Об акефалитской ереси противостатейников Можаева и иже с ним мудрствующих.

История написания статей Никиты Семенова.

 

Благочестием и человеколюбием благаго Бога, Господа нашего Iсуса Христа, по действию Святаго Духа, быв аз сохранен от языческаго преданнаго заблуждения, издревле же и от начала от христианских родителей воспитан, от которых измлада и священным писаниям, ведущим мене к познанию истины, научихся. А егда я достигнул мужескаго возраста, и часто странствуя, и следственно потому входя во многия дела, приметил во всех других, в художествах и знаниях тщателно упражняющихся, вельма великое друг с другом согласие, а в единой токмо церкви Божией, за которую Христос умре, и Духа Святаго обильно на нея излиял, увидел я между многими великое некое и чрезмерное, как между собою, так и в толковании Божественнаго писания несогласие: и что всего ужаснее, самих настоятелей ея в толикой разума и мнения разности состоящих, толико заповедем Господа нашего Iсуса Христа противящихся, и немилостиво церковь Божию раздирающих, и нещадно стадо Его смущающих [труд Великаго Василия, О суде Божием, лис. 171 об.].

Якоже воставшым, от ереси еретиков, нарицаемых Акефалитов, безглавных и безначалных; Тако и ныне, востающим еретиков, нарицаемых Можаевцев, подобным тем вышеписаным еретикам, Акефалитом безглавным и безначалным, и ихнию древлеумерщвленую ересь оживляющим. И ныне глаголющих, яко бы от лет с 1666 лета, стало церковь тела Христова, не живое а мертвое, подобно мертвому трупу, и безглавому, и будто Христос главою церкви своей не владеет. Это явная и прямая есть ересь змиева, по сказанию святаго писания [На поле: Кирил., глав. 8, лис. 64].

/Якоже воставшым, прежде бывшим, еретиков, Акефалитов, такожде и тоже нынешныя еретики Можаевцы мудрствуют; и оживляют древле умерщвленую ересь Акефалицкую./

И бысть во дни преподобнаго отца нашего Анастасия игумена Синайския горы [зри месяца апреля в 19-го]. Подвизася же зело на еретики глаголемыя Акефали, сие есть безглавныя много на них пишущи, и прящися с ними, обличаше и побеждаше, и постыждаше их, начася же ересь та во Александрии в Зиноново царство, от враждебников и противников четвертому вселенскому в Халкидоне святых отец бывшему собору. А егда та ересь начинашеся, бе во Александрии лжепатриарх еретик Петр, прозываемый Могос. К той ереси Акефалийстей потом приста Севир, прозванный безглавный. безглавных ради ересей, иже в царство Анастасиево похити престол патриаршества Антиохийскаго. Тех убо безглавных еретиков преподобный Анастасий во дни своя от божественных книг препирающи, борящеся с ними не точию в горе Синайстей, и во всю Сирию, и Аравию, и Египет, ово писаниями своими, ово же собою пройде, всюду ту ересь искореняюще, и прогоняющи, утверждающе же в правоверии церковь Христову. Дозде минея.

 /Якоже во дни преподобнаго отца нашего Анастасия игумена горы Синайскии, та Акефалитская безглавная ересь в странах распространялась. И так во дни сия от воспитомцов Можаевых еретик, та древния оживляется Акефалитская и безглавная и безначалная ересь, и распространяется./

[Далее от сего труда Великаго Вас.] Ныне паче нежели когда прежде, на них исполняется оное: От вас самих востанут мужи глаголющии развращенная, еже отторгати ученики во след себе. Сия и другия таковая же видя, к тому же и недоумеваяся, кая и откуду причина толикаго зла происходящаго, долговременнаго ради человеческаго обыкновения, и познаваемыя ради в Божественном писании истины. Многое же время сие мне страждущему, и причину сказанную мною прилежно испытующему на память пришла книга Судей, повествующая, яко кийждо, еже угодно есть пред очима его, творяше, объясняющая же и причину, глаголя [Суд. 21, ст. 25]: В тыя дни не бяше царя во Израили. Сия помянул я, и купно о настоящей вещей состоянии оное помыслил, что хотя изрещи есть страшно и дивно, но егда уразумеемо будет, вельма истинно: то есть, еда ли и ныне отметания ради единаго великаго истиннаго и единаго всех Царя и Бога толикое несогласие и брань у сущих в церкви бывает, егда отступает от учения Господа нашего Iсуса Христа, и мнения некия и собственное благовествование издает своею властию.

/Яко с 1666-го лета, стало быть тело церковь Христова мертвым трупом, и безглавным; И якобы Христос и не стал главою вечную церкви быти; И сию такую то богохульную ересь, и в Галате смел некто рещи. Сих то, начальнейших еретиков, зде Кирил святыи помрачает, иже зле веруют о Сыне Божии [Кирил. глав. 8, лис. 64]: /ниже/ Котории смеют рещи, яко Христос возвратися ко Отцу, уже главою телу церкви своей не пребывает. Сию ересь называет змиевою иною новоприниклою главою [лис. 64 об.]; Како смеют еретицы утверждати, яко Христос всегда не пребывает, /главою/. И телу церкви его, иной главы потреба которая бы всегда пребывала. И тако мерзским возгордевся живым Христом вовеки истинною главою, смертнаго человека. /то есть мертсвому трупу/ всему телу церкви главою быти поведают. /И паки рекут еретики/ [лис. 65] А Христос взыде на небо, и не пребывает уставничне телу церкви своею главою, токмо действом нашим есть у Бога. на тех же еретиков наипаче гневается Сын Божии./

И посем зрите, сочинение еретика Можаева, его объяснения, и мудрования, наизпровержения законыи власти церковныи; И подобно его, то есть, Можаева мудрования, вышеписанным еретикам, и той ереси змиевой. Вот что Можаев пишет, и то проповедают.

/Но как всему миру что бы было известно/ [речь Можаева];

Отселе можем верным заключить союзом; что пока святая церковь, имела полное предстательство, то и могла назваться целым телом. Но как всему миру известно что, священнорукополагаемых предстателей церкви мы лишены рукою Божиею, следовательно труп тела обезглавлен, и члены его отняты; Это выходит подобно мертвому трупу; Дозде Можаев.

Вот зрите, что, и как Можаев, церковь Христову обезглавил, и без членов, или уд, тело Христово оставил, и нарицает церковь Христову; и уподобляет ея, мертвым трупом. И посем, и зрите правовернии, и так всему миру известно; что где и когда церковь Христова была безглава, и не имущи уд; и мертвым трупом слылась. Но несть и не бысть у православных християн. но токмо у иноверных, и неимущих праваго понятия; как то у жидов, и у еретиков токмо у них мертвый труп. Да еще у нынешних еретиков отщепенцев, церковных, воспитомцев, Можаевых, слывется, мертвый труп, и не имущи уд. И как идол дутый, или изваяный.

И вот таковых то еретиков, святыи апостол Павел обличает, и сице глаголет. Истинствующе же в любви, да возрастим в него всяческая, иже есть глава Христос: из Него же все тело составляемо и счиниваемо приличне, всяцем осязанием подаяния, по действу в мере единыя коеяждо части, возращение тела творит в создание самого себе любовию: Ко ефес. глав. 4, зач. 225, глав. 1 ст. 22, Колас. глав. 1, ст. 18; и проч.

Евангелие от Лук. зач. 107. Аминь глаголю вам, яко не имать прейти род сей, дондеже вся сия будут, небо и земля мимо идет, а словеса Моя не имут прейти. Толк. Аминь глаголю вам, яко не прейдет род сей, дондеже вся си будут: род рече не тогда сущии, но род весь християнскии верныи; весть бо и род от единонравия именовати писание: яко сей род ищущих Господа; понеже бо мятежи и рати, и изменению рече быти стихиам и вещем, да непщуют нецыи, яко егда христианство разорится, ни рече: не прейдет бо род сей христианскии; небо и земля изменится, словеса же Моя и евангелие Мое, не раззорится, но пребывает; аще и вся двигнутся, но о Мне вера не оскудеет. Являет же зде, яко церковь честнейшу имать всех тварей. Ибо аще и тварь изменится, верных же церкви и словеса ея, и евангелие, никогда же. /ниже/

/Разумей что есть последний враг и паки, небо и земля мимо идет, а словеса Моя не мимо идут;/ Дозде Бесед. апостол. зач. 223, ст. 21, лис. 639.

Апостол рече./ Тому слава, рече, в церкви о Христе Iсусе во вся роды века веком, аминь. Толк. Златоуст., ниже: Iсусом Христом, слава Его в церкви. Добре тако рече, сия бо весть едина пребывати выну, елма же сия выну стоит, хощет да той прославляется от нас до скончания. сие бо яве рек, во вся роды века; /на поли подпис./ Церковь Христова выну пребывает.

Положи Господи Твоей церкви утвержение, непоколебимой ей, пребывати вовеки Щедрыи, бурею ереси. Дозде;  Бесед. лис. 1681; Церковь бо ничтоже ино есть, но разве нашими душами созданный дом. Дом же сей несть ввесь равночестен, но от иже в сооружение его с вносимых камении инии убо суть сиятелнии и светлии, инии же от онех убо меншии и темнейшии. Много же иных лучшыи, есть видети зде многия злата чин содержащыя, злата украшающаго покров: есть видети иныя и от образов утварь подающыя: многия есть видети и якоже столпы стоящыя. Весть бо и человеки столпы нарицати, не силою токмо, но и добротою многу подающыя утварь, главы имущих позлащенныя. [лис. _77] Суть же инии убо господственнейшии, инии мине; яко глава, всего телесе господственейшая есть, чуствия же вся в себе имущи, и души владычнее. И главы кроме жити не может. ногам же отсеченным бывшим, мнози много время пожиша: Апостол зач. 152, ст. 25, Апостол рече: Да не будет распря в телеси. Златоуст, рече [Бесед лис. 918, лис. 919]. Да не будет распря, рече, в телеси, и не рече в удесех, но в телеси: Ниже: И расторгнулися быша друг от друга, не могущи понести союза, раздравшимжеся сим, и прочим был бы вред. Ниже [лис. 920]: Оттерзающимбося им все растлевается тело, что бо иное есть тело, разве еже многим быти удом; якоже и сам глаголет, зане тело несть един уд, но многии. Аще убо сие есть тело, попецемся еже и многим пребыти многим. Зане аще сие не снабдится, о смертных язва бывает; Дозде.

/Зрите Можаевцы, глаголюще и учаще, что церковь тело Христово неполна и не цела; и не имущи главы и не уд, на сие рече Златоуст, о смертных язва бывает./

/И иже негде сказано в священном писании/

А яже не веде учит без ума дмяся, и не держит Христа главы из нея же все тело [Кирил. глав. 4, лис. 24 об.], /а ниже:/сказано/ той есть антихрист.

[труд Великаго Василия, лис. 172 об.] И сия то я помыслив и ужаснувся превосходящаго меру нечестия, и таковое то злость оную, аки начертание таковаго нечестия, сокровенно гнездо в душе имеющаго. Сея же ради причины таковое против заповедей Господних. и противу друг друга; и в нас обретаемое несогласие, знамением есть отступления нашего от истиннаго Царя по оному. [лис. 173] От сих и сицевых явно быти возмнех, яко по всему зло страстей, за неведение о Боге, неискусный разум влагает: особенно же несогласие многих между собою от сего приключается, яко мы самих себе недостойными власти Господней учинили, /и не имеют над собою истинаго Христа главы/; Дозде труд Вел. Василия.

И в таковым пребывают нечестие, то есть при мертвым и безглавным трупе, и так ясное и прямое указание в священым писании сказано, по святому Иоанну Никейскому, что от мертваго трупа, другому не ожить: и как мертвый труп, и не имеющаго в себе Духа жизни, иному не можит преподать и оживотворить. и паки негде сказано в писании, омываяся в бани от мертвеца; /то есть от мертваго трупа/ и кая ему польза от бани. Или кто мир приподает мертвец, то есть от мертваго трупа; или благоухания испущает, или исходит от гноища, мертвеца, то есть от мертваго трупа. И вот при каких таинствах Можаевцы при исповедании остаются: подобно жидам да еретикам; при мертвым трупе, и не имеет, ни ног, ни рук, ни главы, ни уха, так и все и протухла, и пахнет мерзостию и запустением.

 

Вопрос. Како ныне нецыи глаголющии, яко бы и не должно и не надо быть начальству и власти и управительству, в церкви православноверующих християн. А следует быть безначалию; И сие действо и изволение соисполняющих, и собственно деющих, то какой подлежит вине; и какому злому еретичеству, и каким собствено подобно еретиком, то есть, прежде бывшим, и настоящим, и еще быти хотящим; И на каких собствено еретиков и расколников, то есть безначальников, церковь православная была вынуждена написать, сия настоящия статии; на ересь на безглавных и на безначалных еретиков и раскольников.

Ответ. Сие истиное разумения от святаго писания, и прямое указание на безглавную и любоначалную ересь еретиков прелесть обличение, и указание от святаго божественнаго писания; Книга Никона Черн. гор. Тактикон, слово 23 [лис. 141 об.].

1-е) Яко учение, /рече/ великия церкви двое некако и раздельно не бысть когда, ниже будет; безначально же и безглавно не имуще начальствующаго, ниже главу на себе носяще, никогда же видено бысть, ниже видено будет. и проч. Дозде.

И вот разсудите, к сим ли убо, прилично и сродно есть. оное написанное Златоустом: которое, заповеданое апостолом еже вся по чину и благообразно да бывают; тщатся на опыте делом выполнить; /ето мы православныя/.

Или к тем прилично паче и сродно оное писание во обличение: которые вопреки заповеданному апостолом, и прочими святыми, и всея православныя церкви учению поступают: и на самом опыте и словом и делом оное апостолом заповеданое, еже вся по чину и благообразно да бывают нарушают. к сему же, еще оле дерзости непростительныя, иже именем прелести. ето апостолом, заповеданое выполнение облыгают. а самоволие же и самоуправство, и безчиние, по подобию древних еретиков, то есть, лампатиан, и акефалитов, сие есть безглавных, вводят, и соисполняют, по указанному в писании, на сих местех. Никон Черн. Горы, слово 2, лис. 15 на об.

2-е) Подобно еретиком Лампатианом, ересь, 98. Лампатиане. Иже от Лампатиана некоего сице именуется, иже хотящим вкупе жительствовати, и во общем житии пребывати, повелевают комуждо, кое хощет обыщет житие, в том да пребывает, и каков волит образ да одевается, не подобает бо рече по нужди что творити християнину, яко писано есть волею пожру ти, и паки волею моею исповемся ему: хотящим убо таковым сожительствовати. Ниже: Лампатиане учат в волях их ходити. занеже и тии накриво сказуют писания по своей воли. И ничтоже бо ино прельщенное учение их; но еже отступити духовнаго пребывания, и ходити комуждо по своей воли, /значит безначальствено жити/. Дозде Никон.

К сему же приведем и от ереси акефалитов сие есть, безглавных, весма им сродных, и по учению их о безначалии, и самоволие зело сприближных; по оных.

3-е) От онаго окаяннаго Севира произыде еретичествование акефалитов, сие есть безглавных, нареченных тако, того ради, яко не хотяху быти под епископами православными начальствующии церквам, якоже глава начальствует прочим членом: но сами себе кийждо началник и учитель творяшеся по умствованию своея безумыя главы; Ниже: И тогда кийждо каковую хотяше, изобреташе себе неправую веру, и самовластием власть учительства приемля, и по своему суеумию и другия учаше, и проч. Дозде Минея.

И вот посему убо указанию священнаго писания. как безначалники, и так любоначалники обаче онаго титула сродных тому, оных ересеначалников, то есть акефалитов, и лампатиан и сиверьян не избегнут, яко же оныи самоволием власть учительства приимали, и по своему суеумию и других учили, и чему сами веровали. И так подобно сему и нынешнии новые безначальники, /Можаевы воспитомцы/ тоже слично онем ересиначальником, самоволием власть учительства приемля и других учат, и низпровергать начальственную власть научают; И поэтому и титул онех ересеначальников, аки наследственное достояние на ся да восприимут;

К сему приведем, по учению и смыслу безначалников; о ереси древних еретик, то есть Маркиону и манихеом, и воздержником, и глаголющих злу творца Бога быти.

4-е) [Барон. лето Господне 146, чис. 1-е] Подобно еретику Маркиону и манихеом, и воздержником, и явно оживляют древле умерщвеную их ересь. Ибо когда святии сказали, что безначалие всюду зло. наипаче же в церкви: и бед и смятению виновно, и в злобу причитаемо. он же в своем смысле так полагает, что Бог сие сотворил, то есть добрую вещь, сиречь, начальство разрушил; а злое безначалие, и бед смятения виновное, и в злобу причитаемое ввел; по учению и смыслу маркионския, и манихейския, и воздержников ереси [прав. Вел. Вас.]. И в том оказался их быть и последователем, и учеником, и проч., по указанному в писании.

И вот ясное доказательство и многочислеными доводами, святаго писания, на безначальников, в том еретичествующих, и явную ложь уверяющих, и свою безначальную ересь укрепляющих. Потому нет таковаго сказания в писании; чтобы Бог, власть разрушил, и быть не повелел, ето явное еретичество, злу творца Бога глаголющих; К сему же приведем, на обличения безначальников, по учению и смыслу, о ереси галилейской, и учителя Июды гаваанитянина, безначалию учителя.

5-е) [от Барон. лис. 10] Того же, рече, лета, воста ересь галилейская; яко Июда гаваанитянин, от града Гамалы, отводил от него людей; дабы власти не повиноватца./ и глаголаше, яко людем Божиим, таковаго порабощения к человеком, терпети не подабает, довлеет единому Богу десятину давати, и его самого точию Господом нарицати. О которой, ереси глаголет, Иосиф евреин, сице: любят рече, зело постояно вольность, и единаго токмо Господа Бога Владыкою нарицают, и паче изволяют умрети, и муки великия терпити, ниже человеку смертному,/ подвластну быти, то есть нарицати властилином.

Iюда галилеянин [евангелие благовест. от Луки, зач. 70, в толкован.], рече, закону учився зле сыи сотвори и ины галилеяны пристати тому же учению; учаше бо, чтобы ни единому человеку, усты произносити, и рещи господине: и никого же почтити, ни самого того царюющаго; /аще и благочестивый царь./

Вот и зрите безначалию учители, подобно ереси галилейской и учителю Июде; Как учитель Июда свое мнение полагал так и учил прочих, что власти никакой не покарятся и никого над собою властилиным не именовать; аще царю и веру неповреждающую; аще и духовный истинный, и то не подчинятся, и не подходить под власть.

И виждь безначалию учителей, это ересь галилейская, что власти не надо. Дозде.

К сему приведем во свидетельство святаго Иоанна Златоуст. на обличение безначальную, или рещи любоначальную ересь, еретиков димократистов.

6-е) [Бесед., лис. _84] Понеже и глава уд есть всего тела. сего ради сию убо покори, тогоже вышше положи, да мир будет, идеже бо равночестие мир не бы когда был; ниже народовладеемому дому./ то есть димократию имущему;/ ниже всем начальствующим, но нужда единому быти начальству. и паче всюду в телесных: понеже аще суть мужие духовнии, да будит мир.

[Бесед. лис. 969] Таже да ово убо повинуется, ово же владеет единочестное бо многажды весть вводити /свар [борьбу]/ не остави народоначалию быти:/ то есть димократию:/ но царству;/ зри ниже, бесед. апостольск., о начальствах и порядки, и благочинии./

[зри буква, Д, демократически. греч. народный, демократия от демос народ и кратис сила, греч. такое управление государством в котором принимает участие всякии из народа; народное управление, мироуправство;]

Вот и зрите, сию ересь учащии безначалию, и вводящии димократию, и которую Бог не попусти, еще изначала; И потому суть явные противницы Богу и Его Божию закону, и вводители новизны, ересь димократию, которую церковию и Богом не преданная, и писанием святых не указанная, но явное еретичество и димократичество, учащии безначалию, или многоначалию, по святому Григорию Богослову; обое бо виновно; /то есть, зло. глав. 35, лис. 165./ И злосте быть назнаменова; то есть, закону Божию попиратели, явныя Богу противники и еретики, учащии безначалию, или многоначалию, и вводящии еретичество димократичество.

К сему еще приведем во свидетельства ясное обличение, на ересь безначальных еретик, на непокаряющихся отеческому преданию и учащии безначалию то есть еретичеству; Никон Черн. Гор. слово 18, лис. 143.

7-е) А что есть от святых писании указание, или от отеческих обычаев, как писано; что ныне, якобы нет, и не надо начальство, но следует быть безначалию, где сице писано; но етого от святых в писании нет, потому сие явное еретичество.

Здесь прямое и ясное свидетельство на ересь безначальную еретиков Можаевцев, что нет того в писании, чтобы не было начальства. и где сие писано, но нет в писании нигде но явная новизна и еретичество, то есть безначалию учащии, то не по писанию мудрствующии и действующии то вси еретики; Благовест. от Иоан. зач. 27, лис. 125. Не по писанию верующии вси еретики.

К сему приведем во свидетельство, явное доказательство, на ересь безначальных еретиков и отщепенцов донатистов, и подобных им нынешных новоявльшихся Можаевых воспитомцов.

8-е) [книшка Викентия Лиринскаго, Памятныя записки, глав. 4, стран. 20. ниже:] Во времена Доната, от котораго получили имя свое донатисты: значительнейшая часть Африки впала, в безумныя заблуждения его, и забывши о славе, благочестии исповедании.

/значит православной церкви; предпочли церкве Христовы нечестивое безразсудство, одного человека./

[стран. 20 и 22, ниже:] Ибо Донат учил, что церковь должна быть из одних совершеных, а грешных чтобы при ней не было. опасное время ето, со избытком показало, сколко великое бедствие причиняется, введением новаго учения. Ниже [стран. 29]: Все ето не по той ли единственой притчини, что тогда вместо небеснаго учения, вводились суесловия, и суеверия человеческая; хорошо основанная древность подкапывалась, беззаконною новизною, уставленое старшими нарушалось, узаконенной отцами отменялось; [глав. 7, стран. 37, ниже:] Итак мы должны боятися греха, и изменять веру, и осквернять оную: /то есть, изменять да и хулить тую самую, где и крещены/.

[Бесед, лис. 693(?)] Велие бо рече, прелести указание быти мнится у них: /почему? вот потому:/ что родившися в ней, и воспитавшиися в ней, и недоведомая ея навыкше опасно: сии внезапу преложившеся, и враждебная ей устрояют; Дозде.

Вот и зрите какой вид показывают, как прежде бывшыя еретики так и нынешныя отщепенцы от церкви, Можаевцы; то есть в которыи церкве и собрания тут и крестились, и всему научились; и на ту ратуют, и ту самую и хулят и порицают.

От них же нецыи развращенным и Сава нравом последующе, братию свою единоутробную ненавидят и ратуют и ругают, утробу же матере своея, церкви святыя любимое свое носило люте терзают, хулами и досадами, и козноплетенным блядословием, аки рождения ехиднова, ядом аспидовым неисцелным недугом угрызают, не помняще заповеди Божия: Иже кто злоречит отцу или матери, смертию да умрет.

Сицевых убо молвотворцов ризы Христовы терзатели, скорпиев вселютейших /изчадии ехидства/ утробу матере своея угрызающих; тяжкия хулы и досады на церковь Божию изблевающих, от неразумия своего плевелы разсевающих, и многими инеми укоризнами полку Бога живаго поношающих; И вместо небеснаго учения, и иное благовестования проповедующих, и безначалию учащих.

А как мать наша, облюбимица святая церковь, чад своих пораждает, паки бытия банию святаго крещения, и научает их благочестию, заповеди закону Божию, и преданому от святых апостол, и святых отец догмату; то есть, повиноватся християнской законый власти Божии; Это собствено закону Божию; и быть в числе полнаго единения, уду тела церковнаго, и под единой главы Христа. И вот такой то истиный разум, и понятия в церкви; от святых апостол, и святых отец положеный, и в вечныя роды определеный;

А как по прошествии несколько времени, и воспиташася в ней, и недоведомая ея навыкше опасно; сии внезапу преложишеся; и делаются изверги и пакосники чада испорчиныя по сказанию Златоуста, бесед., лис. 1534.

9-е) Это появившися в нынешные последния время, с 1878-го лета; такия же изверги и чада испорчиныя; Это Савва Васильев рыбенской, Иван Плотник, и Любовь Прокопьева; Они в начали своего учения, и проповедания, аки бы правое и воздержное людем показующии учение; А потом стали низходить, на Донатова учение, и стали такую проповедь держать и многих поучать тому, и чему донатисты учили, и християн порицали, и тоже глаголали, что церковь должна быть из одних совершенных; а грешных чтобы при ней не было; И в таком отношение, был увлечен и убежденый, Сава рыбенской, что наиболии порицать и гаждать стал, не точию тайно, но явно и всенародно, наиболии учителей церковных; а и паче, Никиту Семенова, и прочих старших старцов. И от таковаго то хуления и поношения, Савы рыбенскаго; помрачения его разума, и стал низсходить на проповедь, и учения безначалию; и глаголюще и поучающе прочих; что нам подчинятся и покарятся старцу Никите Семенову, он такой же; якоже и аз. И в том своим, Сава рыбенский, и стал противится, и всем учителем церковным; то есть всей святей церкви, якоже Корей и Дафан и Авирон, противястася Моисею [Числ. 16], тако и он. стал вопреки распоряжению церковному. и правому учению; И стал проповедовать и учить, открытыи главой безначальной ереси [Матф. прав. 12, глав.]; и глаголюще, яко в нынешные последние время, при царстве последняго антихриста не должно быть властем, и подчиненым, и послушающим, занеже вся Бог разрушил, а человек воставить не может.

И вот Сава Васильев рыбенской, велием гласом вопиет людем: Людие послушайте божественаго писания; Восташа бо по бежественому апостолу глаголющему [Кормч. пред. лис. 3, Тим. зач. 295], человецы самолюбцы, величави, горди сластолюбцы паче нежели боголюбцы, величави, горди, сластолюбцы паче нежели боголюбцы, имуще образ благочестия силы же его отвергшеся, не точию же се в мирских человецех обретеся, но паче и в духовных, их же именует писание свет миру [Мф. 11], сиречь, в святителех пастырех, и иереох; сице вси уклонишася вкупе непотребни быша, несть творяй благостыни несть до единаго. [Пс. 13] Погибе вера, погибе наказание, погибоша училища детей; погибоша исправляющии божественая писания: погибоша поучающиися в православных догматех; погибе по пророку крепкии; погибе сила хлеба и воды; погибе исполин, и человек ратник и судия и пророк; погибе смотреливыи и старец, и пятьдесятник, и дивный советник. и премудр художник, и разумный послушник; и поставиша себе юноши за князи и ругатели, да обладают ими, и проч; дозде.

Зри на сие сказание вышеписаное объяснения; И по тому то писанию, Савы рыбенскаго, он убидился, и в своим мнении возмнел, то, что в последние время, в царство антихриста, что уже и вера погибла, и не стало власти в церкви, как стареющих, и так подчененых, то есть послушных им. И так в том и убедился; и должно быть по его мнению безначалию, или самоволию; А не посмотрил он пошире святаго писания. Сия погибели веры и власти, и всему тому как выше писанному, и где когда и на ком исполнилось. Это сказано о ветхозаветной июдейской церкви. /А не о новой Христовой благодатный;/ зри на сие божественые писания, о погибели веры и власти, и проч. Книга Кирила Иеросалимскаго, глав. 35, лис. 313 об. О них же исполнися пророчество глаголющее [Исаиа, 3]. Се Владыка Господь Саваоф, отъимет от июдей /и силу./ и от Иеросалима крепкаго и крепкую силу хлеба, и силу воды. исполина и крепка, и человека ратника, и судию, и пророка, и гадалника, и старца, и премудра художника, и чюднаго советника, и разумнаго послушника. и поставит юношы старейшинами их, и ругатели обладают ими. и сие пророческое слово постиже жидовскаго народа. запустение бо разума, и запустение пророка показующаго им спасение пострадаша. и своих премудрых установление и чин погубиша, и о проклятии своем непрегоша. и того ради и правда законная от них в беду впаде; дозде.

А что сказано пророком, Исаем, это не о новой благодатный власти; а о ветхозаконным священстве, июдейской власти, и проч;

На сие довлеет на облечение ему; пророка Малахия привести [глав. 3]: И слыши что пророк рече. Внезапу приидет в церковь свою Господь егоже вы ищите; дозде.

Вот какий разум и понятия, пророк Малахии предглаголет, о церкви, что Господь в свою церковь приидет, в ту самою которую мы в символе веры исповедуем, и веруем, во едину святую соборную и апостольскую церковь; /а она не без власти./ понеже она цела, и неизмена пребывает, во исповедании; от апостольских времен, до втораго Христова пришествия.

А не якоже Рыбенскый бредет; что ныне при антихристе власти никакой нет, что Бог разрушил, а человек воставить не может.

Вот в этим смысли и понятия Рыбенскаго, прямо он злу творца Бога нарицает, что Бог добрую вещь, то есть власть разрушил, а злое безначалие и в злобу причиняемое ввел; Вот и вышло по учению и смыслу Рыбенскаго, злу творца Бога нарицает. Как еретик Маркион и прочии еретики Манихии и воздержники, и явно оживил древлеумерщвеную их ересь; то есть с 1855-го года, от Савы Васильева рыбенскаго, начася, в пример подобный вышеписанных еретиков, и ереси безначалию учащих, еще до написания статии, за три лета. И потом стало вводится, новое учение, что в настоящия в нынешняя последния время в царства антихриста последняго, не должно быть, и иметь старших, и не следует им повиноватся. а должно быть всем равным. /как еретикам димократистам, и прочим подобно таковым безначалником;/ И вот потом многия от християн смутились, и стали следовать и слушать Рыбенскаго, и жить по самоволию, в безначалии, и не иметь никого над собою старших. Вот и стала в христианстве появлятся зараза; и язва еретическая, и многих видя зараженных, еретическим недугом, безначалием, или любоначалием. /Это сие по писанию, обое зло есть;/

И тогда видя учители церковнии, Никита Семенов, и Роман Логинов, и прочии с ним, что, Рыбенской, возмущает и учит безначалию, и явному еретичеству, и житие оказывает зазорное; И тогда по увещанию его, трикратным убеждением; как в первым, оставить ересь безначалную, и жить под властию как и прочие християне;

То на это церковное увещения, Сава, рыбенской, не согласился, и не послушал церковнаго совета, и так при своем упорным мнении и остался; и стал вопреки церкви отражать, и власть церковную завинять, а безначалия похвалять; И того ради бысть отлучен, в ярославском приделе, на соборе, при всех старших учителех, в 1879 года; Саву рыбенскаго отлучили от церкви; за проповедь и учения безначальной ереси; да в прибавок того за порочное житие его; Это бысть, отлучения рыбенскаго, до написания статии, за два лета.

Как по отлучении, Саввы рыбенскаго, то приверженцы его: Иван плотник, и Любовь Прокопьевна, и прочии, были заражены учением еретическим, то есть безначалною ересию, то не отступили, от Рыбенскаго. И не почли его за отлученаго, и стали с ним совокупно во общении, как в молитве, и так в питии, и в прочем.

И потом между верными, и отлученными и бысть велия распря и раскол; и проповедь не едина; одни учат что быть при церкви власти; /это мы/ а другия учат, что при церкви, с 1666 лета, власти не стало: /ето учение безначалных расколник/.

И так со избытком, стало разширятся учения проповедь о безначалии; И повсюду самочинно ездили и ходили, и учили безначалию; и отводили простый народ от учителей и церкви; и не велели их почитать, и за правителей церковных их признавать. И бысть тогда смущение. И в маловерных сумнения; и к кому приступить и от коих крещения принять; И так стали находится в двоемыслии; и в великом колыбании и страхе; И так от християн маловедущих писания, и стали сумневатся; И как быть, то ли при власти быть; или с безначалником согласится; и проч.

Вот и зрите, как учители по ереси безначалию, церковь поколебали; и даже коих во отчаяния привели; Это было еще до написания статии;

Вот и видя учители церковныя, что церковь смущаема еретиками, и заражается язвою ересию безначалною; И тогда вынудила их сия вещь, и собрать собор; старших правителей церковных; и со всего общаго совета; то есть собора, и при убеждении всех старших учителей церковных; И вынудила вещь, старшаго брата Никиту Семенова, написать сия статии, и объяснить в них со свидетельством святаго законную, и Богом определенную и сотворенную, и апостолом заповеданную власть; и как ненарушаемый закон, или догмат, сие есть не новое введение, но старое объявляемое, и быть таковый, и никогда не нарушимый власти, даже до самаго втораго Христова пришествия, по сказанию святаго писания; Апостол тол. Иустина филос. слов. 6; Апокал. печат. глав. 6, ст. 14. глав. 16, ст. 20. глав. 12, ст. 6, ст. 14. и проч.

10-е). В 7368 года месяца июня 25 дня; Со всего общаго совета, церковных учителей, бысть написания Статии, и пункты; Это по сказанию святаго писания; по русски главы, а белоруски пункты; одно и тоже [зри книгу о вере Азария мних, белорусской печати, час. 4, раздел 9, лис. 277]; Сии статии, не иное что существует, а как каталог, или указательный перст священнаго писания;

В сих статиях, указанное писание, кое как не применуемое, и николи не изменяемое, а присно и навсегда пребываемое;

Сие писание должно принять, за закон, или за догмат, по сказанию святаго Григория Богослова [Григорий Назиан. глав. 38, лис. 181, и глав. 1, лис. 1 об.]; заповедь, (то есть) закон; Богом определенное, и апостолом заповеданное. Это быть властем; то есть ето, собственный закон, и ненарушимый догмат; что ето самое Богом определенное и апостолом заповеданное;

А прочие писание в статиях указанное, а кое церковным преданием определенное, и написанное, и в статиях положеное; как то о прожитии рода человеческаго; то нельзя принять за закон или догмат, а только то положенная вещь смотрительная; и обдержная, о прожитии рода человеческаго; потому то переменное бывает прожитие рода человеческаго, обоего пола, как мужескаго, так и женскаго; а наипаче в нынешные время последнее, верныя християне, не имеют себе места обседлаго, и изменяют места лжехриста ради; А только то и знай, ходы да переходы; беги да перебеги, таись да укрывайся, и в землю зарывайся; и быть в страси и трепети; а тут ищут и преследуют, и как на ятых хощут имать, и антихристу на поклонения привести, и прочия козни учинить. Обоим полам как мужем, так и женам; время бывает разбегатся, а потом время выдит, тесноты ради, и не имущи где главу приклонить, то вмести сбегатся;

Это самое переменчивость, и непостояность; в человеческой жизни, то и нельзя нарещи законом, или назвать догматом; а следует сию вещь нарещи, смотрителную, и проч.

А что в статиях написанное, нужно принять за закон, или за догмат, сию вещь неприменуемую, то есть, николи неизменяемую, только то, что Богом определенное, и апостолом заповеданное. Это о властях, то есть, по сказанию Григория Богослова, тако рече [Григория Надзиан. слов. 1, лис. 1 об.]. Начальствуемое, и водимое, тако аще и церквам зачини Бог, равенства законом. дозде.

/А не все статии признать, и принять за закон, или догмат:/ А только ту самою сию вещь, быть в церкви властем.

/Зри что нужно принять в закон и ненарушимо/.

Апостол зач. 111. Всяка душа властем предержащим да повинуется; Златоуст [Бесед. апостольския, бес. 23, к Рим. глав. 13]; ниже: Показуя яко не на развращение общего жительства Христос яже от себе законы введе: /и паки рече [лис. 395]:/ И оклеветающих аки новотворящих загради уста, и с множайшим дерзновением, с истинною догмат разсудит и изберет, не срамляйся убо, рече, таковым повиновением; ибо Бог то узаконоположил есть.

/Зриши ли что писание глаголет о властях; и о повиновении. Это собственный закон, Христом Богом узаконенный, и истинный догмат, и никогда не изменяемый:/ И паки рече, святый Иоанн Златоуст, в толковании послания к галатом, глаголюща [книга О вере, глав. 22, лис. 198 об.]. Человек той, иже догматы страшныя и неизреченныя погубляяй, сей получит ли ответ на страшнем суде и милость; не суть сия, не суть. Златоуст, рече [Бесед апостольск. лис. 1475], Устрашитеся еретицы, а иже догматы страшныя, и неизреченныя погубляяй, сей получит ли ответ и милость; не суть сия не суть, но самое убо сие всем есть виновное злым;

/Вот и зрите, что Богом определенная власть, и истинный догмат, то развращают и отметают; а безначалия вводят, то те вси еретицы; на страшным суде, и ответа не получат; а прямо в геену ввергнуты будут;/

Апостол рече [к Рим. глав. 13 лис. 393], Всяка душа властем предержащим да повинуется; /Златоуст, рече:/ И показуя яко всем сия заповедает, и священником, и иноком, а не токмо житейским, от начала то явлено сотворил есть, сице глаголя, Всяка душа властем предержащим да повинуется, аще и апостол еси, аще и благовестник, аще и пророк, аще и кто любо, ниже бо превращает Благочестия сие повиновение [всяк сан подлежит суду. Иезек. 1 ст. 19] ; дозде.

/Зриши ли что глаголет, святыи писание; Паки всем, и всякому сану заповедает, не превращать сие повиновение властем;/

Вопрос. Аще ли кто либо превратит благочестия, то есть повиновения властем; и тако скажет и содействует, что властей ныне нет, и не надо, а должно быть безначалию; то он чему будет подобен, и какой казни?

Ответ. Святыи Григорий Богослов, рече [Григория Надзианз. слов. 20, лис. 104 об.]. Единоже беду, иже приражатися оному, и отчуждение от Бога мнети, от онаго растояния; (ниже рече:) и яко гласу грома подклонишася;

Святыи Златоуст рече [Бесед. апостольск. лис. 1473], Благочестия отступити Бога есть отступити. дозде.

/Вот и зрите разум святых, Златоуста, и Григория Богослова, таковых Божиих отступников и еретиков, и как их оценяют; кои иное благовествованиа вводящих:/

Златоуст рече: И не рече, от благовествованиа прелагаетеся но от призвавшаго вас Бога; ниже: Ныне же оставльше их в вере еще, и прелести благовествованиа имя возложившее, со многим дерзновением прокоповаху здание; ниже; Понеже убо благовествование нарицаху свою прелесть.

/И зри разум священнаго писания; что не писанное, и чего апостолом не заповеданное, еже бы не быти власти; и то проповедают, и то благовествуют, и тому учат; И потому то их есть собственная прелесть благовествование безначалию;/

Апостол рече [лис. 1474], Точию нецыи суть смущающее вас, и хотящее превратити благовествование Христово; Златоуст рече, ниже: Сиречь, донележе здравствуете умом, не познайте, не познайте инаго благовествованиа донележе прая зрите а не развращенная; ниже; Но показуя яко мало нечто притворено бывшее все погубляет, рече благовествованию превратитися, якоже бо в царских цатах, иже мало от образа начертанное пресек, всю цату непотребну содела; сице иже здравыя веры и малейшую часть превратив, все погубляет, на горшая происходит от начала. Где убо суть судящии нас от любопрения ради иже к еретиком раскола; Где ныне суть глаголющии ни едино же посредство быти между нами, и онеми, но от любоначалиа разнство быти: да слышат что глаголет Павел яко благовествование правратиша иже и мало нечто ново секуще, сии же немало нечто;

/Видиши ли что благовествование превращает, любоначалие, или безначалие, или безначалие возжделения/

Златоуст, рече [лис. 1549], Паки зде назнаменует яко любопрение, и распря, и любоначалие, и самомнение, сея прелести виновна им быша, Ибо ереси есть мати, любоначалия возжделение.

/Разумейте разум Златоуста, что рече, мать всему еретичеству; любоначалие, или безначалие; сие есть, и ино благовествование;/

Апостол рече [зач. 199, ст. 8], Но аще аз, или ангел с небесе благовестит вам паче приасте, анафема да будет. зри разума апостольскаго, да не глаголет бо кто, яко тщеславиа ради своя составляет догматы, и себе проклят;

/Вот и зрите разум священнаго писания, где тако сказано, и догматы таковы положены, чтобы при церкви не быти власти; ето явно новыя догматы, тщеславия ради составленыя, то есть, паче апостола, и от всех святых; таковыя учители безначалию;/

Златоуст рече, Аще бо и от первых ангелов будет кто сущих с небесе растлевающих проповедь, анафема да будет;

/Зри разума Златоуста, речение, аще кто от церковных учителей возглаголет, и тако благовествует, яко при церкви Христовой, что не должно быть, и не надо власти; анафема да будет./

Златоуст, рече, И не рече, аще противная возвестят, или превратят все, но аще и мало нечто благовествуют паче еже благовестихом, аще и худое что подвигнут, анафема да будут;

/Зриши ли разум священнаго писания, что Богом определенное и апостолом заповеданное, как ненарушаемый закон, и непрелагаемый догмат, что быти в церкви Христовой власти; А еретики эту вещь отменяют, и противная возвещают; что не быть власти; Это немалое что превращают, а все благовествование нарушают, и веру разрушают. таковый анафема да будет./

Апостол рече [зач. 111], Всяка душа властем предержащим да повинуется; Златоуст рече, ниже; Аще и апостол еси, аще и благовестник, аще и пророк, аще и кто любо, ниже бо превращает благочестия сие повиновение, и не просто рече, да покаряется, но да повинуется. И первое есть оправдание таковаго законоположения, и помышлениам верным лепо, еже от Бога сим завещаватися. Апостол рече, Несть бо власть, рече, аще не от Бога; Златоуст, рече, Что глаголеше: Всяк ли убо князь от Бога рукоположися: не то глаголю, рече, и ни о коемждо князи слово ми есть ныне, но о самой вещи;

/Зри простране беседы, сия самая вещь, еже бытии властем, а не иначе./

Златоуст, рече [Бесед. лис. 1473], Иже бо прелщати хотящии, не внезаапу сие творяху, но тихо прелагающе их от вещей, от имен не прелагаху;

/Разумейте бо прельщение, и хотящии прилагати от вещей; то есть, чтобы не быти властем; а быть безначалию;/

И паки Златоуст рече. Таковая бо есть диавола прелесть, не нагия предлагати лщениа. аще бо убо рекли быша, отступити от Христа, яко лестцов и губителей хранили бы ся. ныне же оставльше их в вере еще, и прелести благовествованиа имя возложившее, со многим дерзновением прокоповаху здание, реченных яве, якоже некоими завесами, имены сими крыющими стенопрокопателей, понеже убо благовествование нарицаху свою прелесть; дозде.

Сие речение, святаго апостола Павла, и святаго Иоанна Златоустаго, о каких собственно еретиках, и о какой ереси, то не сказано. А только то и речено, аще иное что благовествует, паче апостола заповеданное; то есть, напротив апостола благовествующих; и вопреки проповедающих, и учащих, то есть не по преданию святаго апостола мудрствующих, и писания накриве сказующих, таковии, по апостолу, анафеме подлежат, и проклятию;

Что святым апостолом благовествовано: Всяка душа властем предержащим да повинуется, ето истинное благовествование, апостольским речением преданное; А что кроме апостола, и даже напротив благовествование благовествующии, то есть вопреки апостола благовествующих, еже не быти, и не надо быть властем, в церкви Христовой, то есть собственыя таковыя проповедники еретики, анафемы, и проклятии подлежат;

И посем зрити на вышеписаное указание священаго писания, и праваго истинаго разумения, и с апостолом и с святыми отцами согласное; чтобы быти властем в церкви Христовой, сие самое истинное благочестие;

А что паче апостола благовествующее, что еже не быти властем, или любоначалия, и самоуправство, это не истинно учение, и сказано святыми отцами зло есть; и сопринадлежное еретичеству, и димократичеству, и прочим еретикам, по сказанию святаго Златоуста, и прочим святыми; И посем на сие во удостоверения, свидетельствует историограф Карамзин, том 6-й, глава 3, речение Карамзина [Карамзин, стран. 114, мелкой печ. на осмуш.]: Слыв в России и в Европе державою народною, или республикою, и действительно име образ демократии. дозде Карамзин; И такожде историк Карамзин не похваляет народную республику демократию, и тоже самое любоначалия, или безначалия; обое бо зло есть; и кто имеющии правыи разумения; похвалит злую вещь добрыи а токмо те кои болящии недугом любоначалия; или безначалия, то есть самоволия; И такой то недуг еретическии; и сеяния плевелы человека диавола, и стали проростать в чистой пшеницы, в церкви Христовой; И видя истиныи учители, церкви Христовы; И тако с советом искусных стареющих, и ведущих священныя писания, и написали сия статии. И самая та речь апостольская еже быти властем, и положенная в статиях, это есть закон Божии, и ненарушимыи догмат церкви Христовы; самая та речь апостольская, быти властем, еже есть, и быти, и будит, и продолжится, до суднаго Христова дни;

Еще так в писании сказанное. Совет искусных есть закон; Матф. прав., сост. П, глав. 7, лис. 208.

А что писаное в статии 9-й, о прожитии, рода человеческаго, в нынешныя последния время, верныя християне, лишились местности, и своих обседлых домов; как мужескаго пола, так и женскаго пола, купно келейно, или частно, или постоянно, или временно и случайно, и по надобности потребе, или гонения ради и стеснения, не имеющее места, где главу приклонить; и на сие положенная вещь смотрительная; а не обдержная, и сие редкое. Это не приемлется в закон, Никон Черн. гор. над. слов. 52. По смотрению не приемлется в обдержное; /закон./ Такт. слов. 1, лис. 15, и слов. 28, лис. 158. Матф. прав., сост. В, глав. 3, лис. 79. сост. Л, глав. 1, лис. 223, и глав. 31, лис. 184. А по сказанию святаго Иоанна Златоустаго. /Сиречь бытие и случайныя вещи; то глаголет пагубныя догматы;/ Бесед. апостолльския, зач. 278, лис. 2372. Златоуст рече, Сия убо держимся сию да устрояем, тако вся пагубныя догматы от души нашей изженем, сиречь бытие глаголю и случай; дозде.

Кормч. греч. двукрат. собор, прав. 17, лис. 862. Однако редко бывающаго не поставляя в закон церкви; Зонара, толков. Но тогда что случалось редко, мы не полагаем в закон для церкви, дабы следовать тому; Аристин. Имеющии быть поставленным в епископа не вдруг должен быть возвышаем из мирян, или монахов: но должен пребыть определенное время в каждом чине священных степеней. Ибо если некоторые и прославились, несмотря на быстрое возвышение не редкое, не закон для церкви;

Матф. прав. состав В, глав. 3. /в конце./ Что не по правилам, то в пример не приводится, и то и редкое не закон церкви; дозде.

Вот такое вышеписанные свидетельствы священаго писания; от написания статии, в таком разуме и понятия, и разсуждение полагаемом; И что собственно принять в закон, или сущии догмат; то есть сущию вещь в церкви Христовой Власть Богом сотворенная, и апостолом заповеданая; Это есть закон, или, ненарушаемыи в церкви догмат;

А что о частных случайных случаях, и современных событиях, и как о прожитии рода человеческаго мужескаго, и женскаго пола; это мы не заключаем в закон или догмат. Как сказано, Златоустом, и прочими святыми: что случайныя и бытийныя вещи, то велит Златоуст отринуть от души, сие пагубныя догматы;

И вот такое наше умствование, бытия случайныя вещи, то их не приемлем во обдержный закон; а токмо они в церкви смотрительныя; и обсудительныя; так и тоже самое, и в статии, 9-й, и в прочих положеныя; на рассмотрения и разсуждения старших;

Вот такое наше умствования, о статиях. Что не приемлем их, то есть вси статии, за закон, или за догмат.

А как про нас говорят, раскольники, и отщепенцы от церкви; Можаевы воспитомцы; и будто мы, вси статии единичим, за закон, или за догмат; это есть явная лжа, и неправедная сказания; А ето им их, ложный пророк, и софистик Можаев; в своем объяснении, лжепророчествует; как еретик Монтан; Барон. лето Господне 182, чис. 2;

В 1885-го года, восстал новый софистик, и силный изворот, и испровергатель, Богом определенную и апостолом заповеданную власть, это Василий Александров Можаев, Иосиф Семенов; явныя нарушители испровергатели, апостольскаго предания; Как пишет Можаев в своем объяснении, аки бы завиняя статии; а на самыи вещи, его выражению Можаева, отревает и в конец отражает; Богом определенную, и апостолом заповеданную власть; Как и прочии вышеписанныя еретики, то есть безначалники сивирияне, и акефалиты, и лампатиане и донатисты, и димократисты, и прочия таковыя; /И подобныя им можаевцы;/ Тоже еретичество, умствующии и учащи безначалию. Тако и Можаев на вид открытый главою поставляет еретическое учение, то есть безначалию, в своем объяснение, объявляет, и испровергает статии написанныя, Никитою Семеновым; аки бы несогласны со словом Божиим; и с священным писанием; и противны законному преданию, и проч.

И тако Можаев лжеумствует; со своим сотоварищем Иосифом Семеновым, со отлученным, в Ярославском пределе на соборе, в 1886 года; И отменен от управительства, и к тому не допустили, и за прочия качества. И за прожития его зазорное, то есть, со единой старицой Александрой Семеновой певчый; И так сказал Иосиф Семенов, всему собору и всем старцым, что меня, со Александрой Семеновной, и вся Европа не разлучит; И вот за сие отлучен бысть от церкви; И так приехал в Сибирь, и в свой придел, и его сибирския постыныя слепцы приняли, за настоятеля и управителя; Это отлученаго от церкви собором; /А отлучения на нем соборныя почли низачто, и так и далие, и проч./

И потом последовали Можаеву объяснению; И затем изпровержению статии, и проч. и аки бы и неправильно в них написано, и указано, /от святаго писания/ о власти законной; И в том зазрили и учителей церковных; И аки бы и неправилно они мудрствуют, о власти, и старейшинстве; и в том суд и отлучения Иосифа Семенова, вменили неправильным; И в том стали со отлученным сами отлучены от церкви, по сказанию святых правил. И в том зделались самочинцы, и безначалницы, и прочия волнодумцы; и от церкви отщепенцы, и расколники, и Можаеву объяснению последователи, и Можаевы воспитомцы, и можаевцы, и проч.

И теперь нам известно и явно о Иосифе Семенове, и как он отлучен от церкви, на соборе; и бысть враг церкви, и потом по безразсудной своей дерзости, зделался вождем крамолы и началником возмущению.

И так то за ним оказалось еще новое преступления, то есть прелюбодеяния; И бысть таковым то слепцем можаевцы, глава прелюбодейная; и посем присоединился с Можаевым мудрованием; имеющии целью поколебать веру нашу извращением, истину опутать смертоносными ковами. И теперь стало ясно, откуда получило начало злоумышление Можаева, и при каких пособиях укоренялось ересь безначалная, то есть, от Рыбенскаго, и от Можаева софистика, это ложныи, или ложное суждение, из котораго выводится такое умозаключение, которое имеет вид истины, но в сущности котораго заключается ложь; извращать истину, своем хилоизмом, сбивчивыми и многооборотными словами; и словами заражают, простодушных людей, аки ядом змиином угрызают, и неисцельною язвою заражают, душа погубляют; избави нас Господи, от таковыя еретическия схизмы; и не дай помыслити того, что они спасаются; а вечно погибают; потому то в ересех поувязли; а учение еретическое погубляет богоугодное дело;

Hosted by uCoz