Нарекоша имена своя на земных.

 

Апостол глаголет сице [зач. 124]: «Возвестибомися о вас братия моя, послани от Хлоиса, яко рвение в вас суть, яко кождо у вас глаголет: Аз убо есмь Павлов, аз же Кифин, аз же Апполосов, аз же Христов». «А еже глаголет, сицево: пресекосте Христа и разделисте Его тело, еда Павел распятся за вас, или во имя его, си есть Павлово крестистеся» [Бесед. лис. 528, 29 и 30; и на сие толков.]. Апостол глаголет, сицево [зач. 166]: «Иже аще кто не любит Господа нашего Iсуса Христа, да будет проклят»; Толк. [зач. 166, лис. 1108]: «Единым сим глаголом всех устраши, иже тая творящих блудничи уды, братию соблажняющих идоложертвенным. Иже от человек именующеся; иже воскресению не верующе».

И зде ясно показася кий грех, еже от человек нарицатися, еже едино есть, яко не веровати воскресению, и уды своя сотворити блудничи уды; и идоложертвенное ясти. Сице и сие прегрешение, Златоуст равняет.

И паки апостол глаголет [толков. апостол, лис. 599]: «Не любят Господа Iсуса, анафема глаголется, да осудится сатане, и предастся во огнь геенский». (И паки рече от Пролога [Пролог, генваря в 30 день]): «Людие нарицахуся от учителей, овии василияне, а инии григориане, а нецыи иоаниняне. И сие упразднися недоброе наименование от самих святителей». Святый Григорий Богослов глаголет [слово, 31]: «Аще бых человеком угождал, Павел глаголет, Христов не бых раб был; Аще бы зданию служил, не бых христианин именовался. Почто христианин честное, ни ли яко Бог Христос, аще не сие, яко человек постражду любовию к нему смешени; и Петра чту, любовию к нему смешен, и не слышу петрянин, и Павла, павлянин же не слышах, не приемлю от человек именоватися, от Бога быв, тако аще убо яко Бога непщевал еси, сего ради зовешися христианин, и зовися, и пребуди во имени, или вещи. аще же яко любиши Христа, сего ради, от него зовешися, ничто же болше даеше ему иных звании».

«Яко велие безумие есть оставити глаголы готовы, и глаголати моя». Дозде о вере, списатель. К сему же присмотритеся возлюблении, и по сей причине; что враг никакова имени так не усиливается в человецех отнять, как сего; следственно оно ему противно есть; всячески попущает нарещися, и не прекословит, дает волю, яко же кто хощет, а сего токмо одерживает; как прежде, так и ныне, ето ему не нужно егда в доме во своем и со своей любимой [с женою своею, и в дому своем как хочешь зовись, антихрист о том не истязует], с дружиною своею; как восхощеш ся нарицай; но токмо ему сиречь врагу християнскому, соизволение дай, что не христианин; сиречь раскольник, или сектант, или старовер, сиречь жид. И вот то ему и оправдание своего нечестия, и еретичества, или притворнаго лжехристианства. И сего ради, святый Ефрем рече [слово 105]: «Всяцем коварством кует, да отнюд имя Спасителя пресвятое и славное не именуется, во времена змиева, бояжеся святыя силы, имени Спасова».

А кольми паче настоящаго многоплачевнаго времени, православную веру сохранить, во время царства последняго антихриста, всех находящихся; кроме страдательнаго положения узами, и бегством укрывательнаго прожития; за содержателей безпорочных признавать не научаемся, а не иначе как за предавших оное, и решительно того отпадших, неизбежным последствием. Почему положение христиан настоящаго времени, и соточняет времени нашествию на Иеросалим, бывшему постижению при Антиохе [в книгах Макав., Матф. зач. 99] хранящим благочестие по закону преданному Моисеом. И при обстоянии от римлян во время Тита, страждущим в подвизе мученичества страданиями или бегствами; (яко же рече писания [Кирила, знам. 11; Матф. зач. 99; Бесед. на Матф. бес. 76; Лк. зач. 87; Бесед. апостольские зач. 275; Апок. зач. 54; о царствах, ст. 10; и зач. 33, ст. 1; зач. 18, ст. 3; зач. 19, ст. 1; зач. 52, ст. 20; зач. 55, ст. 4, 5; зач. 35,  ст. 13, 14; зач. 33, ст. 6; зач. 37, ст. 15, 16; Ефрем слово 105; Ипполит папа римскии о антихристе; История о соловецких]); «Сильный да борется с сатаною немощныи да бежат». И Соловецкой обители, остальцы благочестия, глаголюще к себе сице, «братия время подвига наста», и советоваша, немощным бегу ятися, а сильным братися. И тако совет свой делом запечатлеша, вдея[?нрзб.] токмо пути шествоваша. Естли бы возможно было при последнем антихристе, неизбежно благочестие соблюсти; в верноподданстве гражданской власти; не бы святии едино гласно тако написаша, еже немощным убегати, а сильным страдати.

По сей причине нужно иметь различие, что при власти еретической нынешняго времени и правительства, духа антихристова, и действа самого сатаны, и ядовитой дрождяйщии еретической злобы не в покорении, пребывать, по исправлении гражданства, и не как прежде, у языческой власти, кои токмо дань грошевую требовали, а о вере и благочестии не истязали и не спрашивали, какой ты вере; не по прежде установлению благочестивых царей; но нечто особое, вне границ православнаго правления. Каждому человеку недвижиму быти от своего места, пресецает всех намерение, и благопроизволение к совершенству добродетели; И творит запрение креста, и отвержение Христа, чтитца чрез антихриста, содействовать сатане, и чтобы никто не последовал вслед Христа Спасителя; Святии отцы уразумеша, яко в мире неудобь мощно сохранити добродетели, начаша бегати мира, и жити в пустынях [Ефрем, слово 111; аввы Дорофея, слово 1]; Понеже мир есть слеп, к зрению небеснаго богатства, яко же писание речет [Диоптра вся книга о том пишет, что мир есть слеп]. Первая добродетель, страну быти мира [Бесед. лис. 3003]. И паки святыи Иоан Лествечник глаголет: «Первая лествица восходящая на небо, еже бежати мира и дрождества [сиречь еретичества, бесед. лис. 3003, и нравоучение] земнаго, и сродства плотскаго, и воли своея доконца отсещи». И все писание глаголет, что мир блудница есть, и желанием доброты своея, к себе привлачит зрящих [Нравоучение]. И сам Христос свидетельствует [Матф. зач. 79]; егда богатому вопросившу, что более навыкнути, имже до конца угодити Богу. Ничтоже ино к совершенству добродетели токмо продати имение, и раздать нищим, и идти вслед Христа; взяти крест; и в том умножается сторичный плод евангельскаго семени.

И всему тому, равноангельскому житию, противен и виновен закон гражданской, и власть еретическая. Потому что всякаго при своем жилище крепко ограничивает, и нигде инде не попускает человеку, токмо в мире сем, и со оною с проклятою с любодеицею блудити, сиречь, с церковию никониянскою, и по..[нрзб.] рече о ней, ей воистину блудница; а како блудница, зри сердечным очам, како развалила голени, и всех поганых гадов, сиречь проклятых еретиков и отступников, к себе нуждию привлекла; И вси ей покорны, сиречь разныя поганыя языцы, и проклятыя еретики; и раскольники, и сектари, и всякой названия вере, и всех староверов, сиречь жидов и ордов; и всех совокупила во едино тело змиина, и верноподданства еретической гражданской власти, и ко отвержении креста; и ко отступлению Христа; и все едино у всех отступниках стало одно отступление, сиречь антихрист, царь. А како царь, слыши реченное, когда ереси и грех приняли и законом утвердили, тогда и антихрист царь [согласишася блудить, со оною блудницею, сиречь с диаволом]. И соблудиша от заповедей Господних, и согласишася со оною с блудницею [шайтаном], похоти ея исполняти. И ни един не может гонзнуть гражданской власти и законодательства, токмо той избежит; яко же святый Ефрем глаголет [слово 105]: «Блажен есть, иже обретыйся крепок, и верно имея сердце свое к Богу, не сумняяся врага; но без страха ему отвещевает, и вопрошения его похулит, нирадя ни о муках ни о страстех»

И вси в верноподданстве живущии, на лице сия земли, подложили ярмо свое под иго работы греху, и быть послушным к возбранению крестоноснаго жития; Не помняще апостола глаголюща [к Рим. глав. 6, ст. 16]: «яко ему же предствляете себе рабы в послушание, тому раби есть; егда раби бесте греха, свободны бысте от правды». И паки глаголет сице [Матф. зач. 43]: «Возмите иго Мое на себе, яко иго Мое благо есть, и бремя Мое легко». «Но обаче не понесоша, но и сокрушиша, и разстерзаша, от века бо рече, сокрушил еси иго твое разстерзал еси узы твоя. Иго и узы образы начальствия глаголя; яко отрекошася владычества Христова, глаголюще: мы не имамы царя токмо кесаря. Сокрушил еси ярем, рзстерзал еси узы, изгнал еси себе от небеснаго царства, и подложил еси человеческим начальством» [Маргарит, слово 1, на июдей].

Вси расколники, иго благое и бремя легкое отложили, то есть Христову заповедь не понесли, не воспротивилися гражданской власти приняли на себя раскольническое звание, не восхотели страдать за исповедание веры Христовы отреклись заповеди Христовы; «Аще кто исповесть Мя пред человеки», и прочее, подложили себя человеческим начальством, изгнали себя от небеснаго царства. И вот таковый властелин, для хранящих благочестие. по указанных в писании и лишается достоинства властелинска, и единственно поставляется быть постоянно ратующаго верных, а не лицем царя, но особою презелшаго гонителя, и мучителя, и антихриста, и сатаны, и возбранителем проповеди благочестия а не достоинством царя и властелина в мире и благоденствии соблюдающаго; но противоположне поступающаго [Ипполит, лис. 132, и в толков. на пророч. Даниила; Апокал. глав. 13, ст. 14; глав. 17, ст. 8 и 10; Ипполит лис. 131; Никон Черн. гор. слово 41; Апокал. зач. 8; Даниил пророк глав. 7; Ипполит лис. 128; Кирилл. знам. 11; Апок. глав. 11, ст. 10; Бесед. лис. 2343; Соборн. бол. слово о антихристе]. И вот к лицу власти настоящих времен, сице быть имеющей, и тако поступати указуемей, ясными свидетельствы святаго писания; Зде сообразно привести святаго Ипполита, глаголет сице: «Повеления его скверный на кийждой град послет, взаконения по всех странах, с бесы же и с чувственными человеки».