю его. Видите ли поморцы и прочие сектаторы, святое писание, как ясно отражает имя Iисус; Но выводя на власть мучительскую и царскую. сиречь злобу в[?нрзб.] существе человека его глаголет, а не бездушную вещь чернилом начертаную. Сие явная ересь составляете, и святое писание презираете.

 

Вопрос 52. А иногда сектаторы и отступление антихриста разумеют, право ли они глаголют или ни.

Ответ 52. Отступление речь, не ино что токмо слово нагое.  А нужно развернуть разум, ибо отступление, не бо при древе или при камни, но пред человеках плотию обложенных, того ради и рече Златоуст. Отступление того самого антихриста нарицает. Сие рече Златоуст, не о частном отступлении, но о всемирном, и паки рече Златоуст. Егда римская власть возмется от среды тогда антихристово зачнется властительство. Сие речение мощно принять без сумнения римскую власть нарече царя и патриарха. Егда отступил царь Алексей Михаилыч, и Никон, тогда и взялась римская власть от среды, то есть, от всея вселенныя, и началось мучительское царство отступническое. А что глаголет Златоуст, нападет на безначалие, сие глаголет о том, егда видит сатана что уже вязать его стало некому, понеже священная власть убита, тогда укрепилось отступление, и бысть яко едино тело, и един дух. того ради и рече Златоуст, человека греха; то есть грех ни вяжется, и ереси ни проклинаются. сие глаголет безначалие.

 

Вопрос 53. Како сектаторы иногда и Никона патриарха глаголют быти антихриста, правилно ли они глаголют.

Ответ 53. На сие прямое есть писание и растолковано. Зри Апокалипсии глав. 13. И видех инаго зверя от земли исходяща имуща рога два подобно агницу. сладок[?нрзб.] кажется. а сокровенныи волк, а в кожи овчи, убийственное прикрывающе. Сие явна святыи Андрей растолковал на лжепророка. его же антихрист учинит предотечию, яко же Иоанна Крестителя. Сего ради сия порода то духовенство, никого ни мучит но благоговейно себя притворяет, и покрывает внутренняго волка яко овчиною. (и тмами на то есть писание) …[нрзб.] антихрист ни духовная власть но гражданская, которая и духовною распоряжается и везде верхь занимает[?нрзб.], того ради и рече лжепророк. Аще кто ни поклонится образу зверину убиены будут. Видите ли ясное разумение, ни рече лжепророку, но зверю седмоглавому и десяторожному из моря исходящему. И паки святыи Ефрем глаголет. И грядуще от конец земли на видение мучителя, и многи поклоняющеся пред зверем вопиюще и глаголюще яко ты еси спаситель наш; Видите ли несть[?нрзб.] пророку, а зверю седмиглавому, и десятирожному. (ниже)[?нрзб.] Аще кто имать на себе печать мучителеву купит мало брашна. Видите ли печать мучителеву, а не лжепророка. А сектаторы толко и жуют крещение печать антихристова; Этого в писание ни единой строки нет того что лжепророка печать. Тут прямое писание, зверь сотворит и запрение креста, и отвержение Христа, зверь и уста зашиет, зверь и отсечет десных дел действа. И зверю сему непокаряющихся томлением и неизчетными муками изнурит. А сего лжепророка токмо ереси составляти и антихриста защищати и глаголет всем живущим на земли поклонитеся первому зверю. И сего ради бысть ему антихристом невозможно.

 

Вопрос 54. Кто есть антихрист.

Ответ 54. Бесед. апостольския зач. 275. Златоуст глаголет. Кто убо сей убо ли сатана никакоже, но человек некии, всякое егово приемляй действо. Апостол толк. По подобию Спасову грядет сатана человек всесовершен, и открыется человек беззакония, человеком беззакония самого того глаголет антихриста, не бо сатана есть антихрист, но человек послушествуем от сатаны. человеком же греха того зовет, яко той множае согрешит и инех принудит. Иоанн Дамаскин, глаголет. Не сам убо той диавол будет, по подобию Господню вочеловечению, не буди то, породится человек от блуда, и приимет все действо сатанино. Святыи Ипполит рече. Во образе человечи явися Господь, и той во образе человечи изыдет. Триодь пост. Не сам диявол в плоть претворится, якоже глаголет Иоанн, но человек из блуда родится и все действо дияволе подъимет, и напрасно востанет и угодит людем. Книга о вере, тоже рече. А той антихрист человек будет, и подъимет все действо сатанино. Видите ли сектаторы, ваш антихрист Iисус упразднился.

 

Вопрос 55. В какой персоне антихрист.

Ответ 55. Святыи Кирил рече [знам. 1]. Сие назнаменовано явственными глаголы. яко и простейшии человецы видяще и слышаще разумети могут. яко антихристу предотечами его место самодержавное царское мира сего уготовано будет. И паки Ипполит рече. И вси во единой воли будут, и поставят его царя. Апокалипсис глав. 12. Антиох образ антихристов, и Нерон образ антихристов. сии два мучители мало в злобе осташася от антихриста. Видите ли аще образ царь и мучитель то колми паче нужно быть самому антихристу в том же подобие; и паки Апокал. глав. 17. Святыи апостол евангелист Иоанн Богослов. И видех седмь глав на звери, сей есть седмь царей на звери. 1. Нилу асирийское, 2. Арваку мицкое, 3. Киру перское, 4. Новходоносору вавилонское, 5. Александру македонское, 6. Ромилу ветхоримское, 7. Константину новоримское, 8. зверино пагубное, на погибель человеком приходящее, яко во едином телеси суще. Последнее мучительство, римское царство разоряюще, от сего познавается. что антихрист не в духовной власти но в гражданской.

 

Вопрос 56. Сектаторы вси знают что последней ныне антихрист отступление. А ко отступникам приступают и просят место для моленны. Что законно ли они тако творят, или ни.

Ответ 56. Кормч. прав. 11. Аще ни в дому купно ни в церкви собиратися несть мощно, кождо себе да поет да почитает и молится. А тож несть повеления, чтоб ко отступникам и хулникам припадать, и храм моленной просить у антихриста. Зри евангелие свидетельство. Матф. зач. 88. Мерзость запустение антихриста глаголет, на запустение мира и разорение церквам Божиим грядуща. Видите ли не на созидание церквам, но на разорение; А вам созидает. Посему и видится что июдеи Христа не познали, тако и вы антихриста не познали, а поклонились яко богови святому. И паки зрите Катихизис Бол. Первая вина. Воинство антихристова разоряюще церковь Божию. Видите ли разоряюще, а не созидающе. Священная рече под властию ратных престает быти священная [Никон, лис. 171], яко свободныи порабощен бысть, отпущенну же бывшу от беды, восприимет первую свободу. Да когда же ныне будет свобода, егда прииде рать на всю вселенную; В книге Маргарите в слове 3-м на июдеи, Златоуст рече. Оле бестуднии июдеи. от мужа нечестива и отступника Иулияна храма просите, и сквернии в помощь, и на созидание святая святых. Видите ли разума Златоустаго, скверных и бестудных их нарече. А вы чем лучше жидов. У самого зверя последняго антихриста просите место для моленныя. Ето явная прелесть. А что святое писание вопиет, якоже веры списатель, и Ипполит, и прочии глаголют. Антихрист сотворит каменен храм и воставит его июдеом. а православных прелюте изгоняти будет. Видите ли разума светлейшаго. А единоверцам и поморцам и австрийцам, и часовенным, и просто ресчи всем сектарям, дал малыя снеди печати ради своея скверныя, то есть мало закона.

 

Вопрос 57. Где о сем ясное пророчество како сектаторы у зверя место просили и пищи.

Ответ 57. Святыи Ипполит и Ефрем. единогласно глаголют. Приемшии же печать его, и скверныи образ приидут к нему вкупе с болезнию глаголюще даждь нам ясти и пити, яко вси от глада одержими исчезаем, и отжени от нас человекоядныя звери. Видите ли ясно сказание святых отец. Сие пророчество тогда исполнилось. когда Никон древнее брашна все отнял. а новое всем предложил. тогда сектаторам всем отступникам гнусно было прияти секту, и прочия вещи богопротивныя, но животолюбия ради вси поклонились зверю, и глаголют даждь нам ясти и пити, от глада и жажде умираем. И что же зверь им дал какую снедь, сиречь песию стерву дал им, и нарек их сектарями и расколниками, и еретиками; или староверами сиречь жидами. и боле зверь их превождать не стал, и они остались в покое, и повсегодно пишутца у зверя расколниками, и говорят что еще антихриста нет, и не прииде.

 

Вопрос 58. Что есть печать антихристова на челе и деснице. Сектаторы лгут яко бы на челе печать крещение поповское, а на деснице щепоть, право ли они глаголют или ни.

Ответ 58. Веры списатель рече, велие есть безумие оставити готовые глаголы, и глаголати своя. Зри Апокал. гл 13, ст. 17. Толк. Андрея Кесар. На десных убо руках, да десных и благих дел отсечет действо. а на челах, да научит во тме и льсти прелщеныя дерзати. Видите ли вси сектаторы и отступники дерзают, то есть тайнодействуют. а сами вси во отступлении; Сие на челе печать. якоже жиды не познали Христа неведения ради писания, тако и нынешнии сектаторы; Веруют во Христа а вси врось толкуют, печати ради антихристовы не разумеют писание. И паки [Апок.] зач. 42. Аще кто озверившемуся антихристу поклонется, и злочестивое житие содержит, словом или делом, сего проповесть бога. сие бо являти может на руце и на челе даемое начертание, то есть отступление. И паки, святыи Ипполит рече. И вси тесноты ради пищныя к нему приидут, и поклонятся ему, и даст им знамение на руце десней, да никто же честный и животворящии крест сотворит десною рукою своею на челе, но связана рука его будет, оттоле власти не имать знаменати уды своя, но прелестнику приложится, и тому единому послужит, понеже таковому покаяния несть, погибе от Бога и человек. Зри разума ясность. Все едино что отсечет десных дел действо, что десницу свяжет. Что озверившемуся антихристу повиноватися, что сотворить запрение креста, что уста зашиет. все едино и тоже.

 

Вопрос 59. Что нарицает десницу, юже антихрист отсечет или свяжет.

Ответ 59. Зри, аввы Дорофея слово 14 и 22. Десницу нарицает не руку десную, якоже сектаторы блядословят. Но десныя дела, якоже святыи Андрей рече. Да отсечет десных дел действа. Отселе да заградятся сектаторов скверныя уста. Не яве ли отсек веру и дело, и подписками обязаны вси. чтобы расколническую секту не распространять, и домов обседлости своей отнюд не отлучатца, и чтобы были привержены вси в Вавилони, и антихриста повеление выполняли, и дань бы ему отдавали.

 

Вопрос 60. Чем десницу отсечет, или свяжет ю. или чем уста зашиет, или чем сотворит запрение креста. то есть крестнаго жития.

Ответ 60. Святыи Ипполит рече. Тажде повеление его сатанино, и скверный сосуд его, пошлет указы, на кийждо град взаконение по всех странах с бесы же и с бечювственными человеки глаголющая яко царь явися всей земли. Святыи Ефрем глаголет. Демоны пошлет, во вся концы земныя. Да всем проповедят яко царь велии явися. Егда начертает змий знамение свое за крест Спасителев. Да отнюд имя пресвятое и славное не именуется во время змиева. Видите ли что ему нужно, имени Христово то есть, чтобы християнина не было. Псал. ...[нрзб.]. Реша приидите да потребим я от язык и не помянется имя Израилева к тому. Толк. Касиодора. Антихрист со языки мысляше имя Христова от вселенныя истребити. Видите ли сектаторы, что яве, ни о крещение и о щепоти, но ясно выражает имя християнина истребит.

 

Вопрос 61. Кто образ антихристов.

Ответ 61. Апокал. глав. 12. Антиох образ его, и зри сличность нынешняго времени. Книга Макавейская, первая, глав. 1, ст. 40. И писа царь Антиох всему царству своему, да будут вси людие едино, и оставят кийждо закон свой. 2 книга, сожигали огнем. 3, обрезавших детей убивали. Глава 2-я, Матафей и сынове, и всех до 1000 скрышася в горах, и вси за то избиени. 2-я книга, глав. 5. Июда Макавей в лесах ти, три года в лесах жил со зверми, траву ядяху[?нрзб.] дабы не преступить закона. глав. 6. Тогда невозможно субботы хранить, ниже июдеянином себя именовать. Книга 3-я, глав. 3. Аще кто скрыет июдеянина, за то замучит. а кто возвестит 2000 драхм тому награды. глав. 4 ст. 12 ниже. Како описывал всех, в книге 3-й зри како печать давали. Вот аще кто расмотрит Антиохово царство тогда и нынешнее узрит, ясно и просто писано там. Аще любезныи читателю хощеши узрити образа антихристова, то яко картину, зри Макавейския книги, и вся подробно узриши, с нынешным временем точность, небо алигорически там писано, но просто и ясно. Какия Петра перваго указы, такия и Антиоховы. Люботрудне прочти тамо и смечай образа, яко[?нрзб.] святии ничтоже солгаша. Но верно глаголют, како просто и ясно понимать о антихристе там все узришы.

 

Вопрос 62. Что пишет святыи Андрей Кесарийскии, толкователь Апокалипсиса, слово 7. Тогда наипаче при антихристе будут отделяющиеся, от неверных верныя печатию животворящаго креста, непосрамленно и дерзновенно знамение Христово пред нечестивым носяще. Сие сектаторы на себя принимают, ето глаголют мы крестным знамением, и перстным сложением, от никониян отделились.

Ответ 62. Сие аще и зело кто мало смыслит, и тот может понять, что сие не о перстах глаголет, но о терпении и крестоносном житие. Ибо сектаторы 200 лет и болие уже отступили евангельскаго жития и крестоноснаго, и подписались во всех звериных указах не отлучатися домов обседлости и даней, и прочаго богопротивнаго повеления. А что значит крест имже разделени верныя от неверных. Бесед. 13 к филиписеом. Крест есть душы ополчаемыя смерти желающия и ничтоже отрадно ищущия. Ниже. Крест не просто знаменатися им, но крестная страждай. яко же глаголет. Аще кто не возмет креста своего, вслед Мене грядет не может быти Мой ученик. Первая добродетель страну быти и мирну, и пришельцу и ничтоже иметь обще [Бесед. лис. 3003]. Вот мы показахом что значит крест, и сим терпением верныя от неверных разделени. християнин неизчетныя муки страждет. а сектаторы всех толков свободно красуются. А чтоже глаголют сектаторы, мы перстам разделились от никониан. Это явная ложь. единоверцы чем хуже вас, и чем вы от них отделились. Явная ваша блядословие, чего не спрашивают, то печать глаголют. А что християнину нужно, крест и терпение, от того вси сектаторы отступили, и с подпискою отреклись.

 

Вопрос 63. Аще ныне вся вселенная отступила. Никониане при Никоне вси пали, а секты разныя в ревизии все подписались. То где же церковь православная пребывает ныне.

Ответ 63. Святыи Кирил Иеросалимскии глаголет [знам. 11]. Два пути ко спасению, силныи да борется с сатаною, а немощныи. да бежит. И паки святыи Ипполит рече: Непокаряющихся томлением изнурит. и паки слышащии писания, в горах спасется. Ефрем святыи рече. Неизбытен подвиг пре дверех надстоит, щит веры восприимем вси; И паки рече. Не будет[?нрзб.] ни ослабы ни отрады на земли же и в мори. таже. Мнози будут спасаемы в горах и в вертепах и в пустых местах, во многих молитвах и плачах бесчисленых. [Матф. зач. 99] Тогда подобает бегати необратно ни о чем же радяще. ни о ризах ни о иных сосудех; Святыи Кирил рече. Тогда подобает таитися и бегати. таже. Первыя мученики с человеки брашася. а иже тогда с самим сатаною очевидно братися имут. Синоксарь в неделю мясопуст. Тогда благочествовати изволившии, далече их избегнут. он же в горах их обрет с бесы искусит. Апокалипсис глава 12[?нрзб.] Жена побеже в пустыню. Толк. Егда действует во антихристе диавол, имже на церковь ополчится, тогда избраннии верховнейшии поплевавше гражданскии плища и смятения мирския сласти; жития сего избегнут. [Иерем. 51, Ездра 16] Бегите от среды Вавилона, и спасете кииждо душу свою. Останутся от града десять, и два от нивы, и скрыются в густых дубровах. Святыи Андрей юрод. рече. Вси тому злому антихристу поклонятся, разве кто ся утаился в пустынях, и в густых дубровах. Отселе разумеем что два пути токмо ко спасению, силным стояти, а немощным укрыватися, а третие вси его поклоники, весь Вавилон.

 

Вопрос 64. Аще церковь убеже в пустыню, а овых мучит и томлением предают. А кто ныне миром управляет, и кто в миру жительствует. Покажите ясно писание.

Ответ 64. Апокал. глав. 18. Ангел глаголет, паде паде Вавилон град великии, и бысть жилище бесом, и хранитель духу нечистому. Святыи Ипполит рече, антихрист всех омразит, и многи души осквернит, и сотворит себе началники от бесов. таже. Ибо тогда соберет бесовския полки, пошлет в горы и в вертепы на взыскания верных, и тех привести на поклонение. И паки. И пошлет взаконение вов сех странах с бесы и с чюствеными человеки. И начнет антихрист яве ходити с бесы своими, прелщающе и погубляюще доконца человеки [Златоуст неделя 25]. Варух пророк рече [глав. 4 ст. 21]. Огнь бо найдет на ню от вечнаго во дни многи, и населится бесами на множайшее время. Исаия пророк рече [Исаия глав. 13 ст. 21]. И почиют тамо зверие, и исполнятся домове шума, и почиют тамо сирины, и бесове тамо воспляшут, ино кентаври тамо вселятся, и еже бе возгнездятся в домех их. Читателя посылаю, чти книгу Зерцало богословия, глава 17. Толк. на 34-ю главу Исаия пророка. Зри вкратце. Но о кентавр звер, имеет 4-ри ноги, две руки, лице женское. а нрав имеет несытство блудныя сласти. а еж ради ради остро..н[нрзб.] неудобояты псами бывают. и аки глухой, тако и скупыя и немилостивыя, не слышат вопля нищих затыкающе уши скупостию, а вран покормы труп мертваго, тако и убийцы и тираны, кровию питаются и неправдою и хищением. А совы и нетопыри. нощию летают. а во дни и света не видят. тако и хищницы чюжелюбцы во тме нечестия волочатся. Вси сии ..щани[нрзб.] падшаго и темнаго Вавилона, яко бестии неразумнии[?нрзб.], работающе сатане грехолюбию, и сам сатана в полку их живет и бродит, и воду возмучает, дабы ничто светлость в них явилось, познания.

 

Вопрос 65. Вси сектаторы наипаче поморцы разных согласов, филипова, феодосеова, андреева, и проч. согласии глаголют, яко един корень поморскии которыи от соловецких, а кроме того несть нигде спасения. то право ли они глаголют, или ни.

Ответ 65. Сие явное заблуждение будет тако разуметь, на тленных чловек свое основание полагать; еже и жидове всегда превозношашеся, благоплеменством. о прародителех. а дел их не творяше, мы покажем не нагими словесы, но писанием, еже Господь рече ко июдеом. Вы убо Авраамле семя творите себе, и глаголите; Аз же сия соглашаю яко плоцким сродством, ко святому оному себе приводите. обаче по духу сродством отстоит от вас. он бе праведен и человеколюбив. вы же онаго злобою премину[?нрзб.] явно еже испытаю, ныне делайте убийцы есте, не человеколюбивы есте, ищите Мене убити, како онаго сынове есте, и како отеческих дел не имуще. а сродством хвалитеся. должни убо есте, аще хощете поистинне онаго чада именоватися, то и добродетели его должни исправляти. Лука лис. 124 [лис. 141]. Весь род единонравия именовати писание рече. сей род имущия Господа. и паки чада Авраамли имеет Христос единонравных, и единоразумных Аврааму, и свои ему по нраву. А что о корни вы глаголите, зрите Барон. в лете Господне 349. Святыи Афанасии Великии. Посмееваяся арияном, глаголя, сим возновляется, нововымышленная их вера, яко в день той и лето родися. ниже. Наша вера не имать времени, но едино всегда изначала пребывает. Таже. Аще кто станет на сих словах яко вера едина от начала, и никогдаже не изменяется, и вовеки имать пребывати, то ни един еретик ни победит. Зерцало Богословия, глав. 26. Сия жена, не имущая покоя, скитающиися в горах и в пустынях, и всеми гонима в веце сем невеста Христова, всегда родит Ему верных чад Его; в настоящем веце сем. наченше от крови Авеля праведнаго, и даже до кончины века. Мелетии патриарх тожде рече, послан. 9. Вера наша от создания мира едина. Во всех избранных действуема, от Авеля праведнаго даже до кончины века пребывати имать. Видите ли сектаторы откуду корень влечется. А вы в последние ныне время, и всяк в свою местность разум основали. Кто в помория, а кто в австрию, а кто в нетовщину. А поморцы основаны, кто на Филиппе, а кто на Феодосии, а кто на Андрее. И всяк на своем учители разум основали. За сие постыдитеся и усрамитеся, такой еще прелести от века не бывало во всех избранных.

 

Вопрос 66. Сектаторы глаголют, яко бы три года, антихристово царство, три падении, римское, и юницкое, и российское.

Ответ 66. Аще в Риме по вашему разуму родился антихрист. а жиды кому поклонились. Маргарит лис. 177. Златоуст рече. Воистину окаянии июдеи. ради летняго неведения велико согрешиша. аще бы со опаством назирали времена, и не хотяще от Христа отпадши антихристу впали. И во Апокалипсии в первом фияле, тоже речено июдеи прияша начертание зверино. Видите ли свое безумие како заблуждаете.

 

Вопрос 67. Кая вина древних жидов, еже не знати Христа. а нынешних кая вина всих никониян и сектатор, не познати антихриста.

Ответ 67. Маргарит, слово 3. на июдеи. Даниилу убо рекше 62 седмины и седмин 7 до старейшины седмины, а всего состоит 483 лета. А жиды, сии лета потеряли, то есть ни сощитали, того ради и Христа не познали. Такожде и нынешним сектатором ясно и прямо пишет веры списатель. Аще кто достигнет тех времен 1666 года. Тогда готовым быть подобает на брань с самим диаволом очевидно. Видите ли сектаторы, не покорение и дань, но сопротивление и брань.

 

Вопрос 68. Что никонияне и единоверцы глаголют, и нетовщина, поповщина и прочии. Яко бы антихрист чюственна с рогами приидет, и чюственно три года с половиной будет царствовать.

Ответ 68. Книга Месии правдиваго. Вся беседа жида с християнином. Вопрошая жидовин християнина. Иоанн Богослов мовит. Дети последняя година слышите яко антихрист грядет, и ныне антихристи мнози. Вот уже много годин прошло, антихрист еще на свет не бывал, але и не будет. Християнин рече, ты жиде расмотри слова Иоанна Богослова. Аще он выразил последнюю годину. то стало быть была первая година. Первая година от Адама до Моисея естественный закон. А вторая година, от Моисея праведнаго, писменый закон. А третия година новоблагодатный закон. Того ради и рече Иоанн Богослов, ныне последняя година. Вот и исполнилось три года, то есть закона. А пол года мало, антихристова царства. А в трех законех многа было противников и еретиков, противящихся истинне, их нарицает писание антихристами за противление. Вот сие будет приятию достойно. А три падения годам нарицает непрерывно, и со антихристом и прежде был.

 

Вопрос 69. А како неции глаголют, яко антихрист чуственно зверь будет с рогами, и поклонятся ему чюственно. А наипаче же никонияне и единоверцы, и вся поповщина, и прочии.

Ответ 69. Святыи Филарет патриарх во изложение глаголет. Проклинаю тех иже антихристова прихода чювственно дожидают, и трапезу ему велию готовят. И паки святыи Иоанн Златоуст, глаголет [Бесед. лис. зач. 234(?)]. И дети малыя глаголют антихрист приидет, и вси ему поклонятся, Илия и Енох приидет. Сие детския бредни, и бабия блядни.

 

Вопрос 70. Что апостол глаголет. Антихрист сядет, в церкви Божии показуя себе яко бог есть. Златоуст. Не бо во Иеросалиме сядет но в церквах то есть.

Ответ 70. По збытию не во единой никониянской и латынской седит антихрист, но во всех сектаторах …[нрзб.] богопротивную власть управляет. А показуя себе аки бог, то есть Божии закон повелит отставить, а свой соблюдать. А како в церквах седит, то есть, гражданская власть, сиречь и прочие управляет, и духовной властии распоряжаются, того ради и Даниил глаголет, мерзость запустение на месте святе. А по Златоусту, воинства антихристова, разоряюще церковь Божию, мерзость запустение и ереси. А Кирил святыи глаголет. Антихрист сядет в церкви ни в той в которой есть ныне мы. но в смущеной в жидовской, то есть во всех отступниках, и в никониянех и в сектарях во всех седит антихрист.

 

Вопрос 71. Что антихрист раскопанныя храмы созиждет, и себя христом провозгласит.

Ответ 71. Вселенскии соборы, вси ереси и прелести анафеме предали, и храмы идольския и еретическия раскопали, и разорили все сатанино царство, и сатану вязали, и не дали ему места. и единою веру Христову проповедали. Антихрист раскопанная созиждет, то есть все ереси древних еретик воскресил. Всем волю дал; якоже рече писание [Апок. 12]. расколом и смятением радуется сатана. Яко красоту своему царству носящу раскол и смятения. А что себе христа провозгласит, то есть никонияне 200 лет и болие уже како отступили от древлеправославнаго закона. А всегда православными пишутся, и никого ни за какия милионы в свое православие не впущают. Едини они православнии, а прочии все сектаторы пишутся, и кто какой секты.

 

Вопрос 72. Что Веры списатель пишет, антихрист сотворит каменен храм. и воставит его июдеом. а првославных прелюте изгоняти будет.

Ответ 72. Каменен храм ничтоже разве отступническая сердца яко жидовская. никониян и прочих сектаторов окаменелых содела. А что правоверных изгоняти будет, ето о тех глаголет, которыя не ослабляют церковных жил. о всем да глаголет. от сего две церкви выражает. Едина от антихриста устрояема, а вторая от него изгоняема, или две жены. едина на звери седящая, а вторая от зверева лица крыющаяся, раждает мужескии пол, то есть люди неслабыя.

 

Вопрос 73. Почему нарицается зверь антихрист осмыи от седмых в пагубу идет.

Ответ 73. Седмь глав на звери, 7 царей прежде его бывшии; 1. Нилу асирийское царство, 2. Арваку мицкое, 3. Киру перское, 4. Навходоносору вавилонское, 5. Александру македонское, 6. Ромилу ветхоримское, 7. Константину новоримское. Толк. Ов над пиять сот лет царствовал, а ов над 1000 лет царствовал. А седмое Константиново царство протязалося 1340[?нрзб.] лет до Алексея Михаилыча. А како Алексии Михаилыч отступил, с тех пор началося осмое царство зверинно отступническое мучительное, на прелесть и на пагубу покаряющимся ему прииде.

 

Вопрос 74. Что Давыд глаголет [Пс. 9]. Постави Господи законодавца над ними. Да разумеют языцы яко человецы суть.

Ответ 74. Касиодорово толков. Законодавец един Iсус Христос Бог наш. И антихрист такожде законодавец будет. Да не убо упасет их но в муку вечную вринет.

 

Вопрос 75. Что Кирил святыи глаголет [знам. 10]. Антихрист заповеди святых разрушит. а яже у него обратит и умыслит заповеди своим повелением держати.

Ответ 75. Сие не о духовной власти рече. но о гражданской. Что синод[?нрзб.] ныне умыслит. тому и священство и весь мир покаряются. А что от евангелия, или от правил вселенских соборов святых отец, или православных царей ныне ниже слышати хотят. А какия заповеди преданы. Первое чтобы християнин никто ни смел именоватися. Второе мира прелести и мятежа его никто не смей отлучатися а должен в мире жить. и вси его богопротивныя указы исправлять. дани давать и рекруцкую очередь исправлять. к присяге ходить. огни в табельныя дни зажигать. и новыи год почитать, и прочия богопротивныя веления непременно наблюдать. Мощно все воедино совокупить. Что заповеди разрушит. Что сотворит запрение креста. Что отсечет десных дел действа, или свяжет десницу, или зашиет уста, все едино и тожде. Потому что по псалмопевцу Давыду. постави Господи законодавца над ними. то есть сам отступник и расколник. над отступником и расколником и царствует, того ради и рече Златоуст. Отступление самого того антихриста нарицает. От сего да заградятся сектаторов богохульная уста. глаголющих сице и в миру мощно спастися. по евангелию на ложе богатии спасутся.

 

Вопрос 76. Что святыи Кирил глаголет, в знамении 11. Не ослабляю бо церковных жил; о всем да глаголет.

Ответ 76. Жилы на двое приемлем. Первое жилы струны нарицает святыи Кирил. Струну аще ослабишь на органе, или на гусли, то весь звук потеряеш, и толстой и смешной и несладостной глас покажеш, и всех председящих на смех подвигнеш. Того ради струна елико натягается туже, толико и сладостнее глас подает, и председящих увеселяет. А святыи Ипполит глаголет. Антихрист пресечет жилы водам, то есть подземелныя ключи, из них же сладостныя воды истекают, и град напояют. Аще пресечеши сию жилу ей же граждане питаются, то должны вси внутрь умрети. Тако и антихрист пресек всем сектаторам, своим богохулным указом ни учить и не крестить, и свою раскольническую прелесть не распространять. Зри указ в 1724 году. Аще они и учат и крестят, и прочии тайны ..вляют[нрзб.] но во отступление сие творят. Понеже по Ипполиту, да даст им малыя снеди, печати ради его скверныя. Вот вси сектаторы и жуют тую снедь[?нрзб.] что зверь им дал. А что Христос дал, тую снедь взяти не могут. А почему не могут, а потому что связал им десницу, и зашил им уста.

 

Вопрос 77. Что святыи Кирил глаголет. Силныи да борются с сатаною а немощныи да бежат, а инии да оставим ся. А сектаторы и говорят, ето мы и остались. Правда ли сие они глаголют, или ни.

Ответ 77. Да отступит от нас сия тмократная окаяная прелесть помраченных сектаторов. Которыя прелести, или паче рещи ереси от века во всех избранных не бывало. Выслушать терпеливо разума святаго Кирила. Он два пути изрек спасаемых. Силныи да борются с сатаною, то есть обличают его, и страданием навершают. А вторыи путь немощным скрытися. А инии да оставим ся. Сие ни третии путь изрек, но токмо первой страдальческии, а вторыи укрывательныи, повторил. И на свое лице восприимем, яко силен с сатаною братися, и всем учителем образ показал, не изнемогати в напастех, но стати противу диавола, не дати тыла врагу. А ето будет всему писанию противно, и всем язычником и еретиком смех. Якобы антихрист овых будет мучить за веру, по Ипполиту томлением и неисчетными муками и казнями изнурит. А иных с верою с правым исповеданием оставит. Воистину в вас прелести широта, и ереси бездонная сатанинская глубина.

 

Вопрос 78. Последнии антихрист прежним мучителем Диоклитияну, Максимиану, Нерону и прочим; или не точию нечто от оных особеной будет.

Ответ 78. Аще вси сектаторы и много усиливаются показующе при тех бывшии образы многия частныи и местиныя подобия. Како тем покарялись православнии и дань давали. Нужно нам взойти во общее смотрение, и разсмотревше[?нрзб.], и разсмотреть писание. Первое беседы апостольския 3, к филипес. Альфа, глава о единомыслии. Тако святыи апостол Павел рече [Апостол, зач. 245]. Дондеже времен достигохом теми правилом и правихом, теми и житием жительствуем. Добре Златоуст рече [Бесед. на Матф.]. Аще бы кто на малаго отрока, надел ризу мужа совершенна, всех тожде насмешил предстоящих и удивил всех. Тако и сектаторы и древнии жиды и прежнии еретицы, того ради заблудили от праваго пути. Что неразделяюще времени и мир[?нрзб.]. Никон Черн. гор. слов. 2. глаголет. Аще бы вооружил воина, …[нрзб.] мечь вместо руки привязал к ноге, и прочия оружия не по месту, то кая полза от оружия. Отселе разсудим. Того ради сектаторы помрачились до зела. что на антихристово последнее царство отделно пророчество. особенное жительство. раздельное яко зима противу лета. яко тма противу света. яко небо от земли отстоит. яко запад от востока. Тако и нынешной антихрист противу прежних мучителей, тии токмо убивали, а мертвых не воскрешали[?нрзб.].

 

Вопрос 79. Что Иоанн Златоуст рече в беседах апостол. [зач. 275] Антихрист найдет на безначалие, и похитит не токмо человеческую власть но и Божию.

Ответ 79. Егда римская власть стояла в церкви, то есть царь и патриарх, и вязала сатану, и его детель, то есть ереси и грех, и всех еретиков проклинали, и казнили, и в заточение посылали, тогда антихристи, то есть еретики были кротцы и смирени. А егда взялась римская власть от среды, тогда началось антихристово властельство, то есть безначалие, грехи ныне нигде не вяжутся, и ереси ни проклинаются и евангельское учение и житие, и правила святых вселенских соборов и святых отец, отнюд нигде ни вспоминаются, но токмо остались в народе зверины указы во управления народа, то и нарицается безначалие. К Богу что хощеш греши, а исправления несть нигде. А кто внешной власти виновник той за един рубль мучать. А человеческую похитит то есть православноцарскую власть истребит. А отступническую языческую богопротивную во всех употребит, сие тоже нарече безначалие. А Божию власть похитит то есть сам царь и патриарх и глава церкви своей отступнической, и всем сектам, что он скажет то и творят, и без его воли не смеют пошевелится, смерть и живот в руце его.

 

Вопрос 80. Что святыи Ипполит рече. Антихрист мечтательную плоть восприимет своему существу сосуд.

Ответ 80. Вкратце покажем. Что Господь к Петру рече, гряди за Мною сатано соблазн Мне твориши, не мыслиши яже Божия, но человеческая. Вот ныне законом антихристовым даже уставленно человеческое мерское мятежное житие, Богу противное. Аще кто отлучится мира и яже в мире, даней и сродства. таковый судится яко злодей, сие нарицает мечтательная, то есть плотцкое мудрование. Ни плоть виновна яже мы носим, и Господь сотвори нам, но разум пригвожденный к земному попечению. Отнюд не попускает что видити, или сотворити Богу угодное, отрещися мира и взяти крест. сие крепко заперто. А существо есть нарицается тоже злоба, грех ереси мучительство. А сосуд его вси человецы отступники. якоже Златоуст рече. В погибающих может иметь крепость. Все совокупно рещи. Что безначалие, что человек греха, что мечтательная плоть, что отступление, что число зверино, число человеческое, и число его 666. все едино и тожде.

 

Вопрос 81. Что ангел рече. велиим гласом паде паде Вавилон град великии, и бысть жилище бесом и хранитель духу нечистому.

Ответ 81. Дважды рече, паде паде, то есть обои власти гражданская и духовная. и укрепилась власть богопротивная отступническая на разрушение и истребление истинны. А бысть жилище бесом, то не инде разве в душах отступнических. По евангелию. Аще кии человек отступит, тогда сатана[?нрзб.] осмой приходит, и бывает тому человеку последняя горше первых. А Вавилона нарицает слияния мира то есть никонияне с язычники, сектаторы с никонияны смесились. а во всех жилище бесом, то есть царство сатанино. Антихрист приидет на землю изверженную. идеже несть весьма ни дверей ни вереи [Иезек. 38], того ради к понятию и рече ангел паде паде яко бы никакия стены, или домы пали. сие о двоих властех рече, о духовной и гражданской. якоже святыи Никон Черн. гор. рече в Тактиконе. В сих двух властех всякая душа живет и движется, спасается или погибает.

 

Вопрос 82. Что рече святыи Ефрем. Тогда слово Божие не будет слышатися нигдеже. Еда ли ныне никто не слышит, ибо видим тмами писания чтущих, еда ли не слышат его.

Ответ 82. Не о плотцком слышании рече но о духовном, о нем же Златоуст рече на деяния святых апостол. Исаия пророк, посреди Иеросалима стояше и народу бесчисленно множество окрест его стоящих. И вопияше громогласно, кому воглаголю и кому засвидетельствую, вопросиша неции что вопрошаеши. яко безчисленно народа окрест тебе стояще. Он же отвеща много телес, но не много человек, много человек не имуще слуха. необрезании ушесы своими, того ради рече. слыши небо и внуши земле глаголы уст моих. Иеремие тожде рече, приидох и не бе человек, звах и не бе послушати хотяй. Аз послан к человеком ум имущим, но человеком ум неимущем. ниже слово ниже чюство, сего ради несть человецы. Евангелие, благовест. Егда Петр апостол отрезал ухо раба архиереова, не просто ниже по случаю, но таинство велие образова. Понеже жидовскии собор погубиша десное слышание. Во еже о Христе пророчество. того ради отреза, и паки приложи. то есть многи от тмы из них обратишася и быша христиане. Вкратце рещи о сем речение, яко июдеи от неведения и неслышания писания Христа не познаша; Тако и ныне вси отступницы, никонияне и сектаторы, не познали антихриста, десное ухо и десную руку антихрист им отрезал. Аще дати дань кесареви, сие слышат вси единодушно. Аще взяти крест, и во след Христа идти, сие слышат шуим ухом. А егда римская власть возмется от среды тогда антихристова начнется властельство. сие ни един не слышит. И паки брак честен и ложе нескверно, сие вси слышат, а еже умрут дети на лонех матерних,  матери в верху отрочат, и отец с чады охапившеся умрут вкупе, и не будет погребаяи. сие отнюд[?нрзб.] никто и не слышит. И паки на ложе двое спасутся, сие вси жуют и со сладостию слышат. А что рече. Горе во чреве имущим тогда не могущим бежати, ниже оставити погибают купно с ними. сие не слышат. Видите ли прелесть всех сектаторов, и вси на одних писаниях основаны, и вси в беседах едино показуют, а сами промеш себя врось.

 

Вопрос 83. Вси ли познают пришествие антихристово егда приидет.

Ответ 83. Святыи Ефрем рече. Аще кто имать боговидение Божие и разум, тому разумно будет пришествие мучителево. А имущим ум в вещех жития сего и любящим земная не разумна се будет. привязани в вещех житейских, аще и услышат слово, то не имут веры, но паче мерзит им глаголя се. сего ради могут святии избежати, яко вся печали мира сего отвергоша. Святыи Ипполит рече. Ибо тогда связани вещьми житейскими и желанием века сего, тии удобь приступят к дияволу. А слышащии же писания, и в руце присно имущии, мнози его убегнут и в горах спасутся. Апокалипсии, глава 18. И чюдися вся земля вслед зверя. Толк. Удивятся зверину пришествию, тии иже о нем не научившеся от писания твердо пророческих, о нем не разумевше. Како древнюю силу взять; О вере, глав. 30. Не токмо лехкомысленнии, но и совершении должни боятися многокозненыя прелести последнии.

 

Вопрос 84. Аще кто хощет истину познать и совершенно спастися, о чем болие к Богу молитися и о чем тщание иметь.

Ответ 84. Святыи Ефрем рече. Аще кто имать умиление и слезы, да помолится Господеви, дабы не видел отнюд того зверя, ниже паки слышал, тех страшных гладов и трусов, и смертей различных, на земли и в мори.

 

Вопрос 85. Который зверь печать будет давати, двурожной, или 7-ми главый, то есть зверь, или лжепророк, священники, или гражданская власть.

Ответ 85. Святыи Ефрем рече. И преставит приставники немилостивы, на всяком месте творити волю его. Аще имать печать мучителеву купит мало брашна. Видите ли сектаторы, печать мучителева, а не лжепророка, то есть попов крещение. И паки тоже. И грядуще от конец земли на видение мучителева, и многи покланяюще пред зверем, вопиюще и глаголюще яко ты еси спаситель наш. И паки Даниил пророк рече. Рог той сотворит рать со святыми и победит их, и убиет их. Апок. глав. 13[?нрзб.]. А лжепророк глаголя, аще кто не поклонится образу зверину, тии убиени будут. А лжепророка зверь учинит предотечею; яко Христос Иоанна Крестителя.

 

Вопрос 86. Како ныне спастися поср..[нрзб.].

Ответ 86. Евангелие от Луки зач. 87. Да не тщится рече кто во антихристово гонение снабдети свою душу, погубит бо ю. Аще кто отдаст сам ся закланию и спроста бедам той спасется, кто непокорився мучителю животолюбия ради. Видите ли не покорится мучителю, а не лжепророку, якоже сектаторы блядословят.

 

Вопрос 87. Что рече пророк Иезекииль, глав. 14, ст. 13. Рече Господь, сыне, аще земля согрешит ми, еже пастися грехом и простру руку на ню, и сотру утвержение хлебное, и пущу на ню глад, и возму с нея человеки и скот. Аще будут сие трие мужа среди ея, Ной Даниил, и Иов, тии в правде своей спасутся.

Ответ 87. Два свидетельства о сем речении. Первое Петр Дамаскин слово о антихристе в конце слова реченно. Ноя сказует правду. Даниила премудрость и разсуждение. А Иова мужественное терпение. но сие приточное речение сокровено, то есть. не самих существом предлагает их, ибо без сумнения святи, но их добродетели предлагают святии и нравы. По величеству злобы, и прелести антихристовой, и толикия тмы. Таковым подобает быти ныне избранным, якоже Ной, Ной все имение в ковчег употреби, и спасе всю тварь. А Даниил премудр и разсудителен, и загради уста лвом, и всем нечестивым царем. А Иов всего лишися, детей и имения, даже и плоти своея, и седяще за градом на смердилище. Вот таковым быть ныне избранным, всеми ненавидимым.

 

Вопрос 88. Како сектаторы глаголют, и приводят слово евангельское [от Матф. зач. 102]. Двое на ложе спасутся, един поемлется, а другии оставляется. Тако и утверждают, что ныне в миру мощно спастися, и при антихристе богатым.

Ответ 88. Святыи Феофилакт ясно выражает. Двое на ложе спасутся, един поемлется, а другий оставляется, праведны поемлются, а грешницы оставляются, кто же праведницы, яко же Иов, и Лазарь, а грешницы. яко Каин и Гиезии. Видите ли разума светлость, о сектаторы помрачении, сие толкователь глаголет не о сущих самых лицах, то есть праведных и грешных, но Иовле терпение и мужество, а Лазареву нищету предлагает, а что они сами ибо о них вся подсолнечная известна. что и праведни и святи, но толко о том глаголют кто таков будет при антихристе терпиливой и нищеты лобызатель, тии спасутся. А что рече о Каине и Гиезие. Паки алигорически приемлется а не просто, якоже вси сектаторы баснословят. Каина зависть глаголют быти, ибо Каин зависти ради проклят бысть, и убийство сотвори. сего ради и рече Феофилакт. Аще кто будет таков завидлив якоже Каин ко имению, или к славе, или сласти, или к чесому иному, тиих нарицает быти Каина, сии оставятся[?нрзб.]. А Гиезию нарицает сребролюбие. ибо сей быв ученик пророка Елесея, и взял тихомирно за исцеление сребро, и свиты с некоего князя; того ради от Елесея проказою наказан. Сие толкователь Феофилакт предложи всему миру две главизны, и главныя злобы, от которых все зло рождается. Сей разум тако принимается, что глагола Иезекииль пророк о трех мужах. Ноя, Даниила и Иова. А Феофилакт Лазаря и Иова. А Златоуст о лжеучителех. Паки инако рече, сие разумение. Возми[?нрзб.] целомудрие Иосифово, кротость Давыдову, терпение Иовле, разсуждение Даниилово, а любы Господа нашего Iсуса Христа. И никтоже тя повредит. Аще тако разуметь яко богатии на чювственом ложе спасутся. якоже сектаторы от сатаны научени блядословят, то надо все писание упразднить. Почто рече евангелие. Горе во чреве тогда. Почто рече подобает бегати ниобратно, ни о чем радяще, ни о ризах ни о иных сосудех. Почто рече, да не сходит никтоже с высоты добродетелей житейских ради. Почто рече [Мк. зач. 60]. Горе тем иже имеют чада, или любовию к тем одержими не могут с теми бежати, охапившеся погибают отец и мати с чады. А вы глаголите на ложе спасутся. Вопросим вас на какой ложе спасутся, на чювственной или духовной, слышите помрачении: Лука зач. 45. Ложе нарече совершенную добродетель, в ней же вся благая лежат, помысли блази, целомудрие, вера, кротость, слезы, любовь, и проч. Отныне да умолкнут богомерская ваша уста. Вси вы окаянии вси помрачении. Тысящи и тмы вы святаго писания свидетелей попрали. А на приточном алигорическом, и возводном писание стоите. Вопроси вас разноверцов о вере. и о антихристе, и како при антихристе спастися. Тогда вы вси сектаторы, очи зажавше, уши заткнувше, и аки аспиды глухии, и яко халерою поражении, ослепше душевне, и телесне. Вси един глас испущаите. Двое на ложе спасутся. Вот и посмотрим ваше тмократное окаянное безумие. Скажите нам по правде. аще на ложе спасутся по вашему мнению богатии. которой веры спасутся, и которая секта, феодосьева, или филипова, или андреева, или брачнии, или часовенныи, или нетовщина, или австрия, или прочия секты. Ей не можите рещи. Отселе да умолкнут ваша скверная уста. Воистину зле понимаите, и уповаите о том чего не чаите. Воистину вы окамененыя и помраченыя, сами себя не знаите; злато и сребро ногами попираите. Аще ясному писанию не верите, то кто вам сокровенная сокровища даст.

 

Вопрос 89. Что рече, Ефрем, Исаия, и Ипполит. Тогда издохнут дети на лонех матерних, и матери вверху отрочат, и отец с чады охапившеся вкупе помрут, и не будет погребающаго.

Ответ 89. Зач. 99 от Матф. Горе во чреве имущим тогда. Толк. Горе рече тем иже не могут бежати, иже бременем чрева отягчаеми, не могут оставити и погибают купно с ними; Марк зач. 60. Горе рече тем иже имут чада яже к тем любовию одержими не могут бежати. А что рече вкупе помрут. то есть отступят от веры, мать чада ради, а чада родителей ради; охапившеся то есть не хотяще друг от друга разлучитися; а вкупе помрут то есть отступят.

 

Вопрос 90. Что пишет Ефрем, и Ипполит. В домех мертвии и на путех мертвии, Исаия рече. И …[нрзб.] единаго храма идеже несть мертвеца.

Ответ 90. Сие речение мощно тако принять. Что Богослов Иоанн в послание рече. Ангел излия фиал на мори, и всякая душа живая в море умре. то есть егда отступили от Бога и приняли начертание зверино, того ради и мертвых нарицает, отступников и еретиков, и всех неверных, и некрещеных.

 

Вопрос 91. Что рече Ипполит. Чтения писания не услышится, но тма будет на всех человецех, и глад крепок будет по всей земли.

Ответ 91. Амос пророк рече [глав. 8]. И пущу глад на землю, ни глад хлеба, ни жажда водная, но глад неслышание слова Божия. Златоуст. Откуду вниде глад губяй душа, ни от книжнаго ли неиспытания, не испытаем внутрь лежащая в них разумения. Аще бы о чювственном гладе сия рекли и многократно трубили. то не бы Лука писал [зач. 87]. В царство лестца процветут злая и всякаго греха жилище, и вси человецы в беззаконныя сласти отдадятся, и нечистое житие будут имети, якоже при Ное. Сие речение обличает всех еретиков никониян, нетовщину, поповщину, единоверцев, и прочих, которыя чювствено все разумеют, антихриста чюствено, три года с половиною чюствено, и глад чюствено, и прочая все чюствено. Аще бы чюствено был глад, и чюственныя мертвецы, то почто Исаия рече, внидет глад в мозги ваша, чюственной глад во утробу входит, а не в мозги. сие явное безумие никониян и прочих к ним придержащихся единоверцов, поповщину, и австрийских, и нетовщину, и прочих всех сектаторов разных толков.

 

Вопрос 92. Что рече в Златоусте во Исаином пророчестве. Тогда начнет антихрист яве ходити с бесы своими. Прельщающе и погубляюще доконца человеки. А Ипполит святыи рече. Аще прежде не явился[?нрзб.] сын погибельныи невидимо нас ратуя. а егда самообразне хощет приити тогда начнут истинно зрити его человецы.

Ответ 92. Потому прежде в еретиках диявол не смел яве что либо составить кою любо ересь. Бояся римскии власти, то есть папа повелит быть собору и прокленут ересь. А еретика гражданская власть пошлет в заточение, того ради тогда невидимо ратуя тогда, то есть еретицы, аще и были тогда, но во всем уподоблялись християном, но житием паче христиан превосходили. А ныне яве антихрист ходит с бесы, то есть явное воздвиг на древность злохуление, на самого Христа и на святых Его. и все писание святое испроверг и проклял и анафеме предал. И свое предание еретическое латынское везде распространи и утверди, и всякой ереси и расколу и секте волю дал, и всякое заблуждение мучительским указам утвердил. От сего мощно видеть во всех. как в никониянах так и в прочих сектаторах явно сатана царствует. то есть, явная открыта прелесть. И вси сектаторы 200 лет и боле, уже имени християнскаго лишились, и имя расколниче с радостию пишутся, и ныне своеручно секту свою каждыи объявляет. Поморец поморская секта. часовенной, часовельной секты. и прочия разныя секты, у зверя вси записаны под раскол. А имени християнскаго отнюд никто нигдеже не смеют исповедать. Сие нарицает явнаго антихриста. Явныя вси прелести его открыты. Ниже о том срамляются, или страшатся, или в смотрение входят, но вси яко идоли стуканнии, не могут в чюство приити, или что мало порасмотрети, что де мы почто незаконно творим, и писание едино читаем, а вси врось. Чай можно всякому о том понимать. Что едина вера, едино тело, един Господь, и едино крещение християнское. А по Катихизису вси веры бесовския. Того ради и Ипполит рече, связаннии вещми житейскими удобь приступят к дияволу.

 

Вопрос 92 [?так в ркп.]. Что сие речение гласит, и Ипполит, и Ефрем, и Исаия глаголют. Тогда будет небо аки медяно, а земля аки железная.

Ответ 92. Зри о сем в Маргарите в 3-м слове на июдеи. Егда не познали Христа Сына Божия. а имущи закон пред очима своима, за непокорение и ожесточение их и невероваша в Сына Божия. Тако Исаия прорече будет небо аки медяно, а земля аки железная. Небо медяное, то есть жидовская выя, а земля аки железная. сердца их ожесточенная.

 

Вопрос 93. Что сие речение святых Ипполита и Ефрема. Антихрист родится исперва кроток смирен милостив, ненавидя неправды, отвращаяся идолов, благоверие почитая и прочая.

Ответ 93. Сие со времен апостольских, мнози быша еретицы даже во всем быша подобни християном, но за малое их противление, святии отцы анафеме предали. а житием даже и християн превосходили. Во[?нрзб.] первых воздержницы, ангельцы, вретищницы, апотактиты, донатисты, наватианы, и прочии. и у них были 7 таин, и монастыри, и иноки, и девственики и прочия добродетели, а за малыя ереси и противления наречени антихрист.

 

Вопрос 94. Что рече, святыи Ипполит и Ефрем. Егда воцарится антихрист, не ктому будет благоговен, ниже кроток, но во всем будет горд, немилостив, ненавистен, и укольник лукав спеща воврещи в ров погибельныи весь род человеческии.

Ответ 94. Максим Грек ясно рече. Во осмом веце всех устроение, сиречь греческия власти престание, и начало богоборца антихриста. А Златоустыи Иоанн, инако рече [зач. 275]; Егда возмется римская власть от среды, тогда антихристово начнется властельство. Сие без сумнения мощно тако разуметь, дотоле бысть антихрист кроток когда была римская власть, то есть царь и патриарх. А егда пали обою власти, духовная и гражданская, тогда антихрист нападе на безначалие. Вот и видимо. паче солнца светлейше. Егда были православнии царь и патриарх. тогда бысть собор Стоглавой в Москве при Иоанне Васильеве Грозном. А егда Никон и Алексий Михайлычь отступили от православия, тогда они сотворше собор, все православие анафеме предали, и латыню крепко утвердили. И с тех лет укрепилось осмое зверино мучительное богоборное антихристово царство. И всех правоверных християн начали мучить и истреблять останок в Руссие. Тогда покрывалися площади телесами християнскими, и не притуплялися спикуляторския мечи, и не высыхали от крови християнския мучительныя бичи, тогда были полны тюрмы и темницы насажены ревнителеи и исповедник благочестия, тогда густили улицы исповедниками, тогда брячили оковы связаных християн; тогда употреблялися в дело мучительская орудие, оковы бичи мечи плахи, клещи железныя хомуты. Тогда проливалась кровь християнская 48[?нрзб.] лет. до Петрова леснаго манифеста. И вызову тогда християн из пустынь; и уловил их яко заяцов[?нрзб.] в ловительныя тенята, и описал их ревизию, под названия еретическое наименования расколниче; и лишил у всех имя християнское; и записались вси сектаторы расколниками, то есть отступниками правоверия.

 

Вопрос 95. Что рече святыи Ипполит. Тогда соберет антихрист бесовския полки, и пошлет в горы и вертепы бесовския полки, на взыскание верных и тех привести на поклонение себе.

Ответ 95. Егда россия вся отпала и отступила от веры при Никоне, а сектаторы, вси в ревизии записались именем расколника, а имене Христова отреклися, тогда видится нигде християн не было токмо крыющеися в пустыни, которыя первое бежали от Никона, а которыя от Петра во время ревизии. Вот тогда и посылались от гражданския власти розыски, по горам и пустыням. А поморцы и прочие сектаторы, егда отлучились от пустыников и от остальцев бежавших из соловецкой обители, християн; и вышли в падшии Вавилон. и равно подписались крыющых християн суду предавать. Вот всех обще называет бесовския полки, никониян и всех сектаторов. Кто бы не был воистину таковых всех бесами нарицает. Почему[?нрзб.], а посему что они вси нарицаются християнами и каждый величается своей сектою. И образ носит християнина, а дела бесовския творит. еже церковь крыющуюся от зверева лица гонит мучит и грабит и суду предают, равно с никониянами. Того ради нарицаются по святому Ефрему защитницы змиевы, то есть защищают самого сатану, и на самого Христа вооружаются, и ополчаются, того ради без сумнения мощно их назвать бесами. Еще яснее покажем. Зрите что глаголет. Паде паде Вавилон и бысть жилище бесам и хранитель духу нечестивому. И паки Ипполит рече. Антихрист сотворит началники от бесов. и паки. пошлет антихрист взаконение по всех странах с бесы же с чюственными человеки. Ефрем святыи рече. Демоны пошлет на вси концы земныя, да всем проповедят яко царь велии явися. Синоксарь в неделю мясопус. Все тогда благочествовати изволившии далече из отбегнут, он же в горах их обрет с бесы искусит. Варух пророк рече [глав. 4, ст. 35]. Тогда вся земля населится бесами на множайшые времена. Посему без сумнения мощно понимать, что едины крыющиися спасутся в горах. А которыи крыющихся уловляют и к мучению звереву приводят, тии без сумнения вси беси, никонияне и вси сектаторы.

 

Вопрос 96. Что евангелист Иоанн Богослов, и Ипполит глаголют. Зверь изходяй от бездны, и сотворит брань, со Илиею и Енохом, и убиет их. Зверь седмоглавыи и десятирожный, а не лжепророк.

Ответ 96. Зверя нарицает отступническую мучительную нынешнюю гражданскую власть; А Илию, и Еноха, и Иоанна Крестителя, за ревность его нарицает, сиречь туюжде проповедь прият, Илия пустыник и обличитель царей. Тако и ныне тожде нужда бе творити, что Илия сотвори, или бежати и крытися в пустыни, или посреде стати доблественно. А то зверю покоритися, и быть его вернейшим рабом, и во едином бесовском полку, должен крыющихся убивать. И паки Илиею нарицает святых апостол и вселенских соборных святых отец, яко Илия поревноваша на еретиков, и заградиша уста их.

 

Вопрос 97. Что рече святыи Ипполит. Чтение и писание не услышится, но тма будет на всех человецех и похоть отбегнет.

Ответ 97. Чтение писания не услышатся, но тма[?нрзб.] на всех человецех, сие не о християнех рече, но о отступниках, которыи приняли печать на челе, и деснице, якоже июдеом запечатал антихрист ум их не видети писания, того ради и Христа не познали. А не[?нрзб.] отбегнет то есть никто ни хощет спастися, похоть на..[нрзб.] судится, ко греху, и ко спасению; А церковь крыющаяся в пустыни, всяким прохладным сладостем питается учением Господнем. И паки Ипполит рече. Слышаще же писания познают его в горах спасутся.

 

Вопрос 98. Что святыи Ефрем рече. Первыя поборники будут, исправляющии антихристово царство, едом паки и моав, еще же и сынове амоновы, яко своему царю поклонятся ему с радостию.

Ответ 98. Книга Букварь. буква пятая, 5. Едом по истории праотца Иякова. Брат Иасаф, прозван бысть Едомом, а не имя ему такое. Но сластей ради и безстудства. рече ему отец екой ты едом. Вот и нужно так понимать. Что кто хощет сласть исполнить. то есть жену поять ныне. или мирских сластей насладитися, или славу получить, или имения нажить. То иначе невозможно получить, аще не первее Христа отрещися, и всего благочестия. Потом зверю поклонитися, первыи поклонитися зверю, 2-е, принять секту, 3-е, исполнение сластей. Сии вси нарицаются едомляны. Кто антихристу поклонятся, и сластей ради работает ему день и нощь. В нечистоте его нарицаются едомляне, то есть по нраву его. А Моав, и Аммон, дети Лотовы, которыя родилися от двух дщерей его, изшедше из Содома, в горе Сигаре. Аммон народ смущенныи не имуще разума Божия. А Моав от отца сиречь диявола. Вот и видится по всему сии что, три человека беззаконныя, едом амон, и моав, образуют весь нынешний мир, всех никониян и сектаторов, царствуют во всех отступниках сласти, и плотское мудрования, и прелесть, и сам диавол управляет их, и всех разсеял в разныя ереси, секты. Тако Богослов рече зверь исходя из моря, яко рысь; В толк. третьем глаголет. Рысь то есть разногласия еретическое непостоянное. А рози десять на главах его, то есть десять, противных злоб, десятьми заповедем, еже расколом и смятением радоватися яко красоту царству своему носяще. А нозе медвежи гонение его на християн являя. А главы львовы 7 царств знаменает, прежде его бывших. а антихрист осмыи яко старейший, а уста львовы то есть убийственное его и нужное являя. А стоит на песце морстем, то есть песком нарицает всех отступников и еретиков безплодия ради, и царствует в них змии, и они ему яко обители суть. то есть жилища. А поясняя скажем, сей весь мир яко едино тело зверь нарицается, составлен изо всез родов, то есть язычников, и по писанию последнее мучительство антихристово яко во едином телеси суще. А жена седящая на нем, овыя глаголет[?нрзб.] на Рим. А настоящии разум святых, приводят на весь мир. женою нарицает сладострастия ради и ко греху приклоннаго, и роскоши ради всего света[?нрзб.]. якоже евангелист Лука глаголет [зач. 87]. В царство лесца процветут злая и всякаго греха жилище, и вси человецы в законныя сласти отдадутся, и нечистое житие пройдут. якоже при Ное. аще что случится[?нрзб.] им ничтоже веруют.

 

Вопрос 99. Что Исаия рече. Земля ваша пуста, а гради огнем пожени.

Ответ 99. Земля пустая, человеки пусты благих дел; а полны бесов. А гради огнем пожени, ни стены и домы пожени, но человецы огнем, то есть мучением и еретическим учением; Что пророк Исаия рече, не пройдут сквозе землю вашу дождевный облак, ниже нога[?нрзб.] ваша омочится от росы, и обыдите яко скот грызуще траву. Толк. Облаки дождевнии не пройдут, нарицаются учителие. ибо невозможно проити зверей ради, и слово проповеди страха ради, и великаго гонения. Якоже Ипполит рече, разумеваяи да умолкнет яко время зло есть. А росу нарицает Духа Святаго благодать. Никако и никого нигде ни видится разумевающих истину, по Ипполиту, но тма на всех человецех. А грызуще яко скот траву. то человецы без истиннаго учения и наказания яко скот; а траву грызуще ложное учение яко от нужды, приемлюще и от древа бездушнаго поищут насытитися, то есть, древо бездушное еретики, и неимущи Духа благодати.

 

Вопрос 100. Что святыи Ефрем рече. Зверь прострет руце и возмет гады, и пойдет в верху бездны яко по суху.

Ответ 100. Зверь есть сатана, а руце его прострение по всему свету мучительныя власти его, избранныя сосуды. и он ими яко руками всех человек управляет. А гады в руках его, то есть вси еретики во всей подсолнечной под властию его мучительской, и без воли его не могут ничто же сотворити. Вси сектаторы: как никонияны, единоверцы, поповщина, нетовщина, австрийщина, поморцы, и прочия разныя секты, в руце его. А в верху бездны ходит сатана, то есть бездною нарицает мирское скверное и мятежное житие, за глубину греховную.

 

Вопрос 101. Что Псаломник рече. Преседит в лаятелех с богатыми. В тайных убити неповиннаго.

Ответ 101. Лаятели нарицаются слуги Пилатовы, когда Христа в ланиту ударяли, и колена пред ним преклоняли. Тако и ныне лаятели нынешнии власти мучительныя. в них же сатана яко во своих всю силу употребил, преседит то есть всю детель свою, и злобу исполняет. А в тайных с богатыми. Богатых нарицает ему противников, мужественне противу его стоящих, и прелесть его обличающих. А в тайных убити. То есть по образу благочестия предлагающаго, и являя кротость, дондеже уловит в сеть, (сиречь в секту, и ересь и раскол).

 

Вопрос 102. Что рече святыи Ефрем. Мучитель речет горе оной, со он пол моря изыди и стани в краеный позор, и гора потечет, а друзей горе речет изыти тоя не изыде, понеже Господь искони и укрепи ю Господь.

Ответ 102. Сие зверь, вызывает скрывшихся[?нрзб.] от очию его, их же писание горами нарицает, ради в них твердыя и непоколебимыя веры. Сие слово было во время ревизии. овыи не писались в числение с прочими, в расколники и в прочии секты, но познали прелесть и побежали скрытися от лица зверева. Он же Петр первыи, и прочии по нему овых манифестом, овых строжайшими указами вызывал, под свою мучительскую отступническую власть. Посылал и посылает бесовския полки на взыскание верных.

 

Вопрос 103. Что рече евангелист Иоанн Богослов. Всяк остров беже и горы не обретошася.

Ответ 103. Толк. Островы святыя церкви, а горы в них поклоники истины, бегати начнут во время наведения предреченных.

 

Вопрос 104. Что рече, святыи Кирил. Антихристу ни поклонимся, (и ни покоримся) и не предадимся. Аще кто ему поклонится той царства Божия не наследит.

Ответ 104. Сие речение едино, что Андрей Кесарийскии рече. Аще кто озверившемуся антихристу, то есть нынешной отступнической звериной и богопротивной власти покоряти ся и во область ея вдаватися запрещает истинному хрисиянину. А почто, а понеже, антихрист заповеди святых разрушит, и паки зашиет им уста, и паки сотворит запрение креста, и отвержение Христа, и отсечет десных дел действа. Того ради ей не покарятися. Что рече Псаломник. Левит яко лев во ограде своей, восхитити убогаго. Лев есть антихрист, а ограда его закон богопротивный или просто рещи ревизия. Аще кто вне ея обретается сицевых мучит, яко некиих великих преступников.

 

Вопрос 105. Что рече Мефодии Патрскии. глав. 20. Антихрист вопросит и от мертвых дани яко же и от живых.

Ответ 105. На двое сие речение приемлем, мертвых писание нарицает неверных, и всех отступников и еретиков нынешних никониян и сектаторов. они вси яко мертвы. Аще бы исповедали право то не бы дани вопросил, но замучил бы. Второе аще кто в ревизию не записан, а умрет, то за таковаго платят обществом до вторыя ревизии, дотоле когда выключат из ревизии.

 

Конец вопросам сия писаным.