Вопрос и ответ. За что никониане и сектанты хулят нас.
[Из рукописного сборника «Кадес»].
Вопрос, первой; Поморцам, и прочим сектаторам, никонияном; о сем предмете;
Почему вы о россия и прочии сектаторы; порицаете нас бродягами, бегунами, и подполниками; всячески гаждаете, и хулите яко преступников закона Божия отрицаетеся, и яко злодеев хулите, и в темницу ввергаете, и вси удивляетеся, яко бы наша новая вера, и новое учение, и недавно проникшее;
1. Вопросим вашу любовь; что в нашем учение новое. Аще мы мира бегаем и яже в мире, се не новое. Но вси святии издревле презираху мир, и во вся благочестивая царства.
2. Аще мы раскольником не пишемся, но токмо христианом кое имя честнейше небеси и земли; и святейше всякоя твари, мы сего не оставляем но умрети всегда за того желаем, это вовсе не новое. Но вси святии апостоли и мученицы, и исповедницы, до крови пострадаша за имя Iус Христово.
3. Аще мы не покаряемся царем нечестивым еретической власти, в преступление церковных правил. И ето не новое но издревле вси святии не покаряхуся царским повелением, не токмо нечестивым и еретическим, но и благочестивым, аще будет противно церкве.
4. Аще не имеем жен, и домов и сел и земли, и не даем даней царю яко же и вы. Это не новое, но всею церковию соборами предано, что без священных молитв брак не составляется, того ради мы не имеем жен. Аще не имеем жен и домов и земли, но за что мы будем и дани давать. Ибо избегшии мира издревле свободни быша дани. Аще мы в ревизии не пишемся и паспорта не берем, и власти не вопрошаем к бегственному и евангельскому крестоносному житию, сего и от века не бывло, чтобы оставить церковь и всех святых от века Богу угодивших, и приступать ко врагом Божиим, и явным отступником, и спрашивать дозволитися взяти крест и последовать Христу. Сие всему благочестию чюже. Мы покажем не нагими словесы, но святым писанием:
Первый был бегун, Мельхиседек царь Салимскии не вопроси отца своего [Быт. глав. 12], побеже на гору Фаворскую и тамо живяше осмь лет; ибо и пророк Давыд пророчествова и глаголя о нем тако, по чину Мелхиседекову Господь Иерей вовеки, то есть по житию и нраву его Господь Иерей вовеки;
Вторый странноприимец, и страник, Авраам, к нему же Господь глаголя [Быт. глав. 14], Авраами изыди от земли своея, и от дому отца твоего, и преселися в Маврию, и скоро послуша Господа и преселися в Маврию со всеми домочадцы своими, и явися ему Господь в троице, якоже на иконах написано видим;
Третий бегун святый пророк Моисей, убил человека египтянина [Быт. 2, глав. 2], и побеже в пустыню, и явися ему Господь в купине и глаголя ему Господь, Моисею Моисею иди в Египет, и изведи люди Моя в пустыню, тамо принеси Мне жертву хвалы, и тако с Моисеом 6 сот тысящь, вся церковь избеже в пустыню, не вопроси царя ни матери своея от нея же воспитан бысть;
Четверый бегун Июда Маккавей, 10, и сущии с ним бежаше от Антиоха, в пустыню [Маккав. 1, глав 2], и звериным образом живяху, 3, года траву ядяху;
Пятый бегун святый пророк Илия, молитвою небеса затвори, и паки молитвою отвори [Царств 3, глав. 19], и цари обличи и лжепророки изби и петидесятники сожже; и побеже в пустыню, 40 дний, до горы Хоривы, и тамо явися ему Господь;
Шестый бегун, Иоанн Креститель, побеже в пустыню Иорданскую не вопроси Ирода царя [Мк. зач. 1], и тамо живяше до явления Господня;
Седмый бегун, сам Господь наш Iсус Христос. По повелению ангела побеже во Египет [Мф. зач. 4];
Осмыи бегуны, святии апостоли, егда бысть глас в церкви соломони во еже бежати всем верным вон из Иеросалима: Тогда апостоли бежаша от римлян во всю вселенную на проповедь;
Девятыи бегуны, святии мученицы, якоже пишет Бароний в лето, 253. Тогда пусти быша гради и села; а горы и дебри и пустыни, наполнишася беглецов. И живяху в пустыни. Зверие лоси и серны; без псов и сетей давахуся им на заколение на пищу;
10 бегуны, преподобныя отцы пустынныя жители, ихже наполнишася Египет, Ливия, Ефиопия, Мавритания, Сирия и проч.; потом и Россия; соловецкии, киевопечерския, и проч. их же не бе числа;
Но не един из святых отец от века угодивших когда вопросил бы царския власти како спастися, куда бежати; Такожде святыи Алексии человек Божий, не вопроси отца и матери и невесты, како спастися, или куда бежати. ниже отец вопросил его кто есть такой есть ли у тебя билет. Но просто даде ему хлевину, и спасался в ней, 17 лет. И сам Господь в церкви глаголя, есть человек Божии в дому ефимияновом, ему же не бе достоин весь мир, аще помолится о граде, тогда милостив будет вам Господь. Афанасий Великий, крыяшеся от ариан в сухом кладязи, и у вдавицы благочестивыя в сокровенном месте, крыяшеся;
И российскии вси святии их же вы за великих почитаете, Антоний Печерский, Антоний Римлянин, Феодосий Печерский, Сергий Радонежский, Кирил Белозерский, Зосима и Саватий Соловецкии, и проч., их же не бе числа. Ей ни един ни вопрошая гражданския власти како спастися, не токмо нечестивыя но и благочестивыя, которая власть не разрушала евангельских заповедей и соборных правил, но еще и помогала церкви: Но и отца и матере которыя родили и воспитали, и то святии отцы не вопрошали. Но слушая самого Христа глаголющаго, аще не возненавидит отца и матере, жену и чад, не может быти Мой ученик;
Аще царей нечестивых, и благочестивых, и отца и матере не подобает вопрошати о спасении; То како вы никонияне и вси сектаторы, нас принуждаете оставить евангелие, и правила, и всю соборную церковь, и всех святых от века Богу угодивших. Приступати ко отступником и еретиком и к видимым врагом Божиим которыя все древнее благочестие истребили, и двери всем ересям, и всякому беззаконию отверзли. И к таковым то поклонятися, и извинятися и просить дозволения, или паспорт; дозволит ли жити по евангелию, или ни. Аще ли же не дозволит то непременно по вашему многия нужда тако сотворить, евангелие и всю церковь оставить, а указы Петра перваго соисполнить. Аще на сем основание ваше мнение, то вы россия и вси сектаторы, покажите вы нам от святаго писания. Аще есть у вас апостольская церковь, то покажите который апостол и когда тако написал что евангелие и правил оставить, а указов паче послушати царских, нежели святых отец; Аще ли речете не от святаго писания, то не подобает послушати, ибо не по писанию верующии вси еретицы, и паки апостол Павел глаголет: Аще и ангел с небесе возглаголет, паче яже мы благовестихом, анафема да будет. Аще вы речете, что тако царю соизволися Петру первому, и сие к лучему для народа, чтоб бродяг не было. Мы же Павла слушаем. в церкви положи Господь, первии апостоли, и пророцы, и благовестницы, и учители, в созидание тела Христова; А не приложи царем в церкви распоряжатися; Это новое будет и от века неслыханное, что оставих Бога и всех святых от века Богу угодивших; а приступать ко врагом Божиим вопрошать о спасение. И ето новое что оставить имя христианина, а раскольником писатися. И сие новое церкви видимыя нет, и ниже священиков, а браки во всех составляются кроме священических молитв; Аще вы нас и порицаете, но безсловесно и законопротивно. Аще и хвалитеся своим коренем, яко бы старше нас, и сие противно святому писанию, ибо церковь, или вера не подлежит новости, или ветхости, яко же Златоуст рече, стены летом обетшают, а церковь николиже стареет. Мы показали от святых писании, что наш корень ни от Евфимия, но от начала мира вси святии избраннии Богу, и столпи церковыя тако спасались, и на самом краеугольном камени Христе, и на святом писании основание полагали, а не на человеках тленных и превратных, еда ли вы не видали писания, Апостол тол. зач. 166. Аще кто не любит Господа Iсуса анафема. Толк. Едина ересь воскресению неверовать, и идоложертвенных ясти и в человеки веру нарицати; анафема толкуется жив сыи человек отдается дияволу;
Аще кождо из вас нарицается, аз филипов, аз феодосеов, и андреевы, и проч. что не анафеме ли вы вси предани за сицевое нарицание по апостолу. А вы о сектаторы, не токмо от Христа и от веры отступили, но и своих ложных учителей оставили, и раскольниками нарицаетеся, и сектаторами. Ето ли ваш корень старшее нашего; оставить Христа и всю церковь, и расколниками писатися; Сии ли чада соловецких отец чадами их нарицатися; и ко учению и деянию их и перстом не касаетеся;
Мы показали от святаго писания, что отнюд не на Евфимие мы основание свое полагаем, но на Христе и на святом писание. Сие основание от начала мира, во вся веки распростреся; А вы покажите от писания где есть писано оставить Христа и церковь, и вопрошать нечестивыя власти како спастися; Дозде о сем.