Вопросы об антихристе

[Источник: из книги Е. В. Прокуратовой «Старообрядческая культура Коми края XVIII-XX веков». СПб. 2010]

 

Вопрос 1 о антихристе.

В едином ли человеце тому бытии или во многих, и в чем того существо и лице, и с коего времени рождение и воцарение, и в коих странах и месте, и в чем того печать замыкается, и где верных церкви пребывают, в каких местех, и той же ли закон правил церковных принадлежит верным хранити, которыя до воцарения антихристова соблюдать предан или иной особый настоящаго времени собственный?

 

На сие краткое отвещание на 1 вопрос. Сице рекший, яко во едином ли человеце быти и лице антихриста — сына погибельнаго, о котором многое Писание нам поведает, прелестника всего мира и губителя рода человеческаго. Наше разумение о сем сице, яко не во едином лице быти единыя ипостасии состава человеческаго видимых телом состоящагося, потому что многое Писание обретается противное сему разуму на едино ипостаснаго человека склонити сказание, еще же и действа и характеры антихристовы единому человеку въместити не­возможно, яко сие первое писано о нем. Яко прельстити ему, антихри­сту, весь мир в смерть и во всем мире навести скорбь человеком и про­чая. [дописано на поле Ефрем, сл. 105 в начале, Ипполит, лют(ый) сый мучи­тель, ниж., еже на вся человеки выше и сия сотворит; от колена Данова отъродися неверных человех.]

Едали смертному единому человеку так свойствено таковое сотворити действо. Еще же и рождение его ни единообразно бытии поведает Святое Писание, но многое есть и до седми писано. Яко родится от Ва­вилона, искотчи от Васана, и от моря, и от колена Данова, от девицы нечистыя, и жены скверныя, и от бездны, и от Рима, идеже воспомина­ется Гог и Магог, и отступление, и отнуду же и Христос прииде. От сего не дает нам разумети на единаго человека, потому что не свой­ствено тако человеком родитися от таковых матерей, но токмо антихрист, и о нем иносказательно есть и по примеру ради случайных деяний по местом бывающи в преступлениих закона бывших. Сие взятся о нем сказание, притом же и от веков не слышится нигде. Таковый человек властелин, чтобы мог един надо всею Вселеною власть иметь и волю свою в них исполнять, а понеже различных стран и области познали веру во Христа, то и всяка страна имеет свое области и правый закон и следует всякому языку пасти от своего предержащаго первенствующаго властию над ними. [дописано на поле: Апок(алипсис) 3-х тол(ковый) о связании сатаны, гл. 63.] Душевнее и телесне властвующаго сотворшему ему сосудом скверным и прия телищем всякаго сатанина действа и всякой стране и месту от того сосуда, и погибнути за их хотение и нечестие, за отступление и лестьцу верующе посылается им лесть, чтобы верили лжи.

 

Вопрос 2-й. Что существо его?

Существа антихриста, первое поставляется виною бытии диявола, первое отступник от Бога, от него и вся сия имя, противник быти Богу. Антихрист в человецех, склонившихся произволением в еретичество и закону противление от сего разумети нам датъ всяко противное действо Богу, может нарицатися за вмещение сатанина свойственнаго качества.

 

Вопрос 3-й. С коего времени ему рождение?

И рождение ему показует от самых первых лет апостольских времен бывшее, потому что и тогда мнози насташа противницы Христу из тех самых людей, которыи быша чать и достояние Христово, и род избранный царьскаго священия, и тии быша сами противницы и хулницы на Бога. И в них первый образ поставица антихристова характира, и чрез них той самый антихрист показася. И тако во все время новыя благодати противишися Христу по местом, идеже произволится Бога отступити за нехранение православных законов.

 

Вопрос 4-й. В коих странах и местех?

Сие немногословити потребно, но тако разумети свойственно, яко идеже Христос проповедася и вера утвердися, тамо ему и престол и седение, идеже Христос царьствовал. А царство Христово мы разумеем в человецех за соблюдение православных законов и за непорочное православныя веры сохранение седети в соборной церкви апостольской. Тако антихристу тое самое место и пребывание, по речению, идеже света лишение, ту и тме пришествие. Царствует антихрист в человецех чрез произволение противнаго Богу действа и сядет в смущенном в соборищи жидовскаго права, еже есть убийства на Христа.

 

Вопрос 5-й. Печати что есть существо?

На сие сице показуем нашего разума непщевание, ибо сатана ничего своего не сотворяет и не вымышляет, понеже есть безумен. Но токмо, что видит у Христа Спасителя, что и он в противности сотворити чтится. Христос ко спасению и антихрист к погибели человеком, яко ж во уках, Бог всякому человеку хощет спастися и в разум истинный приити, а той всякому погибнути. И Бог хощет всякому верному веры крепко держатися, а той отступити и прочая. Сице и печать его разумеем или образ зверин, или число его тое едино разумеется. В подобие Христова в понятие приходим, яко ж Христос верным своим дал печать — крест честный, от него же всякая бесовская лесть бегает и исчезает, и той против сего свое знамение даст и на тое место полагает, идеже креста Христова образ пребывает. А о кресте Христове мы разумеем его же и число. Сие же совершенное познание и в меру возраста Христова пришествие православныя веры, при сем ж и совершенны плод веры добродетелных деяний и по Евангелию житие. И тако сие нарицается числом совершенным тысящей, от сего и о антихристовой печати научаемся, тако же совершенное от Бога, как делы, так и законов нехранение, предания апостольскаго, сие число показуется и 666 именуется, и вси отступницы, ибо противницы, в сие число приходят, сиречь в крайние злобы величество, яко ж и святии в тысящу.

 

Вопрос 6. Где верных церкви пребывание ныне, в каких местех?

О сем мы много не мудрствуем, но можем наказыватися от прежних образов и подобий, бывших во времена гонителных случаев, где тогда вернии укрывалися, и сице и мы ныне разумеем на сие, тогда им было полезно, нам сие схранити нужно. Сим видится то нужно было, где бы не жить — благочестия не вредить и не отступить от Бога. Тако и нам законополагает Писание достигати горы и пустыни, но на прежния образы творити посылает, а прежния, видим, везде укрывалися в пустынях, в домех и прочие.

 

Вопрос 7-й. Той ли закон будет при антихристе?

Мы не разумеем иного бытии закона и правил, но тех ж, им ж во вся роды и времена действовалися, сице и ныне, потому что и веку сему скончается то, что в трех законах, в естественом и писаном, и в благодатном, и нигде ж Писание не видится ради антихриста иный закон дается, аще ли ж хощете истино утвердитися, то смотрите ж Катихисис Вел(икий) о законе благодати, главизну тамо глаголет. Яко закон новыя благодати истинен и прав, и конца не имать, яко Моисеево и никто же нас изгнати может от него: и не смерть, ни вещей обстояние, ниж сам диявол. Дозде Катихизис. Мы не разумеем ныне четвертаго закона бытии, и несть законополагателя инаго.

 

Вопрос. Почему и како человек антихристом нарицается в Писании?

Ответ. Егда человек антихрист в Писании нарицается, но не тогда он рождается, егда человеческое естество и не тако. Понеже человек зараждается во утробе женстей от семени человеческаго и бывает носим во утробе 9 месяцов до совершеннаго телеснаго воображения, и тогда раждаем бывает.

Антихрист же не от семени зачинается во чреве девятомесячно обитание, ниже рождение естествено имать. Но рождение его и зачатие бывает в человеке, имущем совершенный возраст и разум естественный. И приходит к таковому человеку диявол и всевает во ум ему семя свое всякия злобы, и аще и приимет человек той семя сие и углубит е в сердцы своем, и егда укоренится семя в сердце того человека и начнет прозябат мало-помалу, егда расплодится и утвердится, и тогда в человеце том начнут рости плоды сия всякия злобы. Тогда видит диявол, яко сия земля добра ему и угодна, и может его питати, и тогда вселяется диявол в того человека и живет в нем, и той человек служит ему верно, исполняет всю волю дияволю и прочие. Человек той разсевает плоды злобы своея на прелесть человеком, идеже может и тогда бывает той антихрист и сосуд, и чадо дияволе.

То самое разумей рождение антихристово, еже происходящее от человека явная и студная злоба по злобе, и имя тому человеку антихрист, естеству человеческому нимало непричастно. Понеже, аще той же человек оставит злобу и приидет в раскаяние и возлюбит Бога, и начнет жити по закону Божию и по заповедем святым, тогда вселится в него благодать Божия, и бывает тогда по благодати чадо Божие, а не по естеству. А злоба, еже бяше в нем, погибнет, а не во ин исходит, и сама о себе негде пребывает, яко ж бы некая вещь, имущая существо, но понеже злоба существо не иматъ. Сего ради ниже во инаго человека может прейти, но в котором человеце зараждается, в том и погибает, егда престанет тую творити. Яко же и много Божиею благодатию сие быша и бывает, ово от разбойник, а инии от еретик обратишася к Богу, и быша чада Божия, ниж прежде быша диявола чада. Сице и напротив разумети подобает.

 

Вопрос. Каково имя будет антихристу?

Ответ. Многая антихристу имена нарицает Святое Писание: человек беззакония, сын погибели, беззаконик, лжепророк, лжехристос, мерзость запустение, зверь, сатана, диявол, змий и проч. Но сия имена общая, и всякаго грешника некающагося можно назвать человеком беззаконика и сын погибели.

 

Вопрос. Что есть антихрист?

Ответ. Антихрист есть противник Христу и проч., и проповеди его, и учению, и истиному христианскому.

 

Вопрос. Мощно ли по исчислении лет познати антихриста?

Ответ. Никако же невозможно.

 

Вопрос. Почему познано будет пришествие антихристово и кончина века?

Ответ. Обычно есть сокровенный огнь познавати от дыма, такожде и пришествие антихристово от знамения.

 

ИРЛИ. Мезен. собр. №29 л. 160-165.