Оглавление настоящия книги глаголемыя Цветник.

 

Предисловие к читателю, лист: 1.

О разумевающих писание не по времени. глава, 1. лист, 2.

О вероучении. глава, 2. лист, 26.

О богослужении. глава, 3. лист, 31.

О крещении простолюдинов. глава, 4. лист, 36.

О крещении, о еже аще некоторых рука еретическая бяше первее. глава, 5. лист, 45.

О исповеди творимой от простолюдинов. глава, 6. лист: 8.

О браках незаконно имеющих бытии до втораго пришествия Христова. глава, 7. лист: 59.

О еже яко кроме благословения иерейскаго, брак не состоится. глава: 8. лист, 79.

О изречении от апостола еже святится муж неверен о жене вернее, глава: 9. лист 80.

О еже яко апостоли, и святии отцы, от инославных тайну брака не приимаху, глава:  10. лист: 86 об.

О молитвословии за царей не суть православных, како должно бытии во времена нам подлежащая. глава: 11. лист, 94.

О взимании писменных видов на право свободнаго проживания, или пути следования, от начальства подлежащаго неправославомыслию. глава, 12. лист, 99.

О записи гражданской, глава: 13. лист, 114.

О купли и продаянии, яко во время пришествия последняго антихриста, правоверным християном несть возможно будет что купити или продати, печати ради его скверныя. глава, 14. лист, 125.

О антихристе, яко той последний антихрист, не сатана есть, но человек будет всесовершен, царскую имущии. глава, 15. лист, 158.

О трех летах с половиною, о воцарении последняго антихриста. глава, 16. лист, 190 об.

О поражении пастырей, и о прекращении видимыя жертвы. глава, 17. лист, 197.

О скрывшихся християнех, во время пришествия последняго антихриста. глава, 18. лист, 207.

О рукоположении еретическом, яко неприята есть церковию, и отметнута. глава, 19. лист: 227.

О иконопоклонении, яко не подобает поклонятися правоверным, аще от руку иноверных писаны. глава, 20. лист, 249.

О изображении иконы Творца Господа Саваофа во образе мужа старовечнаго. глава, 21. лист: 254 об.

О книгах, яко не подобает истязовати пишущаго, но пишимое. глава, 22. лист, 282.

О произношении молитвы Iсусовой, при крестном знамении. глава, 23. лист, 296.

О оном великом поклоне, отправляемом после трапезы. еже есть Достойно есть яко воистину. глава, 24. лист, 307.

О земленом яблоке, еже есть, о картофеле. глава, 25. лист, 310.

О приятии милостыни и пищи. глава, 26. лист, 312.

Заключение к читателю. лист, 316.

 

 

ВСТУПЛЕНИЕ КО ОБЪЯСНЕНИЮ

настоящия сия книги, яже на времена подлежащая нам.

 

Не лишним считаю довести до сведения любезнаго читателя, обстоятельства нас обусловлеваемыя в настоящем предуведодомлении, имеющим правдивыи путь объяснения в священном писании.

Приступая ко изложению сведений, в истории християнской церкви во отношении религиознаго быта древних и средневековых християн, греческаго и росийскаго мира.. мы не можем обойти и того перваго вопроса, которыи естественно может родится во уме благосклоннаго читателя при первом взоре нерелигиозныи быт древняго и новаго мира. внешнии приемы благочестия, и религиозныи обычаи служит, выражением внутренняго настроения религиознаго чювства. и с этой точки зрения, в наших курсах церковной истории: выставляются в среде общества верующих дальнейшии познании священнаго писания. безспорно: все сии высокия образцы благочестия. и что они имеют преимущественное право на наше внимание, быти полезным материалом [на поле: содержанием] для церковнаго историка. Лучшим доказательством важности исторических сведений представленных из под пера нашего времени, вообще имеет послужить то; что нашей тщательной канонической разработки, о том как, религиозный быт народа слагается из трех основ: его потомственнаго вероучения, богослужения, и нравственно практической деятельности. насколько связана со источниками веры, и проникается началами християнской чистоты и высших идиалов [образцов]. Всматриваясь с правдивой точки зрения в историю християнской церкви, есть вопрос, чрезвычайно сложныи:в нем соединилось так много разнородных элементов [содержании], что в них массе можно легко потерятся без руководительной нити. что в нем есть главное существование, неподдающееся всем вековым усилиям, ко уничтожению разрыва между историей християнства и церкви. Вследствии сего немогли мы не убедится, и прзнать достаточными причины к тому нас побудившия, что бы здравыми учении священнаго писания, святых отец объясненное, и сим указать правдивыи путь истинны. и что бы Ефрем обратился к Иуде, и Самария к Иеросалиму. И сие имать быти предметом наших ревностных трудов и попечении, извлечь источники (священных словес,) чистейшаго християнскаго учения: из книг святых подлежащих временам древнейшим, каковыя до сего времени многим еще весма неведомы являются; но болие других полезны, обретаются. ко объяснению нашего времени сомнящихся священной истинне.

 

Предисловие 2. читателю благоразумному, от пророческих изречении.

Сия книга повеления Божия [на поле: Варух глава: 4], и закон сей бывает вовеки. вси держащиися ея в живот, а оставшиися ея умрут. Обратися Якове, и имися ея. ходи противу сиянию света ея. не даждь иному славы своея, и полезных тебе языку чюждему. блажени есмы Израилю, яко угодная Богови, нам разумна суть.

Ин пророк [Псалом 147]. Часть Господня Яков, и достояние его Израиль. Ин. Возвещая слово свое Якову, оправдании и судьбы своя Израилеви. не сотвори тако всякому языку, и судьбы своя не сказа им. [Исаия 58] Взыщите Господа,, и внегда обрести вам Того, призовите. внегда аще приближится вам, да оставит нечестивыи путь свой, и муж беззаконен советы своя. и да обратится ко Господу и помилуется, и к Богу нашему, яко помногу оставит грехи ваша. не суть бо советы моя, якоже советы ваша. ни яко же путие мои, путие ваши, глаголет Господь. но яко же отстоит небо от земли, тако отстоит путь мой, от путей ваших, глаголет Господь. и умышление ваше, от умышлении моих.

 

Сибиратель сия книжицы от различных писателей церковных. в пользу людей спасения ищущим. неключимыи раб Христов, В. Г.

 

 

 

 

Сия книга глаголемая Цветник.

Собранная от различных книг священнаго писания, о последнем времени и о антихристе. и о Христовой церкви в коем образе имать быти во онаго пришествии, и како сохранится от его запечатления. И о потомстве бегствующих християн откуду начало имут.

 

Таже объясняется зде и о делах душевредных, кии повреждают спасительныи путь правоверных. о коих многие неизвестны. как то: О иноверных браках. о молении за нечестивых властей, еже о благоденствии. о записании в гражданскую ревизию. о взимании писменных видов, от начальства подлежащаго неправомыслию.

Таже объясняется зде и о прочиих нужнейших потребах, яже на времена подлежащая нам. очесом да зрит кийждо в нижеследующих сих главах.

 

Глава, 1.

Яко божественное писание должно есть разумевати в приличное тому время, в каковое подлежит быти. а не общим. арегиналом онаго, к руководству быти имущаго навсегда, якоже сказуют неции по своих похотех. и яко аспида глуха затыкающа уши свои да не слышат гласа апостольскаго обавающаго их.

 

Глаголет убо святыи апостол Петр во втором своем послании сице [глава: 1. ст.: 20]:

Яко всяко пророчество книжное, по своему сказанию небывает. (Следуя сему и святии отцы, 6-го вселенскаго собора повелевают [прав. 19]:) яко божественное писание не от своего разума сказывати, но яко же божественнии отцы достигоша. (как и увидим о том из нижеследующих доказательств.)

Беседы апостольск.: к римл. беседы 16. ст.: 21 [глава 9].

Сие всюду достоит блюсти, яко узаконения не вся повсюду достоит приимати: но потребная их избравшим, и наняже и приемлется. а прочая вся оставляти.

Барония лето Господне, 51 [лист 44 об.].

Велия убо премудрость на обстоятельныя вещи взирати, ихже ради пременения премудрыя творити может. еже днесь и на едином месте полезно, то во утрие: и на ином месте, и во иных лицах вредительно быти может. иже суть обоюдная, по времени суть свободная. сице Августин святыи.

Иосифа Волоколамскаго, слово: 5. лист, 217.

Глаголет убо великии Максим яко всяко божественное писание, ветхое же и новое, о себе разрешение не имать аще не отцы святии, божественным исполнени Духом, яко лепо есть скажут тако якоже пишет: многа бо в писаниях видится яко сопротивляются друг другу. и овогда убо сице глаголют, овогда же инако. ниже: Сего ради подвигнемся о сем, со страхом Божиим, и упразднимся со смирением в божественная писания. якоже глаголет божественныи Иоанн Златоустыи; еже уведати нам куюждо главизну тако, якоже лежит. и во свое время приимати, а не безвремени. и не несогласны убо нам явятся: но и зело согласны. добре убо рекоша святии отцы, яко доброе не ао свое время приемлемо, на злое происходит не от своего естества, но от неразсуждения приемлющих его, якоже божественная Лествица Иоанн глаголет: есть убо и тоже, тому же во свое время приемлемо, лечба спасительна бывает. не вовремя же смертоносное устрояется. да не убо прежде времени взыщем, гордостным помыслом прельщаеми, и еже вовремя не обрящем: понеже божественная писания овогда требуют времени подобна, и лица ведати. овогда же убо свидетельства имеют от божественных писании. ниже: Ащели же кто божественное писание укоряет, или охуждает, и полагает на свой разум, несть сего безумнейша на земли.

Там же лист: 225.

Божественная бо писания многажды таяжде глаголют, и о тех же: но разум не той имут, времени ради и лица ради.

Ниже: лист 412, слово 9.

Яко рече великии Златоуст: оружия же от Бога нам дана суть, писания духовная: но аще не вем составити оружия, ничтоже пользуемся от оружия. аще убо кто приимет оружие, и бронями убо обвиет нози, шлем же на лицы положит, щит же к ногам привесит, мечем же стреляти начнет, луком же сещи. убо может ли что оружием сим пользоватися; яве есть всякому, яко и повредитися имать, не от немощи оружия, но от неискуства неведящаго сих держати добре. Сице и в писаниих: аще чин их смятем, писания убо свою силу имать: нас же ничтоже пользуют.

Никона черног., слово 2, лист 7.

Аще убо не разсуждаем время и вину и различие вещем, но яко по смотрению глаголанная, или бывшая объятно на всяко время приемлем. главою имамы снити, и горняя долу будем. якоже и нецыи не добре испытавше, ни праве разумевше, сокровенныи ум божественных писании. в различная грехопадение устремишася.

Там же:

Внимаем убо мы опасно, да коеждо писание приимем во время свое, а не без времени.

Добротолюбие, книга, 1, глава 60. Симеона новаго Богослова. лист 58 об.

Мнози чтут божественное писание, и овы чтомое слышат: мали же чтомых силу и разум право ведети могут: иже овогда невозможна быти, яже от божественных писании утверждают: овогда и неверна всеконечне мнят, иже ино сказуют сия зле. и по настоящему времени глаголемая судят, яко в будущем произыдут: о будущих же реченная, яко уже бывшая, и на всяк день бывающая сказуют. и тако несть суда права в них, ниже разпознания истинна в божественных и человеческих вещех.

Там же: лист 127 об. Григория Синаита.

Не всех же должен есть вопрошати, но единаго, ему же въверено есть и других окормление и житием блистающа, убога убо суща, многа же богатящася по писанию. мнози бо неискусны, мнозех несмысленных повредиша: их же суд имут по смерти. не всех бо есть наставити и инех, но имже дадеся божественное разсуждение по апостолу. [2 кор. глав. 12] разсуждение духовом отлучающе горшее отлучающаго мечем слова. Сего ради глагола премудрыи Сирах [Сирах глава 6]: Нужда бо есть немала достигнути истинны явственне. и чисту быти от сопротивных благодати, яко во образе истинны, обыче диявол в новоначальных паче показывати прелесть свою, преобразуя лукавая своя яко духовна.

Там же: книга 2. часть 3. книга,1. лист, 47. Петра Дамаскина.

И вкратце, всяко чтение или псалмопение разсмотряя вмале просвятивыися обретаем, и богословие. и коеждо писание свидетельствуемо от другаго писания. имеяи же ум еще не просвящен, мнит, яко божественная писания имут разногласие: зане божественная писания ова убо свидетельство имут от других писании, ова же имут время вину, или лице. сего ради всяко речение писания непогрешительно есть.

Там же: лист, 72.

Ибо многа суть сокровенны в божественных писаниях тайны, и мы не вемы намерения Божия в глаголемых: но да не вознесешися по безумию, глаголет Богослов, безсловесно бо и безумно есть не силе намерения внимати.

Там же: лист, 106. книг. 2. Дамаскина.

Аще же кто тать есть и разбойник, и не дверию сею внити хощет но инуде прелазя якоже глаголет Господь, сего не послушают овцы. сиречь божественная разумения, по словеси божественнаго Максима. зане тать не приходит, разве да украдет ради слышания, и погубит и убиет иносказанием.

Ниже: лист 116. об.

И паки ов убо сия глаголет, ов же ина о том же глаголе божественнаго писания: зане многажды и сия и оная божественная благодать дарова по времени и устроению человек. Сие точию есть искомое, да по божественному намерению совершается бываемое: или речется глаголемое: и яко да имать свидетельство от божественных писании. яко да не услышим от апостола: анафема да будет, аще другое благовестит вне божественнаго намерения, или выше естества вещей, аще и ангел бы был. якоже глаголет Великии Деонисии, Антонии, и Исповедник Максим.

 

Объяснение, 1.

Из сих выше объясненных божественных писании видим: что оное полезно во свое время, в каковое подлежит быти. и так во всякое другое время, и в различных обстоятельствах, вероятно постановление обрядовое в древней церкве, нередко разнообразилось. но таковаго рода разноообразие отнюд ни есть противоречие, действию ко обстоятельствам древняго мира подлежащему и так как каждое из сих разнородных обстоятельств, и постановлении, во свое время одинаково полезно, и необходимо для блага християнства и церкви. А тем более при подлежащих условиях нашему времени, прилично поставить на точку зрения руководительную нить, к пути ведущему предков християнскаго учения: тем кои имеют сомнение, во открытом учении священнаго писания покойным старцем Евфимием: в конце 18: века, помещавшагося во окресностях города Ярославля. И из сих сомнящихся, или лучше сказать не опширно ведущих церковною историю, и ея вспомогательныя науки. обращают свое внимание на времена подлежащия Евфимию; и как будто бы оным произведен разсадник християнскаго учения, в потомках его исповедуемаго.

Приявше во внимание выше сказанную речь, от именуемых себя старообрядцами, и сим прикрывая имя християнское, каждыи отдел старообрядцев заключает в своем согласии правость веры спасение, и церковь. А у других несть таковыя надежды. ибо тем более каждая ветвь старообрядства имеет свою историю, основываясь на предках известных каждому согласию, а именно своих вождей: времен начала второй половины, 17. века, и начала 18, века. и из сих разнородных сословий старообрядства, более или менее, одна другую охуждает, как будто бы в неправомыслии понятия в религиозном отношении священнаго писания. Тем не менее, все вообще, из сих разнородных согласии или обществ старообрядства обращают общее внимание, ко охуждению, и укоризне потомства имеющаго, и быти имущаго, от начала страдавших предков, и бегствующих со времен 18 столетия, царствующаго тогда на престоле всеросийском Петра Перваго, и по нем бывших держащих престол росийскии: яко же се: в лесах поморских, керженских, крымских, и других многих о которых несть время и упоминати, таже и в тверских пределах быша мнози бегствующии мира, и по них последовавших покойнаго старца Евфимия, и прочих.

Для подобнаго рода сомнящихся, и недоумевающих о священной истине, ныне нами исповедуемой: то есть: Потомками не только Евфимия: Но еще начала 17: века последователей: имеющаго преимущественное право влещи за собою нить християнских родов, познаваемых от исповедания единогласно священнаго писания. По слову евангелиста Луки, лист, 224. Тот род християнскии, которыи от единонравия именует писание [апостол толк. лист: 900]: сей род ищущих Господа. Что и явствовати будет, из нижеследующих при своем месте доказательств.

Настоящим же объяснением изъявим историю, не началами потомства: Как увлекаются нецыи в неправомыслии, каждыи от дел своими предками другоприемно, бывшыми вне исповедания истинно християнской веры и церкви. но величаются точию старостию своего происхождения: а не от понятия истинны в священном писании указуемой. о таковех прилично есть воспомянути слова святаго апостола Павла, со объяснением на то божественнаго Златоуста. зри апостол толковой лист, 888, и 916. Беседы апостольския, лист, 1240. Апостол. Ниже внимати баснем, и родословиям безконечным. Златоуст. Деды бо и прадеды чтут июдеи с блаженным Авраамом, теми красящеся но ничтоже тех благих творяще. толико упражняются баснями и родословием. ни единаго конца и лености не имущи. идеже бо вера, тамо ни единаго испытания требе. ибо испытание веру отъемлет. и еже ищет еще не обрете. ищущему же веровать не удобно. сего ради повелевает не внимати таковым басням и родословием. баснями же июдеов, родословием же еллинов знаменует. Отселе мы видим что, те которыя вне праваго понятия в священном писании, и веруют потомственному своему происхождению. не могут быти, и нарещися правоверующими, и заключить в себе церковь и спасение.

И к сожалению сих блуждающих, мы сочли необходимым указать средоточие, и последствии от исповедания правдиво понятным, и постепенным ходом понятии, священнаго писания: ныне нами исповедуемаго.

Приступая к изложению сведений, началами 17, века. то есть временами самозванца Демитрия, бывшаго с июня, 1605, и до марта, 1606, года. в патриаршество Гермогена. О чем явственно свидетельствует в книгах Патриарха Филарета. книга, 2. часть, 3. о смутных временах России. И толки священнаго писания в государстве: и уход в пустыни многих из Москвы, и других городов России. и ко оным возвание. помещенное во главе, 17. на листу, 102... И в актах експедиции, Том, 3. номер: 74. лист: 838.

Послание, 1. Не все подробно прилагаем зде, но часть онаго, посланнаго со архимандритом Симонова монастыря Пафнотием, в 1634, году.

В виду патриаршаго нашего смирения, озаботится долгом сочли. вызывая сим нашим посланием, ис пустынь живущих християн, на Москву к церкви Успения Пресвятыя Богородицы. яже бы пришли и глядели своими очесы, ея нерушимое боголепие и красоту цветущим благочестием. хотя враг государства и церкви, растрига Отрепьев, вознесеся сердцем похитити престол рускаго государства: ныне и имя его к тому не слышится, постиг бо его суд Божии. прежде чем предати ему церковь Христову, в руки последних отступник, и сосуду сатаны, напыщенному глаголю папе стараго Рима. явному антихристу, чрез оных действующему, един по единому дошедших наших времен, похитити возмневшему чрез льстеца растригу престол рускаго государства, и славиму быти имени его, в храмех Божиих на престолех олтаревых руской державы. На се бо Богу не попустившу; быти бо оному последнему антихристу во всеконечном отступлении действоватися имущему. Пишу вам чада о Господе гласом церкви, да приносите молитву, и моление о царстве московском, и всея белыя и малыя Росии самодержце царе и великом князе Михаиле Феодоровиче и домочадцы его. и мимо идите яже у вас деялося: возмневшим бо вам рускую державу отданною льстецу мимошедшему растриге, готовившему престол рускаго государства врагу антихристу, якоже рех прежде. и сим ревность ваша, до зела похвалена гласом церкви, яко добре возревновавшим бо вам, имети враги онех по вере, и подданства отрекостася, по Бозе восхотеша жительствовати. Но несть се время оному при вас. исповеданию християнския веры: но на предняя лета быти полезна полагаем. при последнем антихристе имущему воздержавствоватися в пустыни мира, якоже рече божественныи богослов Григории... [слово 47; лист 211].

 

Объяснение, 2.

Из сего послания видно: что в смутныя времена древней России, избегали мест своего жительства, в пустыни: чювствуя быти тому последнему антихристу. посему и не молились о державном и удалялись подданства таковым скипетро державцам. и вероятно хорошо знали акт [действие] собора бывшаго в Вильне, в 1509 году. в предостирижении руских сынов церкви: от папизма. которыя усилившиися в Галиче, и вытеснили православнаго епископа. О том передает и нам верное сведение история руской церкви, следующим содержанием.

В югозападных епархиях, после долгих усилии со стороны православия: противу папистов: Собор руских епископов, в 1509 году. служит блистательным памятником, заботливости и определения, писаны как очевидно под влиянием особенной осторожности к [в?]лиянию иноверной гражданской власти, на дела веры, и правоверных християн неприкосновения. и сие руководство собора, охраняло своим постановлением верных сынов; избегать неправоверных властодержавцев. да не повреждение учинят в вере. Зри о сем история руской церкви, период, 3. от разделения митрополии до учреждения патриаршества. с 1410: и по 1588, год. стран: 21. издание 4. в Чернигове Филарета архиепископа Черниговскаго. И еще пространнее о сем определении собора в 1: томе исторических акт. номер: 289.

По руководству сего собора: и патриарх Филарет не подозревал о непокорении таковым властям. а тем более, в предостирижении себя, когда князья уклонялись по сознанию к римскозападной церкви, от восточнаго исповедания веры. тогда выдавали указы о неприкосновении своей власти, к подданным тем, которыя исповедуют веру греческую [значит свобода совести]. дабы совесть руских была свободна во отправлении веры, ими исповедуемой. и во отношении сим зрим указании в переодических писаниях, истории руской церкви. в переод, 3. то есть в переод, 3. то есть в переод монгольскии.

В постепенныи переход русской церкви к самостоятельности. потому и сведении прилагаем того времени.

Зри историю руской церкви Филарета архиепископа Черниговскаго, стран. 56.

Витовт князь литовскии, по видам власти, принял римскую веру, вместо греческой. по тем же видам хранил [в независимости подданства] исповедавших рускую веру.

В 1417, году. и в последующих в 1432, году. Князь Ягелло обнародовал свободу вероисповедания руским бывшим в Литве.

Новгородская летопись, в 5, томе Карамзина примечание, 182. пишет:

Что и сын его Владислав, 1. в 1435, году. объявил: когда принял католизм, пусть останется непрекосновенною добрая воля относительно веры отеческой наследственной.

И в 1441, году. подтвердил гражданскою свободу руских. вместе со свободою совести [акты западной Росии том 1]; а иначе же она потухла бы без следа.

Понятно, что литовскии князь еще менее, чем король польскии мог касатся совести руских, по делам веры, и гражданским.

В следствии подобных княжеских указов, о свободе не только по делам веры: но и гражданским. почему не мог и патриарх Филарет подозревать в свое время, о учении тех отшельников к которым писал возвание, в котором похваляет оных ревность, и относя на будущее быти таковому времени, и учению: последнему оному антихристу подлежащему: котораго патриарх относил быти во всемирном отступлении. о чем подтверждается во втором его послании, к тем же пустынножителям живущим во областе княжества таврическаго. Следовательно живущим по крымским лесам. ибо сия местность находится в далеком растоянии от Москвы: потому они и не слыхали о мирных обстоятельствах Москвы. и патриарх Филарет понял о сем почему осталось его воззвание, без успехов веры, в его исполнителях. и вероятно на немногих подействовало его воззвание, оставить пустыню, и приити в Москву. Но остались в своих убежищах ревнуя о Господе.

В следствии сего и вынужденным нашолся патриарх послать второе послание, направленое в духе увещания. каковое служит под влиянием драгоценнейшаго, и блистательнаго памятника, по вероучению при подлежащих условиях нашего времени. имеет следующее содержание.

Книга, 2. часть, 3. глава 18. лист 112. Послание, 2. [Акты експедицыи. том 3. лист 859. номер: 75].

От всещедрой десницы указующии перст провидения нашей мерносте. понудихся аз Филарет, московскии, и всея белыя и малыя России патриарх. написати свиток книжныи, и словеса увещательная вписах вам, сыновом нашея патриархии; гласом церкви вопиющаго лицом посланнаго нами из Чюдова монастыря, дидаскала и проповедника слова истинны, смиреннаго священноинока Серафима. да любовь ваша открыта будет, на предложение посланнаго к вам. да оставите, и приидите ко убеждению при вас учения, как прежде времени вами приятое. каковое не подлежит временам текущим нашея жизни: но впредь быти имущем. Сиречь: относящимся к крайнему оному антихристу, пред вторым Христовым пришествием по всемирном отступлении быти хотящему. Добре бо оставя вы чада мир и яже в нем, и ктому никтоже брачитися от вас возможет, и жены отпустиша их же имея, и девственно пожити восхотеша. и аз желаю по божественному Златоусту [бесед. апостольск. нрав. 16, глава 9], всей вселенней девство восприяти: якоже и вы. Добре бо имея в руку вашу книги, древняго мужа Иосифа; аще бо и жидовин муж Иосиф. Но добре вещавыи в дванадесятой книзе, и браках быти долженствующих происхождением незаконным, под смешением греха. и от сих во время оно яже глаголах, будут угодившия Богу праведницы. и несть ныне время оному глаголу евреянина, но быти имущему. и в та времена, от спасаемых един поемлется, а другии оставляется, и о мелющих на селе: якоже писася евангелистом Лукою, о самом пришествии втором Господа, воздати комуждо по делом. и в той час страшныи. предварив оставя муж жену, и жена мужа своего: овии же на пути не взирая вспять якоже жена Лотова. И от сих от обою един поемлется, а другии оставляется на селе. Село же есть добрыя жатвы гумно. Сице и от мелющих един поемлется, а другии оставляется. Мелющии, добрую, и худую жатву, сказует тогда быти. от мелющих же добрую жатву, той поемлется, а худую мелющии, той оставляется. мелющии бо добронравие в местех безмятежных, той поемлется. А в молве мира мелющии суетнии, связавыися житейскими вещьми: сиречь в пустыни мира, той оставляется. Написах вам братскими глаголы Господу ми помогающу: да приидите на звавшии вас глас церкви. от стран и всюду разсеявшихся, и странственно по пустынях жительствующих, во своя села и грады. Ибо несть места ныне по ревности взятому при вас учению. Кое частию приложися в нашем к вам послании: каковое правдиво вам объяснено быти может, смиренным священноиноком Серафимом. Дозде послание.

 

Объяснение, 3.

Доказательство сие каждаго становит своим разлитием света, в познание чистаго християнскаго учения на современность, и вынуждает иметь нужду в себе и других. и имеет само по себе материалестическия, и рацыоналистическия идеи [мысли].

Книга Филарета патриарха, может быть прочитана с большою пользою: основныя догматы веры, она утверждает на незыблемых основаниях права церкви: временам нашим подлежащии законоположении. подкрепляет и объясняет здравыми и убедительными разсуждениями. истинно нравственныя християнския деятельности.

С настоящей точки зрения, обратимся к последствиям его учения. как мы видели что патриарх Филарет, писании свои направлял к живущим во областе Таврической, то есть в лесах крымских отшельникам. и вероятно которых потомки с преданным якоже видели, первоначально учением: продолжались до времен позднейших. а именно: в 1683, году. пришли из России паки множество еще иных народов. О чем являет нам, переодическое писание, (зри история руской церкви, Филарета архиепископа Черниговскаго, переод 4. стран. 184. Исторические акты, том, 5. номер 215, 220, 221, 224. и 225). Ибо к тем же самым наукам, которыя были усвоены предками. И сие явствует что спустя после 1666 года, и по 1683, означает, 21 год. И сии вновь присовокупившиися поновили надежныи плод, к передаче будущему потомству принятое ими учение. Что и узрим свидетельство из истории достопамятных росиян. под управлением странами таврическаго княжества во времена Екатерины 2-й. знаменитаго князя Потемкина. Ибо современная тому история передает нам о сем следующее.

Зри Словарь достопамятных россиян. Том, 2. под буквою, П. [издание в 1844. Москва].

В 1784, году. князь таврическии Потемкин, управлявшии главнокомандовавшим войсками расположенными по берегам Дуная, и вообще имеющими дело с Турцыей. при которых в ведении Потемкина находился военоначальником единственныи по отечественной истории Суворов: которому в глубокую осень повелено было, во что бы то не стало взять город Измаил. и сия непреступная крепость несколько раз под стенами своими видела русское оружие. несмотря не на что Суворов приступил к соображениям плана о взятии города Измаила: котораго не защитил вмещавшии в себе сорокатысящныи гарнизон, и не остановил русских воинов, которых каждыи шаг действии, наблюдал личным присудствием Суворов. и по взятии Суворовым города Измаила, и часть подлежащая Измаилу, крымской земли: перешла под владение таврическаго княжества управляемаго князем Потемкиным. в следствии сего живущии по пустынным лесам Тавриды, и Крыма, староверцы вынужденными нашлись прибегнуть прошением к князю Тавриды Потемкину. о невытеснении из мест их жительства. Из прошения видно: что в разных местностях находилось староверческих скитов, шесть. и вольно живущих по лесам, о которых история сведении не имеет [подленое прошение приложено в конце книги]: Но в общем итоге цыфра при прошении означенная, 1360. обоего пола мужескаго и женскаго. имеющих между собою разъединение, в следствии брачного закона: значит исповедуя безбрачие. и на подданное ими Потемкину прошение, было разрешено не вытеснять оных из мест им подлежащих. и разрешение поступило неофициальным документом: котораго они избегали. потому как пренебрегали подобнаго рода документами. и вообще всякими бумагами, выдаваемыми от начальства российскаго престолу подлежащаго. как и выразились в подданном прошении: одним чествованием. а не мыслию подданства. несмотря на то грубое выражение, честолюбивым князем Тавриды. благоволено было их желанию иметь свободу.

Дозде свидетельство о потомстве бегствующих християн, единственно токмо в крымских пустынях и лесах Тавриды. но были в те времена не во единых крымских пустынях, и лесах Тавриды. но и в прочих концех, как то: в странах поморских, тверских, нижегородских, в Сибири, и заграницею. и во всех оных странах, нить християнскаго учения бысть немалое количество бегствующих мира, от прелести антихриста. очесом желающии изследовать пространнее, да чтет о том в книгах исторических временам нашим подлежащии.

Отселе видим что нить християнскаго учения не пресекалась даже и во единых лесах Тавриды, по 1784, лето. исключая стран тверских и прочих концев всего света. И сие явствует что спустя после 1666, лета. и по 1784, год. означается, 118 лет. и сии лета являются почти современныя и доходящия временам старца Евфимия, и его согласнаго со оными крымскими пустынножителями праваго учения. ибо старец Евфимий принял таковое учение, каковое и таврических пустынножителей, являемое в 1792, год. и сие выходит между старцем Евфимием, и таврическими християнами, всего 8, лет. и из сего счисления яве может всякии здравомыслящии разсудити. что корень християнскаго учения не мог быти присякнутым. То посему следовательно пользуемся мы сим учением нисколько ни новым: якоже глаголют нецыи, не весма обширно ведущии переодическое писание. но руководясь в пользу своего глагола, историей старца Евфимия: в которой отзывался, что несть уже на земли здравомыслящаго християнскаго учения. и сицевое выражение старца Евфимия можно отнести к ревности его простоты. а что касательно не достиг оных християн, и получити от них святое крещение: то сие отвлекло его за неимением сведении столь далеко отделяющей страны оныя от его местности. или за невозможность достигнути ко оным. но по свидетельству его слов, яве известно [очесом свидетельствуется  в его истории]: что ведомы были ему таковыя християне, точию не возмог достигнути ко оным. а что касательно изрек таковыи глагол, яко несть уже на земли здраваго християнскаго учения. и сие нельзя отнести его выражение к проповеди веры: по указанию толковаго апостола, сказующа: на листу, 362.

Еже проповедати, несть то еже молити. но вопрошати и ответ приимати. и свидетельствует ветхии завет глаголющи: рече Бог ко Илии пророку, что ты зде Илия; вопрошает Бог пророка, и отвещает Богу пророк глаголя: ревнуя поревновах по Господе Вседержителе. ибо оставиша тя сынове израилевы, олтаря Твоя раскопаша, пророки Твоя избиша, и остах аз един, и ищут душу мою изъяти ю. и рече к нему Господь: осташася 7000, мужей иже не приклониша колена Ваалу. и всяка уста яже не молишася ему.

И сии ревностныя слова пророка: сколько они близки, и подходящии к выражению старца Евфимия, которыи также считал погибшему быти християнству, и остахся один. а сего не ведал что християн истинно правоверующих еще оставалось несколько десятков сот, якоже указася выше о том. Сице и пророк Илия говорил что остался один: но в то время было неизвестных Илие израильтян 7000, душ. то посему отдаем на благоразсуждение хотящему достигнути истинно християнской веры, и церкви, нами исповедуемой.

Следствием всему вышеписанному, служит началом в конце, 18, века. крещение Евфимия, (и по нем, А. Я. каковое было учинено самокрещением. что и породило последствии християнства. Смотря на таковой поступок, ныне и прежде, всякии ищет в этом причину сомнения. на что мы, ради таковаго рода сомнящихся, поставим в доказательство о поступке самокрещения оправдание: сообразным сему, святоподобным событием времени 5, века. каковое влияет как единственно оправданием на судьбу старца Евфимия, и А. Я. и оное прилагаем зде самым подленником.

Федор чтец, книга, 2. глава, 13. о християнских общинах в Индии. [Фотии, книга, 8. сказан. 84, век, 5]. И в истории Рудакова о християнской церкви, страница, 80.

Брань бе велика бысть в 5-м веке между персами, и индами. и плениша индиане мало персян и отвезоша в корабли во отечество свое. и бе между пленными два отрочища, и знаема бе им вера християнская: и не бе еще просвещены святым крещением. и егда преста корабль той к брегу, в нем же быша тии отрочищи. и излезши има из корабля, и страж с нима ему же вдани бысть наблюдение. и склониша стража, да измыются водою морской. и даша друг другу завет, да не взыдут в землю чюжду не приняв святое крещение. и вода бе многа вскрай моря: и вълезе един от обою в море, и по подобию святаго крещения погрузися в воду, призвав имя Святыя Троицы. якоже чли во евангелии. и бе первыи нарек имя себе Созонт: якоже слыша подобна имена християнская. крести же и друга своего; и нарек имя оному: во имя друга своего християнина, иже бысть в своем ему отечествии: Захарии. и бысть оба християнина, образом и житием. стражу же не ведущу что соделаша оныя отрочища: но возмнев има мытися тако, яко же обычай имут мыющиися в персах. и тако житием своим в индах, и благочестием просветиша многих, и крестиша многих во имя Отца и Сына и Святаго Духа. и основа многи общины християнския. и не по многих летех создавше храм во имя Святыя Троицы. и призвавше пресвитера от ближних к ним стран, и проч.

Ко удовлетворению сомнящихся в самокрещении старца Евфимия, и А. Я. при сем ясном доказательстве должны убедится, смотря на святоподобное событие Созонта, и Захарии. В добавок к тому же присовокупляем еще несколько доказательств, ис житей святых.

Как то:

Преподобныи Феофан сам себя крести, и прочих приходящих к нему учаше и крещая. Пролог июня, 10.

Святая равноапостольная Фекла, ученица святаго апостола Павла по нужде сама ся крести, и посем послана святым апостолом Павлом учити люди и иныя крестити. Четь минея макарьевская, сентября, 24.

Святыи мученик Порфирии сам ся крести: Пролог, сентября, 15, день.

Святыи мученик Филимон, сам ся крести. Четь мин. и Пролог, декабря, 14, дня.

Святая мученица Дросида, дщи Трояна царя, сама ся крести. Пролог марта, 22, день.

Святая мученица Марина, сама себя крестила. Пролог июля, в 17 день.

Святыи мученик Дада, сын Савория царя перскаго, сам ся крести. Пролог, сентября, 29, день.

 

Дозде свидетельство о потомстве бегствующих християн, и о самокрещении.

 

Глава, 2.

О вероучении.

Основное право, в вероучении не имущему священных степеней, и для удобнейшаго посему понятия. поставим на вид сведения, из истории нам современной. а более потому: яже бы завистники о истинно християнской вере: остались бы яко рыбы безгласны.

 

Очесом зри свидетельство: Сборник протоколов общества любителей духовного просвещения. спб. отдел, год первыи. за 1872, и 73, год. в синодал. типографии, издание, в 1873, году. на стран.: 22, и 23. сказано:

Съделав краткии обзор: но совершенно удовлетворяющии время участия мирян, в делах важных церковной истории. исполняемых в деле святаго крещения: и таинства исповеди. перейдем и к третий стороне, к которой стоит ближе чем к другим, деятельность общества любителей духовнаго просвещения: к стороне учения. законно ли оправдывается, учением и историею церкви, участие мирян в деле учения; распространение учения християнской веры, без притязания всегда в церкви считалось долгом веры и любви каждаго ея члена. апостол Петр внушает верующему быти готовым ко ответу: всякому вопрошающему словесе о нашем уповании. и в подтверждение сего укажем несколько фактов. в разспространении християнства главным образом действовали в первые века апостоли: и пастыри церкви. но с ними трудились над сим святым делом и простыя верующии. и сие совершалось не только в век апостольскии: но и в последующии века, когда эти дары сделались реже. [истор. Рудак. изд. в 1867 году, лист 79] Довольно упомянуть о юноше Фрументии, обратившем страну ефиопов. И о некоей жене Нине, обратившей Грузию. также на поприща проповеди трудились простые мужие, принадлежащии к первым векам, как то: Иустина философа. Афиногора. Минуция. Феликса. Оригена.Лактанцыя. и протчих. и церковь пользуется с благодарностию творениями сих писателей и проповедников священной истинны.

На странице, 25, сказано:

Что в первые века християнства, знаменитым огласительным училищем александрийским, иногда заправляли многоученыя выше поименованныя мужи [Лактанц. книг.: 7. под четвер. веком о крещении]: то есть, всей приготовительной стороной ко святому крещению. (и церковь их действии принимала благосклонно).

Следовательно, при святом крещении действовалось в тогдашнии времена, и оглашение от людин не имеющих хиротонии. и почиталось приличием по церковной истории, во времена тому подлежащии и того требуемыя по обстоятельствам. по свидетельству Лактанцыя.

 

Объяснение, на вероучение.

Ознакомившись мы несколько в прочитанном выше, с историей християнской древности: свидетельствуемой обществом любителей духовнаго просвещения. вероятно и вы благосклонный читателю не лишным сочтете принять во внимание сведении ко обстоятельствам настоящих условий нашего времени: по делам от простецов о вероучении касающимся; уже не говорим о временах апостольских, и последующих до 6-го вселенскаго собора. то есть, текущих до 683, лета. о каковых ведомо всем но поставляем во основное, и образцовую деятельность, 10, в. то есть деятельность юноши Фрументия, обратившем целую страну ефиопов. и в десятом веке, по Грузии обращены были в християнство некоею благочестивою християнскою женою Ниною, нарочито пришедшею из Иеросалима. [Истор. Рудак.: лист, 79]. и даже сам царь грузинскии ею обращенныи в християнство. И християнская церковная история, благодаря столь деятельным успехам от неосвященных лиц, о вероучении. и поставила на точку зрения, в предании о неимоверных подвигах, к пользам и побуждениям последующих веков: в каковых сии божественныя дары должны быть весьма редки. как и видим с математическою точностию мир временам нашим подлежащии. значит заменяем мы, то есть, неосвященныя людины: таковыми святоподобными бытиями, 64-го правила, 6 вселенскаго собора: бывшего в доходе, 7 века. и после издания сего правила, Фрументии принадлежал к 10, веку. и церковная история в его деятельности не имела особаго подозрения. а тем более женщина Нина, принадлежащая к последней половине, 14-го века. и мужество ея в таковом трудном деле бросает на себя взор историей с весьма удивительной благодарностию, а не подозрением в виде, 64. правила, 6-го. вселенскаго собора. на то и имеем основатся.

Факт [действие или событие] есть несомнительныи, а тем более свидетельствуемыи от враг, веры и церкви християнской. а от таковых свидетельство достоприятнейшее есть. для блага проповеди, о истинно християнской вере и церкви.

И если бы подобныи человек, и принадлежал по неисполнению некоторых правил во отношении постничества и других снисходительных причин. и сим не может быть в проповеди вреден. но точию был бы безкорыстием. и правотою мыслей отличен. и о том в подтверждение поставим нижеследующие доказательство. от книг Петра Дамаскина.

Добротолюбие, книга, 2. часть, 3. Петра Дамаскина, книга: 1. лист: 61. об.

Ведыи глаголет Господь, волю господина своего. тем же благо есть чтение и разум, но егда к большему смирению приводит: такожде и совесть, егда кто не испытует жития учителя, яко же глаголет Богослов: не ищи удостоверение учащаго тя, или проповедующаго ти. и якоже глаголет Господь, елика аще рекут вам, и проч. никоего же вреда не бывает вопрошающему от дел учащаго и. но ниже паки пользы, аще не творит сам. занеже кийждо воздаст о себе слово. учитель убо о словеси своем: учимыи же о сущих от дел послушании своем. сущая же вне уду сих, противу естества суть, осуждения достойна.

 

Дозде свидетельство о вероучении.

 

Глава, 3.

О богослужении простолюдинов, в неприсудствии священных лиц.

 

Богослужение производимое в подлежащее нам время, не освященными мужи: есть не без основания. ибо видим во времена Всеволода Мстиславича князя Новогородскаго. и во дни Нифонта архиепископа Новогородскаго. Сей блаженныи Нифонт остави много своего сочинения божественных писании, дошедши до наших времен – в девяти книгах. и во обще от первой книги, и до последней помещают в себе вопросы Кирика черноризца Новогородскаго Антониева монастыря: принадлежащаго к первой половине, 12-го: века. и труд его хронологии окончен ответами Нифонта, в 1156: году. из коих по надобности иметь будем свидетельства.

Нифонта преподобнаго, книга, 4. глава, 6.

Вопрос Кирика, 2.

Како должны быть службы бываемыя в клетех молельных не присущу ту иерею: рекше полунощи, и заутрени, и обедницы, и вечерни, и павечерни, до отпуста конечнаго, яко же положено во уставцех.

Ответ.

Указания о сем многа имать в божественном писании. яко бываемыя службы в молельных домех, творимая от християн: или собором мнозех, соблюсти должны чины положенныя во уставцех отеческих и типицех. упразднив точию иерейское, ектению, и возглас. размеряя по оным Господи помилуй, меньше и многажды, коего есть чина ектения. и соблюсти все чтением и пением благочинным: и кажением фимиана и не оставленны да будут стихи и антифоны утреннии. и на обедницех прочтение апостола, и евангелия дню и святому, аще прилучится. и на вечернех прокимны, и литийцы. и вся до отпуста павечерняго. ничтоже да не оставиши от писаннаго во уставцех, яко же рех ти.

И в книгах Добротолюбия, книга, 1, часть, 2. глава: 27. лист, 78. об.

Стоя убо чтыи уставленное тебе от псалтыря, апостола, и святаго евангелия. и по сих пой разумно обычныя часы, иже от учителей церкви вельми премудре уставишася.

И во главе, 28. на листу 78: сказано.

Яко церковное предание, нужно есть блюсти и безмолствующему.

Там же книга, 2. часть, 4. лист 162. слово о авве Филимоне.

Во всю седмицу, бяше же святаго старца служение сицево: в нощи убо пояше всю псалтырь, и песни безмятежно. и глагола едино зачало от евангелия. и сице паки во утрии пояше первыи час, и пояше пременне: и паки изустно чтя от апостола, от евангелия. и сице пояше на всяк день непременно моляся, и небеснаго наслаждаяся видения.

И во псалтыре со воследованием, во главе, 21. лист: 431. во уставе после правила келейнаго.

При службе должно читать, апостол, и евангелие, и каждение, 2-жды. или единою.

 

Дозде о богослужении.

 

Объяснение, 2. о богослужении.

Не входим в подробное, и многосложное доказательство, о богослужении производимом по неимению церквей материальных: в простых домех, вне присудствия священническаго простецами совершаемое.

Есть не без надежды во отправлении онаго ко обстоятельствам нам современным. как видим о том из доказательств нами на вид поставленных, времен 12 го века. бывшее в Новгороде северном, и Пскове. тем не менее должно заметить, что во времена оныя были и церкви материальныя, и священноначальство в полном его составе. При настоящих же обстоятельствах обусловленных нами времен, есть крайне не уместно быти церквам материальным, и предстательству во оных подлежащему. и таковое заменяем молельными домами на богослужение, при помощи мужей не освященных. и о сем можем подтвердится, точными событиями церкви ветхозаветной.

Ибо что не творится в новозаветной церкви: то все изображено и в сеновной церкви. например: воззрим на времена Руфи, то есть, судей. истинное учение веры сохранило во времена судей тот же образ, которыи оно получило при Моисеи. и распространялось как посредством установленнаго чтения закон. и так посредством наставления, и примера мужей благочестивых. сам Сын Божии как глава и хранитель церкви: не однократно познавался в явлениях избранным своим, как то: Исусу, Гедеону, и родителям Самсона. и законное богослужение совершалось в сии времена при скинии в Галгалах, и в Силоме. однако не совсем было с нею неразлучно: в некоторых чрезвычайных случаях жертва приносилась и на других местах и людми не освященными в сие служение. как видно из примеров Гедеона, и Маноя: Синагог не было. [судей гл. 6, ст. 19, гл. 13, ст. 19]. равно и в наше текущее время по образу оных в богослужении не погрешаем. и о сих дозде, о богослужении.

 

Во исполнении отправления обрядоваго порядка, при богослужении.

Книга, 4. Нифонта архиепископа Новогородскаго: из вопросов Кирика, глава, 4.

Вопрос, 6.

Аще будет новорожденныи, что достоит творити ко очищению храмины не сущу иерею.

Ответ, 6.

Ко очищению храмины в которой есть новорожденныи, разрешается прочитать молитву, которая употребляется во обще над осквернившимся сосудом. да имаши обрести тую в потребницех: и творить повелиши тако же указахом. да не останется прародительная скверна на крещаемым не от иерея, и храмина будет чиста по крещении.

Того же Нифонта преподобнаго, книга, 6. глава, 5.

Вопрос, 8.

Тако ли могут творити памяти отец, и братии, и о всех християнех от зде отшедших, не присущу ту иерею. мы обидимии священнаго знамения.

Ответ, 8.

Не возбраняют закони церковнии поставити и кутью, и свещи две возжещи, одесную и ошую, якоже указася во уставех погребения. должны есте творити поряду и осмигласники, и антифоны, и прочести апостол, и евангелие. и молитву на кажении, во услышание ту предъстоящим. и все поряду, якоже достоит не имущему иерейскаго сана. о сем да имаши свидетельство в книгах блаженнаго Кирила скифопольскаго.

 

Глава, 4.

О крещении простолюдинов, творимое подлежащие нам время, в неприсудствии священных лиц, яко и со отрицанием разрешается, и кума и куму при действии таковаго крещения, поставляти не возбраняет.

 

От книги Захария Копестинскаго, глава, 35. о крещении пригодном в недостатку, у православных презвитеров, и под час преследования нынешних от латынь.

А на пред то поведаю, иже вед молитвы и заклинания и церемонии на крещение описанныи, приимаю яко достоверное предание. и тем способом надобно крестити. а кто бы изневажил и хулил тот грешит, и церковному наказанию подлежит. а однако смотрение отцов святых разсуждение, в той мере есть поданныи. а то когда бы прилучилось правоверному меж иноверными живучи, то есть с теми, которыи с церковию восточною не держат и с патриархами восточными не суть, и не было бы священника православнаго познания и послушенства вселенскаго патриарха будущаго. а дитя новое нарожденное хворое и смерти бы близко было. тогда надеючи и не до унеятов, то есть до тех которыи от православных россов отступившеся зашли до костела латынскаго, и папежем поддали, а не дорианских, и домотеранских, а не догалицких министров. глаголет бо всем Лаодикийскии собор в каноне, 32. не подобает от еретиков благословения приимати. которые речи суть проклятства, а не благословенства, глаголю неудоваючися до помянутых. или тогда оные дитя крестит православныи иерей, диякон, или церковныи какий чтец, певец. а если бы и тех не было, тогда какии муж правоверныи. а навет сам отец тогда крестит. а того нам отцы святии допущают. яко в каноне Никифора, 14-м глаголет, в случаю простыи человек, монах тогда крестит, такожде и диякон, и глаик, если найдены будут на месте, в небытность священия. читай в Арменополе в епистолии канонов, от монахов титла, 4. титов, 2. там же надобно, дабы некрещеныи дети в небытности крестил тот, которыи найденыи был на месте естли бы крестил и властныи отец, либо какии человек християнскии несть греха, читай тамо Арменопула, 5. о ласках, титул первыи; если под час небытности с какой сколько причины иерея при церкви, допущают простым крестити. далеко и скорей допущается и позволяется нынешних часов в местах, и в селах преследования, где не будет православнаго священника, и где не будет вольности и безпеченства до православной церкви нести, а дитя бы хворое было, дабы диякон и монах, так же отец, или какии християнин крестили. а до ляхов и до тех которыи с нами не веруют жадным способом не нести: если бо вем в кумовство их возбраняет наша церковь приимати, яко во Арменополе в книге, 5. в вопросах Марка Александрийскаго, и Петра Антиохийскаго патриархов. пишет в вопросе, 32. глаголюще: тем словом. а если бы тоже здоровое дитя было дотоле удерживати иже православнаго презвитера найдет, надолго бы пождати, видали у греков дорослых крестячи тех которыи в турках от правоверных сродников породилися из неволи выходили. А яко паки крестити имеют такою наукою и ведомость имети: таковыи повинныи сии делающе. воды чистой излияти, и дитя три краты погрузити, глаголюще за первым погружением; крещается раб Божии, назови ему имя как любиш, во имя Отца, и возвести его наверх воды, аминь и паки погрузити, и Сына, аминь. и возвести наверх воды, третии раз погрузити, молви и Духа Святаго, и ныне и завсегда и навеки веком, аминь.

Кумы на свидетельство таковаго крещения потребны суть. там же: имети по том таковом крещении старатися, дабы чрез священника православнаго отрок таковыи был помазан святым миром. где уже оных молитвы и заклинания отпущеных которыи извыкли отправляти по крещении, не потреба будет отправляти. канон бо всем бозских отцов в Лаодикии соборных, от тех глаголюще: которыи в потребы в хворобах бывают крещеныи, ничего о том не воспоминает, дабы молитвы чтены были, и заклинания по крещении деяны имели, или только о том воспоминает, дабы веры научены ими были, которыи в хворобе окрещены суть, надобно чтоб веры научены были иже бы знали Божскаго дарования удостоилися. читай о том ширей, Илью митрополита Критскаго. отповедь ко Деонисию монаху, во Арменополе в книгах, 5. лист, 331. у того же в епистоле канон о ляхах сечение, 5. титул, 1. а зачалов оных преследования за царей поганских, сами крестили, как пшетиъ [пишет?] в Синаксаре, месяца марта, в 22, день.

О том же: из книги Щит о вере. писанная в поморском скиту, на вопросы поповлян. о крещении творимом простолюдины; и в вопросах, 38. и 39. ответствуют на оное, како действуют крещение со отрицанием: и кума и куму поставляют.

Вопрос, 38.

На крещении вы простцы суще, како отрицание сатаны, и обещание Христу, и прочие церемонии творите, явите ничтоже скрывающе.

Ответ, 38.

При крещении у нас творимом по нужде несть неподлежащих простолюдину церемонии. но совершается у нас оное нуждным и кратким образом, отвергаяся священнических действ, с символом православныя веры читая оныи трижды, въкупе с трема погружении, во имя Пресвятыя Троицы, крещаем бывает требующии от нас крещения. Чтоже касательно до отрицания, аще сей предел и несть весьма нужде подлежащии. такожде и у нас не везде есть за нужду у всех исполняем, но аще где и исполняется: то сие исполнение не суть противно церковному чину, повелевающему крещаемому самому отрицание чинити, аще он в возрасте есть. Церковь же святая не точию при крещении, но и по крещении, отрицатися и запрещати сатане всякому православному християнину не запрещает, но и повелевает. якоже во псалтырех со возследованием острожских печатей в молитвах запрещенных в златоустовех, и прочих показуется. в первенствущий же древле православней церкви, не точию мужие, но и жены при крещении отрицание творили. якоже показуется сия от жития равноапостольныя Феклы сице: некая жена изнесши дщерь свою, и верже ю на нозе святыя Феклы, и сама ся с нею. и возопи глаголюще: помилуй сию якоже и многи помиловала еси. и вопроси ю крещена ли еста; она же реста поганска жития есве. ниже: мати же девицы, ово на страсть, ово на желание, внемлюще дщери своей. и изволи прияти знамение Христово, припадше ко святей, и рекоста; аще достойне есве воля Божия, и отрекшися диявола, и обещастася Господу нашему Iсусу Христу, и молитву же сотвори има, и научи я евангелию, и помазавше елеом веселия, и крести я во имя Отца и Сына и Святаго Духа. зри о сем в минеи Макарьевской сентября, 24, дня. и Захария Копестинскаго. во главе, 35.

Вопрос, 39.

Кума и куму при действии крещения вашего поставляете простцы суще, по коим правилом, или обычаем сия действия совершаете.

Ответ, 39.

Въправду мы глаголем, изшел еси на распутие, смотряя льстивно: ужалити хотя в пяту нашу, еже есть изследуя и последняя наши действа, и подлагая тыя под крепкое изстязание. и по вам нигде сущим нам правоверным простолюдином к благочестию склонному поступити нелетьствует. понеже восприемницы крещаемым помощницы, или свидетели вере при крещении бывают, паче же младенцам. якоже в катихисисе велицем, во главе, 61. о крещении глаголет, тако: без веры бо никтоже Богу угодити, и оправдан быти не может. имут же паки младенцы помощь от веры, яко же оныи разслабленныи, от исповедания отцев своих крестных, аще крестнии отцы при крещении ради исповедания веры бывают. убо и простолюдины крещающии, долженствуют не инаго чего но токмо ради свидетельства и исповедания при крещении восприемников имети. якоже и богомудрыи Захария Копестинскии, киевопечерскии архимандрит в книзе своей, которая выпечатана в острожской друкарне, в лето от Христа 1598. сице засвидетельствует: если под час небытности с какой сколько причины иерея при церкви. допущают правила простым крестити далеко больше и скорей допущается и позволяется нынешних часов в местах и селех преследования. где не будет православного священника, и где не будет вольности и безпеченства до православной церкви нести, а дитя бы хворое было, дабы диякон и монах, так же отец, или кий християнин крестили, а до ляхов и до тех которыя с ними веруют жадным способом не нести, если бо вем в кумостве их забороняет наша церковь приимати, яко во Арменополе в книге 5-й в вопросах Марка Александрийскаго и Петра Антиохийскаго патриархов пишет. ниже: видели у греков дорослых крестячи. тем которыи в туркох от правоверных сродичов породилися, из неволи выходили. А как паки крестити имеют такою наукою и ведомость имети, так вы повинны си делающе: воды чистой излияти, и дитя три крат погрузити, глаголюще: за первым погружением: крещается раб Божии, назови имя как любиш, во имя Отца, и вознести его наверх воды, аминь. и Сына, и вознести его наверх воды, аминь. в третий раз погрузити молви: и Духа Святаго и ныне и завсегда и навеки веком, аминь. Кумы на свидетельство таковаго крещения потребны суть. и прочая Захарии Копестинскии, глава, 35. показуется же и от сего потребно имети восприемников при крещении, и от простолюдин действуемом ибо оное действовати позволяется и самому отцу свое дитя, еже понужде крестити. якоже и в десятом ответе засвидетельствовася, или якоже и выше от Захария Копестинскаго показася, убо своему отцу без восприемников, како возможно крестити свое детище, отчего ученився своей жене кумом, если же тако ученит, то должно и разлучитися союза брачнаго, очесом в Номоканоне в правиле 208, тако глаголет: аще несть ин поп, священник сам да крещает своего детища, крещает же и той со инем приемницем, аще ли будет приимец детища своего, разлучается своея жены, сиречь, матери детищу, занеже быша себе кумове, но иного ради без восприемников крестити не летьствует, еже есть ради брачнаго совокупления. аще ли случится, юноше и девице, един креститель сей обоим сотворится отец крестныи, они же братия крестныя, сиречь брат девице, девица же сестра крестная ему учинится. сего ради до осмаго степени сие сродство хранится. яко в том Номоканоне в правиле, 209. засвидетельствует два (рече) некая, иже не имеют кого сродника, аще дети их един кум крестит, сиречь от купели святаго крещения приемлет. дети оны да не приходят в бракопричастие, до осмаго степени, понеже братия суть, еда бо отец роди тех духовный святым крещением. зри Потребник, лист: 708, об. темже по выше приведенным свидетельствам необходимо есть и простых крещение имети восприемников.

 

Глава, 5-я.

Сказание от святых писании, о еже аще на которых рука еретическая бяше первее, таковых простолюдином крестити никоего припятствия не обретается.

 

Потребник иноческии, глава, 10, лист 247.

Чин и устав како достоит приимати, иже от латынь приходящих ко святей соборней и апостольстей церкви к нашей непорочней християнской вере православней, хотящим истинным святым крещением креститися. дающих на себе свиток писания православныя веры, и проклинающих вся своя ереси, и иную всякую ересь; Сего же чина и устава последование единообразно действуется над приходящими, и от иных вер. аще жидовин, аще срацынин. или кто прежде еретическое имея крещение, о них же все совершается неизменно, яко же зде написано.

Из шестодневца Василия Великаго.

Жидовин бо и еретик, едино еста.

 

Крестили в древлеправославной церкви жидов, простолюдины суще: их же зде на среду представляюще объявляем.

 

Пролог месяца ноября, в 24, день.

Мних некии крести девицу жидовину сущу, онем же Иоанн милостивыи кровение[откровение?] получив.

Патерик скитскии, глава: 54.

Повествуют, нецыи християнстии отроцы, на поли пасуще. и прочая чти тамо, во оной книзе, о сем повествовании.

Из книги преподобнаго Иосифа Волоцкаго, от слова, 15.

Но еретицы убо не единомудрствуют, но овы убо тако, овы же инако. Павликияне, и фотиниане, фриги, и евноминиане, и монтаниты, и савелиане, и маркиониты, и измаильтяне, и инии таковии. ниже: О сих убо глаголют божественная писания, яко егда приходят к православней вере, подобает им поститися время довольно, и вне церкви стояти, потом же сих крестити яко же еллины.

Потребник большой, лист, 564.

Яко павликияны, иже от Павла самосатскаго суть, и евномианы, и монтаниты иже есть монтане и савелианы и манихеи, и уалентианы, теже и валентины, и маркиониты, теже и маркиане, и сущия от подобных им ересей, приходящия к правоверней вере яко еллины приемлем сия. Еллины же убо якоже и жидове и агаряны повелено есть крестити, совершенным крещением в три погружения.

Кормчая, глава, 70, лист 635.

Манихеи и уалентианы, и маркиониты, и от подобных им ересей приходящих, яко еллины приемлюще покрещеваем. и прочая.

Из Номоканона, лист 49. прав. 203. О крещении совершаемаго от простолюдина.

А сии нужды ради. обаче не второкрещаются. иже от причетник, или от простца инока, или диакона, или отца самого, или християнина некоего православнаго, и понужди несущу священнику то крещени суть, но точию аще не рука еретическая бяше первее. чти правило Никифора патриарха Константинопольскаго. и Арменополь в канонех кратких, сечение, 4. титла, 2. и сечение, 5. глава, 1. и в книзе, 3. собора, 1.

Сему же правилу в Номоканоне писанному, зри Кормчая, глава, 1. во свидетельство, правило святых апостол, 68. глаголюще сице:

Дващи поставленныи и с поставльшим его, да извержется. аще не будет токмо еретическая рука первее. Толков.: Аще которыи епископ, или презвитер или диякон, второе поставление приимет от кого, перваго возненавидев, да извержется сам, и поставивыи его. аще токмо не прилучится, яко от еретик поставлен бе первее. ибо от тех крещении, не крещени: и поставлении не причетницы.

Никона Черногорскаго слово, 63. на правило святых апостол, 68: глаголет:

Разве аще объявлено есть, яко от еретик имать рукоположение. от таковых бо и поставленном или крещеном, ниже верным, ни причетником мощно есть быти.

Матфей прав., состав, Х. глава: 14. на апостольское правило, 68.

Аще от еретик хиротонию приял бе первее, отметаем бо таковых, яко же крещение сице и хиротонию. небо освящение се, но скверну веруем исходатствовати.

Потребник большой, глава: 17. лист 649.

А иже второе крестити кого крещеннаго прежде от правоверных, вся правила отрицают. разве аще нечестивых еретик крещен бысть прежде. тех бо крещение, сквернение есть паче, а не крещение.

 

Еще приводится во свидетельство сему 203-му правилу Номоканона, на которыи оныи Номоканон севаста Арменопула правило ссылается. идеже явственне сице показует.

 

Зри севаста Арменопула сечен., 4. титла 2. прав., 14. надпись 2. патриарха Никифора.

Подобает монашествующим входити во святыи жертвенник, и вжигати свещу, и кандила, и красить храм, по обстоянию и мних прост крещает, такожде и диякон, и людин же; аще обрящется на месте несущу священнику.

И сечен. 5, глава: 1. надпись, 1. патриарха Никифора.

Подобает некрещенныея младенцы, аще обрящется некто на месте, не сущу иерею крестити. крестит и свой отец, или каков любо человек християнин, несть грех. Толков. Недугующь детищь, вдадеся абие крещатися, здравствующь же по 40-ти днех его рождения. блаженныи Иоанн тако глаголет, недугом одержим, приближився уже смерти детищь, аще троическим точию погружением, иерей страхом еже непредвосхититися совершит, не треба сему по сих и молитв, яже оставишася, и определения возъисполнити.

И еще в книзе 3. собора, 1. сечение, 4. надпись 2. Никифора исповедника, правила некая.

По обстоянию монах прост крещает, такожде и диякон по обстоянию крещает, и людин же крещает, аще и не сущу священнику: подобает некрещенным детем, аще крестит же и свой отец, или кий любо человек. точию да будет християнин, несть грех.

И в книзе кир Гавриила архиепископа Филадельфийскаго, о седми тайнах, глава, 7-я.

 

Глава, 6.

О исповеди

О еже аще и несвященницы, но приимати кающагося, и исповедати о гресех могут, якоже иноцы, такожде и мирстии, ведящии искус божественных правил.

 

Святыи апостол Яков в послании своем глаголет сице [зач. 57]:

Исповедайте убо друг к другу согрешения, и молитеся друг за друга, яко да исцелеете. многа бо может молитва праведнаго поспешествуема.

И святыи Иоанн Златоустыи в беседах апостольских на листу 2983: наказует кающагося грехов своих сице:

Глаголи твоя яже к Богу, тако не будет ктому согрешения. Глаголи яже твоя к другом, вельми любимым и праведным, и им же уповаеши, яко да помолятся о гресех твоих.

Кормчая лист: 608. святаго Варсанофия.

Вопрос:

Добро ли убо есть исповедати кому от братии о мечтании, и сотворити ему метание, и рещи да помолятся о мне.

Ответ.

Добро убо есть глаголати, но могущим слышати, а не юным. сотворив же кто метание, должен есть просити молитися о нем, писание бо глаголет, исповедайте друг другу грехи ваша, и молитеся друг за друга.

Хрисмологион, глава: 5. о исповеди.

Второе исповедание прегрешением, егда прегрешения или пред Богом. или пред священником, или ближнему исповедаем.

Номоканон, лист: 71 об.

Вопрос.

Аще суть иноцы священницы неискусни слову, во еже приимати помышления, друзии же не суще священницы, знают сей искус, достоит ли сицевым помышления приимати неких, или ни;

Ответ.

Иже бо помышления приемлют, врачев искусных чин содержат, знающих на недужных подобная наводити былия. аще убо кто есть священник, неискусен же, а другии не священник, искус же имея духовнаго деяния. сему паче священника праведно есть помышления приимати, и правильно исправляти [старча исповедь прията]. обаче иже не суть священницы иноцы, паче же неискусни, приемлющии же некиих помышления, и связующии и решающии. да знают яко не по правилом сие творят. и нивочто же есть. ибо святии отцы ниже священником изволяют без повеления архиерейска примирити кающихся. яко же шестое, и 43 правило, иже в Карфагене собора изъясняет.

Вопрос.

Достоит ли не священному иноку, или освященному исповедания человеческая приимати самовольне, или ни;

Ответ.

К богопроповедником рече Господь апостолом, вы есте соль земли. и елика свяжете, и елика разрешите на земли. разрешена суть на небеси. тем же от божественых отец наших узаконися, даже исповедающимся примирителе бывают епископы, приемши апостольское место от Бога. освященныи же инок. множае паче не священныи, чрез волю епископскую Богови примирити не может исповедающагося. елицы убо суть освященнии, по повелению епископа исповедания человеческая да приемлют. не священному же иноку, наказание его искусства, да есть власть примирения. аще убо себе самого безбедно соблюдает, и исповедающихся, Богови да примиряет.

Скитское покаяние, в чине како самому ся причастити.

Прежде подобает, брату искуснейшему возвестити, вся согрешения своя.

Полинодия, Захария Копестин., глав. 36. О исповедан. в краях ересию одержимых.

И коли час имеем, учащии о исповеди, и не обленимся, а однако в той мере и разсуждение есть у отец святых а особливо под час пригоды и в недостатку презвитер православных: и под час преследования нынешняго на нас россов от папежников, и тех которые с ними заодно мудрствуют. ниже: тако же и в странах дальных, в которых православных иереов не остало будет, тогда пред разумными и умелыми. либо иродияконом, или мнихом, или такожде и пред простым человеком. якоже Яков апостол во главе 5. глаголя: и учит исповедати друг другу согрешения, и молитеся друг за друга, яко да исцелеете. и Павел рече: друг другу тяготы носите, и тако исполните закон Христов. ниже: и по свидетельству: даже и простым искусным и мудрым и разумным, исповедания грехов имеют приимати.

 

Дозде свидетельство от древних о исповеди, творимой от простолюдина.

 

Тоже извещается и от новых учителей, о исповеди творимой не освященными мужи, с весьма яснейшим доказательством. с каковую властию оное должно быти.

Зри история руской церкви, сочинение Макарием архиепископом Харковским, том, 2, стран. 144. и 156. сице глаголет: 1. В начале второй половины 11 века. християнская исповедь исправлялась, и не от священных мужей, от мужей святой и ученой жизни. ибо руская церковь свободно допущала на совесть каждаго, о избрании себе духовнаго отца, обходя церковь и ея членов. и сие святое и умное дело исправляли многие черноризцы. точию не с тою властию, каковуя имели церковные пастыри. а приходили с советами, каждому исповеднику, которыи должен соразмерно своих сил понести епетимию. и сие болие могло порождать спасаемых как его самовластие, отстать от греха своего по совету духовнаго отца, и тем исполняли охотнее. чем налагаемые властию пастырей церкви. со означением приурочивали епитимии кающагося. и то некоторым выходило не по силам исправлять данное. и тем оставались неисправимы до конца своей жизни. черноризцы же поступали инако: приурочивая кающагося человека, сицевые давали совесты: разумным и богобоязнивым, великия советы давали, и тии претерпевше добре, большее спасение получат. средним же: на среднию восходили меру советов. а многогрешным, рекше невежам малу заповедь по совету оставляли. да не стуживше великим предложением отчаются и погибнут. Зри о сем пространнее, в истории русской церкви, переод, 1. лист 83.

И рукопись Златая цепь; лист, 39. и 193. и 194.

2. Тамже, страница, 156. Повесть, о черноризце Якове.

Черноризец Яков, был избран в духовнаго отца, князем Димитрием Изяславом. и взимно один другому нередко относился о исповеди писменно, и часто лично. во одном послании черноризца Якова, к великому князю Димитрию (Изяславу) все послание дышет любовию как духовнаго отца, и в нравственном содержании. Сначала Яков, как духовный отец извещает князя. что получил его послание весьма смиренное, похваляет его разъскаяние, глаголя: яко ангели радуются на небеси о покаянии единаго человека. и что Господь съходил не для праведников, а для грешных, и яко жертва Богу дух сокрушен. и советует своему духовному сыну, от всех его грехов отстать, и советует ему молитися Богу, от всего сердца. и преподает князю наставлении, советуя принять соразмерно его сил; глаголя: зри на свои силы, и то исполни. то есть, что бы то исправить на будущее время, без опущения что взято. и проч.

Простота веры в первые века русской церкви руководили в деле исповеди простыми черноризцы, с тем въместе ученными познанию священнаго писания.

3. Во второй половине 12 века. следовавшие вопросы Кирика черноризца новгородскаго Антониева монастыря, к преподобному Нифонту.

Очесом свидетельствует история руской церкви Филарета архиепископа Черниговскаго, стран. 82. параграф 26.

Вопрос Кирика.

Аще ли кто приидет ко мне на покаяние, то льзя ли мне владыко отослать его ко иному, как не имея аз на то власти. понеже черноризец есмь.

Отвеща Нифонт.

Грешно не приимати: принимай точию советами исправь, а не властию. кую имеем мы.

Кирик.

Аз невежа и несмыслен глагола Кирик;

Отвеща пастырь.

Он приходящии хощет пред тобою открыть все, любя тебя. а к иному не пойдет, или не исповедует всего, стыдяся. в таковом случае пусть ты будеш святой муж, начнеш творити чюдеса и воскресиш мертвых; но есть ли не приимеш, идти тебе в муку. аще ли приимеш, но не управиш советом, а не властию кую имеем мы. то тоже тебе в муку. а он без греха. ибо раскаявся, и с любовию исполнил, так как покаяние есть дело воли кающагося.

Там же: стран. 82, переод 1.

Паки тот же Кирик вопрошает митрополита Иоанна, относительно о кающихся, и правила русских пастырей отличаются благоразумною сниcходительностию.

Вопрос Кирика.

Аще ли человек каится, а грехов у него много; то како поступать с таковыми;

И отвеща святитель Иоанн.

Не велю тогда же налагать епетимии, но советовать что нибудь малое, да обучится, и не назначать яко же мы творим. потом понемногу прибавлять советов, но не слишком отягчать оными. а более оставлять на воли кающагося. ибо не имееш власти запретить и назначить, то дело есть пастыря церкви.

Там же: страница 53. переод, 1. параграф, 26. из вопросов Кирика, у преподобнаго Нифонта.

И паки вопрошает Кирик преподобнаго Нифонта.

Должно ли супруги помогать взаимно в несении епетимии.

И отвеща пастырь.

Вельми достоит волею, добровольно, яко же друг другу, и брат брату помогают. так же и супруги.

Очесом пространнее зри в книгах преподобнаго Нифонта, и Савы, страницы: 184, 185, 195, 199, 202, 203, и 210. О исповеди творимой от мужей неосвященных. ниже: Понеже в руках Иоанна, и Нифонта, были уже вопросы разрешительные честнейшаго Петра диякона великия софийския константинопольския церкви, вопрос, 19, 20, и 21. Следовательно не только церковь руская, но и греческая не отрицала в делах исповеди не освященным мужем, или черноризцам. но точию не со властию той, как епископ, и от него данное презвитером. как глаголет о том самовидец, каждыи митрополит от греков посылаемыи на рускою митрополию, что не со властию творят сие у нас в греческой восточной церкви простецы когождо, по воле избираемыи. и то с хорошею нравственностию из числа ученных иноков, тое дело было позволено, восточной церкви пастырями. тако не отступая тех порядков, и в порядках руская церковь. и сие несомненно видим из наставления, и ответов пастырей руской церкви Иоанна митрополита, и Нифонта архиепископа, и Савы. ибо руская церковь озаботясь снисходительностию по мерам когождо приготовляла ко спасению. чти о сем истории акт, том, 1. номер, 11, и 13.

 

Дозде свидетельство о исповеди творимое от мужей не освященных.

 

Глава, 7.

О нравственно практической деятельности: во исполнении чистейшаго християнскаго учения. при истинно християнской вере и церкви, ясным глаголом священнаго писания.

 

В последней половине 9, века. вышли из под пера многоученаго мужа, и учителя восточной церкви, цареградскаго патриарха Фотия, спецыальнаго [особеннаго] содержания, 38, книг. из коих будем в надлежащих местах иметь по надобности доказательства.

 

О браках незаконных имеющих быти до втораго пришествия Христова.

 

Фотий, книга, 10. глав. 2. лист, 72. сказание, 84.

И от новых свидетельство: зри, Сборник исторических материалов и документов, относящихся к греческой церковной истории, 9-го и 10, века. книга, 8. раздел под буквою, Ф. Издание, 4. СПб. духовной академии наук, в 1844 году.

Како осуждена Фотием церковь западная: но не исторгнута еще от церкви восточной.

Егда слышахуся на западе, что восточныи патриарх Фотий осуждает церковь западною в неисправимых ею винах, в них же погрешает против церкви восточной. глагола ко оным отступницем, гласом пророка Иеремии, (и ты да не поймеши себе жены на месте сем: яко сия глаголет Господь: о сынех и дщерех раждающихся на месте сем: смертию бо болезненною погибнут глава, 16. ст. 1 и 4). Слыши и ты сыне церкви, оная пророческая словеса. яко яве о будущих по брачному сожитию, сынех и дщерех, у пророка речеся сие: смертию бо болезненною изомрут. иже пояше себе жены в неизцельном недуге еретичества, глаголю западныя церкви. и не имущих обратитися николиже. аще же нецыи хотящии обратитися в недра восточной церкви, таковем крещаемым быти повелеваем: и браком их нивочтоже вменяемым. яко да не сродство от туда имети будут. но повелети в покаянии быти, и иночествовати во вся дни живота своего, и в целомудрии быти да Бога милостива соделати, о их же научении бывше во отступницех. аще же друзии не обещаются девствовати, но посягати жены иныя; таковех ниже крестити повелеваем. ибо оженившись и оставшиися прибыти в градех, да не паки сии воспятятся к сродницем, и забудут дар егоже получиша от святаго крещения. и пребудут нераскаявшись имея во очию всегда образ мира, и яже в нем.

 

Каллист Ксанфопул патриарх константинопольский, принадлежащии последней половине, 14, века. Сочинения его многосложны: относящиися трием разделам: на апокрифическия. каноническия. и историческия. дошедшия до наших времен, 42. книги.

Каллист, книга, 7. глава: 2. лист 70. Из соборнаго деяния, бывшаго собора в Царе граде, при патриархе Сергие в 1019 году. коим окончателно отторгнута, и проклятию предана западная церковь.

И от новых свидетельство: зри Сборник исторических материалов и документов, относящихся греческой церковной истории, 11-го, 12, 13, и 14 века. книга, 16. под буквою, С. раздел соборных деяний, в 1019, году. И книга, 38. под буквою, К. вторую половину, 14, века.

Что речем о онех римских владыках, воистинну легцы умом явишася, и яко облацы безводнии от ветр преносими, языки обощрени разумом же смущени истинну превратиша. грады же и веси внят учению истинны отступиша. Добре убо сих осуди и прежде нас бывыи патриарх Царяграда многоученыи муж блаженныя памяти Фотий. Мы же не точию исправльше тое учение, на осуждение западной церкви: но и подтвержаем таковое. многии суть пришедша в грековосточную церковь, и принесоша раскаяние, о научении в церкви западной: и прияша таковех сподобльше святаго крещения. и посылаху по манастырям палестинским, а инии осташася в скитех пустынных мужеских и женских. а друзии и пришедше в покаяние но не хотяху оставити своя жены, их же имеяху. таковех ниже сподобляем святаго крещения: дондеже совершенне покаются. и обещаются к тому не жити в градех с женами яже имеяху. но приити где же нет супружества, и там нет отца и матери, ни сродник. но вси братия о Господе: и не имут пребывающаго мира, и яже в нем. а иже пребыв не раскаявся, о таковех мы соборным судом боголюбивых епископов же иерархов, износим о всех отступницех, яже не имеют союза и единомыслия с грековосточную церковию отвергаем конечне. и подтверждаем на имеющия продолжати браки во онех, патриарха Фотия, словами пророка Иеремии, провидевшаго о состоянии браков быти хотящих во отступницех: не сих ныне точию, но и будущих родов по брачному союзу быти имущих: в еретицех, и отступницех. о коих у пророка речеся: смертию бо болезненною изомрут (глава, 16. ст. 4). не буди то иже вси изомрут: но иже пребыв не раскаявшись, и живущих при сластех отступления. аще же восхотят и сии, от них рождьшихся детей крестити, пришедше к церкви грековосточной: крестити таковыя, вземше залог слова, оных детей привести на службу Богу. якоже о девственницех триех речеся в каноне шестом поместнаго собора в Карфагене. или по манастырех и ту да жительствуют. и видев тыях детей живущих по Бозе, отец и мати, и сродницы, и поревнуют житиям их, и соизволят на покаяние. и да будут крещены, и по сих имея образ покаяния во вся дни живота своего. да не разленятся друзии видев оных девственно живущих, в церквах же и монастырех, и скитех пустынных. Не буди то нам, иже прекращение содеем роду человеческому: но иже рече добре о сем, и оныи древныи историк глаголем Иосиф евреянин, во второй надесять книзе. о пророждающихся в церкве ветхозаветной сынех и дщерех, иже по плоте. и сим не погубиша племени, дондеже прииде надежда языком Христос Господь. тако и зде имеют родитися по Духу: сиречь святым крещением. дондеже приидет вторым пришествием Господь, воздати комуждо по делом. *ветхозаветная бо церковь, бысть образ новозаветной. ибо во оной порождались по плоти: зде же событие образом: си есть породятся по Духу святым крещением.

Дозде от соборнаго деяния при патриархе Сергие.

 

* К сему же зри и в чет. мин.: маия, 11. на лист.: 81 об. сице глаголет: что уставления и заветы ветхаго. были образованием новаго закона.

 

Объяснение, 3.

На выше писанныя два доказательства, Фотия, и Каллиста: Патриархов Цареградских.

При сем вменяем необходимым, обратить внимание благосклоннаго читателя: на данное нами доказательства: в первом, говорит Фотий патриарх, что естли не обещаются девствовать те которых подозревал в воззвании. таковых ниже крестити. Следовательно, вся сила направления его послания, состояла в том. не крещение нужно было дать приходящему к церкви восточной. но этим считал брак их расторгнуть. как и писал: что браком их нивочтоже быти вменяемым. Да не некое сродство оттуду имети будут. то есть, чрез посредство святаго крещения: как чрез оружие, считал необходимым расторгнуть их брак. в которых поставлял оныи по изречению пророка болезненною погибелию: в тех кои остаются в ересех, доконца своей жизни брачющимися. потому и направил воззвание повеления Божия, в лице посланнаго пророка Иеремии, не только ко израилю будущих родов: но и к новозаветной церкви, по брачному союзу в ересех быти имущих. и по обращении некоторых по воззвании, и по расторжению их браков, вменял постановлением быти оным вне мира: того в котором до обращения пребывали. но удалить на места особая. идеже есть мир внутреннии. то есть мир подлежащии по всем правилам християнской жизни. по Златоусту, беседы апостольския, на лис. 2007. беседы, 16.

Второе же доказательство соборнаго деяния, есть в духе подтверждения перваго. ибо не только ослабил и отменил, но и подтвердил: в том роде. что если восхотят те, признавшии себя в брачном союзе, как в болезненном состоянии погибели, по гласу пророка Фотием объясненнаго. но еще сии по слабосте характера, и по привязанности снисхождения к быту мира и яже в нем. не хотят приити на воззвание послания патриарха: и соборнаго голоса иерархов, изнесших окончательныи суд, на то что осуждал, и не привел ко исполнению Фотии. и побегнут в случае к той церкви, которая имеет правость Святаго Духа, оныя очистить от лежащии на них погибели. и просят не самих себе. но о рождьшихся, как знают, что от погибельнаго брака ихних детей: принять оными желают святое крещение. от таковых не иначе собор повелевает принять, от них благосклонное внимание о детях, желающим сподобить святаго крещения. как только лишить крещаемаго из под крова его родителей по плоти. потому что могут вредить веру, и в следствии сего божественное писание повелевает оных оставить. (очесом зри, евангелие недельное, слово: 22. лист 165 об. и добротолюбие, книга 2. часть 4. лист: 170 об. Иосиф волокаламскаго, слово: 12. лист 525. и проч.) но ввести того под кров рождьших его по духу. то есть святым крещением. и быти в непосредственном отношении послушания к тому лицу, которое имеет озаботится о всем того нужном к потребностям службы, которую начал на новом поприщи своей жизни.

И так по всему образу действии нашей жизни, имеем преимущественное право влияния, во отношении религиознаго быта, и поприща во уклонении нами в места не подлежащии посетителям, тех сословии, кои не обращают и малейшаго внимания на наше право: и более бывают вредными, чем полезными. в следствии сего, имеем свободное право на то основатся фактически. как и священное писание имеет свою основу, от другаго более положительнаго писания. Например: основание соборнаго деяния в 1019, году. бывшаго под председательством цареградскаго патриарха Сергия. а именно на историческом писании, древнейшаго мужа и толкователя священной истины, Иосифа Флавия. каковое мы поставим на вид самым орегиналом. и тем явится наша путь настолько ясна: насколько может быть светло солнце среди яснаго полудне.

Зри подленное свидетельство от книги Иосиф Флавия.

Иосиф Флавия, книга 12. глава 8. история, 86. О незаконно пророждающихся по брачному союзу, в церкви ветхозаветной.

Не лишним почтох довести, к сведению читателя: и о оном глаголе патриарха Якова, иже не оскудеет князь от июды, ни вождь от стогну его, дондеже приидет, ему же предлежит. и той есть чаяние языком. Добре убо глагола патриарх паче же реку Израиль: не оскудеет князь от Июды. согласуюсь и аз быти законному порождению до пленения глаголю вавилонскаго. и до Христа ни един же царь бяше, и князь. но поне же убо исчезоша от племени жидовска, паче же от колена Июдова царие и князи, и владыки. и Ирод царствоваше не бяше жидовин: Анна же и Каиафа, архиереи бяху тогда, и законом повелеваху, но не суть законнаго порождения, не от июдейска. что же речем о рождении сем незаконном: сиречь не под законом: яко же род бяше жидовск. аще и не под законом совокупльшихся на детотворении идумеян, и самарян. но закон исполниша, и бысть под законом, яко же и Захария первосвященник. и Семеон нарочиты бысть. един убо исполняя закон обрезания, Исполнителю закона, паче же реку Дателю закона. А другии виде Господа и рече: ныне отпущаеши раба Твоего Владыко. рабом называшеся, не бяше иерей от колена по плоти жидовска: мать бо бяше племени самарянска. и другий же идумейска, сиречь мать Захарии. и брак не по закону бысть но под законом. и не возгнушася Владыка Господь, оными не от законнаго супружества произшедшими: но благоволи на них, единому же скончатися мученически между церковию и олтарем, другаго же отпусти с миром яко же и сам рече: видеста очи мои спасение твое. и прият оныя ко отцу их Аврааму. аще и не от колена израильска: но исполниша закон и бысть сынове Израиля, сиречь законоисполнителя Авраама. что же речем о Христе, иже бысть на браце в Кане Галилейской; не суть по закону жидовску брак бысть, но под законом: сиречь, познавшему закон мужови брака. и такожде поемлемая в жену, не суть племени жидовска, и не пришедших к закону, аще и зная закон. и не возгнушася Владыка Господь, чая спасения от них. Тако будет и пред вторым Его пришествием на землю со славою многою, воздати комуждо по делом. Детотворение убо аще и будет, не суть от брачющихся законно: но от смешения греховнаго, не по закону рождьшихся. якоже и в первом пришествии бысть и таким детотворением продолжится род человеческии до конца мира. и будут праведнии, святии и спасаемии. оставльшим же отца и матерь, или жену и чада. и вкупе с церковию же побегнут от прелестей мира сего. а коль паче во времена скорбей царства антихристова. сиречь тогда обладан будет сластьми весь мир, и всюду отступлениями правил веры. и познаем от сего пришедшу антихристу сласти умножатся, и небрежение о спасении всюду будет. отселе познаем и браком быти под смешением греховным пришедшу антихристу. и в тыя времена оставльшим жены и чада, отца и матерь: и всельшихся в местех пустыни, идеже не достижет их прелесть. якоже рече апостол Павел, в послании первом коринфяном. да имущии жены, яко же не имущии будут. сиречь: имеющия жены, и оставльшия онех, и распеншиися миру, и принесоша плод достоин покаяния: ов же 100. ов же 60. ов же тридесять. о смешении к жене и детотворении. и тако от сих воинствовать пребудет церковь верных, в местех непосещаемых люду сластьми обложенному. и наполнятся от падшаго чина венцы, от сих яко же глаголах, спасаемых, святых же и праведных. и по сих приидет Господь в славе ангел своих. и упражненней бывшей сласте, ею же обладан бысть мир. сиречь: упразднит антихриста духом уст своих, и явлением пришествия своего, и с сим греховныи оныи брак погибнет. ибо сынове века онаго ни женятся ни посягают: яко же рече евангелист.

 

Объяснение, 4.

На третие наше доказательство о браках, и оное каким порядком в подлежащее нам время быти долженствующих. Вместе с тем, помещаем опровержение на сочинение Павла прускаго, о браках безсвященнословных.

С настоящей точки зрения мы имеем с тобою любезный читателю [на поле: речь автора], при близосте наших мыслей приити к заключению понятия, согласнаго на третие наше доказательство. по которому зависит во всех направлениях путь ведущий нас к вечному блаженству.

Безспорно, все сии высокия образцы нашей жизни. которою не может разрушить никакое противодействующее оружие. например: оружие направленное Павлом, во всем его блеске предписанном о шестой церковной тайне против безбрачия. о сем много сожалею аз, что личности сего сочинителя несть в местах зде лежащих где нахожуся аз. Да впрочем той автор, всегда избегал не только нашего присудствия, но и встречи: а иногда отзывался при встрече, каким либо уклончивым и к предмету неуместным ответом. и проч.

Ибо учение его коснувших многих простых сердец, подлежащих к склонностям брачнаго врачевства.

Сего ради вынудили нас взяти в руку трость, и прокритиковать его авторитет.

При сем нужно обратить ваше внимание многоуважаемыи читателю. на доказательства нами данныя. и сообразится с данным учением Павла, каковым позволил себе обусловить те доказательства священнаго писания, которыя подлежали вполне цветущим временам церкви Христовой. но в протчием подобное учение, его обязывает по обстоятельствам жизни ему благоприятствующим. а тем более, чтобы под фирмою своих издании учения, прикрывать блистящия на себе ризы. и под предлогом необходимым ему износить, что священницы твои облекутся в правду. по слову царственнаго пророка.

Проверим отзыв: что в правду ли облекся проповедник Павел; Напротив: совсем в прекрывающую его светлую и блестящию мишуру: а не в правду. и к пояснению того поставим учение блаженнаго Семеона Фесалоницкаго. от котораго нередко пользуется и Павел; Святый Семеон пиша о предмете шестой тайны, и разсуждая при том падение первобытнаго человека [Сем. Фесал. глава 38. лист 272]: а вместе с тем и предел Всевышняго, о будощности брака. что брак устроенныи от премудрости Божия, есть Его дар воспоследовавшии в мире, ради снисхождения в непрерывное существование потомства Адамова. который продолжатся имеет, дотоле, доколе сотлением стоит сей чюдный мир.

В заявление на то нашего согласия: имеем данныя доказательства. что существование браков для продолжения человечества: будет иметь свою силу в потомстве Адамова рода; в таковом разряде, в каковом указали мы учениями, патриархов Фотия, и Каллиста. а тем более, Иосифа Флавия. (Впрочем Павел; в пользу своего глагола о браках, руководится книгой Иосиф Флавия о первобытных браках в церкви Христовой. в книге, 6-й. о войне иудейской. а напротив того в книге, 12. история 86. того же Иосифа Флавия заставляет Павла молчать, с браками обстаеваемыми, во времена нам подлежащия). и по сему свидетельству, значит будет существовать полный круг мира, делами относящимися вне закона брачнаго: до обновления всех естеств существующаго мира.

После сего Павел, должен встретится, и обоюдно быть с теми браками, о которых писал Фотий в возвании западных стран миру. гласом пророка Иеремии: что последователи в защищаемых Павлом, браки, должны смертию болезненною погибнуть. и от сего вонмите. должны ли допустить в подлежащее нам ныне время, путь указанный Павлом.

Ибо не может быть совместно его учение, со обыкновенною законною гласностию. которая указует путь безпристрастия, путь истинны, и спасения вечно желающим его получить. и сие осталось не трудно достигнуть, потому что все трудности желающему преодолими: и видим пред собою вполне надежное пристанище, могущее спасти, от всех сокрушающих волн: пребывающих, и быти имущих на борте нашего судна. на котором паки пущаемся плавати по волнам великаго моря; проследить оставшия для нас, предметы. А Павел должен остатся, и исправить свои повреждения, зря на наши последствии имущии великое влияние на судьбу всего мира. и прочия.

 

При сем поясняется зде для неведущих, о книгах Иосиф Флавия. во еже колико его книг, и кая польза руководится оными.

Первое: Феодор чтец подлежащии к последней половине, 6, века. в книге, 2. под буквою I. пишет о Иосифе Флавии что толковании его на священное писание, есть полезное в числе, 18, книг. Евсевий Памфил книга, 6. разсуждение 34. глаголет: что книги Иосифа евреина, есть драгоценнейший памятник и руководство к пути хотящему спастись. И Фотий патриарх в книзе, 7. сказание 304, глаголет: что дошли до его времени Иосиф Флавия книг 36. а в наше время видим его книг токмо, 20.

 

Глава, 8.

О еже яко кроме благословения и венчания иерейскаго, и ангелословных молитв, брак не состоится.

 

Матфей прав.: состав: Г. правило Василия Великаго, 38: глава: 8.

Но и тогда убо с предстатием единем брак состояше. в нас же не убо состоятися может, кроме священнословия. (на поле) Без священнословия, брак не состоится.

Там же, состав, Ф.

Брак иже священник требою ветхое преступление не отмыет скверен быти мнится.

Кормчая, глава: 43. лист: 344 об. Иоанн Фракисия:

Повелеваем, никакоже обручения творити, никогдаже. или обручение имя истинное имети сотворяем, аще священническаго благословения совершаема не имать на себе.

Ниже: лист: 346 об.

Обручение же священносовершаемо божественными глаголы, иже о браце совершаемых молитв, сочетанию приимших.

Тамже:

Варда хранитель полаты, начальныя браку молитвы, на обручение совершенныя, ниже: Аще не Бог посреде совокупляющихся лицу обручение внидет.

Тамже, глава, 43. лист: 335.Заповедь новая царя Алексея Комнина.

Прилагают бо и священнословие; рекше молитвы обручения и венчания, не токмо свободным, но и рабом держати: И отселе не быти, и инако не именоватися законному браку, и християнскому строению достойну, аще не молитвы совокупляющихся, рекше жениха и невесту в любовь свяжут.

Ниже: лист: 336.

Елико же аще без священнословных молитв своя рабы на сочетание брака совокупляюще, не боголюбив брак составляют им, но блудническое смешение утверждают. иже бо не совокупи Бог священными молитвами призыванием, тии вси сходятся на грех.

Тамже лист, 337 об.

Мы же Божиею благодатию, на краснейшее паче, и на священнейшее возвращение хощем произыти житейским вещем, и отселе не браку токмо, но и тому обручению священное благословение совершаемо имети на себе.

Матфея прав.: состав, Г. глава: 1.

Брак есть мужа и жены совокупление и наследие во всей жизни божественныя и человеческия правины приобщение, любо благословением, любо венчанием, любо записанием, а яже чрез сия бываемая, яко не бывша въменяем.

Кормчая старописмен. послание Максима митрополита рускаго, глава: 52.

К новоначальным християном пишуще сице: И се вам детем моим да вси чада моя по рождении в купели новокрещенней да держите жены от святыя соборныя и апостольския церкви, аще же держите их в блуд без благословения церковнаго, то что ти в помощь есть, но молися и нуди их аще и стари суть или млади, да венчаются в церкви.

От послания святаго Фотия митрополита рускаго, в Новград.

А котории не по закону живут со женою без благословения поповскаго понялись, тем епетимия три лета, как блуднику, да паки совокупити их молитвами. ниже: а без благословения аще восхотят жити, ино разлучити.

Кормчая писменная, от послания Иоанна митрополита рускаго нареченнаго пророка. ко Якову черноризцу. глава, 93.

Яко же рекл еси, не бывает на простых людех благословение венчания, и не бояре токмо, но и князи венчаются, простым же людем яко и меньшицы поимают в жены своя с плесканием и гудением. разум и речь даем им. иже просте и беззаконне, просцем и невежам творят совокупление, кроме божественныя церкви, и кроме благословения, творяще свадьбу тай, и иже ся тако поимают, яко блудным епитимия.

Кормчая печат.: глава: 52. лист: 522.

Изряднее же да весть иерей, яко супружество между восхищающим и восхищенною, егда сама восхищенная власти восхитившаго ю пребывает, такожде и потаенныя, и вся прочая супружества, яже ни з благословением церковным и чинным от своего си пастыря, си есть от епископа, или от тоя парахии священника, венчанием при двух или триех поне свидетелей совершаемая, по соборному установлению, и святых отец учением, незаконно, паче же беззаконно, и ничтоже суть.

Ниже: лист: 524 об.

Супружество бо или законныи брак, есть вещь святая. темже и свято сию совершати достоит.

Там же лист: 411 об. от закона градскаго, грань, 4.

Никто же втайне да венчается, но и при множайших людех. ибо се дерзнувыи сотворити, да накажется запрещении мучимь, сиречь иерей, яко в неподобная себе вложит, втайне венчав достойных истязан будет по церковным правил заповедей.

Там же лист: 345. глава, 43.

Брак убо по законному времени, ветхими же и новыми законы, и от нас изложенною новою заповедью да соблюдается со обычными его вещьми. и не подобает никому же от всех граждан чрез сию изложенную от нашея державы заповедь ничтоже творити.

Ниже: глава 51. лист: 551 об.

Вопрос.

Некии человек утверди обречением супружество, еже имеяше заводити с некоею женою: умрети же прежде даже венчан бысть, и прежде даже не снитися има, достоит ли брату его оную жену пояти.

Ответ. Святаго патриарха Антиохийскаго господина Феодора Валсамона.

Доброе несть добро, аще не добре составлено будет. аще убо обручение составися по чину, егоже состави заповедь светлейшаго царя господина Алексея Комнина, со обычными, си есть святыми молитвами: имеющей жене, 12, лет. мужу же, 14. исполнь. не может пояти ю в супружницу брат его: сице бо совершенно обручение есть, во всем равно венчанию, и совершенному супружеству. аще же сотворено есть инако, си есть, по обычаю иже ныне содержат по всем странам полунощным и восточным, яко слышим, си есть, кроме молитв, не сущу мужу, может убо тогда спрящися законно брат его с нею.

Матфий прав., состав: Г. глава: 15.

Небо совокупление, но молитвенное служение творит обручение, якоже браку вменятися.

Месяца генваря, в 11, день. От жития святаго Саввы архиепископа Сербскаго. из книги старописменныя, статия, 141. о исповедавших ереси святому.

Посылает же иексархов много взыскующе, ихже яко погански без благословения и молитв жены поемлющих, и сих венчати повелевает, аще же и в старости и дети таковыя имуще будут, под крыль матере прияти, и с ними венчатися.

Севаста Арменопула, книга, 6. во ответах хартохранителя господина Петра, глаголет:

Яко смешение без священнословия блуд есть.

Барония в лето Господне, 258.

Восточныя церкви, о том во Иконии, во Фригии, собор сотворше, уставиша ни едину тайну у еретиков в тайну вменяти.

И паки: той же Баронии в лето Господне, 57.

Ко ефесеом пишет апостол, тайною брак нарицает, егоже чести ради и сей закон от апостол произыде, дабы в церкви и свидением епископским совершатися.

Катихисис малыи. лист, 37 об. о шестой тайне.

Вопрос.

Которая есть шестая тайна;

Ответ:

Достояние брака, иже бывает общим изволением от тех, иже входят в то достояние без всякия пакости, и благословением священническим. егда себе обручают взаемно. веру честь, и любовь брачную соблюсти молитвою и благословением утвержено есть, и тайною именуется, по реченному: тайна сия велика есть. таковое достояние брака и писание святое похваляет: честен брак и ложе нескверно.

Объяснение.

А буде ли невенчанно сшедшиися пребывает, о таковых Илия Критскии митрополит, к священником своим пишет зело ужасно. Ащели рече сицевыя не дадут к расторжению сведеннаго брака своего обещания. то не во исходе души не дати им покаяния, ни святаго причащения сподобляти их.

 

Глава, 9.

О изречении апостола, еже святится муж неверен, женою верною, и жена неверная, мужем верным.

 

Кормчая, правило, 72. 6. вселенскаго собора. лист 200.

Не тверд с еретики брак. совокупльшиижеся прежде сего правила, аще хотят, да пребывают. Толкован. Не подобает правоверну мужу, еретицу поимати в жену: или правоверней жене за еретика ити мужа. Аще нецыи невернии суще законным браком совокупишася, и потом муж убо неверныи, приступит к вере, жена же и еще лестию одержима есть, и аще волить верен муж жити с неверною женою, или верная жена с мужем неверным, да не разлучается по божественному апостолу: святитбося рече, муж неверен женою верною, и жена неверна мужем верным.

Минея четия декабря, 12. от жития святаго Спиридона Тримифийскаго.

Жена некая именем Софрония, благонравна и благочестива, име мужа неверна, языческаго нечестия держащагося: притекаше убо жена та ко святителю Божию Спиридону, молящи его прилежно, да потщится обратити мужа ея к святей вере. име же человек той соседное со святым дружество, и почиташе блаженнаго, иногда же и бываху в доме друг друга, якоже обычай соседом. Ниже: тогда христолюбивая оная жена Софрония, получивше время увещаваше мужа своего многими словесы, да отвержется языческаго нечестия, и познает единаго истиннаго Бога, и верует в Него. и бысть благодатию Христовою обращен той неверныи ко святей вере, и просвещен святым крещением, и спасеся муж той неверныи о жене верне, якоже божественное глаголет писание.

Никона черногорскаго в Тактиконе, слово, 26. лист: 147 об.

Аще ли нецыи еще в неверствии суще, и не у православных примешени бывше стаду, друг другу брака законом обручишася, таже ов убо доброе избрав к свету истинному притече: ов же от прелестныя удержан бысть узы, не хотя к божественным возрети лучам; благоволит же с верным неверная жити, или паки неверныи с верною, да не разлучаются по божественному апостолу: святитбося муж неверен о жене, и неверна паки жена о муже.

Матфея прав., состав, Г. глава, 12. собора шестаго, прав. 72.

Седмдесят второе шестаго собора, сице по речи уставляет, не леть буди да православен муж, еретице жене совокупитеся: ниже убо еретику жена православная да сопряжется, но аще и явится что сицево от котораго бываемо, не тверд менити брак, и беззаконное разрешати сожительство, не подобает бо несмесная смешати, ниже со овчатем волка соплетати, и Христове части грешных жребию. аще же приступит кто от нас уставленная, да отлучится. аще бо и по градскому закону брак уставляется общение и наследие божественныя же правины, како убо сосложатся друг другу, иже большим разньствуют душевным усвоением, сопротивна мудрствующе о вере. тем же и по разрешении неприкладнаго брака отлучатися приступающим сподобляет. Но сия убо о иже брачне ныне быти совокупляющихся. и еже убо единей стране еретическим прилежати преданием, другой же православной держащеся вере. Аще ли же обе части рече: егда брачне снидошася исперва православных отчуждени бяху части. таже ова убо позна истинну, другая же еще тме нечестия работает, не сего ради сожительство да разрешится. якоже к корнфом великии уставляет Павел [апостол, зач. 137]. аще бо волит, рече, с неверным жити верная, или сопротив паки, верныи с неверною да не разлучается. освятитбося муж неверен о жене верней. и сопротив паки. Обаче зри, како и божественныи апостол снисхождение творя, аще волит, рече, верная часть жити с неверною. якоже аще не волит; без сумнения брак да разрешится. уповающе, яко начала ради бяху сия и начаток проповедания. А еже днесь имящее, како есть мощно июдеину или агарянину крещьшуся, или крестившейся с неверовавшим. якоже при патриарсе бысть Феодотии, просковичар бо царскии всяко патриаршеским писменем распустися со женою, не покаряющуся мужеви, много молящуся благочестия прияти. на поле: Феодотий патриарх, при нем и роспуст бысть.

Севаста Константина Арменопула, судии фесалонитск., книга, 1. сечение 5. надпись, 2. трульск., 72. и 18. лаодикийск.

Верныи иноверной жене совокуплен, да разлучается, пребываяй же да отлучается. неверных бо супружник аще другий их уверит, и соблаговолит верному с жити неверный, да не разлучается по Павлову гласу. Толкован.: При патриарсе Феодотии трубачь царскии крестився, патриаршескую грамотую распружествовася жене, не покаряющейся мужу, много примолящу благочестие прияти, еже есть противное правилу сему.

Тогоже книги, 5. от ответов Феодора Валсамона.

Вопрос, 11.

Аще пришедшаго к вере православных еретика жена и чада, или инии сему съучрежденницы из домовницы, не воспрославят, но удержатся первейшия ереси, не возбранится ли совершивыися, яко речеся, крещением на иерейскии степень, или епископскии возъити; или за оных злобу, и той сицеваго блага лишится.

Ответ:

Тридесять шестое убо правило в Карфагене синода глаголет: епископу и презвитеру, и диякону не херотонисатися прежде неже вся в дому их православныя християны сотворит. 72: правило в Трулле святаго вселенскаго синода запределяет в часте сия речисто. аще же нецыи еще в неверствии суще, и не у православных пречествовавшеся, пастве, друг другу браком законным сочеташеся таже ов убо доброе избрав, к свету истинному притече, ов же от лести удержася узы, ни к божественным возрети лучам изволися. благоволит же верному неверная, или паки неверныи сожительствовати верной. да не разлучается по божественному апостолу, освятися бо неверная жена в муже. во изъявляемое убо противенство двоих сих правил, правило решающе, глаголем яко из рождения убо православныи, с женою еретическою совокупився не сподобися клирства. аще не в дому своем сотворит православных християны, яко и церковнаго отлучения есть собрания; яко Христовой части соплетшей жребие грешной, праведно. аще от некоего иного слава не запинается, хиротонии сподобится иерейския. что бо глаголет, веси великии апостол. аще верныи приведет неверную супружницу свою к вере. добре убо православную веру пришед от службы еретик, по правилом удостоится сана иерейскаго, аще и не воспрославят жена и чада его.

Номоканон прав.: 52. на правило, 72. шестаго собора.

Повелевает, яко не подобает православному мужу, еретичестей сочетатися жене, аще же и будет, неключиму вменяет женитву, и законопреступен брак, донележе обетование известится, по 40-му правилу четвертаго собора.

Изложение бывшаго церковнаго соединения. Кормчая, лист: 568.

В начале убо евангельския проповеди, не требоваху твердаго законоположения, или запрещения, но точию еже приводити на крещение; по крещении же и по исполнении веры, дерзновение восприемше, вся совершаху елико подобаше, яко со властию Владычния заповеди совершиша. тогда убо основанием твердым святую церковь оградиша, запрещения же и отлучения соборныя церкве, безчинным и непокоривым по божественному закону, положиша. некия же и до смерти осудиша.

Потребник иноческии, от слов преподобнаго Иосифа Волокол., лист: 351 об.

Яко божественнии апостоли в начале не налагаху тяжек ярем верующим, но много сходяще к немощем человеческим. Ниже: Понеже вера християнская не укрепися тогда еще по всей земли. и церковныая предания и правила еще не исполнишася. Ниже: и тако бысть до шестаго собора, иже с женами живущи епископи, и мирский образ имуще и худи быша и не нарочити. и ничтоже преславно сотвориша в житии их, ни чюдеса ни знамения. видевше же сия божественнии отцы шестаго вселенскаго собора, яко в претыкание людем и соблазн, и на вред церкви сия бываху: сего повелеша оттоле никакоже сему бывати.

 

Глава, 10.

Яко святии апостоли, и святии отцы, от инославных тайну брака не приемляху. и сшедшихся в неверии, и обратившихся к православию не попущаху просте тако жительствовати.

 

Потребник иноческ., от слова Иосифа Волоцкаго, лист: 332.

И паки аз же (апостол Павел) вы милуя глаголю братие, время прекращено есть прочее, да имущии жены, яко не имуще будут. и много такова обрящем в божественном его писании, о нем же пишет великии Иоанн Златоустыи. Сие и на еретические браки велие обличение, иже женятся и посягают, и папежники и люторове. яко егда прииде в мир великии апостол Павел, тогда научи две жене Нерона царя римскаго веровати во Христа, иже и крестишася. и отступиша от Неронова сквернаго смешения. Нерон же много претив апостолу, дабы повелел женам его на скверное смешение приити к нему. апостолу же не послушавшу и не повинувшимся женам Нерону, тех умучи. Павлу же главу усече. Такожде и святыи апостол Андрей. егда крести Максимилу жену гееафа, Анфипата. тогда Анфипат даяше много злата апостолу, яко да повелит жене его на скверное смешение сочтатися с ним. апостолу никакоже ни хотящи. тогда разгневася Анфипат повеле, апостола стрем глав распяти, такожде и святыи апостол Фома, егда крести царицу Мигдонию, жену индийскаго царя Миздия. царица же отступи со общения царева. царь же повеле апостола копии пробости: царицу много мучив, и не увеща ея быти с ним.

Минея Макар.: сент.: в 17. день. от жития святых мучениц, Веры, Надежды, и Любве.

Идущим же (им) во святыи Божии храм, в день недельныи, и еже исперва глядая диявол на противляяйся, и вниде в сердце Антиоху катеру епарху градному, прииде ко Андриану глаголя: жена етера купно с треми девами пришедши, боги наша развратила есть, глаголюща единаго Бога чтити, Отца и Духа и Сына Его, лишают же нас и жен наших. нибо ни на ядение и на питие приходят. послушающе тех отроковиц, отъемлют же и богом славу.

От книги иже во святых отца нашего, Савы I архиепископа Серб. статия, 141.

О исповедавших ереси святому, исповедавших же ересь, с собою в церкви удержав, и особь сих испытнее сущих некрещенных прежде с проклинанием ереси юже имяху. оглашенныя дни в соблюдении чистоте заповедав им хранити, и тако креститеся им повелеваше. Сущих же благоверно крещенных, в латынстей ереси бывших, такожде с прежде проклинанием злым я их ереси. и образ веры исповедавших, и святому миру молитву прочести, и тако тем святым миром сих по всех чувствах помазати, и верных с нами имети. Сице святыи епископом своим заповедав о таковых к ним приходящим творити. Посылает же и ексархов много взыскующе, их же яко погански без благословения и молитв жены поемлющих, и сих венчати повелевает, аще же и в старости и дети таковыя имуще будут под крыль матере прияти, и с ними венчатися.

Кормчая печат.: лист: 9.

Великии князь Владимер, веру от Константинополя прият, и крестися во имя Отца и Сына и Святаго Духа, в лето 6496. Ниже: по крещении же венчан бысть законным браком, с царевною Анною.

Кормчая старописменная. от послания Максима митрополита рускаго, глава: 52. к новокрещенным християном.

Пишуще сице: И се вам детем моим, да вси чада моя по рождении в купели новокрещенней да держите жены от святыя соборныя и апостольския церкви занеже жена спасения ради человеческаго бысть. аще же их держите в блуд без благословения церковнаго, то что ти в помощь есть. но молися и нуди их, аще и стари суть, или млади, да венчаются в церкви.

Барония, в лето Господне, 258.

В первенствующей церкви, о том во Иконии, во Фригии, собор сотворше уставиша ни едину тайну у еретиков в тайну вменяти.

Той же в лето Господне, 217, ст. 2.

Еретики не имут общения со учением православным, само их проклятие о том свидетельствует. ниже: ибо ни того Бога имеют Егоже мы. ниже того Христа Егоже мы имамы. убо и тайны ни едины.

Кормчая прав.: 32. в Лаодикии.

Еретическое благословение, не благословение.

Соборник малой, лист: 93. Зиновия отне пустыни.

Яко не исходит на еретическое действо, Дух Святыи.

Кормчая старописменная, слово Иоанна митрополита Никейскаго на арианы.

Сии же проклинаемии, да предани будут дияволу. уже не имут места спасению, но да будут от Христа чюжди. аще убо толикими от всех святых прокляти бывше, и от Христа отгнани, и дияволу предани, и до скончания века, от всех християн проклинаеми. Ниже: Аще бо тьмократицею прокляти бывше, и дияволу предани; како от анафемы и от клятвы благословение изыдет; или како от диявола духовное и святое дело совершается, а от анафемы благословение не бывает, и от проклятия молитва не исходит, и от диявола Христово тайнство не совершается.

Катихисис большой, глава, 4. во ответе;

Поистинне ничтоже у них (еретиков) несть истинно, но все убо еже еретики творят, от смышления своего. како могут совершати действа Божия на игралищах своих. аще и Христа проповедают, и веру свою похваляют. но вся сия льстиво и лживо творят. аще и церкви своя и клирики церковныя, и писания божественная прочитают. и мнятся еже темже крещением крещатися. такожде и тайны божественныя, еже есть пречистое тело и честную кровь Христову имети. вся же сия не тако имеют, но инако и нечестиво.

Апостол толковой, зач. 284.

Християне убо не бранят женитися, честен брак и ложе нескверно, и хотящим девствовати попущают. нечистого же брака возбраняют.

Минея чет. марта в 19, день. От жития святых мученик Хрисанфа, и Дарии.

 Не точию же о своем спасении, но и о многих печахуся Хрисанф и Дария: ибо ов множество мужей ко Христу обращаше, и юнош к девственному увещаваше житию: а ова множество жен и дев Христу уневестиваше. и раздельшеся во особныя на то аки монастыри устроенныя домы, кийждо от них свой лик девствующих имеяше: той юнош презревших вся мира сего сласти, и обещавших чистое житие Богу: а та девиц уневестившихся Христу.

По неколиких же летех обоему лику Хрисанфову и Дариину умножившимся в Риме зело, воста нечаянно мятеж и молва во граде: народ бо пришед к Келерину епарху клеветаше на святых рабов Христовых, и вопияху мужи глаголюще: погубихом жены наша. юноши же взываху: погубихом обрученныя девицы Дарии ради. такожде и жены кричаху: лишихомся мужей наших. девицы же зваху: лишихомся обручников наших Хрисанфа ради. народ же молвяше вопиющи: како будут рождатися чада, супружеству отвергаему, оскудеют людие отлучающуся мужескому полу от женскаго странным учением и волшебною прелестию Хрисанфовою и Дарииною.

Минея чет.: преподобномученицы Евгении, о святей мученицы Василле, декаб., в 24, день.

Василла же уведавше (Помпея ея обручника,) к ней пришествие, не попусти его к себе. Ниже: отшед убо Помпей, со студом, и некиих от сенаторов умоливши и с собою поемши, иде, и припаде, к ногам царским, жалующися на обручницу свою и на Евгению: помозите, рече, римляном своим, о светлейшии цари; и Бога новаго, егоже Евгения от Египта преведе, изжените от сего града: издавна бо вредни суть народу тии, иже глаголются быти христиане, ругаются законом нашим, богов же аки суетных идолов презирают, и самаго естества превращают законы, неправедну быти вещь глаголюще, да обручница своего обручника поймет, аще убо не будет женитвы, то откуду имут родитися человецы; аще же тии родитися не будут, то откуду будет воинство и римская сила; кто побеждати будет враги; и како состоятися имать отечество и житие человеческое.

К сему же зри свидетельство и Фотия патриарха. книга, 10. глава 2. лист, 72. сказ. 84. которое зде выше сего (на листах 59 и 61) объясняется.

Егда слышахуся на западе, что восточныи патриарх Фотий осуждает церковь западною в неисправимых ею винах, в них же погрешает против церкви восточной. глагола ко оным отступницем, гласом пророка Иеремии, (и ты да не поймеши себе жены на месте сем: яко сия глаголет Господь: о сынех и дщерех раждающихся на месте сем: смертию бо болезненною погибнут глава, 16. ст. 1 и 4). Слыши и ты сыне церкви, оная пророческая словеса. яко яве о будущих по брачному сожитию, сынех и дщерех, у пророка речеся сие: смертию бо болезненною изомрут. иже пояше себе жены в неизцельном недуге еретичества, глаголю западныя церкви. Ниже: аще же нецыи хотящии обратитися в недра восточныя церкви, таковем крещаемым быти повелеваем: и браком их ни вочтоже вменяемым.

Каллиста Ксанфопула патриарха константинопольскаго, книга: 7. лист: 77. Из соборнаго деяния, бывшаго собора в Царе граде. при патриархе Сергии, в 1019 год.

Добре убо сих осуди и прежде нас бывыи патриарх Царя града многоученыи муж блаженныя памяти Фотий. Мы же не точию исправльше тое учение, на осуждение западной церкви: но и подтверждаем таковое. Ниже: а иже пребыв не раскаявся, о таковех мы соборным судом боголюбивых епископов же иерархов, износим о всех отступницех, яже не имеют союза и единомыслия с грековосточную церковию отвергаем конечне. и подтверждаем на имеющия продолжати браки во онех, патриарха Фотия, словами пророка Иеремии, провидевшаго о состоянии браков быти хотящих во отступницех: не сих ныне точию, но и будущих родов по брачному союзу быти имущих: в еретицех, и отступницех. о коих у пророка речеся: смертию бо болезненною изомрут. глава, 16. ст. 4.

 

Глава, 11.

Во исполнении християнских деятельностей, при молитвословии за царя, и властей, не суть православных: како должно быти, во времена нам подлежащая.

 

Нифонта архиепископа Новгородскаго. книга, 7. глава: 4. лист 98.

Вопрос, 5. Кирика.

Молитву деяти о вече, и князе, иже не суть православят веру нашу, но еще держа еретическая: и стужают нам прося молитвы, и претят изгнанием. суть ли сохраним чисту веру таковем последуя; и не терпят изгнания нецыи молитву деют. Нам же что отселе достоит творити; просим твое боголюбие владыко, да резрешиши о сем.

Ответ:

Молитву творити подобает за вся человеки, аще и еллини и агаряне, или ин от еретик. такожде и о вече, и о князе: аще несть правоверны. подобает молитися и просити Бога да подаст заблуждающим, якоже рече апостол Павел [ефесеом глава 1. ст. 17]: духа премудрости, и откровения, в познание Его святой и спасительной веры. а не о благоденствии и мире таковех, чюждо бо нам правоверным срадоватися миру еретическому. а молити Бога дабы въскоре испроврещи их владычество: и дати та в руки князем правоверным. аще и зело стужают вам повелевая угодная творити оным. не инако творити, но якоже повелехом да творите. да не чюжди будите и сами християнства.

 

Тоже согласно свидетельствует о сем, и в новопечатных книгах. Зри история вече и князь, русское устройство, и управление во время князей Рюриковичей, книга, 8. 1154 год. издание, в 1867, году. автором Сергеевичем. Москва.

Фотии патриарх Цареградскии. книга, 14. глава, 17. лист, 278. Окружное послание.

И от новых свидетельство: зри сборник исторических материалов и документов, относящихся греческой церковной и гражданской истории. книга, 8. век, 9. и 10. под буквою, Ф. во отделе окружных послании, послание, 4.

Грешныи Фотии, милостию Божиею патриарх Константинопольскии, и судия вселенный.

Всем сущим митрополитом, архиепископом, и епископом, о Господе радоватися.

Да никтоже буди заблуждая, или инако разумевая чистоту учения вселенской церкви, вами исповедуемой. зная вы, и все. неправомыслие западной церкви. молю вас, да молитеся кийждо на своей кафедре: да мимо идет прелесть Рима. ею же прельстишася вси церковницы западнии, в догматех веры, и обрядовех церкви писаниях: их же не предаша кто от отец церкви вселенской. и да не восторжествует кто в молитве своей с церковию, о мире и благоденствии церкви западной, и всей державы сигклита римскаго: зело бо подобает стрещи таковая о епископи. да не будем соучастницы прося молитвою благоденствия и мира отступницем православия. Но точию единаго сего единения просим. отселе да никтоже просфору принесет, о церковницех и сингклите римстем. и засвидетельствовать подобает днем и нощию всему люду в православии пребывающему, иметь таковыя враги веры и церкви. и како в молитве нашей Богу будем просить, яже бы утвердил и враги умирил, в ты им царстве иже православная отметающим. несть се православных но отступник право. аще кто начнет таковая деяти, изгнати достоит оныя: иже еретическая желающим быти утвержена, и враги оных покорена. сии бо погрешают в самого Бога делех, и противны являются заповеди, и примеру святых апостол, и всей первенствующей церкви, и живому чювству святых подвижников, бывших во времена предшествовавшия. яко иже при Нероне. Маненте. Деоклитиане. Уаленте же. и Максимиане. и прочих. не за единаго бо от таковех кто помолися от древних святых отец, ниже церковь Божия: да утвердит Господь царство овых отступник, в мире и тишине. но кийждо от отец моляшеся, да обратятся в християнство. Повелеваем бо чюждым быти таковем, еретическая мира желающим. и не именовати таковыя в християнское достоинство. иже и Константии сын Великаго Константина, егда уклонися во арианство, ниже бо церковь Божия, моляшеся о благоденствии его царства, но чюжды имеяше таковыя арианская мудрствующа. но точию всюду бысть заповедано правоверным по пустыням крыющимся, да молятся о обращении онех в християнство. и всем достоит творити яко же древнии сотвориша, да не будем чюжды християнства и церкви.

Того же Фотия, книга, 20. глава: 2. лист, 47. сказание, 83.

Каллиста Ксанфопула, патриарха Констнтинопольскаго, книга, 18. глава, 7. лист: 98. и книга, 23. глава, 4. лист, 34.

Кирил Скифопольскии, достовернейшии греческии историк. принадлежащии половине, 8-го века. [Фотий книга: 30. сказ. 404]. книга, 16. глава, 12. в житии Афанасия Великаго. И книга, 18. глава, 17. лист, 247. в житии Евсевия епископа Самосатскаго.

И о сих дозде.

 

Объяснение, 5.

Постепенныи ход наших трудов не останется без успеха. при сем данном доказательстве, можем убедится любезныи читателю, что не без надежды подлежим порядку времени, при нас учения: при молитвословиии не приносить молитву Богу, о благоденствии и мире царства, и властей ему подлежащих, как имеем оных враги, относительно по праву еретическому, и всегда старающимся во всех направлениях вредить, и искоренить, веру и церковь истинно християнскую, нами исповедуемую. в минувших, и следуемых доказательствах.

 

Глава, 12.

О взимании писменных видов, на право свободнаго проживания: или пути следования, от начальства подлежащаго, не к истинно православной християнской вере и церкви. А также во отношении при сем оным даяния даней. Каковое не может быти полезным но болие вредным, для блага християнства и церкви.

 

Фотий, книга, 12. глава, 7. лист, 207. Окружное послание.

И от новых свидетельство: Зри Сборник исторических материалов, и документов относящихся греческой церковной и гражданской истории, 9. и 10, века. книга, 8. под буквою, Ф. В отделе окружнаго послания, послание шестое.

Аз грешныи Фотий: Божиею милостию архиепископ Константинополя новаго Рима; и вселенскии патриарх.

Братиям и сослужителем нашей мерности: боголюбивым епископом, архиепископом, и митрополитом, сущим в моей патриархии.

Пишу вам моею рукою, блюстися, да не будем окрадоми прелестьми запада и его окресностей. иже многия не по божественных отец преданию ходят и учат. имущии при себе написание, в нем же и звание бысть: аще граждане, аще ин кто от таковех окажется. и аще биют челом быти чадами церкви грековосточной; не возбраняем оным сие. аще исповедят быти воистинну не причастницы в написании хартии, яже имеют написано град и отечество, и имже слывется: и сожещи таковая. ибо сие несть православных, но отступник данное. не вменяем ни вочтоже таковое. ибо тое им надежда в пути и пребывании в градех. и несть бо таковем надежды на спасение, понеже не от православных тое есть написание. и ниже сподобити таковех святым крещением. аще и зело стужают о сем прося крещения. и по крещении паки таяжде имуще, и другая взимающе, и данем подпадающе: несть се православных но отступник и еретиком право. како возмогут возрети единем оком на небо, а друзем на землю. тако и сии въспомоществуя сингклиту римскому, даяше дани. да онымы тщатся усугубити богатство, и пенязей даяния епархом градов. и сим единем бывают раби онем отступницем. Аще бы и носили имя християнина, несть се християнин, ибо надежда его на отступников веры кафолической единой исповедуемой в церкви грековосточной. и тии ей не последуют, и учению ея. но умыслиша другое, чюждое преданию апостольскому, и исповеданию святых отец: седми вселенских, и девяти поместных соборов. и мнозех учителей церкви вселенской. аще святыи Иоанн Златоустыи и повелеваше даяти дани царем неверным: аще требуют таковая, да сохранится сим даянием вера. Приложи убо Златоуст [евангелие недельное. слово: 22, лист 163 об.], да сохранится вера. повелеваше сим даянием сохранити веру. сиречь аще гонят вас еретицы, и хощете сохранить веру чисту дайте требуемое злато. рече бо писание святаго священномученика Петра Александрийскаго, в каноне первом надесять. Аще нецыи даша злата да убежат от мук. несть им греха. изволи бо злато погубити нежели душу свою. яве о таковех глагола святыи Златоуст: а не о данех еретиком кроме веры касающимся. о таковех зде пишем. сиречь: свободу имущим от еретик, жити в градех и быти соучастниками делом их злым: несть бо таковем надежды на спасение. да не напишутся таковии в синодипси по коим творятся поминании в вере усопшим отцем и братиям, и всем християном от зде отшедшим. Сие да будет хранимо в роды ненаветно по всей патриархии моей. яже суть въверена нашему смирению, аминь.

Каллиста Ксанфопула патриарха Константинопольскаго, книга: 12. глава: 7. лист: 271. в житии Антония Великаго.

И от новых свидетельство: зри Сборник исторических материалов и документов, относящихся греческой церковной и гражданской истории, 9. 10. 11. 12. 13. и 14. века. книга: 34. буква, К. Последней половины: 14, века.

Вопрошен убо бысть Великии Антонии, верховныи лика подвижников, иже процветаше в пустыни синайской палестины, в царствование великаго Константина, от некиих пришедших к нему пустынной братии пользы ради. и реша: что отче авва подобает нам да сотворим плод достоин покаяния; имущим нам подвиги пустынныя и пребывания, отнюд не терпим гонении; иже бывают от епархов града, и тысяща начальников. и имущим нам некиим от них написанныя хартии по званию нашему, и ни еще пришли оныя к познанию веры християнския. иныи епарх идолопоклонник, а иныи тысяща началник ариански мудрствуя, и кийждо инако от еретик. не следуя учению Афанасия, глаголем онаго великаго мужа, арианы изгнаннаго и крыющагося по пустынях и всюду; И мало помолчав рече Антонии: чада все глаголю добродетели и начинания намерение имут. и на оных убо взирающе желаема конца достизают. вы же презревше отечество и род, и весь мир, и странствование восприявше: кое ли есть намерение; и в каковой конец зряще сие сотвористе; аще царства ради небеснаго, то намерение есть чистота сердца: и без него же не возможно онаго конца получити. и мнози заблудиша, и в неизцельныя ереси въпадоша. како же ли и вы глагола имеете написанную хартию от градаря, и весей тысяща начальника, имущим ов убо ариево мудрствуя, другии инако еретичествуя. како же могут имети намерение; аще ли царствия ради небеснаго. почтохом безпечалие, и не имут терпети гонения: имея свободу от градарей. и суть намерение таковех, первее прибегати за помощию к епархом еретическая мудрствующим. и имети безпечалие в вере яже имея. Сии бо сопричащаются делом их злым, и осудятся яко же еретическая мудрствующии: имея надежду на оныя. суть далеки бывают царства небеснаго. аще и християне суть: аще и вся призревша мира и яже в нем. зная вы чада и онаго великаго мужа, и учителя церкви Афанасия, он же и млат наречеся побивая еретики: и не ослабевающа терпети гонение паче а не свободу ею же имеют въземшии хартии, от враг бо Божиих глаголю еретик. ею же не воспользовася оныи муж Афанасии. знаяше бо яко не мощно человеку имети спасение, не потерпев гонения мира еретичествующих. глаголет Иоанн, к немуже и возлегии на перси Господь: аще бысте от мира были, мир своя любил бы; но яко от мира несте, но Аз избрах вы от мира, сего ради ненавидит вас мир, рече Господь. ибо не нов обычай лукавым гонити благих: и человеком еретиком, Iсус Христовых рабов. Тако Каин, гоняше Авеля. Измаил, Исаака. Яков от Исава. братия, Иосифа. Фенеина, Анну. раба Сарру. Саул, Давыда. Иезавель, Илию. слава же християнская терпети гонение, имея намерение достигнуть царства небеснаго. а не упование намерения быти свободу. господствуя ересем, и оными быти не изгнану. аще хощеши исправити свое намерение, и управлену быти в царство небесное. подобает ти отдалече зрети на злоухищрение еретик. ибо он исконныи враг, мысленныи фараон различне старается упестрить лов свой, да не некако будет уведан: и праздны будут его сети. невозможно бо ти жити без боязни, аще хощеши быти раб Христов. ибо емлет своими теноты многоупещренными человеки, и не даст упокоитися дондеже не привлечет их к смерти. сим бо вещи велики, зрятся худы и малы. увязают и погибают, имеют таковое.

И о сих дозде.

Нифонта архиепископа Новогородскаго. книга, 7. глава: 4. лист: 97.

И от новых свидетельство: Зри История руской церкви, с древнейших времен до падения, том, 12, описателя церковной истории, отделение, 14.

Вопрос, 3. Кирика.

Стужают нам иноверныя, многажды прося даней и хартийцы в них же бы написано кто аз есмь, и коего града, и веси. и не имея сего, и ниже даней даяния творим таковем. и предпочтохом гонение, и крыемся по пустынях. просим твое боголюбие владыко да разрешиши что подобает творити;

Ответ, 3. преподобнаго Нифонта.

Не подобает имети клема, ниже написания какова любо еретическаго: да не снидем во гроб таковая имуще. бегати бо подобает сицевых, якоже яда змиина. О сем бо много писа патриарх Царяграда Фотий. во окружном послании под властию сущих ему епископом. повелеваше имущим таковая, ниже быти написанным в синодипсы християнския, аще бы и християнин, и вся бы добродетели исправив. О данех же кроме веры бываемых, точию да не стужают в житии, несть и сие право пред Богом. но да соблюдем веру невредиму дая дани несть грех. призревшим бо мир, обоя подобает избегати, да намерение будет чисто егоже восприясте.

Книга, Григория Назианзина, слово на Иулиана царя обличительно. глава, 3. лист, 26. и на об.

Сей же что козньствует, и кую християн твердшим ставит лесть, якоже снедем смешевающе отравы. смесити от обычая царей, честем нечестие, и во едино привести законы римския. Ниже: Сия лести, и сия тако мудростне примышленныя сети нечестия, мали убо избегоша благоговейнейших, и разумнейших, иже и казнь даша разума: Преображение убо, яко в честь царя пребеззаконноваше. истинное же за истиннаго царя. и благочестиваго бедствоваше. мнози же яшеся буйнейших, и простших, им же и прощение негли невежества, и хитростию совосхищшимся в нечестии. сие убо сицево: еже не точию довольствоваше обличити царево произволение небо так же царем же и особником [простецом], лепствовати непщуем. яко ниже тогожде достоинства обоя. ниже: царю же силою державствоватися зело срамну сущу еще срамнее непщую и безлепотственнейшее, хитростию красти вручения, и предлежащая. другое же, еже разума убо есть, и произволения самого. мерою же много горшее и нечестивейшее, во многшия злу достизающу. сие приложу реченным: дара царска бе дань, аще же убо летныи, тогда царю начертан злодейства ради, и прибыти во истинну подобаше почтущимся, яко кийждо достоинства имяше или чина. паки без свободства скиния [спасения]. паки дело нечестия: обольститися человеколюбием некиим безчеловечному, и имении прельститися воинственному безсловесию, с несытством.

И кесаря Барония. во описании его истории, объясняет в лето Господне, 726. число, 4. лист: 829. часть, 2.

Григорий ветхаго Рима епископ: Льва кесаря и последующих ему, прокля собором, и дань яже из Италии на кесарство даяшеся, запрети. и с франками примерение сотвори. Ниже: И папа Григории отступи от послушания кесарскаго, ради его развращенныя веры. и примирения с франками сотвори. прежде пекиися Льва от оныя ненависти к Богу, и к поклонению святых икон возвратити. тоже и инии грецы пишут, сице Феофан: егда от ереси иконоборной Львовой, Григорий папа Римскии уведа, возбрани из Рима даяти ему дани. и послание к нему написа: научая его, яко кесарю не подобает ничтоже о вере уставляти. и не единых новостей на розарение древняго учения православнаго начинати. [Григории Наз. слово 46. лист, 210.].

 

О том же папе Григории, зри полнея сего пишет Барония и Скарга, в книзе, 7. во описании своей истории, року Господня, 729. послание папы Григория, 18.

Подтверждает о сем послании папы Григория, ко Льву царю греческому. Фотии патриарх, в книге, 28. сказание, 263. глава, 47. о посланиях пап стараго Рима: в восток о ереси иконоборной, 7, и 8, века. послание, 18 папы Григория.

 

Объяснение, 6.

Сии достопримечательные доказательства, данные нами в целом их составе. каковое своим разлитием света, невольно обращают душевныи взор благосклоннаго читателя: и слушателей спасения ищущим. на времена подлежащия условиям жизни християнской. относительно даней царем имеющим повреждение, или совсем не признаваемым догматы веры и церкви истинно християнской. и таковым подъчинятися, и искать покровительства в верноподданстве не должно. о чем мы видели минувшие доказательства. Например: времена Антония Великаго, принадлежащаго последней половине, 4, века. видим из его беседы с братией пустынной, пришедшей к нему пользы ради. у которых он обращал все внимание, на намерение чистоты сердца: без которой спасение считал невозможным. и указывал что, взимаемые некоторыми из братии, хартии от начальства подлежащаго ересем: могут быть, весма вредными, и невозможно имеющим оное, получить спасение.

Второе: святыи Григории Богослов, подлежал так же последней половине, 4, века. который в своих богословско нравственных писаниях, основывает християнскую жизнь, быти не вредной во отношении ея деятельностей, как только избегать верноподданства царем пребывающим вне истинно християнской церкви которыя державствуют хитростию и тем крадут спасение от простейших человек. и сие считал великии муж Григории, вредным для християнина желающаго спастись [Григорий Наз. слово, 3. лист, 26]. а тем более, относил ко вреду давать подобным царям дани. так что мерою более горше, и нечестивейшее: и многое зло тем, противо добродетели созидают. и посему значит должно быти весьма предусмотрительным, и во времена нам подлежащия, в каковых и верноподданство весма не полезным, по указанию святаго писания.

Третие: Папа Григории, он же называется и Беседовник, бывыи в царство греческаго царя Льва Саврянина. и к которому писал послании, принадлежащии первой половине, 8, века. ис послания его видим: что оными совершенно отказывал християнам греческой церкви, давать даней царю, как отступнику православия. вероятно: когда не было собором папы Григория, проклято иконоборство. то дани давались. а когда осуждено, как противное православию. потому и дани воспрещено давать, царем не подлежащих ко исповеданию истинно християнской вере и церкви.

(Сице и в четь минее декабря, 12. на листу, 78 об. сказано: что отменены дани, в 342: году. по убеждению Спиридоном Константия царя).

Четвертое [мин. чет. маия 11, лист 78]: Константин Философ, принадлежащии половине, 9, века. и егда послан бысть царем греческим Михаилом, и патриархом Мефодием, во град Самару над рекою Ефратом стоящаго. и сей город в то время считался столичным, и в нем сосредоточивалось все сарацынское государство. а когда пришол Константин по делам касательно християнской веры. по прозбе князя Амермуды, управлявшаго тогда государством сарацын; то есть, языком измаильтским. от котораго чрез сарацынских философов вопрошен был. что, почему ваши именуемые себя християне, не дают даней, столь велику языку измаильтскому; (это те которыя имели пребывание место жительства, во градех с Самарах. и далее говорят:) и не следуют оныя учению Христа своего, иже даяше дань, за себя и прочих; Философ християнскии отвеща оным; кто вне закона християнскаго, как и ихнее измаильтское царство, не должно от християн даватися данем: таковому царству, и ниже покарятися оному: вне християнства пребывающему.

Пятое: Патриарх Фотии, принадлежал к исходу последней половины 9, века. видно из его окружного послания, направленнаго против западной церкви: которая в то время имела весьма много неправомыслия в догматех веры. и говорил что естли кто окажется с писменным видом данным на свободное пути следование, и пребывание в жительствах: от начальства подлежащаго к римско западной церкви исповеданию. от таковых не иначе принять кого, естли пожелают быть при исповедании церкви восточной: как только уничтожить оныи писменныи вид. и потом таковому дать святое крещение. ибо мысль в тогдашнее время вселенской церкви, полагалась вредным для православия иметь християном писменныя виды. Потому, первое: что отвлекает его в намерении ко спасению. по причине, как взимание должно быти подданнаго на свободное проживание вида от еретик. значит при исполнении християнских обязанностей, его намерение и надежде на власть неправославная исповедующим. Притом же второе: при взимании сих видов кому дается: он должен вънести следуемую пошлину, тому начальству: и сим усугублять богатство в том царстве воспрещено християном. потому яко бы желающему всего хорошаго оному царству, которое не может при пополнении своего богатства приити в сознание истинных догмат веры и церкви.

Шестое: И Каллист патриарх Цареградскии, подлежащии временам последней половине, 14, века. не упустил из виду в своей книги, и беседу Антония Великаго, и не считал подозрительной во отношении писменных видов, могущих быти вредными для истинно християнской веры и церкви. взимаемых от начальства не подлежащаго в единомыслии ко оным.

Седмое: Наконец перейдем к истории и руской церкви. времен начала второй половины, 12, века. и видим из вопросов Кирика, данных Нифонту архиепископу Новогородскому: и ответами Нифонта, воспрещено было иметь от неподлежащих православию властей, никаких писменных видов, и даяния даней, оным еретическая мудрствующих. и сие было понятием в руской церкви, в постепенныи ея переход к самостоятельности. то есть, с 1147: и до 1240, года. до перехода монгольскаго. Очесом зри, руская церковная история, в жизни описаниях главнейших ея деятелей. книга, 8. том, 4. 1147, год. переход к самостоятельности.

Осмое: И далее, в последующии года, выдаваемые были литовскими князьями, о свободе к подданству указы, что бы совесть руских не погасла к правоверию.

В 1417, году. Витовт князь литовскии, по видам власти, принял римскокатолическую веру. и по тем же видам, обнародовал указами свободу жившим в Литве, и держащим веру церкви грековосточнаго исповедания.

В 1432, году. князь Ягелло не изменяя правил предшественников своих, и на то явил согласие также указом. зри о сем Летописец в 5 томе Карамзина, примеч., 182.

В 1435, году. сын его Владислав, I. объявил, пусть останется неприкосновенную добрая воля относительно веры отеческой наследственной.

И в 1441, году. тот же Владислав подтвердил гражданскую свободу, въместе со свободою совести. зри о сем акты западной России, том, 1. номер, 42.

Тем более: в 1509, году. в Вильне собор руских епископов, служит блистательным памятником заботливости, ко охранению сынов церкви, от влияния власти гражданской, на дела веры, и правоверных християн неприкосновения: да не повреждение тем учинят в вере. очесом зри история руской церкви, Филарета архиепископа Черниговскаго, переод, 7. стран: 21.

В 1634, году. так же видим из посланий патриарха Филарета. в которых не только подозревал, отшельников в пренебрежении оными верноподданства. но отзывался со одобрением держимаго при них учинения. как объяснено нами выше сего собрания священных писании на листа, 15, 16, 17, 18, 19, и 20. книги сия.

Заключим сим наше объяснение, к пользы ищущим спасения, паки возвратимся на предлежащее.

 

От книги Завещании святых апостол. книга: 8. глава: 2. стран.: 251.

Сице глаголет: Но и царь нечестивыи, не суть уже царь, но тиран. и епископ, объятыи неведением или зломыслием, не есть уже епископ. но ложно носит имя сие. не Богом избран он, но людми. как и лжепророки Иеросалимские. [Иерем. 28. 1. 29. 22. 31.].

 

Глава, 13.

О записи, гражданской: аще кто недоумевающий при сем должны обратить свое внимание; на времена рожества Христова. и что при оном воспоследовало повеление от Августа кесаря римскаго описати всю вселенную: записася же и Господь. и что сим прознаменовано.

 

От книги Григория Назианзина. слово 9. лист, 48.

Изыде бо повеление, глаголет [Луки, зач.: 2], от кесаря Августа. описатися всей вселенней, и описашася. взыде же и Иосиф в Вифлеем с Мариею обрученною себе женою описатися. за еже быти ему из дому и отечества Давыдова. Ниже: Христос ныне раждается тебе, и Бог есть, и человек бывает, и человеком соживет. что слову являющу; мне мнится, на вразумление таковая верующим: яко величайшим строением Бог присно восходит. и да убо постыдит описующа. тогда общится плоти и человеком. да утешит же от работы нас и благонравия законоположит. Ниже: и аще от него томимся: (си есть от написания) будет и ино некое описание, и ин описатель, аще такую книгу живущих услышиши, книга неспасаемых. Тамо вси впишемся, паче же уже написахомся по достоинству уже поживших кийждо. ни богатство имать вящшее тамо, ни убожество мнее, ни благость, ни вражда ни ино что от всех. перстом бо Божиим вси написахомся, и отверзится нам книга в день откровения. и описатель описуемому, обаче якова пишем, такова и напишемся.

Греческии философ Пифагор, жившии в половине, 4 века. толкователь священнаго писания, и историк. Упоминает о нем Филосторгии, в книге, 4. под буквою, П. что оным написано, 600 книг. а дошедшия до наших времен, 428 книг. а оставшии где истерены не известно, по катологу знаменитой Александрийской библиотеки.

Пифагор, книга 204, том, 44. раздел, 1. страница 72, под царством Августа кесаря римскаго.

И от новых свидетельство: Флидлендер, книга: 6. том, 2. из истории римских народов от Августа последняго из Антонинов.

Писася бо Лукою глаголю евангелистом [Луки зач. 5] в исторической части евангелия: и бысть в тыя дни, изыде повеление от кесаря Августа написати всю вселенную. и се первое написание бысть. почему се первым написанием наричет Лука; видим бо первое написание при Давыде царе и пророце бысть. которое же первым разумевати должно нам; яве же должно разумевати се первым, иже при Августе Антонине бысть. в нем же написася первыи Адам: си есть Создатель втораго Адама, от него же и произведен род человеческии до написания Давыдова. иже прежде времени бывшаго, и не изчисли колена, Левиино, и Вениамина [Паралип. глава: 21] за сие казнь наведе Бог, понеже не по гласу пророка бысть: имже деялося во времена тыя всякое повеление Божие. но точию последуя Давыд мысли своего сердца, да сочтен будет весь израиль, носящии мечь и всяко оружие. Левия же, и Вениамина не сочте: иже положи Бог препинание сему счислению. утаи бо роды два, от них же хощета родитися, Царь всем царствующим: во времена подобна и указна, в нем же хощета быти единовластельство. иже и бысть повеление от Августа единоначальствующа написати всю вселенную. написуется же и Господь всем господствующим, и сим упразднит многобожие, и освятит написанныя, и тыим приведет во едино царство Отца своего. и разрушит к тому работу вражию. якоже бо и обрезася, и тыим разруши обрезание: к тому да не будет в тех родех, иже написанных единем чернилом; ими же написася и Господь и царь. и к тому да написуются вси в книгах перстом Божиим в царствии Отца Его, имущим быти во единой воле и Сына, в некончаемыя веки. не якоже бысть при Августе, и тое разрушися, и идольская лесть преста: и по временех освятися записанием Владыки Господа, от многих язык яже вписани быша повелением кесаря Августа, тростию и чернилом. упраздни бо Господь сим написанием: и освяти написующихся в скрыжалех сердец. да не ктому быти в родех потомства Адамова таковему написанию, упраздни бо собою Господь: яко же бо и обрезанию. и чрез святое бо крещение, вси записуемся во едино царство Царя царствующим. таковое бо являя таинство смотрения, чрез написание при Августе кесаре римстем: одержимем бо лестию идольскою. не бяше хощета и Господь быти рабом, оному чрез написание: но хощета освятити написася. ктому не быть таковему в родех написанию. не угодно бо сие пред Богом, якоже и бысть при Давыде. утаи бо рода два более других угодныя Богу, и ведомые в книгах живота, въписанных перстом Божиим. и зде чрез святое исполнение крещения, бываем более других ведомые Богу: имущим въписатися в книгах живота.

Филосторгий писатель первой половины, 7: века. Свидетельствует о нем патриарх Фотий. В книге своей, книга, 7. примечание, 65. сказание, 120. что Филосторгий написал 120, книг. каковые в полном их составе дошли до наших времен.

Филосторгии, книга, 4. под буквою, П. Повесть, 317. О Пифагоре философе; и писателе греческой истории.

Церковная история, имеет чрез написание действуемое от святаго крещения записи имени им же наречеся в крещении. по писателю оному многоученому Пифагору. дабы сими имены получаемыми чрез святое крещение, и по исполнении во оном обещания, въписываемся по глаголу онаго ученаго мужа, перстом Божиим в книги живота. ими же будем причастницы в единении царства в некончаемыя веки: иже приведе собою ны Бог, чрез написание повеления глаголю онаго Августа кесаря римскаго. и к тому ниже бысть, ниже будет в родех такова написания. языческо бо тое есть: и упразднено и разрушено, к тому не быти таковому. якоже и обрезанию, и ниже бо имать быти: упразднено бо есть святым крещением. оное же написание, написанием имени при крещении, и не имать бо востати такова написания и повеления. возбрани бо быти второму написанию, такову якоже при Августе кесаре римстем последнем из Антонинов. не имать бо собрати языки во едино царство таковем записанием: точию тех иже написани в книгах живота, по оному глаголу Философа; книги разгнутся тогда, егда приидет Царь воздати царство во единой державе быти имущее. Сиречь книги разгнутся, написана будут у когождо тайная сердца, о сохранении, и о несохранении чистоты святаго крещения; имже одеялся в новаго человека, чрез написание имени, и от таковех избранных тогда будут едино царство во веки некончаемыя. а не в царстве царей лестию языческою одержимых. возбрани бо быти написаниям от таковых. чюждо тое есть християнству и церкви.

 

Таже объясняется зде для неведущих и о ветхозаветной бывшей переписи: иже бысть повелением пророка Давыда, чрез начальника сил Иоава и егда сочте Иоав всего израиля, и не угодно явися пред Богом повеление сие, и посла казнь на всего израиля.

Паралипоменон, книга, 1, глава 21, о изчислении израиля.

Воста же диявол на израиля, и подусти Давыда, да сочислит израиля. и рече царь Давыд ко Иоавву, и к начальником силы: идите и сочтите израиля от версавеи даже до дана, и принесите ко мне, да познаю число их. и рече Иоав: да приложит Господь к людем своим, якоже сии сторицею, и очи господина моего царя да видят: не вси ли господину моему царю раби суть; и почто хощет сего господин мой, дабы не вменилось во грех израилю; но слово царево преможе Иоавва. и поиде Иоав, и обыде всего израиля. и прииде во Иеросалим. и даде Иоавв Давыду число сочтения людей, и обретеся всего израиля тысяща тысящь. и сто тысящь мужей носящих оружия: и от сынов иудиных четыреста, и седмьдесять тысящь мужей носящих оружие. Левии же, и Вениамина не сочте среди их, понеже вознегодова о словеси цареве Иоав. и не угодно явися пред Богом повеление сие, и порази израиля. рече же Давыд к Богу: Согреших зело яко сотворих вещь сию: и ныне молю отъими беззаконие раба Твоего, яко обезумихся зело. и рече Господь к Гаду пророку Давыдову, глаголя: иди и рцы к Давыду, глаголя: тако глаголет Господь: трие Аз наведу на тя, избери себе едино от них, и сотворю тебе. и прииде Гад к Давыду, и рече ему: сице глаголет Господь: избери себе, (еже хощеши,) или три лета глада, или три месяцы бегати тебе от лица враг твоих, и оружие враг твоих постигнет тя, или три дни мечь Господень, и смерть на землю, и ангел Господень, убивая во всем наследии израилеве: ныне убо разсмотри, что отвещаю пославшему мя со словом, и рече Давыд к Гаду: тесна ми суть три сия зело: но лучше ми есть впасти в руце Господни, зане многи щедроты Его зело. в руце же человеческия да не впаду. и посла Господь смерть во израиля, и падоша от израиля седмьдесят тысящь мужей. и посла Бог ангела во Иеросалим, да избиет его: и егда избиваше, виде Господь, и раскаяся о зле: и рече ангелу избивающему: довлеет ти, отъими руку твою: ангел же Господень стояше на гумне Орны иевусианина, и возведе Давыд очи своя: и виде ангела Господня стояща между землею и небом, и мечь его извлечен в руку его, простерт на Иеросалим. и паде Давыд, и старейшины израилевы, обличении во вретище, на лице свое. и рече Давыд к Богу: не аз ли повелех сочислити люди; аз есмь, иже согреших, и зло творя и зло сотворих, сия же овцы что сотвориша; Господи Боже мой, да будет рука Твоя на мне, и на дому отца моего, а не на людех Твоих в погубление, Господи. ангел же Господень рече к Гаду, еже глаголати к Давыду: да взыдет и созиждет олтарь Господу Богу на гумне Орны иевусеанина. и взыде Давыд по словеси Гадову, еже глагола именем Господним. и обратися Орна, и виде царя, и четыре сыны его с ним крыющиися: Орна же бе в то время млатя на гумне пшеницу. и прииде Давыд ко Орне, и обратися Орна и узре Давыда, и прииде от гумна, и поклонися Давыду лицем на землю. рече же Орне Давыд: даждь ми место гумна твоего, да созижду на нем олтарь Господеви, на сребре достойне даждь ми е, и престанет язва от людей. рече же Орна к Давыду: возми себе, и да сотворит господин мой царь еже угодно пред ним: се даю тельцы на всесожжение и плуг на дрова, и пшеницу в жертву, вся добровольно даю. и рече царь Давыд Орне: ни но куплею куплю, сребром достойным, понеже не возму Господеви, яже суть твоя, еже вознести всесожжение туне Господеви. и даде Давыд Орне за место то сикль златых весом шесть сот. и созда ту Давыд олтарь Господеви. и вознесе всесожжения, и спасительная, и возва ко Господу, и услыша его во огни от небесе на олтарь всесожжения, и потреби всесожжение. и рече Господь ко ангелу: и вложи мечь во влагалище его, во время оно, егда виде Давыд, яко услыша его Господь на гумне Орны иевусеанина, и пожре ту жертвы. и скиния Господня, юже сотвори Моисей в пустыни, и олтарь всесожжения во время оно бысть в вышнем, еже в Гаваоне. и не возможе Давыд ити пред него еже вопроси Бога, понеже устрашен бысть от лица меча ангела Господня.

 

Объяснение, 7.

В прочитанном вами доказательстве, благосклонныи читатель, о переписе бывшей повелением Августа кесаря римскаго, последняго из рода Антонинов. и сим мы пока ограничимся в наших доказательствах; до востребования новых, к пополнению желающим быти более безсомнительным в священной истинне.

В сих триех последних данных доказательствах, всякии прочитав оныя, или выслушав: будет склонен, на незаконно бывамые записи, относительно ревизии гражданских дело производств, (по депортаменту статическаго комитета.) подлежащаго ведомству исповедания вне истинно християнской веры и церкви священным писанием указуемой.

Пополнив мы в сих данных доказательствах, прежде сего бывшие по расположению статей, не в духе отложения оных: а якоже и в священной древности пополнялось другоприемно. Например [четь мин. маия 11. лист: 81]:

Аще бы Авраам не принял обрезания, но держал бы Ноев завет: то не нареклся бы друг Божии.

Такожде и Моисей, по Аврааме написа новыи закон. вероятно не удовлетворялся прежде бывшими заветами, Ноевым, и Авраамовым. такожде и мы за помощию Божиею, друг, по друге не отменяем данные прежде сего к руководству священных писании християнских истинн касающимся. якоже и Авраам, не отложи Ноева: ни Моисей призре обоих. Но недостающая пополняюще, и тем совершенную волю Господню пространнейшими законописаниями исполняем. да вера християнская тверда будет в священной истинне, нами божественным писанием указуемой.

И тако из общих наших сил произойдет полезныи плод, в сердцах людей спасения ищущим. и сие не без надежды пристанище, вами опроверенное в прочитанном доказательстве из священнаго писания.

 

Глава, 14.

Свидетельство от святых писании. о купли и продаянии.

Яко во время пришествия последняго антихриста, правоверным християном, несть возможно будет что купити или продати: печати ради его скверныя. яже имеющая быти во образе антихристове, и имени того.

 

Кая имать существовати во всех его делах. душевных и телесных. по свидетельству Иоанна Богослова, и прочиих святых. Очесом да зрит кийждо в нижеследующей сей главе.

 

О защищающих имя антихристово, и образ его.

Апокалипсис печат., зачало 42. лист: 65. О ангеле третием утвержающем верныя, еже не прияти антихриста.

И третии ангел последова им, глаголяй гласом велиим: аще кто поклонится зверю и образу его, и приемлет начертание на челе своем, или на руце своей: и той имать пити от вина ярости Божия, в чаши вина нераствореннаго. и будет мучен огнем и жупелом пред ангелы святыми, и пред Агньцем. Ниже: И не имут покоя во дне и в нощи кланяющиися зверю и образу Его, и аще кто приимет начертание имени его. Ниже: от толкован. Нощь же, мучение сквернавых еже получат образующии диявольская деяния и на Христа хулы, ими же деяют, сиречь, живопишуще образ отступника зверя, и имя сего в своих сердцах безчестное яко честное начертавающе.

О том же: из Апокалипсиса старописменнаго, глава: 42. от толкован.

День и нощь глаголет: Ниже: но день святых вечныи живот разумеваем. а нощь нечестивых страсть есть. юже приимут творящии диявольская дела. и Христа хуляще. антихристово же имя, яко честно на своих сердцах написующе.

Там же: зачала, 61.

И иже не поклонишася зверю, ниже образу его, и не прияша начертание его на челе или на руце своей: и жиша и царствоваша со Христом тысящю лет.

Там же зачало, 45.

И видех яко море стклянное, смешено со огнем, и победивша зверя, и образ его, и начертание его, и число имени его, стоящыя на мори стклянном, имуще гусли Божия.

Апокалипсис трех толковой, ст.: 184. от инаго толкования.

Над сим бо морем виде евангелист стояща избегших от зверя и образа его, и начертания его, и от числа имени его. имущих гусли Божия. что же творяху стояще над сим волнящимся мори; пояху песнь Моисеови раба Божия, и песнь Агньчу.

Патерик египетскии, слово Кирила Философа, о последних днех.

Сопротивнаго же раби, и пленницы дияволи, иже поклоньшеся антихристу, и скверное имя его в сердцах своих вписавше, и пагубную печать того приемлюще, небеснаго упования и славы Божия лишени суть.

Апокалипсис печат.: зачало: 1. лист: 49. от толкования.

Предпостижени единощи глаголет дивами ложными антихристовыми, и богомерзское его имя не истребленне в сердцах въписавшии от июдей же и от язык: погребсти убо святая телеса возбранят.

Там же: зач. 37. лист: 62.

Да никтоже может купити или продати, разве имеяи начертание, имя зверево, или число имени его.

Ниже: от толкования.

На десных убо руках, да десных и благих дел отсечет действо. на челех же, да научит в лести и тьме прельщенныя дерзати. но не приимут его знаменанныи на лицах божественным светом. и число же зверя распространяти везде начнет, в куплях же и продаяниях. да не приемшим сие от оскудения нуждных, насильная смерть приидет.

О том же: Апокалипсис древлеписменныи, слово, 12. глава: 37. ст.: 166. о купле и продаянии:

сущее.

Да никтоже возможет ни купити ни продати, токмо кто их имать начертание, или имя зверя, или число имени его.

Ниже: от толкования.

И начертание же пагубнаго имени отступника на вся наложити потщится. на десницах же, да добрых дел отсечет детели. А на челох, да вольстится им. и научит прельщенныя тьме и льсти. не приимут же иже знаменавшиися Божиею печатию в лица своя. и число зверино начнет распространятися в куплях и продаваниях. да иже сего не приимет, от потребныя нужды смерть приимет.

Из книги старописменныя, преподобнаго Максима Грека, слово 8. на Маомефу, и на агарянскую прелесть.

Аще и начертание начертаешь на челех и на десней руце их, яко не имущему е. ниже продати мощно, ниже купити. но наставшу времени прелести и явления сына погибельнаго содеяна всяко, тогда будут, и та судьбами Божиими неизглаголанными наследником и совершителем твоего богоборнаго нечестия.

Из книги старописменныя толкование блаженнаго Ипполита антиохийскаго, на пророка Даниила, глава, 11.

Тогда будет скорбь и туга великая, якова же не бысть от сложения мира. бегающим бо тогда и не покаряющимся мучителю, от востока на запад, и от запада на восток. иным же крыющимся, по горам и по пещерам. всюду же их мучителю гонящю своим повелением и погубляющу. и не могущим бо им продати что от своих, ни купити, аще не имать зверинаго знамения на руце десней, или на челе своем. вси бо тогда от своего места изгоними будут. от домов своих, и от градов своих, и в темницах затворяеми, и всякою мукою мучими. да есть же ведомо, яко тацей бури не во едином месте, но во всем мире быти хотящей.

Книга старописменная, именуемая Андриатис, слово святаго Иоанна Златоустаго, о последних днех, и о антихристе. лист: 333.

И попустит дух нечистыи велию лесть на безводныя, и всякими коварствы ловя и прельщая их овых лестию, овых страхом. и помрачатся и потемнеют вси. И будет печать его и знамение во всех. да никтоже ни купит, ни продаст, без его печати.

Книга О месии правдивом, пророчество, 18. лист: 133. Разглагольствие жидовина с християнином.

Вопрошает жид християнина.

Антихриста самого зверем великим и страшным, предотечю же антихристова пророка фальшиваго, зверем меньшим, апостол ваш Иоанн называет, о предотечи антихристовом и о самом антихристе мовячи [Апок. глава, 13]: Сотворит вся малыя и великия, богатыя и убогия, свободныя и работныя, да даст им начертание на десней руце их, и на челе их, да никтоже возможет ни купити, ни продати, токмо кто имат начертание или имя зверя, или число имени его. какое же то будет пятно антихристово; которое слуги его на руце правой и на челех своих будут носити.

Ответ християнина.

Некотории разумеют, иже те литеры яковыя антихрист кажет выпалити, на правой руце, альбо на челе веруючим в него, а то для приказания Божияго, в книгах девтеромионовых жидом поданнаго [девтерон. 6]: возложи я в знамение на руку твоею, которое жидове попросту разумеючи, приказание Божие на карточках написанное, в руце своей носили. Но иньшии глаголют: еже троякое будет пятно антихристово, которое слуги его на руце правой, и на челе своем будут имети. Первое пятно: образ властныи антихристов вымалиованныи. Другое пятно: имя его властное, литерами выраженное. Третие пятно: литеры, которыи вкратце число имени его, будут в себе замыкати: 666. и кождыи богатыи и убогии, великии и малыи, волныи и невольник, мусит на руце правой, альбо на челе своем, з тых трех яковое человек пятно антихристово, любо едино имети бо не маючи того пятна, никто ни может ни продати ни купити ничего.

 

Сему же согласно свидетельствует, и в Цветнике старописменном о антихристе, писанныи в царствование Алексея Михайловича, в лето, 7174. во главе, 14. на листу: 94. где помещается Сказание Зиновия мниха ко ученику своему о прелести антихристовой. и в конце слова глаголет сице:

Вопрос:

Которыя умыслит печати;

Ответ:

Первое, воздвигнет лютое гонение на православныя християны, да никтоже не имать где главы подклонити, и егда же не может преодолети сильных, тогда повелит слугам своим престати от мучительства: и повелит ину заповедь творити, да вси поне волею приимут: еже есть сия, первое повелит творити некая писмена на карточках, с тайным именем, да без тех не могут путь шествовати: и да на тое глядячи ведоми будут, и без беды путь пройдут. Второе: имя свое имать писати, егоже никтоже уведает от земных: сими словесы, 666. Третие: в куплях и продажах печать его будет разспространятися: овии же волею приимут печать его без мучения и без нужды. а не хотящия же сего прияти, от потребныя нужды смерть приимут.

Дозде свидетельство от древних о купли и продаянии.

 

Сему же согласно свидетельствуют и новии учители, о купли и продаянии.

Яко во время пришествия последняго антихриста правоверным християном несть возможно что будет купити, или продати, печати ради его скверныя. Очесом зри нижеследующие доказательство: из книги нарицаемая Победная повесть, сочин. Бенгелево, в прибавлении на откровение Иоанна Богослова. стран. 383.

О знамении зверя на челе и на руке.

Дабы вовсе истребить християнство, так чтобы и потаенных християн не было, каждыи отрекающиися Христа должен будет; во свидетельство своего отречения, носить на себе определенныи знак: кто же сего знака не приимет, тот лишен будет всех прав гражданина и свободы, и подвергнется жесточайшему гонению. тогда всяк берегись принять сие знамение; ибо все таковые осуждены будут со зверем в езеро огненное. тогда будет страшное время, скорбь, якова не бысть от начала мира: но претерпевыи до конца, получит за свою верность такую награду, какая и на сердце его не всходила.

Третии признак наконец есть число зверино, которое должно означать тоже, что и знак на руке и на челе. будет ли сие число подлинно заключатся в имени человека беззакония, или знаменовать год его правления, сие все равно и в свое время мы узнаем лучше; теперь же довольно с нас знать и то что естли сие число каким нибудь образом будет служить знаком отречения от Христа и християнской веры: то християнин должен лучше согласится пожертвовать жизнию, нежели принять оное.

Пока сих трех знаков мы не видим, до тех пор человек беззакония еще не открылся; и великии грех какого либо государя почитать за сего ужаснаго человека, естьли не есть подлинно он.

Там же: глава, 5. стран.: 408.

Истинные християне воздвигнут главы свои, станут бодро пред лицем человека беззакония, ополчатся терпением, мужеством и постоянством, и во бдении и молитве будут ожидать помощи от Спасителя своего: отступники же не усумнятся поклонитися человеку беззакония. Но будут и такие, которые захотят внутренно оставатся християнами, но из страха станут поклонятся зверю наружно, и приимут на руку и на чело свое начертание его, и зато сохранят гражданскую свободу, право покупать, и продавать, торговать своими изделиями и избытками и избавятся от гонения. однако участь сих бедных будет ужасна: ибо в сие последнее очистителное испытание нельзя будет двоится. но или будь Христов; или велиаров; или гражданин новаго Иеросалима, или обитатель езера огненнаго.

Тамже, глава: 6, стран. 413.

Как же скоро откроется человек беззакония, и явится великим монархом. Ниже: и все кто не поклонится образу зверя и не приимет на руку и на чело начертание его, лишат чести; гражданской свободы, и право покупать и продавать. в сем искушении многие учители и наставники, почитаемые за святых, не устоят, и жребием их будет езеро огненное.

Там же: глава: 13. ст.: 16. стран.: 201.

И сотворит вся малыя и великия, богатыя и убогия, свободныя и работныя, да даст им начертание на десней руце их, или на челех их. [Апокал. глава 13]. Ниже: От толкован.: Все обращенные к поклонению зверю, знатные и простолюдины, богатые и бедные, благородные и рабы, получат знак принадлежности ему, или право звериного гражданства, и будут иметь сей знак собственно будет, сие еще сокрыто, в духовном смысле. знамение же на челе, и на десной руке, значит освящение или посвящение. сие лучше объяснится тогда, когда зверь из бездны начнет господствовать: теперь же я прошу любезныи читателю, не принимать поспешно за сей знак, того которыи не есть подленно оным. всякии знак хотя бы носить его от самого зверя повелено было, пока не будет знаменовать отречение от Христа и его религии, не есть еще сие знамение зверя: как же скоро какой знак, или какое бы то не было знамение, поставлены будут государственным законом, в признак отпадения от Христа, такого берегись каждыи християнин.

[Тамже, стран. 201.]

Сущее. Да никтоже возможет ни купити, ни продати, токмо кто имать начертание, или имя зверя, или число имени его. Толкован.: Кто не покорился папству, (си есть антихристу,) и кто не называется римским католиком, (си есть не имея принадлежности к империи,) тот не может ни продать, ни купить, ни доставить себе, не доставить другому, ни телесных ни духовных потребностей.

Дозде свидетельство от новых о купли и продаянии.

 

Таже зри и о сем, яко царство антихристово строитися имать по подобию земных царей; якоже и Давыдово бысть.

Апокалипсис печатныи, на листу 49. сице глаголет:

Всем якоже подобится поставляя царственная, и престол царскии по подобию Давыдову, его же сын Христос истинныи Бог наш, по плоти бысть. да и всем себе быти Христа известит.

Беседы апостольск.: лист: 2334.

Показующу, рече, себе бога. не рече, глаголюща, но покушающася показати.

Зерцала душезрител.: слово: 4.

Егоже приимут беззаконнии и Христа отвергутся.

Апокал. печат.: к каталоге, лист 133. и 132.

Антихрист действом и помощею дияволею отречение Христа сотворит. божество себе чрез лжепророка устроит.

Там же: зачало: 60. лист.: 101.

Идеже глаголют яко антихрист в храме Божии сядет. Ниже: или воистинну в божественнем храме, в соборней церкви, туждая себе присвояи и показуяи себе яко есть бог, якоже глаголет апостол.

Слово Ипполит.: лист 29. об. И Ефрем Сир. слово 105, лист: 53.

Восплачутся горы и холми и древеса польская человеческаго ради рода, яко вси уклонишася от Бога святаго, и льстецу вероваша.

 

О еже в чем является поклонение.

Златоуст, беседы апостольския на листу, 1753. слово о мамоне, сице глаголет.

Не поклоняюся, рече: по что; яко не прекланяеши ли себе; но ныне много паче поклоняешися делы и вещьми: сие бо есть большее поклонение. и да увеси, зри о Бозе, кии паче поклоняются Ему; просто ли в молитвах стоящии. или волю Его творящии; благоявленно яко сии.

 

Сказание от святых писании, о отмещущих образ царскии, и имя его. сии отмещутся и того, его же есть образ. Такожде и приемлющии образ царскии, и имя его: сии приемлют и того, чий есть образ.

И яко приемлющему цату со изображением царевым, есть почесть и поклонение оному, егоже есть образ на цате. и паки яко цата есть вещь законная и живая. и приемлет поклонение яко же и сам царь. по свидетельству Афанасия Великаго и прочих святых. о чесом зри нижеследующее доказательство.

Кормчая, лист, 633.

Такожде аще и икона сотворена будет царю по образу его: и некто пришед начнет ругатися ей плевати на ню, и бити ю камением: кому то безчестие сотворит, той ли иконе, или тому, в него же есть образ сотворен.

Беседы апостольск.: послание, 1. к солуняном, нравоучение, 10-е.

Что глаголеши; иже бо образ царев камением бияй, коего камением биет, не себе ли; таже аще убо образ царя земнаго камением бияй, себе камением побивает.

Книга о вере, глава, 10. лист 79 об.

Святыи Василии Великии, пишет о образех, ко отступнику Иулиану царю, и то послание на седмом соборе воспомяновено яко честь образа на первообразное восходит; сиречь на того чий образ есть. такожде и безчестие.

Соборник малый, Зиновия мниха Отне пустыни, лист, 123.

Слышасте всяко во евангелии. внегда вопросиша июдеи Господа глаголюще, достоит ли кесареви дань даяти, или ни; имже благии наш Владыка и учитель повеле показати себе цату. о ней же паки вопрошаше, чий есть на цате образ и надписание. и яко поведаша июдеи Господу. на цате быти иконе кесареве и надписанию его. тогда им заповедь чюдну положи глаголя, воздадите убо кесареви кесареви. и Божия Богови. Видите ли, яко не нарече Господь кесареву икону идолом. ни нарече же сопротивну Богови юже на цате икону кесареву, но паче и честь многу кесареви повеле воздати видев образ его иже на цате рек, воздадите убо яже кесарева кесареви. и яже Божия Богови. вонмите убо, яко не разньствова от Бога, повелевая честь воздаяти кесареви иконе.

Там же: лист, 126.

Повеле показати себе цату кинсонную; чесоже убо ради повеле Господь показати себе цату; сего бо невозможно рещи, яко Господу ли неведущу цаты до июдейскаго вопрошения; не токмо Божества ради, но и по человечеству; Июда бо Искариот ученик Его ковчежец ношаше, воньже цаты подаемыи ему въметаше. но не единожды еже показати Господь цаты спроси, но и надписание прочести повеле, егоже есть икона на цате. что ради; всяко сего ради, яко зело заповедь мысли человеком всаждая, повелевая показати цату. и поведати ему чий есть образ на цате и надписание, и егда принуди их исповедати на цате икону кесареву и надписание образу на цате яко кесарь есть. тогда заповедь положи изрядне воздадите убо яже кесарева кесареви, и Божия Богови рек. разумевается же убо, яко она повеле и показати цату. поведати чий есть образ и надписание, сего ради, да и честь иконную утвердит, и Божия Богови, воздаяти неотрочно, тем же много честни суть образы.

Там же: лист, 129.

И сам бо Спаситель наш и Господь Iсус Христос, внегда принесоша Ему образ кесарев на цате, указа почитати речением онем, еже воздадите убо кесарева кесареви, и Божия Богови. повеле убо Господь подобающую честь образу кесареву.

Соборник большой, лист: 326. обор. Малой лист, 100.

Рцы ми о пребеззаконне, егда июдеи принесоша цату ко Христу образ имуще кесарев, и искушаху и глаголюще, аще достоит кесарю кланятися. еда не взусти тех глаголя, отдадите кесарева кесарю, а Божия Богови.

Афанасия Великаго, на арианы слово, 4. лист, 53.

Во образе бо царстем вид и образ есть, и в царе же, еже на образе, вид есть. непременное бо есть во образе царстем подобие. якоже видящу образ. видети в нем царя. и паки видящу царя познавати, яко сей есть во образе, и от еже не изменяти подобие, хотящу по образу увидети царя, рекл бы убо образ: аз и царь, едино есмы, аз бо в нем есмь, и он во мне, и еже видиши во мне, сие и в нем видеши. и еже видел еси в нем, сие видиши во мне; убо поклоняяся образу, в том поклоняется цареви: егоже образ и вид есть образ.

Соборник малой, Зиновия Отне пустыни, о поклонении икон. лист, 128.

И указание скорейшее творя Афанасии, яко сотворяемое образу на первообразное восходит. и глаголет: речет же убо образ царев, аз и царь едино есмь; показа же и почитание и поклонение цареви есть, еже поклонение и честь образу цареву. Ниже: Царя же икона несть сам царь, но шары и злато и древо, точию образ его. честь же всю и поклонение приемлет икона царева, якоже и сам царь.

Благовест. от Иоанна. зач. 48, лист 231.

Яко царь на иконе своей является, и икона в царе, един бо образ иконы и царя.

Кирилова, лист, 164.

Ведомо же убо буди, всякому человеку, яко такову честь образу Христову да творит, какову творит, и царскому образу. царский бо образ дают писати, и ставят его в домех своих в честнейшем месте. и взирающе нань рекут, се есть образ царскии, и воспоминают житие его. не токмо же образу, но и листу егда к ним с печатию его принесут приимут с честию, и воставше целуют, и на главу возлагают.

Маргарит острож. слово, 4. на июдея, лист, 115.

Весте убо вси, и помните. Егда воображения царская низложиша нецыи от нас, сквернии и лукавии человецы. како не они единии дерзнувшии. но и елицы мимоходящии, и просто бывше явишася, в судище восхищенне бывше. и со онеми соотведени бывше, последнии прияша суд.

Соборник мал.: лист 17.

И нецыи убо хульницы мужие безчиновавше свергоша изображение царей. и о сем разгневася царь Феодосий, повеле мучити антиохианы ходившая на позор безчестия царюющих икон въкупе со злыми онеми безчинники, иже свергоша царская она изображения. тогда убо поимани быша мнози антиохиане и неповиннии; Ниже: тогда Златоуст Иоанн помолча учительства седьм дней, не бысть бо кому тогда в церковь входити. по седьмих же днех Златоуст начат паки учительство, прежде много оплакав беду ону великую, иже свержения ради царевых икон, бывшую антиохияном. и по три убо недели во учительстве плачевная тем простирая, и потязая их зело укоризнами, дерзнувших злодейство пагубное оно, еже обесчестиша царей изображения. похули же много антиохианы непослушавших его. глаголавшу ему, еже умучити их хульники, иде убо понуждая глаголаше, зауши его рече, освяти си руку. аще и на судище привлечен будеши дерзновенно рцы, зауших, яко царев образ похули. не умолчиши ли и ты сия содеявшаго.

Афанасия Вел., прение со Арием, и Фотин.

Образ от того чий есть разньствовати не может.

Иоанн екзарх.

Образ иже не сыи первообразному того подобию, въпустош зовом образ.

Кирилова, лист: 167.

Якоже о них Соломон глаголет; благословится древо, им же бывает правда; древо в немже истесан кумир, и вместо Бога именуют е, проклято есть, и с тем, кто истеса его. Ниже: древо же из него же сотворено в честь ложным богом, и яко е Бога именует, проклято есть.

Маргарит острож., слово о вочеловеч., лист: 83.

Бе убо вся земля растленна, небо преступлено, вся тварь смущенна. не бе тварь якову сотвори Бог изначала. не бе небо звездами осияваемо. не бе земля плод обилующи, ни море шествием. вниде бо преступник, и оскверни небо, и оскверни землю, и оскверни воздух, море, и источники, и реки вся, оскверни небо хуленьми, воздух скверногласии, землю убийствии, море разбойники, источники и реки, нелепотными идолослужении. и убо источники, и реки, и породы, и древеса, и вся тварь обоготворяшася. ибо ничто сице оскверняет тварь, якоже боготворитися той.

От постных Василия Велик., апостол толков., лист, 639.

Вопрос:

Что есть оскверенение плоти, и что духа. и како тех чистотствуем, или что освящение. и како то стяжим;

Ответ:

Осквернение убо есть плоти еже премешатися самодействующим отреченная. духа же, еже неразньствовати к мудрствующим или творящих таковая.

Благовестник, от Иоанна. зач., 1. лист, 14 об.

Но о безумства, души первее пострадавши, змииными словесы прельщене в раи, таже и рука коснувшися, последовавши госпожа и владычица душа.

Апостол толков. зачало: 78. лист: 219 об.

Яко душею и телом умерщвенном сущем. душею бо яко лукавая помышляюще, телом же яко грех совершающи, искоренени же их наричет недостойном сущим насадитися в дому Божии.

Пролог апрель: в 13 день.

Мученику Прискенту: игемон рече: пожри образом точию, а в души покланяйся твоему Богу. он же небрег, но пред всеми исповеда истинну глаголя: не мощно иному телу быти сотворену паче мнимаго от души, яко тою водиму и движущуся.

Беседы апостольск., лист: 2327.

Путь бо на дела слово есть. первее мыслим, таже вещаем, таже творим, мнози бо многажды и целомудрствующе от студных словес на деяния приидоша студная.

 

О сквернавем или о мерзостнем имени антихристовем. иже имать существовати в куплях и продаяниях.

Апокалипсис печат., зач.: 38. лист: 62.

Сущее: Зде есть мудрость, имеяи ум да сочтет число зверево. число бо человеческо есть: и число его есть, шесть сот шестьдесят и шесть.

Толкован.: Известное ведение числа, якоже и прочая о нем писанная, время открыет и искус целомудрствущим и бодрствующим. Аще бо была бы потреба якоже нецыи реша учители, яве ведати каково имя, узревыи бы его откры: но не изволи божественная благодать, в божественней книзе имени пагубному написану быти. яко во образе же обучения, многая мощно обрести, по блаженному Ипполиту и инех имена число сие объемлющая. Нарицательная же и собственная, сиречь господьственная. Собственная убо, яко гречески, лампетис, сиречь, освященныи, теитан, солнце. от тино наляцаю, по Ипполиту. латински, латеинос, латиник, подобне чрез еи двоегласное писмя. венедиктос, еже сказуется благословенныи: негли по подражанию воистинну благословеннаго Христа Бога нашего. Нарицательная же, како содикос, злыи наставник, папаива санос, древле завистник. алифис влаверос, истинно вредитель, амиос адикос, агнец неправедныи: имиже от противляющихся прелести наречется, свою си славу в студе полагаяй.

Инаго толкован.: Слово греческое, латеинос, сиречь, латинщик. ниже: такожде содержит и еврейским языком. ромит, сиречь, римлянин.

Ипполит:

Печати же его иже на челе и на десней руце есть число, шесть сот шестдесят и шесть. еже непщую, не бо опасно свем сего писания, многа бо имена в числе сем обретаются. суть же сия: злыи вождь. агнец неправедныи. древле завистник, потрясет вельми. титин, еже преисподнии бес.

Апокалипсис печат., зачало: 37. в толк.:

И начертание же пагубнаго имени отступнича и прелестнича на всех наложити потщится. на десных убо руках да десных и благих дел отсечет действо. на челех же, да научит в лести и тьме прельщенныя дерзати.

Там же, зачало: 42. лист: 66.

И имя сего в своих сердцах безчестное яко честное начертавающе.

 

Объяснение.

О сквернавем имени антихриста, объясненное святыми, в познание онаго имени, изъяснили многими образы, свойственныя имена числом образуемыя, 666. которыя зде выше пояснены, святым Ипполитом, и протчими церковными учители, имена число сие приемлющия, 666. как то: титин, лампетис, маометис, венедиктос, и прочая и сия вся не о собственном имени антихриста пояснили святии, но токмо во образ обучения его имени, которое имать существовать во время онаго пришествия. понеже его имя, будет заключать в себе число тоже, 666. якоже и в сих именах образуется. сего ради во образ его имени и привели многия указания имен, в коих означается число, 666. но о настоящем же имени антихристове которое имать распространятися в куплях и продаяниях, о том умолчено святыми как неизвестное еще оным до его пришествия. в пришествии же того времени, откроется его имя Духом Святым, тем людем, иже имущии искус, то есть, испытание, и тщательное изыскание, целомудрствующим, и бодрствующим. по свидетельству Андрея Кесарийскаго глаголющаго сице: аще бо была бы потреба яве ведати каково (его будет) имя, то узревыи бы его открыл бы, но не изволи сего Божественная благодать, во святых книгах, имени пагубному написану быти. а яко во образ обучения, многая мощно обрести. выше: но известное ведение (о его имени,) время открыет, и искус целомудрствующим и бодрствующим. И так по сему свидетельству в событии настоящаго времени антихристова пришествия, искусныя и бодрствующия люди, которыя назирали его прихода, пояснили нам в своих рукописях, о сквернавем имени антихриста быти во властельском того имени, императорскаго титула: в котором замыкается число имени его 666. еже есть иператор. сего ради и поясняется зде сие имя, дабы неведущии о его имени пагубном, которое имать распространятся во всех его делах, уразумевши возмогли бы сохранится от его запечатления. а не избегшему сего числа имени, осуждение приимут. по свидетельству Иоанна Богослова, и прочих святых.

 

Зде есть терпение святых.

Апокалипсис, зач.: 42. лист: 66.

Зде есть терпение святых, зде суть соблюдающии заповеди Божия и веру Iсусову. Толкован.: Зде есть терпение святых: нечестивии убо глаголет выну в будущем веце мучими будут. святии же, зде крепость терпения показуют, во времени скоро мимотекущем, божественныя заповеди и веру во Христа неуемлему сохраняюще.

Там же, зач.: 37. лист, 62.

И число же зверя распространятися везде начнет. в куплях же и продаяниях. да не приемшым сие от оскудения нужных насильная смерть приидет.

Там же зач.: 42. лист, 66.

И слышах глас с небесе, глаголющ ми: напиши, блажени мертвии умирающии в Господе, отныне ей глаголет Дух, да почиют от трудов своих: дела же их последуют с ними. Толков.: Глас же с небесе не вся блажит мертвыя, но в Господе умершия, умерщвленныя миру, и мертвость Iсусову в теле обносящия и со Христом страждущия. онем бо воистину ис телесе исход, трудов есть упокоение. последование же, дел венцев неувядаемых и почестных даров славы основание и вина есть.

Беседы апостольск.: лист, 2374.

Верою бо вси древнии похвалени быша, и без сия вся растлишася. и что глаголю о небесных; аще и яже на земли истяжем, тою обрящеши держащаяся. ниже бо купле, ниже художества, ниже ино что таково будет кроме сея.

Книга о вере, глава: 5. лист: 45.

Аще верую, просвещаюся душею; аще ли искушаю, помрачаюся помыслы; аще ли верую добре, возвышаюся на небо; аще ли ищу со искушением, нисхожу в бездну.

 

Коея ради вины человецы печать антихристову приимут.

Ефрема Сирина слово, 105.

Вонмите братие великую злобу зверину, ков и лукавство, яко от чрева начинает, да егда кто оскудеет брашна лишен, то понудится печать его прияти, и даст ему свою печать скверныи.

Зерцало душезрит. слово: 4.

Устрояет брашна держащая яко да егда кто утеснится от глада и нужди снедей лишаем, нудится прияти антихристово знамение на челе своем, и на десней руце, яко да не имать увы мне области человек знаменатися образом и знамением крестным на лицы своем. весть бо окаянныи побеждение свое, еже есть крест непобедимое оружие, всю его силу разрушает вскоре, образом некиим хитрствует, еже имени Господню никакоже именоватися в нас. о прелести, и аще кто носит с собою печать прелестника на руце десней и на челе своем, купует брашна от обретающихся тогда.

Ипполит слово: 3. о антихристе.

И вси тесноты ради пищныя к нему приидут, и поклонятся ему. и даст им знамение на руце десней и на челе, да никтоже честныи и животворящии крест сотворит десною своею рукою на челе, но связана рука его будет.

Ефрема Сирина слово, 105.

И аще кто имать на себе печать мучителеву на челе и на деснице, купит мало брашна, от тех брашен от обретающихся тогда.

Максима Грека, слово, 8.

Аще и начертание начертаеш на челех и на десней руце их, яко не имущему е ниже продати мощно, ниже купити, но наставшу времени прелести и явления сына погибельнаго содеяна всяко, тогда будут и та судьбами Божиими неизглаголанными наследником и совершителем твоего богоборнаго нечестия.

Там же: глава, 9.

На осмом веку быти хотящу всех устроению, сиречь и греческия области престание, и началу мучительству богоборца антихриста.

 

О знамении царства и царя.

Библия новопечатная, в предисловии, стихи на двуглаваго орла.

Орла сугубоглавство, образ сугубодержавства, Алексея царя, над многими странами начальства, в десней скипетр, знамения царствия, в шуей же держава, его самодержавствия. выспрь глав, трегубии венцы, троицы содержащия земли концы. посылаемии на главы побеждающих враги, просящих от нея помощи крепкия руки.

Сему же подобно и в книге О Месии правдивом в предисловии, о таинстве двуглаваго орла пишет:

Яко орел значит самого царское величество Алексея Михайловича, во многих землях восточных и западных и северных царствующаго. ниже: которыи той жене церкви святой далесь две крыле орлеи: горливость свою и помощь. тако и ваше царское величество орел зде в народе росийском тое значит ваше царское величество всея России самодержец, воин же на коне седячии, и копием змия биючий, значит ваше царское величество, яко добр воин Христов, на коне сидячи и копием змия биючи, конь в писании святом знаменует царство. [Иероним на 6 главу пророка Захарии]. тако и ваше царское величество конь значит царство росийское которым ты владееш, и на том кони седячи яко храбрыи воин, и биеш копием своим змия видимаго, войско людей неверных. ибо войско людей неверных змием называется.

Феатрон о Пасхалии папе втором, лист, 290.

Был, лета Христова 1099, Пасхалий, инако Райнер или Рагинер монах которыи на престоле дотоле сидети не хотел, дондеже народ трижды не возгласил: святыи Петр, Райнера изряднейшаго и добрейшаго мужа избра. на посвящение знамения царская, багряницу, скипетр, венец, пояс с висящими на нем седьми ключами восприят.

Минея четия, месяца октября, 24 день. О Елезвое царе ефиопском.

Такожде и царю на мори в кораблех пловущему путь не бе поспешен, приста же к некоему граду Далек нарицаемому, изшед из корабля, пойде к церкви близ моря стоящей, и сня с себе венец и порфиру, и вся царския утвари и знамения. и при дверех та оставив, вниде в худей одежде в церковь.

Беседы апостольск.: лист 944.

Аще ли же багряницу увидим, и диадиму. ни коеже другое взыщем царствия видети знамение.

Апокалипсис печат., зач.: 43. лист: 67.

Венец же на нем, знаменует царство над видимыми же и невидимыми.

Там же в каталоге, буква, В.

Венец есть знамение царские власти.

Пролог августа 4. О седми отроках.

Един от седми отроков спящих во Ефесе: изем злато нача купити хлебы. продающии же донесоша Анфипату, яко бяше прежних царей сребро, и Декиево знамение бяше на цатех тех.

 

О знамении антихриста.

Соборник больш. слово Ипполита, 3.

Вси бо еже бежати и скрытися тщатся, и нигдеже возмогут убежати с пути сопротивнаго, но знамение его обносяще удобь ведоми и знаеми тому явятся.

Ефрем слово: 105.

Господь же убо святыи се грядет с небесе, судити всем веровавшим в знамение антихристово. ниже: И спасутся крыющеся в пропастех и в вертепех, ненавидяще антихристова знамения, и страха.

Ипполит.

И даст им знамение на руце десней и на челе, да никтоже честныи и животворящии крест сотворит десною своею рукою на челе, но связана рука его будет.

 

О изображении лиц нечестивых, блазненным образом.

Минея четия ноября, 28. в житии Стефана новаго, лист: 434 об.

Грядущи же преподобныи предстати царю, и испроси на пути у некоего боголюбца едину цату, имущую на себе образ царскии, и сию тайно в клобук свой вложи. узрев же его царь, нача вопити: о нужда, о беда, о что терплю: ниже: мучитель же рече: не нарицай то честных икон писанием: кое же идолом со святым причастие; на сие святыи оныи муж отвеща поклоняющеся образу, не веществу почесть или поклонение воздаем, ибо честь образа на первообразное восходит, якоже святыи рече Василий. глагола же мучитель: подобает ли чувственными вапы изображати от отец пред глаголанная, яже суть многа и темна и ниже умом постижима, ниже коими словесы истолковатися могут, и праведно ли есть в веществе поклонятися тем; их же естество никомуже есть известно; отвеща преподобныи: и кто от человек имущих разум, глаголет: яко возможно есть вапы. от вещи сотворенными написоватися Божества естеству невещественному, и всяк ум превосходящему. ниже: на сия отвеща царь: ты о ослепленне умом, и паче всех невоспоминаемых воспоминания недостойне, сии образы поправше, Христа ли попрахом; тогда искусний в божественных действиях Стефан, по обычаю преславных воинов, врага егоже самого оружием уязвити, и от него реченными словесы его самого победити хотя, в клобук руку вложивши, изъят цату, имущую на себе того злочестиваго царя образ, юже грядыи у некоего человека испроси, и на то уготова: и показавши царю, вопрошаше Христовыми словесы, глаголя, чий образ сей и написание; царю же дивящюся и отвещавающу: ни чий убо иныи разве царскии. святыи же паки вопроси: что убо было бы, аще бы кто образ царскии безчестно на землю повергл, и ногами бы его попрал; не понесл ли бы каковыя казни; отвещаша предстоящии: ей великим казнем таковыи подпал бы, понеже царскии обезчести образ. тогда преподобныи тяжко воздохнув, и з болезнию, сердечною возвав, рече: о великия слепоты и безумия. аще за обещещенныи образ царя земнаго. смертнаго и тленнаго, великим казнем быти глаголете: то которой казни подлежите вы, иже образ Сына Божия, и матере Его пренепорочныя попрасте, и огню предати не убоястеся; [Барон. лето 388. и 765] то рекши плюну и на цату, и вергше ю на землю нача ногами попирати. предстоящии же то видевше, абие с яростию на него устремишася, хотяше низринути его из полаты в море, над морем бо та полата бяше.

Там же: месяца октября: 17 день. в житии Андрея Критскаго, лист: 200 об.

Царь Константин Ковалин но хитро под образом ревности по Бозе, людей ко отвержению Христа приводити, воздвиже иконоборство, да человеки отметающе икону Христову, и самого отметнут от себе Христа: еже во иконе бывает, сие восходит на того, егоже лице на иконе изображено. ниже: Того бес воздвиже глаголюща: яко не подобает, да християне иконам поклоняются и почитают я, се бо есть языческое идолопоклонение. безумныи не разуме сего, яко идеже вещь есть зла, душевредна, и возбранена: тамо и икона вещи тоя зла, душевредна, и возбранена. а идеже вещь есть добра, полезна, и невозбранена: тамо и икона вещи тоя добра. полезна и невозбранена. злы суть язычестии бози, душевредни, и возбранено есть их почитати: и иконы убо их суть злы, душевредны, и чтити их возбрани закон Божии. ниже: И паки велиим гласом возопи, глаголя: почто царю християнином и слугою Христовым нарицаешися, а иконы Христовы попираеши, и рабом Его многая злая твориши.

Кормчая глава: 17. 6 вселен. собор. прав., 100 [лист 207].

Иже на срамная дела подвизают видение писания, да не пишутся: приступаяй же се да отлучится. Толков. Очи твои право да глядаста, и всем хранением блюди сердце свое Премудрость повелевает, сего ради убо и отцы повелеша, иже на дсках, или на стенах, да не пишутся образы, иже на срамная дела подвизают глядающих на ня, и растлевают им ум: подобно бо есть тому бывати. приступающе яже се. повелевают отлучати.

Кирилова, лист, 167.

Якоже о них Соломон глаголет; благословится древо, им же бывает правда; древо же в немже истесан кумир, и вместо Бога именует е, проклято есть, и с тем, кто его истеса. ниже: древо же из него же сотворено в честь ложным богом, и яко е Бога именуют, проклято есть.

Потребник иноч.: лист 301 об.

Проклинаю и того, яже в Меке дома молитвеннаго, в нем же глаголют лежати посреди каменю велику, воображению афродитино имущи.

И ветхии закон тоже свидетельствует о ваянии богов второзакония, глава, 17.

И ваяние богов их ижжеши на огни, да не похощеши злата и сребра взяти себе от него, да некогда согрешиши того ради. яко хульно есть Господеви Богу твоему. не вноси похулы в свой дом, и проклят будеши яко и то, но проклятием прокленеши оно, и похулением похулиши е, яко проклято.

Барония, лето Господне, 711. лист 818. о папе Константине. Како отверже себе подданства Филиппика кесаря, и цату онаго со изображением его лица, отринул.

Константин папа в Рим возвратися в 24 день, октоврия. и с великою радостию людие прияша его. в пути посвяти двадесять епископов. ниже: Филиппик абие изгна патриарха Константинопольскаго Кира, а на его место своея ереси ревнителя Иоанна некоего постави [Филиппик еретик монофелит]. монах бо оныи волшебник, иже ему о кесарстве волховаше, уже слепе бе, и на патриаршество возведен быти не можаше. и посла еретическое исповедание веры в Рим к папе, егоже папа Константин не прия [римляне Филиппика не прияша]. и весь Рим устави, от ревности веры своея кафолическия: персоны Филиппиковы в церкве не поставляти, и при литургии не воспоминати его, и пенязей с его лицем не приимати.

 

Дозде свидетельство, о купли и продаянии. и о распространении во оной печати антихриста.

 

Глава, 15.

О антихристе.

Яко той последнии антихрист, не есть сатана, якоже нецыи безумне глаголют: но человек царскую власть имущий, сатанино действо восприемыи, покорит же под себе и духовную власть.

 

Яко не мечтательная убо онаго плоть будет, якоже нецыи умствуют, но человек всесовершен, поспешествуем от сатаны, в котором весь сатана будет обитать телесно. [зри не прелесть кая или отступление антихрист: но человек всесовершен].

Гранограф бол., глава, 46. лист, 141. о видении пророка Даниила, о четырех царствах, и о малом роге имущем очи человечи, си есть о антихристе.

В первое лето Валтасара царя халдейскаго, аз Даниил видех в видении своем нощию. и се четыре ветри небеснии восташа на море великое, и четыре звери велицыи исходяху из моря различны друг от друга. Первыи аки лвица, имуще крыле орли, и зрях дондеже простре крыле и исторгошася перьи ея, и воздвижеся от земли и на ногу человеческу ста, и сердце человеческо дано бысть ей. И се зверь вторыи подобен медведицы, и в части во единой стране ста и три ребра во устех ей бяху среди зубов ея, и та глаголаху ей востани и яждь плоти многих. и вослед сего видех, и се зверь третии аки рысь, ему же крыла четыре аки птичии, и с высоты четыре главы ему, и власть дасться ему. и вслед его видех, и се зверь четвертыи горд и страшен и крепок зело: ему же зубы железны велии и ногти медяны, снедая и отончевая и останок ногами попирая. и различен зело паче всех зверей первых, и десять рогов бяше ему: и зрях ему на роги, и се рог мал ин взыде от среды их. и три рози переднии искоренишася от лица его, и се два ока яко человечьи в розе том беста, и уста ему глаголюще великая. и се зрях дондеже престоли поставишася, и Ветхии деньми седе, одежда его яко снег бела, и власы главы его яко волна чиста. престоли же яко пламы огненны колесница ему яко огнь палящь, река же огненная течаше пред ним и тысяща тысящами служаху ему, и тьмы тьмати предстояху ему. судия седе и книги разгнушася, и видех тогда глас словес великих яко онаго рога дондеже убиен бысть зверь и погибе, тело же его дано бысть огню на сожжение, и протчим зверем власть преста: им же дана бысть до лета и времени. и видех се на облацех яко Сын человечь грядыи, и до Ветхаго деньми достиже, и тому дастся власть и честь и царство, и вси людие племена и языци тому поработают, и власть ему власть вечная иже не мимо идет, и царство его не престанет.

И паки от видения пророка Даниила.

Аз Даниил видех и ужасеся дух мой, и видения главы моея смутилося, и приидох к единому стоящих пред ним еже научитимися от него всем сим, и сказание словесем возвести ми истинну. тии же четыре велицы звери четыре царства есть, иже востанут на земли и возвеличатся в силе тяжце и приимут царство от Вышняго, и обладают им до времени, вопрошах же и о звери четвертом зане бяше различен от прежних зверей, и горд убо и страшен зело. и о десяти розех его, и о изшедшем от среды их малом розе, иже потребил первые три роги, и рог той уста и очи имать, и глаголет великая и творяше брань со святыми, и возможе к ним: дондеже приидет Ветхии деньми и суд дастся святым от Вышняго, и время приспе и царство прияша святии. и отвещаша ми сказуя, зверь четвертыи царство есть римское еже превзыдет вся царства посечет и пояст и попрет всю землю, десять же рогов ему, десять царей востанут, и по сих востанет ин (царь) иже превзыдет злобами вся прежния цари, и три царя сотрет, и словеса к Вышняму возглаголет, и святым Вышняго досадит, и помыслит пременити времена и закон, дастся ему до времени время и пол времени, таже судия сядет и власть его престанет, зане потребити и погубити доконца, царство же его царство вечное, и всяческая тому поработают, аз же Даниил видех и разум мой смутися и зрак мой пременися на мне. Толкование. Великое море весь мир нарицает, четыре же ветри небесныи, четыре концы земли, а четыре звери восходящии от моря, сиречь в мире сем возрастьшия четыре царства, первыи убо яко львица, и крыле ея яко орла, то есть царство вавилонское еже есть ассирийское. и вознесебося Новохудоносор царь пред Богом Вышним, а еже исторгошася перие ея и воздвижеся от земли и на ногу человечю ста, и сердце человече бысть ей, смирибося Новохудоносор и бысть паки царь. Вторыи же зверь царство персидское, иже видеся медведица растерзающе ногтьми своими, таково бяше персидское царство его же держаху перстии цари двести лет. а еже третии зверь нарече царство еллинское, еже владе Александр Македонскии, сей уподобися рыси занеже дерзумен и лют сердцем и многокознен зело о крови человечестей. а еже четыре главы ей, раздели бо Александр на четыре части царство свое сущим от рода своего, Селевкию, и Димитру, и Птоломею, и Филипу. Четвертыи зверь царство римское, страшен убо и горд и крепок излиха, занеже вся силою своею и злым мучительством под свою власть подводит, и десять же рогов, десять царей по нем возрастьшися, и обратятся к нему, и среди яже малыи рог, се есть антихрист, в них напрасно явится, и искоренит три цари, египетскаго и ливийскаго и ефиопскаго. и рать воздвигнет на святыя хотя славитися всеми, и дана будет ему власть до времени, на время и на пол время, еже есть три лета и пол, суд будет и царство дано будет святым от Вышняго.

От толкования блаженнаго Феодорита епископа Кирскаго, на пророка Даниила, глава, 7. ст.: 7. лист: 67.

И рогов глаголет десять ему, здесь означает что при конце царства востанут десять совокупно царей, из коих одни будут сильнея, а другия весма слабея.

Тамже, стих: 8.

Разсмотрех глаголет, в розех его, и се рог другии мал, (и виден) взыде среди их, и трие рози преднии его исторгнушася от лица его: и се очи аки очи человечи в розе том, и уста глаголющая великая, и творяше брань на святыя. Толкование: Зде антихриста назнаменует, посреде десяти рогов являемаго, притом глаголет, что и три роги прежние исторжены были от лица его. и чрез сие гадательствует, что из десяти оных царей, во одно время царствующих, трех царей испровергнет: рог же нарицает малым потому, что от малаго племени июдейскаго вскоре по сих имеет быти светел. под именем же очей означает высокоумие и коварство, таковое употребляя прельстит он многих. уста же глаголющея великая, то есть горделивая и надменная. Чему и блаженныи Павел научая нас, явственно глаголет: да никтоже вас прельстит не по единому образу, яко аще не приидет отступление прежде, и открыется человек беззакония, сын погибели, противник и превозносяяся паче всякаго глаголемаго бога или чтилища, якоже ему сести в церкви Божии аки богу, показующе себе аки бог есть. Сие то назнаменуя и блаженныи Даниил, сказав: и уста глаголющая великая. и творяше брань со святыми. Ибо де, всячески потщится дабы всех человеков соделать сообщниками злобы и мучения.

Тамже, глава: 7. ст.: 24. лист: 72, об.

И десять рогов его, глаголет десять царей востанут. Толкование: Заметить должно что пророк не сказал: востанут, един по единому друг за другом последуя, но в едино время все востанут. а естли бы не во одно и тоже время царствовали, но каждыи по единому приемствовал другому, прежде его бывшему, то как бы сей, (о котором глаголет зде) трех во одно время бывших пред ним смирить возмогл; отсюду явствует, что десять оных царей, о которых пророк предсказывает, при кончине (мира) во одно время востанут: последний же антихрист востанет и царство приимет. и с ними брань сотворит, а триех из них испровергнет. но не удовлетворится одержанною над людми победою.

Тамже: стих: 25. лист: 72. об.

И словеса на Вышняго возглаголет, и святых Вышняго смирит, и помыслит пременити времена и закон. Толкован.: Ибо де, толикую ярость и дерзость возъимеет что и на вышняго Бога гордыя и хульныя глаголы аки стрелы испустит, и всякаго рода казни наведет на тех, кои благоговейно служат ему, и в его святости участвуют: возмечтает же и о том как бы и господствующее благочестие повсюду истребить, и предоброе онаго устроение пременить. сие бо назнаменовал, рекше: помыслит пременити времена и закон: то есть содержимыи в то время порядок. и дастся в руку его, то есть попустит ему Божии промысл, и показуя безгодное зол оных время: (не доконца бо забвен будет нищии, терпение убогих не погибнет доконца [псалом: 9].) и рекши дастся в руку его, присовокупил: даже до времени, и времен, и полувремени. сие же яснее при конце пророчества дал нам знать. где глаголет [глава: 12. стих: 11], от времени же пременения жертвы всегдашния, и дастся мерзость запустения на дни тысяща двести девятьдесят. и так под именем времени, и времен, и полувремени, три с половиною года означает: в которыя рог оный, глаголющий великая, державствовати будет.

От толкования святаго Иеронима на пророка Даниила. глвы, 7.

Что всеми писателями церковными предано: что при разрушении мира когда должно пасти римскому царству, явятся десять царей, иже разделят между собою римскую империю, и возстанет единонадесятыи царь дитя, иже из десяти царей трех царей победит: то есть, египетскаго, ефиопскаго, и африканскаго. о чем в последствии яснее речем: по убиении сих царей, и прочии седмь царей преклонят выи свои пред победителем.

К сему же поясняется зде для познания и о десяти царствах, которыя имела под собою римская область. из коих имать антихрист три изпровергнуть, а седмь преклонившии будут выи свои пред победителем.

Из книги Полинодия, Захария Копестинскаго, часть, 2. раздел, 10. артикул 7. царство православных.

1.Измаильское, або турецкое и татарское. 2. аламанское, або немецкое. 3. испанское. 4. француское. 5. ляцкое, или польское. 6 угорское. 7. английское. 8. ческое. 9. швецкое. 10. дунское. Тыи мовлю были царства. многие из них и теперь еще суть. Ниже: И казано и наготовано яко о предреченных некоторых царствах Даниил пророк мовячи пророковал тыми словы. и во дни царь тех воставит Бог небесное царство, еже вовеки не разсыплится.

Книга Кирила Иеросалимскаго Поучения огласительная, поучение 12. о втором пришествии Христове, лист 147 об.

Приидет же предреченныи антихрист сей, егда исполнятся времена римскаго царства, и приближится уже кончина миру. десять убо тогда римских царей купно востанет, в разных обаче местех, а в тоже время царствующих. Таже по тех единонадесятый антихрист будет, волшебною кознию римскую власть восхищая. Триех убо прежде его царствовавших смирит, а других седмь под собою имея. И сперва убо кротость, аки смыслен и разумен некии муж, целомудрие же и человеколюбие притворит. егда же знаменьми и чюдесы ложными по действу волшебства, аки бы Христос оныи ожидаемыи. июдеев прельстит. тогда всякими лютостьми и беззакониями начертается живо. ибо всех прежде его бывших неправедников и нечестивцев превзыдет, убийственныи и свирепейший и немилосерд, и различен на всех, наипаче же на нас християн гнев имея. но по триех летех и шести месяцех таковая дерзнувыи, вторым и славным с небесе пришествием единороднаго Сына Божия Господа же и Спаса нашего Iсуса, истиннаго Христа упразднится, иже убив антихриста духом уст своих, геенскому предаст огню того.

13. Сему же научаем, не от себе глаголюще, но от божественных собирающе писании, наипаче же от прочтеннаго ныне Даниилова пророчества навыкше, якоже и Гавриил архангел поведа, глаголя сице: зверь четвертыи, царство четвертое будет на земли, еже превзыдет вся царства: сие же римское быти церковнии предаша учители. первому бо знамениту бывшу ассирийскому царству, а второму мидскому вкупе и персидскому, и по тех македонскому третиему, четвертое царство ныне римское есть. Тако же паки Гавриил сказуя рече: десять рогов его, десять царей востанут, и по них востанет другии, иже превзыдет злобами всех прежних (не токмо, глаголет: десяти, но и всех прежде бывших.) и три цари смирит: известно яко от тех десяти первых. триех же из десяти смиряя, всячески яко сам осьмый воцарится. И словеса, рече, на Вышняго возъглаголет: хульныи оныи муж и беззаконный, не от отец приемыи царство, но от волшебства власть восхитив.

14. И кто есть сей, или от коего действа; скажи (нам) о Павле. егоже, рече, пришествие по действу сатанину во всякой силе, и знамениих и чюдесех ложных. Сие гадательствует, яко сатана въместо орудия употребит его. самолично им действуя. ведая бо, яко не имать прочее ослаба быти его суду, не ктому уже чрез слуг своих, якоже обыче, но сам собою имать ратовати явственнее, во всяких знамениих и чудесех ложных. отец бо лжам и лживыя действа по мечтанию действовати имать, яко да мнози возмнятся видети мертвеца воставша, иже не воста: и хромых ходящих, и слепых прозирающих, ни единому бывшу исцелению.

Кирилова, знамение: 8. лист: 45.

Показует нам прелестника явственно, иже имать сести на римской власти. и ту на земли обогатится, и вместо Христа прозовется, и всех к себе от церкви отвлечет. и начнет созидати грады и храмы светлыя различными мраморы и саны, и величеством и богатством и славою мира сего прельщая.

Беседы апостольск.: лист: 2339. зач. 275.

И ныне одержащее весте, во еже явитися ему в свое его время, тайна бо уже деется беззакония, точию содержай ныне дондеже от среды будет. От толкования: Взыскал бы некто первее в лепоту, что есть, одержащее, и посих бы навыкнути хотел, почто не явленне сице полагает то Павел. что убо есть одержащее явитися ему; сиречь, возбраняюще; инии убо Духа благодать глаголют, инии же римскую власть: имже аз наипаче слагаюся. Ниже: Ельма же о римстей власти сие глаголет, В лепоту назнаменова, и дотоле рече прикровенне. ниже бо хотяше излишния вражды приимати, и неполезныя беды. аще бо рекл бы, яко мало послежде разорится римская власть, уже абие того и закопали быша, аки губителя, и верных всех, аки на се живущих и воинствующих. сего ради не рече тако, ниже яко скоро будет, аще и присно сие глаголет: но что; во еже явитися ему, во время свое рече. Ниже: Такожде и зде глаголет: точию содержай ныне донележе от среды будет, сиречь, власть римская егда возмется от среды, тогда он приидет. и в лепоту. донележе бо сея власти будет страх, никтоже скоро покорится. егда же тая разорится, нападет на безначальство, и человеческую, и Божию поищет похитити власть. якоже бо яже прежде сего разоришася царствия, сиречь мидское от вавилонскаго, вавилонское от перскаго, перское от македонскаго, македонское от римскаго: тако и сие от антихриста, а он от Христа, и ктому не содержит.

Апостол толков.: зач.: 275.

Тайна бо уже деется беззаконию. точию дерзая ныне, дондеже от среды будет. и тогда явится беззаконныи. Златоуст. Тайну беззакония Нерона глаголет яко во образ суща антихриста, ибо и Нерон зол бе, и богом нарицати себе покушашеся. токмо одержа ныне, сиречь видимыи престол и царство еже ныне запинает. егда же престанет веща и конец приимет римская власть. тогда явится беззаконник рекше антихрист. егда бо разрушится римская власть. тогда антихристово зачнется властельство. и держати начнет не токмо человеческу, но и Божию власть. римское бо царство тогда доконца разрушит антихрист. [зри антихрист имети будет две власти на себе].

Книга о вере, глава: 30. лист, 269.

На сие место святый Иоанн Златоустыи сказание творит. яко сие о римской власти разуметися имать. егда и человеческая и Божия власть во едино смесится, якоже и ныне видим.

Синоксарь в неделю мясопустную.

Напрасно востанет и угодит людем. негли и божественная писания пройдет, и посту навыкнет. и понудится от человек, и царь проповесться. и возлюбит множае еврейский род, и во Иеросалиме уставится, и церковь их воздвигнет.

Диоптра, лист: 875.

Прием бо всескверныи всяку власть. бесы посылает по всему миру. еже бо проповедают его власть и царство. велик явися царь в Иеросалиме, и свят и праведен. приидем на видение его. тогда сядет яко бог на месте святем. сие прорече Даниил: и великии Павел. мерзость бо запустением нарекоша того.

Соборник бол.: слово: 3. Ипполита папы римскаго, о антихристе. лист, 127.

Колено именова Даново, объяви предлежащее, от них же хощет сопротивник родитися. яко же убо от колена Иудова раждается Христос, сице и от колена Данова родится антихрист. Господу убо и Спасу нашему Сыну Божию, ради царскаго и славнаго льву пред проповедану, темже образом и сопротивника подобне льва пронарекоша писания, мучительное его и нужное являюще. по всему убо хощет уподобитися льстец Сыну Божию; Лев Христос, лев и антихрист. явися Христос агнец, явится и антихрист агнец, внутрь сыи волк. обрезан Спас в мире бысть, и той подобне обрезан будет. посла Христос апостолы во вся языки, и той послет подобне ложныя апостолы. совокупи расточенныя овцы Спас, и той подобне соберет расточенныя люди. даде Господь знамение иже в него верующим честныи крест, и той подобне даст свое знамение. во образе человечи явися Господь, и той подобне во образе человечи изыдет. от еврей Христос возсия и той от иудей родится. показа Спас свою плоть яко же церковь, и воскреси тридневно, и той воставит во Иеросалиме каменен храм. и сия убо лестная его кознования в прочих изъявлена быша, ведома будут имущим ум.

Тамже: лист: 128.

Но понеже последования повести понуди нас приити на дни царствия сопротивнаго, нужно есть рещи первие о рождении его и о возрасте, и тако к повести сей приведу слово. якоже убо преди рекохом, во всех изравнитися хощет Спасу нашему, сопротивник и сын погибельный, тако бо являет нам показание. ельма бо Спас миру спасти хотя род человечь, от святыя и приснодевы Марии родися, и образом плоти попра врага силою своего Божества; темже образом и сопротивник от скверныя жены изыдет на землю, родитжеся по приведению от девицы. Бог бо плотьски к нам прииде по плоти нашей, юже сам сотвори Адаму и всем иже от Адама, разве греха; сопротивник же аще и плоть приимет, но все в привидении. како бо юже взем плоть и ратовати ю имать, в ню облекся. непщую бо возлюблении яко мечтательну плоть своему существу восприимет сосуд. сего ради и от девы яко же бы рещи родится, яко дух, аще и плоть многим явится иже тогда. еже бо деве родити, едину Богородицу познахом, плотоносца не прелестна рождьшую Спаса. ельма Моисей глаголет, всяк мужескии пол разверзая ложесна, свято Господеви наречется; еда бо сий свят сын наречется; никако же, ни убо. но яко же враг не разверзает ложесна, сице ниже плоть истинно возмет, и обрежется. и яко же Христос апостолы избра, тако же и он совершен собор ученик приимет, подобны тогова злодейства суща. и сперва же иудейский язык возлюбит. посих же всех знамения сотворит, и чюдеса страшна, не по истинне же, но по привидению, яко прельстити подобныя себе нечестивыя, аще мощно и избранныя отставити от любве Христовы. в первых бо его родится кроток, тих, любезен, благоговеин, миротворив. ненавидя неправду, ненавидя мзды. идолослужения отвращаяся. писания любя. священник стыдяся. седины почитая, блуда не приемля. прелюбодейства гнушаяся, оболгания не внимая, клятвы отревая. страннолюбив, нищелюбив, милостив. таже и чюдеса сотворит, прокаженныя очистит, разслабленныя воздвигнет. бесы отгонит, о дальних яко о настоящих известит, мертвыя возставит. вдовицам поможет. нищих заступит. и всех возлюбит. сварящияся человеки пременит в любовь, и глаголя речет, да не зайдет солнце во гневе вашем. злата не стяжите, сребра не возлюбите. богатство омерзит. и сия сотворит, яко льстив сыи и лукав, и всех хотя прельстити, во еже сотворити его царя.

Книга Андрея Христа ради юродиваго, старописменная, лист, 138. о антихристе.

И тогда востанет сатана антихрист от племени Данова, не своею но человеком ся сотворит: ему Господь Бог, сосуд скареден и сквернен: да збудется о нем пророческое слово, и пущен будет от адова ужа, им же его Владыка Христос связа: тамо шед внидет в сосуд сотворенныи ему, изшед от ада: и возмужавшуся человечеству его, и царствующу ему, тогда начнет прелесть свою являти.

Ефрема Сирина, слово, 105.

Уведев же убо се нечестивый и прилукавый враг, яко хощет приити паки, с небесе Господь в славе Божества своего, помысли, како прияти образ пришествия его, и прельстити вся. Господь же наш на облацех светлых яко молния страшна, приидет на землю. а враг не тако приидет на землю на облаце светле, отступник бо есть. родит бо ся воистинну от жены скверны, сосуд ему. не сам же родится сатана, но во образ его приидет прескверныи яко тать, лжею говения хотя прельстити вся человеки. смирен же и молчалив являяся. яко и се рещи. ненавидяй неправду, и отвращаяся идол, почитая же благоверие. нищелюбец благ, благообразен, много зело строен, тих ко всем, чтити же имать зело язык жидовский, тии бо чают пришествия его, над всем же сим чюдеса сотворит, и знамения, и страхования со властию многою. угодити же всем подвизая лестию, яко да возлюблен будет вскоре многими. мыта же, сиречь дара не приимет, со гневом не речет, и не явится уныл, но всегда весел и тих присно. над всеми же сими, всяцем образом учения прельстит весь мир в смерть, дондеже царь будет. и прочая.

Апостол толковой, на 2-е послание к фесалоником, зачало, 275. лист, 891.

Да никтоже вас прельстит, ни по единому же образу, яко аще не прииде отступление прежде, и открыется человек беззаконию, сын погибели, противник, и превозносяйся паче всякаго глаголемаго бога или чтилища, якоже ему сести в церкви Божии, аки богу, показуя себе яко бог есть. Златоуст: О антихристе зде беседует и велия являет тайны. отступлением бо антихриста нарицает, яко многия хотяща отлучити от Христа, и погубити аще возможно будет и избранных: и человека беззакония онаго же нарицает: ибо бесчисленная злая сотворит, и прочих принудит да сотворят. Сыном же погибели того ради, яко и сам погибнет, и многих погубит. не сатана же сий будет, но человек некии и всякий образ сатанин получивыи. сий превознесется своею гордостию, не токмо на всякаго глаголемаго бога. но и на идолы не аки к идолослужению приведет человеки, но тому самому поклонятся, и повелевати себе за бога почитати.

Тоже: согласно сему глаголет и в Беседах апостольских, на листу 2334: сице:

Кто же есть сей; убо ли сатана; никакоже: но человек некии всякое егово приемляй действо. и открыется человек, рече, превозносяйся над всякаго глаголемаго бога или чтилища. Не бо во идолослужение въведет он, но богопротивен некто будет, и всех разорит богов, и повелит кланятися себе въместо бога. И сядет в храме Божием, ни иже во Иеросалиме, но и в церквах. показующу, рече себе бога. не рече, глаголюща, но покушающася показати: ибо дела велия соделает, и знамения покажет чудная.

Минея чет. макарьевская, месяца октября, лист: 1063: второй столбец.

Феодорово. Угаснет бо одержащая лесть и тогда явится беззаконник, се бо и Господь рече: проповесться евангелие во вся концы земли, в сведение им. и тогда приидет конец. Кто се есть; убо ли сатана; никакоже. но человек кто всего приимыи действо.

Севирианово. По подобию Спасову грядет сатана человек всесовершен. и открыется человек беззаконию. человеком беззакония самого того глаголет антихриста. не бо сатана есть антихрист. но человек поспешествуем от сатаны.

От толкования святаго Иеронима, на пророка Даниила, глава, 7.

И се аки очи человечи в розе том. сие речеся для того, что бы с некоторыми мы не почитали его дияволом, или демоном: но одним из людей, в котором весь сатана будет обитать телесно.

Апокалипсис, зачало, 19. лист, 33.

Да знаменает же ся сие, яко колено, яко из него раждаемому антихристу, с прочими не учинися: но вместо него левиино, яко священническое древле, в число неприходящее.

Тамже, зач.: 36. лист, 89.

Понем же (сиречь царстве) князь века сего наречен бысть действуяй в нем сатана.

Зач.: 54. лист, 82.

Сий зверь сатана есть: иже убиен бысть крестом Христовым, паки при кончине ожити глаголется, действуяй знаменьми и дивесами прелестными чрез антихриста отвержение и запрение креста. Ниже: отсюду бо антихрист сатану в себе носяй, на пагубу человеческую пребудет, идущии на погибель в будущем веце.

Иоанна Дамаскина, книга, 4. глава, 27.

Не сам убо диявол будет человек, по подобию Господня вочеловечения, не буди то: но человек от блудодеяния родится, и все действие сатанино приимет. ибо провидевыи Бог будущее воли его развращение, но попустит в него дияволу вселится.

3. От блудодеяния убо, яко же рех, родится, и воспитается потаенно, и внезапно востанет, и превознесется, и царствовати будет. еще же в начале царства, паче же мучительства своего, притворит себе святость: егда же возобладает, поженет церковь Божию, и всю злобу свою покажет. егда же приидет в знамениих и чудесех ложных, притворных, а не истинных: тогда гнилое и нетвердое основание разума имущих прельстит, и удалит от Бога жива, яко же соблазнитися. аще возможно, и избранным.

Из книги святаго Мефодия патриарха Константинопольскаго, от главы, 16. о антихристе.

Антихриста убо и предотечи его, произшествие от севера святии пророцы быти глаголют. а святыи Иоанн Богослов: видя два зверя. единаго исходяща из моря, другаго же от земли. обоих злобою на церковь Христову дышущих. первее убо приидет предотеча его, от нища и худа рода. и превознесется на власть духовную. исперва бо доброе житие покажет, писание возлюбит. [Апокал. глава: 13]. а потом суров и безчеловечен явится. изберет бо себе подобных к нечестию ложныя учители, истинную жертву и святых отец писание истребит, и в церковь Божию внесут злые погибельные ереси, и тыя убо крепце всем содержати повелят. А истинную самем Христом, и апостолы, и святыми отцы утверженную веру похулят. и воздвигнут велие гонение на християны, и размножат повсюду ложныя своя прелестницы, во еже творити волю его. воздвигнет же и в Иеросалиме каменную церковь. и въскоре в погибельное с шумом безславие снидет. И понем въскоре родится антихрист. тьмою будет повит, еже есть вне святыя церкви, и истинным крещением не имать быти просвещен. сего ради истинное солнце Христос Бог наш не возсияет нань, а возрасту его мир возрадуется. и провидит Бог в нем яко сосуд хощет быти сатане, попустит вселитися в него сильному дияволу. и абие на пагубу всей вселенней воцарится, и паче всех царей превознесется; и всем человеком не идолом кланятися повелит, но преди реченнаго предотечи своего. и своя различныя ереси всем исполняти утвердит: зане уже на готовое предотечи его преидет место, уловити хотя во свою прелесть останок в мире. непокаряющихжеся велению его лютыми муками умучит. и от дней пременения истинныя веры, возникнет вся злая. якоже Ипполит святыи пишет; тело Христово не имать явитися, богоугодная служба угаснет. и чтение святых отец писании не услышится. пастырие яко волцы будут. мнимии священницы ложное возлюбят, иноцы и черноризцы в погибельное житие совратятся. блуды и прелюбодейства, и пиянство татьбы и убийства, и просто рещи всякаго беззакония доконца во мнимых тогда християнех умножится. начальницы же будут творити волю его, немилостиви и горделиви: к рабом Божиим страшни, повелевающе всюду обрести скрывшияся от очию его. и не будет тогда в человецех тишины, но горе на горе, туги же и мятежи и молвы многия. Сице же и имущии растленное мира сего житие, и нехотящии тесным путем шествовати, не имут познати глубины антихристовы. зане злокозненна быти имать прелесть его. аще же и услышат что полезное ко спасению, то не имуть веры. якоже и во время потопа, и во дни Лотовы, ни коегоже зла не чающе. убо волею последуют прелестем его, и знаменани будут печатию его.

Минея четья макарьев., месяца февраля, из книги Зерцала дешезрительнаго, лист: 874. вторыи столбец.

Горек же прескверныи обрящет корень тогда. достоин сосуд своего лукавствия. еже мнится девица сущи, но скверна во всем. из нея же родится нечистыи он. подобится некако и той Христову вочеловечению. знамения же и чюдеса мнится сотворяти. не по истинне, но ложне и волхованием, егоже приимут беззаконнии, и Христа отвергнутся.

Там же: лист: 875.

Родитжеся воистинну. из нечистыя отроковицы. воплотитъжеся не сам, но мнением всяко. и приидет всескверныи, яко льстец и лож.

Зерцало душезрительное, слово: 4.

Душа. Да воистинну ли сатана сам хощет воплотитися. и существо его с плотию растворитися. душу имуща и ум. и словесныя силы, и человек существом будет рабыне.

Плоть. Ни госпоже моя ни, не непщуй се отнюд, ниже: отроковица девица мнимая. всесквернена яже родит всяко тогда человека от скверны блудныя. и в него сатана внидет абие. и все действо приимет злейшее. быв в иступлении изумлен от него. и с ним всяко лютая соделает, и сотворит.

Синоксарь в неделю мясопустную.

Преди же его (Христова втораго) пришествия, приидет сопротивник Христу, и родится якоже глаголет божественныи Ипполит Римскии, из жены скверны девицы, ниже: и походит негли еже по Христе проходя житие. и чюдеса сотворит елика убо и Христос содея. и мертвеца воскресит. обаче по приведению вся содеет. и рождение и плоть и прочая вся якоже глаголет апостол: тогда глаголя открыется сын пагубы, во всякой силе и знамениих и чюдесех лжи. обаче не сам диявол в плоть претворится, якоже из Дамаска глаголет. но человек из блуда родився, и все сатанино действо подъимет.

Апостол толков., зачало 107. лист: 410.

От Исаакова бо племени святии изыдоша. от Исаака же сведеся до Июды, от егоже племени по плоти родися Христос. от Измаила же сведеся до Дана, от него же по плоти приидет антихрист.

Книга о вере, глава, 30. лист: 270.

А той антихрист человек будет, беззакония сын, и родится якоже глаголет Ипполит Римскии, от девицы нечистыя жидовки сущия, от колена Данова.

Из книги преподобнаго Максима Грека, притча о рождении антихриста. [слово 177].

Некто родится на лице поля в нощи тьмою пеленами не повит, водою не омыт, и солнце на него не возсияет. возрасту же его мир радуется. Сказание. Притча сия явлена есть, что антихристово пришествие и бытие являет гадательне, той бо проклят сыи. на лицы поля родится в нощней тьме, рекше во время пространно. сие бо являет поле во тьме ночней рекше в последняя времена. егда преумножится тьма всякаго беззакония и безверия измаильтескаго, той же противник пеленами и еже есть святыми заповедьми евангельскими не повивается, еже есть не приимет наказания. ни водою сиречь банею паки бытия не очистится. и сего ради ни Солнце правды, еже есть свет присносущныи Христос не возсияет нань. о его же антихриста рожестве и явлении радуется мир. сиречь, ожидающии его жидове и измаильтяне, и татарове, и вси им подобнии безвернии люди, мир нарицаеми. за еже приумножитися тогда всяческому греху и беззаконию.

 

О сем, яко подобает первее быти отступлению во вселенней, и потом приити антихристу.

[Кирилова, знамен.:7] О том же апостол Павел явственно поведа, о знамениях антихриста глаголя: яко аще не приидет отступление прежде, и открыется человек беззакония, сын погибели и противник: ниже: сие Павел рече. а ныне уже есть видимо отступление. отступиша бо человецы от правыя веры. инии сыноотчее исповедуют, сиречь Сына испущателя Духу. а Духа от Отца и Сына исходяща. и тем Сына Отцем нарицают. и друзии Христа от небытия в бытие сотворена смеют рещи еретицы. ниже: И се есть уже отступление. и ожидаем врага, иже помалу пошлет пред собою предотечь своих, даже и сам на готовое пришед, останок уловит.

Апостол толковой, от предисловия 2-го послания к солуняном.

Не прежде бо быти ему (сиречь Христу) аще не отступление прежде приидет, и потом антихрист сын погибельныи, егоже пришествию в знамениих и чюдесех лживых по действу сатанину быти сказует.

Катихизис бол., глава, 23, лист: 102.

Знамение, 16. Станет мерзость запустения реченная Даниилом пророком, на месте святе. знамение, 17. Потом приидет антихрист. имать же царствовати три лета и месяц шесть.

Полинодия Захария Копестинскаго, в предисловии.

И так по тысящном от рожества Iсус Христа веку. той неприятель многих прельстил и прельщает, и шкодливое разорвание учинил. и ныне от истинной православной веры отводити не уставает. а чим далее тым барзей, особливей коли по тысящном року личбах шесть сотных лет докончивалася, а шестодесятая и шестая до выполнения своего съближается. тогда явно ся стало и во множаех отступление и прельщение. если бо вем коли тысяща лет доходило и выполнилося межи восходною церковию и заходным костелом разорвание се стало. ниже: Так же и нынешних часов апостольское оные слова выполняются. некоторые бо вем от рускаго роду, себе самых, и славу любячи, а зепсованныи и попаленныи от беззаконии и скверностей маючи свои сумнения, от святой апостольской кафолической восходной церкви и от святых четырех патриарх отступили: где выполняется, и то яве апостол мовит, иже въпред отступление будет. тож антихрист приидет.

Кирилова, глава, 3.

Скоро же и антихриста и скончание века сего содеватися имать. Первое приидет отступление, потом человек беззаконию сын погибели противник антихрист.

Максима Грека, глава, 9.

Но при дверех уже стоит, яко же божественная писания учат явственне глаголюща: на осмом веце быти хотящу всех устроению, сиречь, и греческия области престатию, и началу мучительства богоборца антихриста, и второму на землю Спаса Христа пришествию.

Книга О вере в предисловии, лист: 3.

Известно ведая яко время последнее, и антихристово царство распространяется, и сам скоро явится.

Апокалипсис печат., зач.: 37.

Исповедуему же и лжепророка во своем лицы приити не безместно непщуем, змия убо в сатану. зверя же из моря восходяща, во антихриста. настоящаго же зверя, по мнению блаженнаго Иринея во лжепророка истолкована быти. из земля убо восходящаго, яве из земнаго и низу плежущаго жительства. имущаго же рога подобна агнцу. за еже открывати во овчей кожи сокровеннаго волка убийственное. и за ображение, в началех, его благочестия, о нем же глаголет Ириней наречение сице. о заступнику сатанином, егоже и лжепророка нарицает, глаголаше, рече яко змий. сему же, рече, яко власть дана бысть знамении и чюдес, да творит пред антихристом, пред уготовляяй ему путь погибельныи. (На поле:) лжепророк путь антихристу уготовит. ниже: Яко от делателя сицевых чюдес свидетельствуема, и несумненную славу приемлюща, по подражанию крестителя приводящаго Спасителю верующия. любопрится бо лож, на прелести человеков, еже подражати истинне.

(на поле:) антихрист лжепророка употребит предтечю, якоже Христос Иоанна Крестителя.

Книга Победная повесть новопечатная, стран.: 383. о лжепророке.

Зверь от земли, или ложныи пророк, которыи будет приводить к поклонению зверю из бездны бедных, обманутых к тому чрез отпадение от веры человеков, и по великим своим талантам, блестящему разуму и льстивым поступкам везде находить будет великое одобрение и уважение, имея два рога агньчи: мнимую кротость и мудрость. что и сей зверь будет государь, или какой нибудь правитель, и притом из духовных, и сие вероятно потому, что он выступит на позорище мира, яко пророк. кто, и где сей помощник антихристов будет, время объяснить лучше: ныне же довольно для нас знать его приметы.

Там же: страница, 381.

Первое: Отступление от веры.

Второе, Явление человека беззакония, сына погибели, воплощеннаго сатаны.

Первыи признак мы уже ясно видим: а как явление человека беззакония непосредственно следует за оным и день Господень: то из сего очевидно, коль близски мы к сему страшному и славному дню. ниже: Теперь, любезные мои читатели, я долгом поставляю просить вас со вниманием прочесть и размыслить о нижеследующем, яко весма важном и нужном для нас. Не ищите еще человека беззакония, сына сатанина истиннаго антихриста, между ныне живущими светскими и духовными государями; ибо он еще не открылся. вы его удобно узнать можите, характер сего чудовища очень приметен и в священном писании ясно описан. первое описание его находится у Даниила от главы, 11. стих: 46. и до главы, 12. стих: 4. И из послания Павлова видети можно, ибо и сам Павел почерпнул оное из сего пророчества Даниилова, по которому человек беззакония должен быти великии царь, неограниченно самовластныи, ибо сотворит по воле своей: религию отцев своих оставит, и объявит себя противником ея; на Бога богов возглаголет тяжкая: следовательно отвергнет и опорочит християнскую религию, запретит християнское богослужение, и жестоко гнать будет истинных християн. для успеха же в том, присвоит себе и духовную власть: сядет в храме Божием, и старатся будет и силою и хитростию достигнуть владычества над всем человечеством. ниже: вообще он не будет ни в чем терпеть себе противоречия, и пойдет против Бога и человеков.

 

Дозде свидетельство о антихристе пастырей церковных.

 

Глава, 16.

Сказание, о таинственном изречении пророка Даниила, и святаго Иоанна Богослова, о триех летах с половиною. о воцарении последняго антихриста.

 

Яко сии лета, три года с половиною, не по сущему разуму число лет в себе заключают: якоже нецыи о сем не праве умствуют. но сокровеннаго и таинственнаго речения, сии лета означают, и не определеннаго времени.

Кирилла Иеросалимскаго знамение, 11. лист, 52, на обороте.

Будет же антихристова царства токмо полъчетверта лета, не пророчествую же, но от пророка Даниила глаголю; тако пишет дастся в руку его до времени и времене и пол времене; время есть год един возрастет пришествия его. а два времени другия лета злобы его. и тако суть три лета. а пол времени есть, шесть месяц. и прочая.

Како сие разумети;

Зри изъяснение от нижеследующаго доказательства святых писаний.

Апостол толковой зачало: 150. лист 550.

И уже начинают посланнии от антихриста сына беззакония он же не тако долго пребудет яко еретицы показуют на пастырех церковных, но токмо толико дней якоже выше от Даниила речеся. и сие же явственнейши время извести, сиречь три лета и шесть месяцей. понеже писание час лета тамо нарицает. Иоанн же святыи такожде четыредесять и два месяца полагает, но не у конец. яже сам приидет, и с ним исполнится мерзость вседневнаго запустения.

Кирилова знамение, 1.

Такоже и о Христове пришествии, и о кончине века сего разумеем по исполнении лет, и знамения иже нам Дух Святыи пророки, и сам Христос исповеда, повеле в то время блюстися, аще бы та времена последняя писания была назнаменана, паки бы дух противныи тщался сие место пременити, и тако человеки в большую свою волю и беззаконие привести. а яко же ведая дух антихристов, яко же множество времен предлежит не токмо лет десять или сто, но и полторы тысящи лет от создания мира жидов и антихристовых предотечь, от уставнаго жития всех православных научи утаити. и лета яже исполнятся антихристова пришествия утаити. жидове же того ради мессию ожидают, даже и глаголют, яко еще пришествия его и не пришли лета. такоже и еретицы, да быша человецы не познали, яко уже лета пришли, из них же антихристу последнему востати.

Апокалипсис печатной в предисловии, лист, 2.

Известное сих ведение божественной премудрости оставльше, ведуще и лета, по них же пророкованная будут. яже искати нам апостолы отречена быша.

Апокалипсис, трехтолков., глава 35, стих 151. инаго толков.

Понеже он всегда волю свою, и конец всякия вещи не изочтенным числом объемлет. якоже и здеся евангелист глаголет, о времени и времени и пол времени.

Апокалипсис печатной, зачало, 29.

И град святыи поперут четыредесять месяцей и два. В каталоге, таинственне. буква, М.

Тамже: лист, 47. и 48.

Четыредесять же и два месяцы. В каталоге, таинственно.

Тамже: лист: 59. строка 39.

Четыредесять же и два месяца, являют, яко по попущению Божию, полчетверта лета область имети будет и хулы на Бога, и озлобление святых. В каталоге, на букву М, таинственно.

Там же: зачало: 33. лист: 55. строк. 1.

На три же лета и пол, являемая днями тысяща двесте и шестьдесятми. в них же державствовати будет отступление. В каталоге, на букву Л. таинственно.

Там же: зачало: 54. лист, 83.

Благо же бы имело слово, да аще всемирнаго вавилона начальство даже до пришествия антихристова. един царствующии град поставим, последнее же антихристово мучительство, еже мало время державствовати имать, аще на первая единоначальства воззрим. занеже овая убо от них над пять сот лет начальствоваша, овая же над тысящу. инако же, и всякое число летное малое есть противу будущаго святых безконечнаго царства.

Зачало, 35. лист, 57.

Ему же державствовати реченное время, пол четверта лета на мнозе писано бысть.

Апокалипсис трех толков.: глава: 33. ст. 145. иного толкования.

Тысящю же двесте и шестьдесят дний объемлется все время от вознесения Христова на небеса.

Тоже согласно сему глаголет, и в книге феодоритовой, новопечатная, часть, 2. от толкования на видение пророка Даниила. по переводу 70-ти толковников, по тексту еврейскому и греческому. Глава, 7. стих: 25. лист, 119.

Далее когда глаголет (пророк) и дастся в руку его даже до времени и времен, и полувремени. чрез сие означает, ниже: время здесь полагается не за известныя месяцы или дни, ниже за три года с половиною, как некоторыя толкуют, но за некое неопределенное время, коего конец в тайном совете Божием сокрыт.

Там же: глава 12. ст.: 11. лист, 215.

От времени же пременения жертвы всегдашния, и дастся мерзость запустения на дни тысяща двести девятьдесять. ниже: От толкования. Сии дни составляют три лета и половину года. Но ангел без сомнения глаголет здесь иносказательно: якоже бо прежде положил время, времена, и пол времени, за продолжительное течение времени, и благополучное окончание онаго.

Там же от толкования 70-ти толковников, на видение пророка Даниила, глава: 12. ст.: 7. лист: 209. часть 2.

Сущее: И слышах от мужа оболченнаго в ризу льняну. яже бяше верху воды речныя, и воздвиже десницу свою и шуицу свою на небо, и клятся живущим во веки, яко во время и во времена их и в пол времени, егда скончается разсыпание руки людей освященных, и уведят сия вся.

Ниже: От толкования: Сии слова означают не три токмо года с половиною, как некоторые мнят. но время полагается въместо продолжительнаго времени течения, а времена, въместо продолжительнейшаго, пол же времени, въместо конца несовершеннаго истечения времени, как и выше протолковали мы во главе 7-й. под стихом, 25. и так сущность слов состоит в том, что многие еще протекут между тем годы, донележе Бог исполнит то, что пророку своему показал, и что верные не скоро еще достигнут конца желании своих, понеже время продолжится им, паче же и усугубится. что же касается до слова пол времене. то оное придастся для утешения благочестивых, дабы не унывали духом что Бог не скоро исполняет желания их, но ожидали бы терпеливо, доколе протечет время, и исполнятся времена. по сих присовокупляет: егда скончается разсыпание руки людей освященных, и уведят сия вся. то есть надлежит протещи времени, потом наступить временам. в пол же времени вся сия событие свое приимут, приимут же тогда, егда скончается разсыпание руки людей освященных. таким образом архангел паки напоминает, что церковь Божия, то есть верные благочестивые люди подвержены будут многим злоключениям: и потому весь сей стих содержит увещание к терпению, и притом долговременному.

 

Дозде свидетельство святых сказание о антихристе, и о трех летах с половиною.

 

Глава, 17.

О поражении пастырей, и о прекращении видимыя жертвы, еже есть тела и крови Христовой. во дни антихриста последняго. свидетельство от святых писании.

 

Яко во дни пришествия последняго антихриста, жертва истинная истребится, и пастырей благочестивых посреде верных, не обрящется.

От толкования блаженнаго Феодорита епископа Кирскаго, на пророка Захарию, книга: 6. глава: 13. ст.: 7. лист: 164 об.

Мечу востани на пастыря Моего, и на мужа гражданина Моего, глаголет Господь Вседержитель: порази пастыря, и расточатся овцы стада: наведу руку Мою на малыя. Толкование: И так сущность слов (сих) состоит в том, что Господь прежде нежели приведет, церковь свою в совершенныи порядок, нанесет между тем тяжчайшия удары, (то есть прежде всеобщаго воскресения, ибо тогда по всеобщем воскресении Господь церковь свою приведет в совершенныи порядок, так как церковь находилась в крайнем безпорядке по отъятии ея пастырей) ибо и пастырей ея поразит, и весь народ разсеет. обращение к мечу содержит в себе большую красоту, нежели как бы просто сказно было: мечь поразит пастырей и служителей Моих; и тако все стадо разсыплется. но пророк выразительнее глаголет: мечу востани, так как бы мечь спал, или был подобен человеку объятому глубоким сном. мечу глаголет, востани, проснися, на кого; на пастыря Моего и на мужа гражданина Моего.

Единственное число полагает въместо множественнаго: ибо разумеет весь пастырскии чин вообще. под именем же гражданина означает сотрудника или соучастника: которым именем Бог без сомнения украшает тех же пастырей: ибо посредством их управлял народ. якоже бо цари и судии, и все сущии во власти прилично нарицаются слугами Божиими: тако и пастыри именуются сообщниками Его, поелику содействуют Ему трудами своими в созидании церкви, Бог един есть верховныи пастырь; но употребляет и служителей к совершению дела своего, сия есть причина, чесо ради пастыри нарицаются общниками Божиими, или по слову Павлову споспешниками [1 коринф. глава: 3]; ибо по союзу с Богом съпоспешествуют и содействуют Ему. рекше убо, мечу востани, порази пастыря, вскоре присовокупляет: и расточатся овцы стада. зде наипаче заметить должно то, что самыи достоверныи знак падения и погибели народов есть сей, когда пастыри отъемлются от церкви (конечне) и Бог когда хощет сохранить нас, обыкновенно употребляет оружие сие, то есть посылает (от людей) верных (вместо) пастырей, которые бы могли учением своим управлять кормило церкви, а их управляет сам Духом своим (Святым) дабы бодрственно стояли на страже.

Засим следует: и наведу руку Мою на малыя. Здесь под именем малых разумеются люди смиренные и кроткие, а чрез наведение руки означается Божие покровительство и милость, ибо как благочестивые, слыша, что пастыри их поражены будут, и народ имеет быть подобен расточенному стаду, могли ослабеть духом, или еще и во отчаяние приити или впасть: сего ради пророк предваряет, свидетелствуя, что рука Божия будет покровительствовать их. Сия суть сущность места сего.

Того же, глава: 14. ст.: 7. лист: 176.

И будет день един, и не день, и не нощь. Толкован.: Сими словами означает что в день оныи, (то есть пред вторым Христовым пришествием) о котором глаголет пророк, не будет никакого постояннаго соразмерения времен, и люди находится будут в безпрестанном страхе, ибо когда воздух колебается различными ветрами, когда со одной стороны сгущаются облака, а с другой слышатся громы, и сияние солнца совсем исчезнет, когда глаголю таковое смятение зрится в воздухе, то люди обыкновенно объемлются страхом, не видя различия между днем и нощию. тако и пророк предвозвещая верным о будущих временах, приобучает их к терпению, дабы некая буря не устрашила и не поколебала сердец их. советует убо ожидать предреченных событий мужественно, показывая, что ко тме примешан будет некоторыи свет, и что они по крайней мере пользоватся будут вечерним слабым светом.

Тояже главы, ст.: 2. лист: 171.

Останок людей Моих не потребится от града. Толкование. Сими словами пророк означает, что таковое опустошение града хотя будет зело горестно, но те которые чисто сердечно чтут Бога, останутся при церкве, вне града, поелику долженствует составить хотя малое некое стадо, дабы тело церкви не осталось без членов; якоже выше говорил пророк [во главе: 13, ст. 6], таким образом Захария утешает верных, дабы терпеливо сносили наступающии бедствия, и ожидали исполнения Божиих обетовании, поелику Господь самым делом покажет, и благоволит уцелевшия останки, освятит своею благодатию.

Из книги Феодоритовой, толкование на видение пророка Даниила. Книга, 7. глава, 12. стих: 2. лист, 208. Часть, 2.

И мнози от спящих в земней персти востанут, сии в жизнь вечную, а онии во укоризну и в стыдение вечное. Толкование. Архангел переходит здесь от начала проповеди евангельския к последнему дни воскресения, и повидимому неблаговременно. чесо же ради умалчивает о времени посредствующем, о котором надлежало бы многое рещи; Но он прекрасно и весьма прилично сии два обстоятельства, то есть спасение церкви с будущим воскресением, или со вторым пришествием Христовым, соединяет вместе: Ибо куда бы мы ни обратили взоры наши, нигде не встретится с нами предмет спасения на земли в градех. архангел убо властно как бы так глаголет: по истинне Господь церковь свою доконца сохранит, но о способе сохранения не должно судить по чювствам плоти, понеже церковь подобна будет мертвому трупу до самаго дня воскресения. то есть труп церкви останется без членов ея, как объясняет о том пророк Захария. [Захар.: глава: 13. ст. 7].

И сие выражение не должно казаться нам странно: ибо противуполагается единому а не всем, или не архангел возвещает, что все избранные спасутся. но сии избранныи будучи бедственно угнетаеми от всюду, хотя бы все грады, и страны света обошли, везде без надежды будут, точию вне града, спасения надежда: о том бо глаголет и святыи Ефрем, и другие отцы церкви о сем согласуются.

Там же, стих: 3.

И смыслящии просветятся аки светлость тверди, и от праведных мнози аки звезды вовеки, и еще. Толкование. Архангел подтверждает зде тоже, что выше сказал о всеобщем воскресении, и притом показывает, какая слава соблюдается для нас на небеси. Нарицает же смыслящими во первых учителей, и без священной того хиротонии но одаренных разумом, и пекущихся о спасении душ человеческих, а потом и всех благочестивых людей приверженных к богопочитанию. вси бо сынове Божии не о себе токмо пещися обязаны, но и промышляти о спасении братии своей, елико им возможно. ибо Господь не с тем намерением предал нам спасительнаго учения залог, дабы мы скрывали его под спудом, но дабы кийждо тщился путь спасения показывать другим.

Кирилова, знамение: 6. лист: 55.

О том бо Хрисостом святыи глаголет [Златоуст, коринф. зач.: 150], яко антихрист прежде пришествия своего учинит, яже везде жертвенники, и истинную жертву истребит, и кумир свой на том месте поставит. уже бо сицевое мерзостное запустение послании от него лжепророцы начинают. и от того познаваем яко уже близ есть день Господьскии. егда бо запусте последняя жертва вседневная уставленная в церкви Соломони, якоже о том запустении в евангелии глаголано, такожде и Даниилом пророком реченное, паки сбысться и совершися и скончася власть июдейская, и церковь разорена. Такоже будет в запустении нынешняя святая жертва, иже не во храме Соломони, но яже по всему миру уставлена есть. Тогда же и век сей скончается, иже бысть в стени жертвы храма Соломоня, и то совершися и исполнися в самой истине по глаголех пророческих. Сие же такоже начинают посланницы антихристовы, сына беззаконнаго, но не у еще кончина, дондеже сам приидет, и с ним совершится и исполнится мерзость вседневнаго запустения. И не токмо везде и всюду, но и в начальной церкви апостольстей во Иерусалиме жертву истинную в запустение въведет, и свою злую мерзость на месте святем поставит, якоже пишет. егда узрите мерзость запустения стоящую на месте святем, тогда сущии во иудеи да бежат на горы.

Преподобнаго отца нашего Ефрема Сирина, слово, 105. а антихристе.

Тогда восплачются люте всяка душа, и воздохнут горько, егда вси увидят скорбь без утехи одержащую их нощь и день, и нигде же обрящут насытитися брашна, приставницы бо станут немилостиви, на всяком месте. и аще кто имать на себе печать мучителеву на челе и на деснице, купит мало брашна, от тех брашен от обретающихся тогда. Ниже: Восплачются тогда церкви Христовы вся, плачем великим, зане не будет службы святыя во олтарех, ни приношения.

Иосия пророк, от слова Ипполитова.

Во дни оны наведет Господь ветр жгущь от пустыни на ня, и изсушит жилы ея, и опустит источники ея. и вси тоя сосуди вожделеннии потребятся, яко сопротивишася Богови. во оружии падут и подручники ея безвести будут, и яже во чреве своем имущая разсядутся. кий бо ветр ин жгущь же от пустыни; но разве антихрист хотяй явитися, и изсохнут жилы водам, и плоды древеснии, в лета его яко вожделеша делом его человецы. тем же явится им, и работают ему в нечистоте его. Ниже: Восплачется тогда вся земля, восплачется солнце и луна. восплачются тогда и дивии животная с птицами. восплачются горы и холми и древа польская, человеческаго ради рода, яко вси уклонишася от Бога, и лестьцу вероваша, приемше начертание сквернаго богоборца, въместо животворящаго креста Спасова, восплачютжеся и церкви Божия плачем велиим, зане ни приношение ниже кадило совершается, ниже служба богоугодная, священныя бо церкви яко овощное хранилище будут, и честное тело и кровь Христова во днех онех не имать явитися.

Тоже согласно сему глаголет и святыи Мефодий патриарх Константинопольскии, в книзе своей во главе, 16. сице:

Якоже Ипполит святыи пишет, тело Христово не имать явитися; богоугодная служба угаснет. и чтение святых отец писании не услышится. пастырие яко волцы будут. мнимии священницы ложное возлюбят, иноцы и черноризцы в погибельное житие совратятся.

Псалтырь толковая писменная. слово пророка Аввакума.

Почию в день печали моея, да взыду в люди пришельствия моего. зане смокви плода не сотворят, и не будет рода в виноградех. солжет бо дело маслинно и поля не сотворят яди. оскудеша овцы от пищи, и не будет волов при яслех. Толкование. Овцы християне, пища же их, причастие святых таин. волы при яслех, попы у церкви. а в последния дни века сего, умалятся причастницы мерзских ради попов: понеже не будет волов при яслех, сиречь правых попов у олтаря: будет мерзость запустения на месте святе по словеси Христову, аминь.

 

Дозде свидетельство, о пастырех церковных, и о жертве.

 

Глава, 18.

О скрывшихся християнех, во время пришествия последняго антихриста, свидетельство от святых писании.

 

Якоже бо в Граматницех [бесед. апост. лист 2859], аще присно сложения слышит отрок, а не держит, присно будет нужда томужде отроку, таяжде оглашати: и не первее отступит учай, донележе оная навыкнути опасно возможет. ибо безумия есть многаго, преждним не вложенным бывшим добре, на иная приводити его: сице и воистинну в церкви, аще присно таяжде глаголющим нам ничтоже вящше навыцаете, никогдаже таяжде глаголати престанем: аще убо показание и любочестия было бы нам слово, подобаше присно прескакати и преходити, ничтоже пекущемся вас ради, но плескании сущих от вас желати токмо. ельма же не на се тщание положихом, но вся за пользу вашу нами труждаемая суть, не престанем о тех же вам беседующе, донележе та исправите.

Минея макарьев. в житии Максима Исповедника, генваря, 21. лист 521.

Молчати слово есть отметати е, глаголющу Духу Святому чрез пророка: не суть речи ни словеса, их же не слышатся гласи их. чесо ради, аще которое слово не глаголется: слово то несть весьма.

Апокалипсис печат., зачало: 18. лист: 30. о избежании верных от антихриста.

И всяка гора и остров от мест своих двигнушася. Толкован.: Господь наш, апостолом вопрошающим, о разорении церкви Иерусалимския и о кончине, якоже можаху вмещати, предрече будущая. яже и уже убо во обстоянии при Веспесиане и Тите христоубийцам иудеом случися, якоже повествует евреанин Иосипп. На концы же со множайшею зельностию на весь, якоже рещи, мир, в пришествии антихристове, приидут, якоже речеся. в нем же сиречь в пришествии преизящнии или церковнаго благочиния, или мирскаго могутства суще, горы образне именуемии, Церкви же верных, преносне острови нарицаемыи, и к Богу, по Исаии обновляемыи, из мест своих побегут: место из места, лжехриста ради, изменяюще.

Евангелие благовест. от Матф., зач.: 99.

Егда убо узрите мерзость запустения реченную Даниилом пророком стоящу на месте святе, прочитай да разумеет. тогда сущии во июдеи, да бежат на горы. и иже на крове, да не сходит взяти, яже в дому его. и иже на селе, да не возвратится вспять взяти риз своих. Толкован.: Лютых напастей не постоянное нашествие являет, глаголя, яко подобает бегати необратно, ни о чем же радяще сущих в храминах, ни о ризах, ни о иных сосудех, нецыи же мерзость запустения, антихриста глаголют, яко на запустение пришедша мира, и разорение церквам грядуща. разумеют же о сих и сице яко иже на храмине, сиречь на высоте добродетелей, да не снидет с высоты добродетели, взяти телесная. дом бо души тело. подобает же и от села бежати, сиречь от земных. село бо есть житие мира сего. от него же ни ризы, еже суть ветхая злая, от них же совлекохомся взяти. Евангелие. Горе же непраздным, и доящим в тыя дни. Толкование. Горе бо рече во чреве имущим тогда, яко не могущим бежати, бременем чрева отягчаеми. доящии же милующии чада, не могуще их носити и спастися с ними, не могуще оставити погибают купно с ними.

Евангелие от Марка, зачало: 60.

Егда же узрите мерзость запустения. реченную Даниилом пророком стоящу, идеже не подобает. чтыи да разумеет тогда сущии во иудеи, да бежат на горы. и иже на крове, да не слазит в дом, ни да снидет взяти чесо от дому своего. и иже на селе сыи, да не возвратится вспять, взяти ризу свою. горе же непраздным и доящим в ты дни. Толкован.: Темже сущии во иудеи, да бегают в горы. добре же рече иже во иудеи, но якоже рече убо преже рати изгнани быша во Иеросалиме, паче же изыдоша сами, божественным движими Духом, сущии обретшеся во иудеи да бегают, и на кровех, ни единому же возвратитися в дом. любимыи бо аще и наг телом кто спасется. но имущим чада, и сущим непраздным люте, что ради; зане овы убо имуще чада, еже к тем любовию одержими, не возмогут убежати. горе же во утробе имущим, чревныя ради тягости, удобнаго бегания не приимут.

Евангелие от Луки, зач.: 105.

Егда узрите обстоим Иеросалим вои, тогда разумейте, яко приближися запустение ему. тогда сущии во иудеи, да бегают в горы. и иже посреде его, да исходит, и иже в странах, да не входят вонь, яко дние отмщения си суть, яко исполнитися всему писанному. горе же имущим во утробе, и доящим в тыя дни. От толкован., ниже: Иже бо в иудеи да бегают рече в горы, и иже в странах, да не чают яко град твердыи сущь, сохранит я, но да идут от среды града, дние бо отмщения суть; яко да исполнится, еже в Данииле писано: паче же, горе во утробе имущим, не возмогут бо тягости ради утробныя: и доящим, еже к младенцем любве, не могущим оставити небрегомы ниже с ними бежати.

Гранограф большой, глава, 73. о Иеросалимском разорении.

Верующии же во Христа ожидающии грядущаго зла на град, по пророчеству Христову, изыдоша из града в гору Иорданову. Ниже: и посла Нерон царь. от Ахаия Иеуспасиана с сыном его Титом на Иеросалим воевати, в силе велице зело. во дни же праздника пасцы собрашася от всех стран июдеи во Иеросалим, во Христа же верующии откровением Божиим изыдоша вон, и осташася токмо нечестивии жидове.

Благовест., от Луки зач.: 87.

И в запустении Иеросалима сия быша, и хотят абие быти, в пришествии антихриста, паче же и к самому тому времени скорбем, и тогда хощем быти неизбежно.

Беседы на евангелие, зач. 76. на Матф.

Тогда бо рече сущии во иудеи да бежат на горы, тогда когда; егда сия будут, егда мерзость запустения станет на месте святем. темже мне видится воинства глаголати, бегайте убо тогда рече, ни единаго прочее надежда спасения вам, понеже бо случися множицею им возникнути в ратех лютых, яко же при Сенахириме, при Антиохе паки, ибо и тогда воинствам пришедшим, и храму предприяту бывшу собравшуся маккавее.

Кирилова, знамение, 6.

И не токмо везде и всюду, но и в начальной церкви апостольстей во Иеросалиме жертву истинную в запустение въведет, и свою злую мерзость на месте святем поставит, якоже пишет. егда узрите мерзость запустения стоящу на месте святем, тогда сущии во иудеи да бежат на горы.

Тамже знамен.: 11.

Лютый зверь змий, великии, человеков не победимых, готовыи пожрети. о нем же много бы хотел глаголати, от божественнаго писания, но ныне поспешения ради о том престану, ради того, яко ведая сопротивнаго величество, и смирение благоверных якоже рече Господь, егда пришед во Иеросалим, тогда сущии во иудеи, да бежат на горы. аще то слышится силен быти, дася борет с сатаною, якоже достоит. не ослабляю церковных жил, и о всем да глаголет, никтоже нас разлучит от любве Божия, и прочая. но страшливии да бегают, а инии да оставимся. будет бо тогда скорбь велия, якова же не бысть от начала мира, и потом не будет. но хвалю Бога, яко велию скорбь на малое время описует. глаголет бо, избранных ради прекратятся дние тии. Ниже: И паки на ином месте глаголет [Даниил глава: 12]: и закляся живым его вовеки, яко во время и во времена и пол времени беду имети нецыи имут, и прочая. дней тысяща двести девятьдесят. блажен терпяи и постигии во дни тысяща триста тридесять, пять. того же ради достоит таитися, и убегати. не имут бо скончатися грады израилевы, дондеже приидет Сын человеческии. От толкован.: Тогда сущии во иудеи да бежат на горы. и иже мук не могут терпети, отрадит им Христос тогда на время убежати, да не соблазнившеся или убоявшеся мук, вечно погибнут.

Апокалипсис, печат., зач.: 55. стих: 5. о небесном гласе бежание из града завещавающим.

Сущее. И слышах иныи глас с небесе глаголющии: изыдите из него людие мои, да не приобщитеся грехов его, и да не приимете от язв его, зане прилепишася греси его даже до небесе: и помяну Бог неправды его. Толкован.: Изыдите людие Мои, еже и Лотови иже в Содомех глаголано бысть, спасаяй спаси душу твою. и во Исаии [Исаия 52, Июстин., 217. 35]: изыдите из нея, и отлучитеся, и нечистоте не прикасайтеся. сие и зде глаголет: бегати бо требе есть пребывания и жития от огорчающих Бога.

Пророка Исаия, глава: 52.

Отступите, отступите, изыдите отсюду и нечистоте не прикасайтеся, изыдите от среды его, отлучитеся носящии сосуды Господни, ниже: пойдет бо пред вами Господь, и собираяй вы Господь Бог Израилев.

Псалом, 36.

Повинися Господеви и умоли и, не ревнуй спеющему путем своим.

Царств, 1. книги, глава 5.

Яко грех есть чарования. тако грех есть противление, и якоже грех есть идолопоклонение тако и не покорение, понеже уничижил еси глагол Господень.

Притчи Соломони, глава, 38[28?].

Уклоняяй ухо свое не послушати закона, и сам молитву свою омерзил есть.

Слово Ипполитово.

И вси тоя сосуди вожделеннии потребятся, яко сопротивишася Богови, во оружии падут, и подручники ея безвести будут.

Ефрем слово: 105.

И сего ради святии могут избежати, яко вся печали жития сего отвергоша.

Синоксарь в неделю мясопустную.

Благочествовати же извольшии, далече их отбегнут. их же в горах обрет, с бесы искусит.

Апокалипсис, глава: 12. зачало: 33. ст.: 6. о бежащей церкви.

И жена побеже в пустыню, идеже имать тамо место уготованное от Бога, да тамо питают ю днии тысящу двесте шестьдесят. Толкован. И жена побеже в пустыню: Егда глаголет действуяй во антихристе диявол, имже на церковь ополчится, избраннии сея и верховнейшии, поплевавше гражданския плища, и смятения, и мирския сласти, в пустыню всякия злобы, в плодоносное же всякия добродетели жительство, побегнут, по великому Мефодию, и тамо борющих бесов же и лукавых человек прилогов избежат. Достоверно же, яко и чувственная пустыня спасает в горы, и вертепы, и в пропасти земныя, навета ради отступнича и лжехриста бегающыя, якоже и прежде мученики. На три же лета и пол, являемая днями тысяща двесте и шестьдесятми, в них же державствовати будет отступление.

Там же: зачало: 35. лист: 57.

Емуже державствовати реченное время, полчетверта лета на мнозе писано бысть. в немже сиречь, времени и по чувственней пустыни в горах, и пропастех, и вертепах крыющиися, мощно, яко сего убежат.

Тамже:

Сущее. И изверже уж из уст своих за женою воду яко реку: да сию сотворит рекою похищеную. И поможе земля жене, и отверзе земля уста своя, и поглоти реку, юже изверже змий из уст своих. Толков.: И изверже уж из уст своих за женою воду яко реку. бежащей глаголет церкви в места непроходимая и безводная от находа прелестнича. из уст своих, яве от повеления своего, за нею мещет воду аки реку [церковь бежащая]: сиречь, безбожных мужей, или лукавых бесов, или различных искушении множество на ню изыдет, яко да поработит ю. земля глаголет поможе ей: или долготою путя и безводием и сухотою стремление лукавых удержующи, и реку яже от искушении сего ради поглощающи.

Апокалипсис писмен.: глава: 33. ст. 146. в толк.

Или в пустыню горскую бежати и скрытися от лица антихристова полчетверта лета, якоже первии мученицы деяху.

Апокалипсис печат., зачало: 52.

Сущее: И всякий остров побеже, и горы не обретошася. Толков.: Островы же, святыя церквы: и горы, в них преимущия разумевати от божественнаго писания научаемся. Бегати же сим во время наведения предреченных, от Господа слышахом, глаголющаго [церквы бежат]: тогда иже от восток побегнут на запады, и иже от запад, на востоки. будет бо скорбь велия, якова же не бысть от сложения мира, ниже будет [Мф. 24, Лк. 21]: овым убо за грехи мучимым, овым же, ко искушению добродетели, претерпевающим тяжестная и лютая, не точию в муках антихристовых за Христа, но и в бегствах, и в горах, и в пещерах, и в злостраданиях. яже предпочтут, от пребывания во граде, за соблюдения благочестия [в горах скрыются святии].

Из книги старописменныя, толкование Ипполита Антиохийскаго, на пророка Даниила, глава, 11.

Тогда бысть скорбь и туга великая, какая же не бысть от сложения мира. бегающим бо тогда не покаряющимся мучителю, от востока на запад, и от запада к востоку. иным же крыющимся, по горам и пещерам, и пустынным местам. всюду мучителю гоняющю их своим повелением и погубляющю. не могущим бо продавати что своего кому ни куповати, аще не имать кто знамения зверина на руце десней, или на челе своем. но вси таковыи изгоними будут от домов своих, и в темницах затворяеми, и всякою мукою мучими. да есть же ведомо, яко тацей бури не во единем месте, но во всем мире быти хотящей. и всюду человеком убиваемым, по всякому граду и стране, и праведных крови лиющейся, и живым человеком сожигаемым. и другим зверем на снедь пометаемым. мятеж в пустынях, мятеж во островех и в море.

Ефрема Сирина: слово: 105.

1, мера. Будут бо мнози обретаеми тогда угодни Богу, и могуще спастися. в горах бо и холмех, и в пустых местех, и многих молитвах и плачех безчисленных: Святыи же Бог видя их тако в печали безчисленней, и в вере святей, помилует их яко Отец чадолюбив сердцем, идеже будут скрылися.

Тойже.

Елико тогда обрящутся въкупе святии, абие услышавше пришествие сквернаго. и пролиют реки слез, со воздыханием к Богу Святому, избавитеся от змия. и побегнут со тщанием великим в пустыни, и скрыются в горах и в вертепех со страхом, и посыплются землею и пепелом, со слезами молящеся день и нощь со многим смирением, и дастся им помощь от Бога, и наставит их в места нарочита, и спасутся крыющеся в пропастех и вертепех, ненавидяще антихристова знамения и страха.

Соборник больш.: слово Ипполита в неделю мясоп.

Слышащии же божественная писания, и в руках тая имущии. и в мысли всегда поучающиися, мнози прелести его убегнут. разумеют бо навета его ловление, и льсти его гордыню, и избегнут от руки его, и в горах и в вертепах скрыются, и слезами и сокрушением сердца молятся человеколюбивому Богу, и Той исторгнет их мреж его, и спасет их от соблазн его лютых, и невидимо покрыет рукою своею, иже достойне и праведне тому припадающих.

Тойже.

И ниже тогда благоутробныи и человеколюбивыи Бог оставит род человечь неутешим но скратит дни оны. и время трием и пол лета сотворит скращено, останка ради иже в горах и в вертепех сокровенных, да не всех онех святых полк оскудеет, но со тщанием дни тии мимо текут.

Ефрема Сирина, слово: 105. в конце.

И вси иже не приемшии печати антихристовы, и скрышиися в вертепех и в пропастех радуются с женихом, радостию неизреченною, со всеми святыми, во вся веки, аминь.

Книга Андрея Христа ради юродиваго, глава, 87.

Тогда аще от святых кто едва ся будет утаил в пустынях от антихриста. и вся тыя Господь Духом силы своея соберет во святыи свой град Сион, да тии суть написани в живот вечныи.

Книга Нифонта преподобнаго глава. 80.

Отвеща блаженныи (Нифонт ученику) чадо до скончания века не оскудеют святии, но обаче в последняя лета скрыются от человек и богоугодне подвигнутся во смиренномудрии велице, и выше первых чюдоносных отец явятся в царствии небесном. Ниже: тии от них небрегомы и безвестни будут.

Патерик египетскии, слово, Кирила философа, о последних днех.

Тогда хотящии благочестно жити, избегнут из миру в дальныя пустыни и горы и пропасти, и скрыются в вертепех. понеже тогда путь правды скрыется от человек, а неправда всюду возрастет. разбои же и воровство и хищение, силу возмет. учители и блазнители потаковницы будут. ниже: и тогда умножится треплетенная прелесть. славолюбие, и сребролюбие, и миролюбие, и мали нецыи тоя прелести свободни будут. понеже человецы християне суще живущии в мире или близ мира, вси уловлени будут прелестию века сего.

Благовест. Луки, зачало: 106.

А понеже не довлеет веледушным еже избежати злых, но подобает и благо нечто приложити, и стати пред Сыном человеческим и Богом нашим.

Там же, зачало: 87.

В той день иже будет на крове, и сосуди его в дому, да не слазит взяти их. и иже на селе, такожде да не возвратится вспять. поминайте жену Лотову, и иже аще взыщет душу свою спасти, погубит ю. и иже аще погубит ю. живит ю. Толкован.: В той же день антихристова пришествия, сый на крове еже есть на высоте добродетелей, да не слазит, ниже ослабеет, коего ради извета житейскаго: все бо житейское сосуди глаголются быти человеком, ино убо к добродетели, ино же к злобе слагаемо: тем ни иже на высоте добродетелей стояй, слазит житеских деля, и отпадет своея высоты. но да стоит противу злобе, и да не умолчит. и иже на селе такожде да не возвратится вспять, но напредь простирается, якоже и инде рече: никтоже возлож руки своея на рало, и обращься вспять, управлен есть в царство небесное, наносит же указ жену Лотову, иже возвращься в столп слан съседеся; сеже есть не отшедши злобе, но пребы в тоя сланости, доконца зла бывши. таже приводит последование, вышереченным: иже взыщет душу свою спасти, погубит ю. да не тщится рече кто, во антихристово гонение, снабдети душу свою, погубит ю. иже аще отдаст сам ся закланию, испроста бедам, спасется не покорився мучителю животолюбия ради.

Благовест. от Марка, зачало: 62.

От смоковницы же разумей еже глаголю, якоже бо и смокви листвие уже имущи, абие жатва; сице и по скорби антихристове, абие ни единому посреде приимающу Христово пришествие, еже жатва воистинну есть праведным от зимы, грешным же зима от жатвы.

Иосиф Флавия, книга, 12. история, 86. о бежащей церкви.

Тако будет и пред вторым Его пришествием на землю со славою многою, воздати комуждо по делом. ниже: будут праведнии, святии и спасаемии. оставльшим же отца и матерь, или жену и чада. и вкупе с церковию же побегнут от прелестей мира сего. а коль паче во времена скорбей царства антихристова. сиречь тогда обладан будет сластми весь мир, и всюду отступлениями правил веры. и познаем от сего пришедшу антихристу сласти умножатся, и небрежение о спасении всюду будет. ниже: и в тыя времена оставльшим жены и чада, отца и матерь: и всельшихся в местех пустыни, идеже недостижет их прелесть. ниже: и тако от сих воинствовать пребудет церковь верных, в местех не посещаемых люду сластьми обложенному. и наполнятся от падшаго чина венцы, от сих якоже глаголах, спасаемых, святых же и праведных. и по сих приидет Господь в славе ангел своих. и упражненней бывшей сласте, еюже обладан бысть мир.

Книга новопечат. Победная повесть, стран., 416. о бежащей церкви.

Во время сей великой скорби все возбужденные души, какими бы именами оне не назывались. оставят все споры о побочных вещах, и прилепятся к единому Христу. ниже: из за многих верст будут бегать, чтобы только услышать слово Божие, и насытится от крупиц хлеба животнаго. в месте с малым стадом презираемых до ныне братиев християн. ниже: и будут искать токмо истиннаго камня мудрых, который обретается слезами покаяния, и пременением ума от суеты. прошу заметить, что токмо истинные християне из сих сект, а не самыя секты принадлежат к сей церкви. ниже: устные лжеименные християне аще хотят найдут себе место в следующей лаодикийской церкви. жена раждающая. к которой приведутся ныне и иные овцы, яже не суть от двора сего. изо всех сект составленная и от всякаго сена, соломы и хвороста очищенная церковь, едино стадо единаго пастыря получив два крыла, и на оных улетит во указанное ей место убежища.

Там же, страница: 385.

Въпрочем мне кажется верным, что будет также и место убежища, куда милосердыи Отец укроет малое стадо верных своих от страшной сей грозы: токмо аз прошу не искать сего убежища прежде, пока Господь не укажет онаго, и не бежать своего места, пока есть возможность оставатся. ибо многие останутся и претерпят многое, за что будут несказанно щедро награждены.

Филарета патриарха, книга, 2. часть: 3. глава, 18. лист, 112. послание, 2. к крымским пустынножителям.

И в та времена, от спасаемых един поемлется, а другии оставляется, и о мелющих на селе: якоже писася евангелистом Лукою, о самом пришествии втором Господа, воздати комуждо по делом. и в той час страшныи, предварив оставя муж жену, и жена мужа своего: овии же на пути не взирая вспять якоже жена Лотова. и от сих от обою един поемлется, а другии оставляется на селе. село же есть добрыя жатвы гумно. Сице и от мелющих един поемлется, а другии оставляется. Мелющии, добрую, и худую жатву, сказует тогда быти. от мелющих же добрую жатву, той поемлется, а худую мелющии, той оставляется. мелющии бо добронравие в местех безмятежных, той поемлется. а в молве мира мелющии суетнии, связавыися житейскими вещьми: сиречь в пустыни мира, той оставляется.

Из книги блаженнаго Феодорита, толкование на пророка Даниила, глава, 12. [часть: 2. лист: 208 об. ст.: 2].

Ибо куда бы мы не обратили взоры наши, нигде не встретится с нами предмет спасения на земли в градех. ниже: и сие выражение не должно казатся нам странно ибо противу полагается единому а не всем, или не архангел возвещает, что все избранные спасутся. но сии избранные будучи бедственно угнетаеми от всюду. хотя бы все грады, и страны света обошли, везде без надежды будут, точию вне града, спасения надежда: о том бо глаголет и святыи Ефрем. и другие отцы церкви о сем согласуются. следовательно не прежде могут обрести обещанной спасения надежы, как когда обратят мысли свои на второе пришествие Христово.

Катихисис больш., лист: 22. об. о вере.

Вопрос: Чесо ради людие в последняя лета от веры отступят, и абие к ереси приступати имут; Ответ: Трех ради вин. первая убо сия есть, еже Даниил пророк рече, мерзость запустения станет на месте святе. сиречь, еже обладает нечестивая ересь церкви святыя. сия убо мерзость толкуется по писанию Иоанна Златоустаго, воинство антихристово разоряюще церковь Божию. тогда людие не имуще где скрытися от таковых скорбей и великих мучении, их ради гонения приступати имут к ересем. Вторая вина сия есть. ея же ради отступят от православныя християнския веры. понеже возлюбят мира сего славу и красоту, и всякое наслаждение его. и боящеся лишени быти тленнаго своего богатства, еже приобретоша, и желающе себе большее избыточества получити, телеснаго ради питания, и прочих миролюбных вин, бегающе нищеты и теснения; Третия есть сия вина. ея же ради от веры отступят, и приступят хотением к ереси. яже имать в себе жидовство и всякое нечестие в ней обрящется. понеже не суть утвержени в вере, и во всяком благочестии християнскаго закона. ты же пребывай в страсе Божии, и в заповедех Господних, храни себе, да не въпадеши в мерзость запустения.

Победная повесть, стран., 384.

Здесь должен я еще представить читателем моим к замечанию: что все тайныя и явныя меры к сопротивлению сему чудовищу будут тщетны, и более зделают вреда, нежели пользы. судьбы Божия должны совершится: сатана и служители его должны совершится исполнить меру своего беззакония. избранные Господни должны испытаны быть очистительным огнем страдании искушений, дабы созреть к новому званию, к коему они назначаются в царствии Господнем. Господь сам поразит сего последняго врага мечем уст своих, и с помощником его лживым пророком, въвержет его в езеро огненное.

От послания Феодора диякона, к некоему по духу брату тезоименитому Иоанну присно чаду. О последних временах, и о Христовой церкви.

Посем и инии богословцы глаголют мнози, яко в последняя времена Христовой веры не будет на земли, кроме в малых токмо останется, крыющихся в пустынях и горах. и сего ради Христос Сын Божии в последняя дни назад не оглядываяся бегати повеле от прелести мира сего, поминая жену Лотову.

 

Дозде свидетельство святых, о бегстве християн, от прелести мира сего.

 

Заключение к читателю.

Довлеют ли ны убо сия, или приведу на среду и вся пророкови таже глаголющих; но довлеют сия хотящим послушати. иже бо глаголемым не внемляи, ни множайшим имать веровати. [Маргарит. слово о лжеучител.].

 

Глава, 19.

О священстве, так называемом австрийском.

И о первобытном принятии во оное митрополита Амвросия: от котораго произошел разсадник священства, имеющагося ныне, в России, и за границами. [то есть совершившееся в 1845 год].

 

Нужно оное разложить, си есть поставить на точку зрения, чин принятия митрополита Амвросия. о котором не должно ошибатся и предполагать, что от ереси приходящия епископы, священники, и дияконы, по помазании миром оставались в своих чинах. Но несть сие тако; ибо они по помазании делались простецами, и подвергались достойные второму от православных епископов рукоположению. как увидим о том из нижеследующаго доказательства святых писании.

Кормчая, прав. святых апостол, 68.

Дващи поставленныи, и с поставльшим его да извержется, аще не будет токмо еретическая рука первее. Толкован.: Аще которыи епископ, или презвитер, или диякон второе поставление приимет от кого, перваго возненавидев, да извержется сам, и поставивыи его, аще токмо не прилучится, яко от еретик поставлен бе первее. ибо от тех крещении, не крещении. и поставленнии не причетницы.

Тамже, правило, 7. 3 вселен. собора.

Иже к никейстей вере: иную прилагает, епископ убо чюждь епископии, мирскии же человек отвержен. Толкован.: Иже паче веры, яже святии отцы никейстии сшедшеся изложиша, еже есть верую во единаго Бога. к сему аще ино сложение зловерно приложит кто, на развращение и погибель, иже от еллин, или от жидов, или от иныя ереси обращающихся в разум истинныи; аще епископ, или причетник от епископии да будет изгнан и от сана извержен.

Матфея прав.: состав, Х. глава, 3. на апостольское правило, 68.

Шестьдесят осмое святых апостол правило, иже второе от коего хиротонию приемшаго, епископа или причетника, изметати повелеваем, и того хиротонисавшаго, аще сведяще с ним: разве аще от еретик хиротонию приял бе первее, отметаем бо таковых, якоже крещение сице и хиротонию. небо освящение се но скверну веруем исходатайствовати.

Тамже: состав, А. глава, 2.

Но и четвертое правило 2-го собора, Максима некоего отметает, ниже епископу тому быти, или будущу тому отрицает. за еже не в закон правильнаго устава поставлену быти. ниже еже от него поставленном клириком быти.

Кормчая, 2-го вселен. собора прав. 4.

Максим глаголемыи киник, от епископов чюждь, и всяко не священ, и иже от него в причет приятен бысть. Толкован.: Сей Максим киник, сказуется безстудныи. церковь Божию раздра, и многа мятежа и молвы сию исполни. волк въместо пастыря явлься, и вся грехи прощати готов согрешающим единаго ради еже нечествовати в повелениях, рекше преступати заповеди. якоже глаголет великии богословец Григорий, чюждь убо сий Максим от епископства да будет, и вси от него поставленнии презвитеры, и диякони, и прочии причетницы чюжди священия.

Поместнаго собора в Сардикии, прав. 20. глава, 14. лист, 114 об.

Неприятен причетник, не пребываяй в своей церкви, в нюже вочтен бысть. Евтихиан же и Моисей епископскаго имене не приимет, общения же с мирскими человеки равно сподобитася. Толкован.: Многими правилы се речено есть, и просто рещи всеми соборы, яко не приимати чюждаго причетника, и в свою церковь степень въводити того. тому убо учит и се правило. Евтихиана же и Моисея епископа раскольника бывша и извержена, аще покаютася, и епископскаго взыщета сана или имене, в том да не послушана будут. аще же хощут приобщитися яко мирстии человецы, да будут прията.

Минея чет. генваря, 21. Максима Исповедника, в житии его.

Убо иже сами от себе прокляти суть, и от поместнаго собора бывшаго в Риме извержени, и священства отчюждени: тии кая совершают таинства, и которыи дух приходит на тех иже от таковых хиротонисаются.

Там же, генваря, 26. в житии Григория Богослова.

Посылаше въписав к Лидонию презвитеру, мужу благочестиву и угоднику присному Божию, и другим неким. яко не приимати пагубы еретическия и поставления. и отметати Аполинария, яко странны соборныя церкви.

Дионисия Ареопагита, часть, 3.

Разумевше же яко безчинне и кроме уставов священных во святая въскочи, ниже: от тех ниже вид, ниже слышати, ниже имети веруется. аще и руками тех касается, аще и подобная творят, вне своего чина и достояния.

Феофила архиепископа Александрийскаго, правило, 12. глава: 32. лист: 262 [Кормч.].

Иже от ереси глаголемых чистых обратившихся восхотят преступити к соборней церкви, да поставляеши от них дияконы, и презвитеры, и епископы, по повелению никейскаго собора, аще житие их право будет, и не имыи ничтоже противна.

Кормчая, глава: 37. лист: 293 об. От послания Константина града собора к Мартирию епископу Антиохийскому, о том како приимати еретики, приходящия к соборней церкви.

Ариане, македониане, и наватиане, глаголюще себе чистыя и чистейшия, и четыредесятники, рекше средники, и аполинарианы, приемлюще, написающих свою ересь, и проклинающе ю, и ину всяку ересь немудрствующую, якоже и соборная церковь, помазуем их первое святым миром, чело, ноздри, уши, перси, и вся чювства помазующе им, глаголем: печать дара Святаго Духа. и потом потщаливии мирстии человецы поставляются в сан, в немже беша, или презвитеры, или диякони, или ино что.

Севаста Константина Арменопула, писменая, книга: 4. титла, 45. лист: 164.

Некая разглаголаша ми боголюбезнейшии презвитер Антонии о прилагающихся к православию части спасаемых. от еретик како приемлем, сия. и по лицу убо ему разглаголах, все зде последование и обычаи. нашей же святыни нужное непщевах вознаменити отцу отцов, отродну святаго Иоанна Богослова. бывшаго епископа нашего. яко арианы, и македонианы, и наватианы глаголющия себе чистыя и чистейшия, и тессарескадекатиты. или тетрадиты, и аполинаристы. приемлем дающия книжницы, и анафематствующия всю ересь, немудрствующую яко мудрствует святая наша кафолическая церковь, ея же предстатель и глава еси блаженнейше. печатствуемыя, или помазуемыя, первее: святым миром. чело и ноздри и ушеса и перси, и вся чувства, и печатствующе я глаголем, печать дара Духа Святаго. И по сих, яко тщаливии людины хиротонисуются оное еже у самих быша первее. аще же презвитеры, аще дияконы, аще же иподиакони. аще же и псалмочетцы.

Преподобнаго отца нашего Никона Черныя горы игумена, слово, 63. лист 561 об. Василия Великаго.

Чистии и тии от раздорных суть, обаче но изволися древним, иже о Киприяне глаголя, и Фирмилияне нашем, единем судом облагати, чистыя и воздержники и воде предстатели, занеже убо начало разделению раздором бысть. а иже от церкви отступльшии. не ктому имеша благодать Святаго Духа в себе. оскуде бо внегда пресещатися последованию. Первии убо отступльшии от отец имеша рукоположение, и возложением руку их имеша дарование духовное. отделившии же ся простии людие бывше, ниже крещати, ни руку возлагати имеша область, к тому не могуще благодать Святаго Духа инем подати, от неяже и тии отпадоша. Тем яко от простых людей иже от них крещаемым повелеша приходящим в церкви, истинным крещением церковным очищатися. елма же изволися некиим всяко иже во Асии смотрения ради многих принятием крещения да будет приятно, воздержных же злодеяние разумети нам достоит. яко да неприятны бо тех сотворят церкви, начаша прочее своим предваряти крещением, тем же и обычай свой развратиша. мню убо понеже несть от них яве сказано нам лепо быти, отметати тех крещение, аще и кто есть от них прием. приходяща же паки к церкви крещати, аще убо хощет отнюд смотрению забвение быти се, паки обычаем прииму, и устроившим яже о нас отцем последуя. Боюжеся да не како яко хотяще тех ленивейши о еже крещати сотворити, возбраним спасающимся ради истязания лютости, аще ли они хранят наше крещение, се нас да умолит. не бо воздати тем благодать повинны есмы. но работати опаству правилному. Всяцем же словом да вообразится, иже от крещения онех приходящим помазуемым быти яве, яко с верными, и тако приступати к тайнам. вем же яко братию, иже о Изеи и Сатрнине от онаго сущих чина, прияхом в седалище епископское, яко иже чину онех совокупных не ктому можем разсуждати от церкви. рекше правило некое еже к тем приобщения изложивше епископскаго ради приятия.

 

Тоже находится и в книге Василия Великаго печ. 7295 году. в С.-Петербурге, в лист. ц. б. книга 3. Послание, 185. к Амфилохию, лист: 210 об. и подобное сему, послание, 237. к никопольским презвитерам, лист, 287. и в книге Матфея правильника, состав, А. глава, 2.

 

Минея четь: генваря, 11. от жития Феодосия Великаго.

Не приемлем бо новых догмат, но предваршим отец законом последствуем. а иже кроме сих иная защищати прияша, тех благочестивне отметаем, и проклятию предаем. и хиротонисуемаго от безглавных ни единаго понужде приимем не буди нам то Христе царю.

Пролог марта, во 8, день. в житии святаго Феофилакта.

По божественному же жребию, Тарасии взыде на престол Константина града, и божественныи архиерей показася, Павлу же Кипрскому изшедшу с престола, занеже от иконоборцев архиерейство приемшу, и недостойна себе нарекшу.

Севаста Константина Арменопола, старописменная: книга, 5. Иоанна епископа Кипрскаго ответы к Константину архиепископу Диррахийскому Кавасилу.

Вопрос. Обычай есть зде, в внешнюю страну хиротонисатися безквасником иереем, от наших архиерей приятно ли есть сие, или ни; Ответ: неписанныи обычай церковный, яко закон держати, мира светильник великии уставляет Василии; егда убо сицевых хиротонии не признавает закон церковный, сего ради ниже мы можем в сем обычаи узнательствити яко тверд держати. Аще бо и долгии негли есть, но не вемы известно, аще и на синодальном судищи восплескан утвердися. Он бо долгии обычай, тверд закони быти повелевают, искушенныи на судищи и укрепленный. не сицевыи же всеручно отметают. истязатися убо потребно, аще и реченныи обычай хиротонии иерей синодально, обучися и укрепися когда. Аще убо и бысть сие, да державствует и в прочее. аще же ни, нужда священному великому синоду о сем вознестися, якоже извольшееся оному быти. Синодально бо смотримая, и раззнаваемая, на едине знательствуемых лучшая суть, и прикрепшая.

Того же севаста, книга, 5. лист: 219. Вопросы правилныя святейшаго патриарха Александрийскаго господина Марка. и ответы на тыя святейшаго патриарха Антиохийскаго господина Феодора Валсамона.

Вопрос, 30. Аще еретик, иерей, или диякон, сподобится божественнаго и святаго крещения, или святым миром освятится, будет ли священнодействуя с первшею хиротониею его, или другия сподобится хиротонии, аще восхощет священнодействовати; Ответ. Святых апостол 80, правило, из языческаго жития пришедшия, к православней вере, и крестившиеся, епископскаго достоинства сподоблятися предопределяет. убо первшему иерейству, скверне непщуемому, и яко не бывшу вменяему, аще с правильным опаством возсуждаемый тако православив, и сыи некогда скверныи иерей, в последнем своем житии неосужден возъявится, сподобится не точию иерейскаго достоинства, но и епископскаго, чрез обычныя всяко степени на учительскую высоту возводимыи.

Матфея Властаря Иерусалимскаго (правильника) старописменная. состав, А. глава, 2. о наватианах.

Осмое же перваго собора правило, ихже варивше рехом чистыя, рекше наватиане, соборнеи приступающих церкви, писанием повелевает исповедовати, яко крепце предания вся соблюдати сия. и иже Христа отвергшихся, обращающихся прияти имут и не уставленных временех, покаяния испадшим и онех устроят, двоеженцам же приобщатися: и аще сим сложатся, своя паки церковныя восприимати степень, их же первее оставиша: презвитери убо суще или диякони, аще ли же и епископи. и сих во своя епископия возвращати, аще убо сия еже посреде временем не прияша друзии.

Григорий Симвлах митрополит Киевскии. подлежащии началу первыя половины, 15, века. Симвлах, книга, 3. глава: 9. беседа, 43. на 5-ю тайну о священстве.

Правило, 8. перваго вселенскаго собора. 7, втораго вселенскаго собора. 95, шестаго вселенскаго собора. предписывают присоединять к православней церкви, не посредством святаго крещения: а святаго миропомазания. очень важных еретиков, каковы ариане, отвергающии божество Iсуса Христа Сына Божия. и македонианы, отвергавшие божество Святаго Духа. принимая с писменным от них обязательством удалятся от всех ересей, и во всем последовать учению и правилом православной церкви. в толковании же выше реченных правил, диякон Божия великия церкви, Алексей Арестин. объяснив кратко. от сего пространнее церковь подает чин присоединения имеющим хиротонию. аще нецыи от них суть епископи, или презвитеры, и дияконы. аще житие имут непорочно, от соборныя церкви епископа, в ней же присоединишася да поставлены будут [1 собор., прав. 19], первее вся степени проити, сиречь поставлену быти четцом, потом поддияконом и дияконом, и презвитером. и пребывати в таковом единаго лета время. и тако аще достоин святительства явится, большия чести да сподобится, еже есть да будет епископ. и в киимждо степени да пребудет время немало, да житие их и вера на толице времени искусится, инако же быти не прощаем. аще же в той церкви несть истиннаго епископа, в нюже пришедыи от еретик епископ или презвитер, или ин от причта, прияти да будут от тоя церкви презвитера, прощаем бо оным непомазуемым быти святым миром. точию прокленьшим своя ереси, и иныя вся, довольни будут и на общении прияти. аще нецыи от них суть и епископи, в презвитер место да сведутся: дондеже разрешени будут от тоя области митрополита, сиречь Киевскаго. презвитеры же имут честь, якоже имеша у самих первее. такожде и диякони. в тойже церкви в нейже присоединишася, да не имеют первенство. да почтен будет той презвитер иже первее ту бысть, и укажет пришедшему церковь праздную не имущую презвитера. а презвитери же без воли епископли не имут власти, пришедших от еретик епископ, или презвитер, и протчих от причта мазати святым миром. ибо не имут власти поставляти таковыя по степенем, сиречь: хиротонисати в той сан в нем же быша. но посылати к церкви в ней же есть епископ. и той да творит с волею митрополита. кроме же сих, действуяи, несть приобщен, ниже православен, недаемая приемляи: да имать суд по канону правил.

Палинодия Захария Копестинскаго, старописменная. часть, 3. раздел 2. артикул, 1.

Року 1516-го, Арсений некий прозвиском апостолист, достоинством диякон, обычайми не уставичныи и гордыи. погордевши своим пастырем архиепископом Константинопольским, а патриархою вселенским. до Леона десятаго папежа римскаго удался: от того легатом до венетов послан бывши, столицу митрополии Менемвасийской одержал, против канонов соборовым. о чем патриарха ведомость взявший, выслал на него лист, абы занехал архиерейскаго служения. Арсений не услухавши того, писал лист на патриарху неушановныи и блюзнерскии. Зачим патриарх собравши собор зложил его и выклял, и 7 листов тым послал до Монемвасии места. И не только патриарх на Арсения извержение писал, але писал и до островов Криту и Пифары, и до иных мест венецких, где были православные, на священники которых он хиротонисовал, и которыи бы его мели за архиерея, абы были отлучены. А дал вольность священником и дияконом от Арсения хиротонисованным. абыся удали до иных архиереев канонных, которыи бы повторе их хиротонисовали, ведлуг закону. Поневаж оная першая хиротония не была хиротониею, то есть посвяченьем, бовем против каноном.

Книга о правдивой единости правоверных християн церкви восточной. Захария Копыстенскаго старописменная, глава, 40 лист: 284.

Як приимати апостатов или униатов. на пред исповедь соборную от доброй памяти живота своего, даже до того часу котораго пред духовным отцем нашим предстанут учинити, и на разсудку онаго не разбираючи усмиренномудрия приставати повинны. Потом отречение, апостатов униатов посполу и латыно римскаго епископа костела веры похвал его, и прочих всех еретиков арианов лютеранов и евангеликов. притом и признание учинити едино, иже святой соборной и апостольской церкви, веру догмата держати и хранити, и зане подвизати будут. к тому восполичности и в послушанстве всесвятейшаго архиепископа константинопольскаго, и патриарха вселенскаго. такожде и в послушанстве и в пастырстве, чрез освященнаго митрополита Киевскаго. который от патриарха предреченнаго будет хиротонисованныи, и которыи в сполучности со иными находится будет до последняго своего издыхания пребывати. також усты вызнавши и освидетельствовавый имеют дати и на письме, иже не могу, или долгим добрым и уважным разсудком добровольне отступают и отлучаются от предреченных еретиков, и от споличности их и прочая яко помянуло. довод иже и на писме повинны и то учинити. втораго вселенскаго Константинопольскаго собору канон глаголет: иже арианов македониев савватианов наватианов, которых называют чистыми и четверодесятницы, или аполинаристов приимает где дадут свитки и кождую ересь анафемати суть. которая не верит, яко святая Божия кафолическая и апостольская церковь, и напред мировати их святым миром, и чело и очи и ноздри и уста и уха. а знаменующих глаголем: печать дара Духа Святаго. О том же 6-м соборе Константинопольскаго канон, 95. а перваго никейскаго вселенскаго собору канон осмыи повелевает наватиане которые кафолики чистыми именуют, где до кафолической и апостольской церкви приступают прежде всего на писме выразити достоит, иже держати последовати будут кафолической и апостольской церкви догмата и предания уважати тех наватиан. меж иными еретиками в числе и во едином положеном каноне уважати, иже хотя же наватиане в вере не блудили, яко блаженныи Феодор Валсамон патриарх антиохийский в выкладе своем на конон предреченныи никейский глаголет: наватиане в вере не блудили, или как немилостивии были осужденнии. вем бо их два блуды. 1. иже с двоеженцами не хотели сполковати. 2. иже тех которыи на муках Христа запрели, не приимали на покаяние. а оныи святой пасхи не в неделю обходили, или где четыренадесятой луны которыи бы сколько той день был, что есть жидовскаго обычая те иже, и тетратите, которыи где пасху празднуют, постятся яко и мы дни середь. а так если наватиан синодове повелевают приимати, дабы отречения своих ересей чинили, и дабы мированы были, дабы веру и догмата церкви святой Божией и апостольской кафолической держали и наследовали. дабы на письме то освидетельствовали и подали. далеко больше от латынскаго костела. и апостатов униатов с ними верующих, которые ни в едином, или во многих артикулах, в вере блудят, имеем тем способом и указом приимати. и письма от них брати и мировати их. или если которыи от православных русских попов были окрещении, а в костеле латынском, или униатов вермованы, либо помазованныи не был, и отречения веры восточной церкви яко был и от крещенных не чинил. тогда таковые не имеет быти мированы. Вем бо оное святое православное на нем пребывает миро, однако покаянием дана быти имеет, или которыи от латын вирмованы были надобна снову святым восточным совершити запечатати миром. Другий довод дабы и на писме отречение и познание веры подавати. папежи латыноримскии где еще во единости с церковию восточною были скоро в начале своего папежства до всех четырех патриархов, Константинопольскаго, Александрийскаго, Антиохийскаго, Иерусалимскаго, на пиьме познание веры своей посылали, просячи за тем дабы онаго за православнаго имеючи своей мели. читай о том в боронейшу году. и в книгах рукописных, и во острожеской друкованной, где пишет о отступлении папежа и костела западнаго от церкви восточной. Третий довод патриархи восточныи четыре, против прежняго извычаю и до ныне, где который из них новопоставлен будет, того часу до трех на письме посылает познание веры. Там же въскоре все ереси проклинает, и он лживе списанныи флорентийский собор гонит и не приимает, яко его николи не было. Четвертыи довод, митрополиты, архиепископы и епископы, часу хиротонии своей веру свою познавают, и все ереси отрекают, что и письмо то освидетельствуют, которое повинны отдавать до рук архиерея. читай о том во Арменопуле. книга, 6. лист 44. если то больше, а к тому в правоверии живучи без подозрения повинны чинити. далеко скоряй от страны, веру и костелов приходящии повинны чинити. а по исповеди и по мировании, и поданию письма способом предреченным посвятити их. если годны будут на той степень на который в ересех пребывающии были. синод никейскии, в каноне осмом повелевает. Посвятивши их чрез рук вкладание, суд патриархов. о том во Арменопуле. в книге 3. а становят они так. А по сих яко гречныи [простыи, людины] ласкове рукоположитися имеют на он степень, на котором первей у своих были. либо епископи, либо презвитеры, либо дияконы, или псалмочетцы. если миром святым мировати велит собор, а яко наискорей, и яко снова потреба их хиротонисовати. где бы истинная хиротония священия была упомянутых, не бы их патриархи судили в попы и дияконы и в четцы их хиротонисовати. где уважай, а ни на четцу не узнавали быты рукоположения. собор в Константинополе за Андроника царя тых, которыи с папежом престали было, до священнодейства не припущал, и хиротонии от них не приимал, доводов в той речи больше не потреба.

Потребник больш., лист, 666.

Яко за грехи тяжкия и недоумительныя исправлению кающагося, к епископом и к совершеннейшим, и благоразумнейшим препосылати в некиих же со искуснейшими советовати не срамлятися, иереов же и протодияконов грехи, яко извержения томления наводят, епископом суду подлежат, да не дерзает духовник разрешати их. якоже бо не возможно ему хиротонисати, сице же ни на священство степень изпадшаго паки возвращати. еже бо во гресех извержения сущему священнодействовати простити и попустити есть аки паки паче, подобающаго возводити на священство.

Максима Грека, глава: 37.

Римскаго убо папы, яко отпадшаго лика православных архиереов, рукоположения отвращатися и отметатися достойно и праведно есть, и нужно зело.

О вере, лист: 248.

Зане пророчество исполняется реченное, изменят времена и закон, и беззаконнующии завет наведут с прелестию, и осквернят священие.

Беседы апостольск.: лист, 1478.

Сия же глаголет не аки осуждая апостолы, ниже аки преступающих заповедь, не буди (аще бо мы, аще они рече, тако проповедуем) но показати хотя, яко достоинство лиц не приемлется, егда о истинне слово будет. На поле: Достоинство лиц не приемлется егда веру превращают.

Барония лето Господне, 395. лист: 397.

Царь Аркадии. и толкует, кого нарицати еретиком; того иже и малейшим признаком от разсуждения и пути кафолическия веры отступает. ни во едином сане быти им попущает, и извергает их из градов повелевает. то и Августин воспоминает.

Беседы апостольск. лист, 1693.

Велие бо прелести указание быти мнится у них, яко рождьшиися в ней, и воспитавшиися, и недоведомая ея навыкше опасно, сии преложившиися внезапу враждебная ей устрояют. сия мною речена суть к иже разнственне въдающим себе церковь, раздирающим. аще убо и догматы имут противныя, и сего ради не подобаше с онеми смешатися; ниже: что глаголеши; таяжде вера есть, православни суть и они. чесоже ради не суть с нами; един Господь, едина вера, едино крещение. аще яже тех добре суть, то наша зле; аще же наша добре, то онех зле. младенце, рече, влающеся и скитающеся всяким ветром. непщуете ли сие довлети, рцы ми еже глаголати яко православни суть; а яже рукоположения исчезают и погибают; и кая польза есть иных, сему не сущу опасну; якоже бо за веру, тако и за сие ратоватися подобает.

Кирилова, послание Мелетиево: 6. лист 483 об.

А иже оставиша свой сан же и чин, и отступиша восточныя церкви, в ней же окрещении быша, в ней же воспитани, в ней же научени, в ней же рукоположени. оле неразумия. оле дерзости, еюже на свою матерь, матернии недостойнии чада дерзнуша. тии убо аще пребудут во отступлении; да будут не токмо низложени священническаго, или святительскаго чина но и отлучени и не прощени, и вне церкви Христовы. и сами они и последующии им.

Беседы на евангелие Иоанна нрав. 66.

Сим ли убо рцы ми, внимати подобает, и како убо имеет слово; велицы суть в космах они, и добры косы носят, и тривоны одеваются: до сих им философия. аще же яже внутрь увидиши, пепел и прах и здраво ничтоже, но гроб отверст гортань их, вся нечистоты имея исполнена и слуза и догматы вся червей.

Потребник иноч., лист: 324.

Иже аще которыи поп, ниже: комкает со еретики преже писанными. или в церкви их поющим им входит, или приведет, я на поставление, да будет проклят.

Книга о вере, глава 27. лист: 241.

Суди же и о поставляемых от них епископех, иже были законными, то сих хвали, а иже незаконными, о тех разумей, и обрящеши их неистинныи дух имущих.

Книга завещания святых апостол, 6. глава, 15.

А иже от нечестивых приемлюще осквернение, обещницы разума их будут, ниже бо суть тии священницы, глаголет к ним Бог: понеже ты отринул еси разум. отрину тя и Аз священствовати Мне, ниже крестившиися у них очистишися, но осквернени суть, не оставление грехов приемлюще, но связания нечистая.

Полинодия Захария Копыстенскаго старописменная. Послание Иоанна мниха с Вышней от святой горы Афонской архиепископом, Михаилу, и Кирилу, и Леонтию, и Дионисию, и Григорию глаголющи:

Яко не имеют власти духовенства православных с пределов законных выступите, и жены властное своей церкви веры восточные. до курвы римской на блуд отбегати хощете, и оную въшетечницу наблудившеся там с нею и еще тайно до чистаго ложа облюбленице церкви Христовой приволокати изволите, вас низлагати и изметовати и кляти, так ведайте, не только очи здоровы ока гнилаго усмотрити и осудити могут и власть имеют, или како тело церковное, то есть простые християне по Христову гласу, скверноначальника осудити и прокляти власть имеют, да не с тем блазненным оком или пастырем во геену отъидут.

 

Глава, 20.

О иконопоклонении, яко неподобает поклонятися иконам от рук еретических писанным.

 

Никифора Каллиста Ксанфопула патриарха Константинопольскаго, книга, 14. учение, 9. глава, 7.

Християнин: Приидох се вопросити святейшии патриарсе: како ныне видим тя осужденна на изгнание, за благочестивое святых икон почитание. и церкви Божии осквернены, и святые иконы из них изметаеми, и попираеми от ногу иконоборец. и в домех наших повелением царевым, святые иконы взимаеми и поруганию недостойну сущу предаваеми. како прочее будем не имея поклонения святым иконам, ни в церквах, ниже в домех наших. и не суть бо имея иконописца в граде нашем, овии по темницам, овии же в заточении послани, кроме онаго Игнатия иже украсив иконописанием и муссиею церкви арианския. и мним его не суть православна можем ли владыко от руку его писанным иконам поклонитися. просим о сем разрешения;

Патриарх: Повелением царевым иконоборство воздвигнуто на церковь Божию и в невозможность поставлени христиане в домех их поклонятися святым иконам, понеже вси отъемлеми, и вдани на поругание, и попрание недостойное. о сем им суд по смерти, от мздовоздателя всех Бога. вы же чада ми о Господе: не буди то, иже аще и отъемлеми от вас святыя церкви со украшением святых икон: и предстателей святому олтарю лишишася. ниже при домех ваших возможно имети честные иконы: но потщитеся поне в сокровенных местех дому вашего имети святую икону, да не отступит от вас Божие покровительство. но блюдитеся убо да не Игнатием писанною приимете икону, аще и зело воображение будет по подобию, да не принесете таковей кадило и молитву. разве при пути един или три поклоны, за честь неведения писавшаго ю. подвигнетесь бодрственно поити до Дамаска в нем же рукою Божиею покрываем Кириак иконописец, муж благочестив и правды исполнен, иконы же десницею его писанные стяжите, и имейте зело сокровенне крыя да не уведят лаятели Льва арменина. и тем да не прейдет злоба последняя, горше первой. и мир да будет вам отселе, во Святом Дусе, аминь.

Книга старописменная, Зиновия мниха, на листу, 989. пишет сице:

Яко поведением нечист иконописец, или иноверный; и от таковых пишемые иконы не приятны, и православною церковию отметнуты.

И паки от книг Никифора патриарха, книга, 17. учение, 10. глава, 7.

Християнин: Како бысть, иже мнози от иконоборец принесше святые честные иконы нам за златники, и не суть повреждены видением, подобает ли взем оные поклонение творити, поне не имея освящения. что о сих творити начнем святейшии владыко;

Патриарх: Велик подвиг, и велико воздаяние в день меры получит за таковое. аще едину златницу, или многи отдаст, и тем искупит святую икону от руки нечестиваго. кроме церкви же стяжать честные иконы, от руку иконописца прощаем. ибо не требуют освящения от олтаря. освящаетбося первообразным, понеже свят есть, ибо молитва с еюже предстоим освящает и вапы дски. точию мыем чистою водою стяжав таковые иконы, и с этой убо меры да не сходите, к мыслям развращенным, арианская мудрствующим. яко бы несть достойны поклонения святыя иконы аще не освящаются от предстателей олтаря. несть таковая учение православной церкви: суть богоборство, иже неосвященных нудятся освящати: сами суще скверни умом и делом. мы же должны последовати учению вселенской церкви, не освящать святые иконы, но освящатися ими в молитвах наших. да угодим получить будущих благ, аминь.

И в книге старописменной Зиновия мниха, на листу, 475. сказанно:

Что икону Бог освящает.

От бесед святаго Григория и Петра, книга, 3. беседа, 9. глава, 13.

Петр: Хощу приити в познание учения о Павле художнике ваяния святых икон. иже церковь отриновены имеет таковыя, что се святейшии владыко;

Григории: Павлом изсеченные на мраморе крест животворящии, и икона святаго апостола Петра, иже поставлени за престолом в церкви святаго апостола Петра: нами приняты и похвалами почтены, еще бо православен извая оные. ныне же отнюд достоит стерещи, да не приимем что от руку Павла онаго соделанных икон. аще и зело искусне подобие изваяи: ибо яве он содержит ересь Севирову. ниже бо и от сосуд что да будет приято к церкви, да не наругаяся приимем образ Христов, или от святых Его, насильство бо есть Божеству, да не будем богоборцы. мня да освятится молитвою церковною, аще и неправоверен изваяя. аще же и бысть сицево при Василии Велицем, самим Уалентом соделанные златые сосуды, и принесенные им в дар олтарю: и прияты бысть самем Василием Великим. но ниже в правду: но ради чести царя, и непотребни бысть в приношении ради его развращенные веры, но хранилися в ковчежце на то устроенном, до смерти Уалента. по смерти же разсечены и в горнило вложены, да соделается что иное в потребу святой церкви. тако и должны блюсти да не насильство будет святому, образ во изваянии имущему от рук иноверна. не имать бо о сем церковь обычая, ниже писания.

Аз же падох на нозе отца моего, и много благодарив за собеседование. и к пользам въчиних в книгах моих.

Первобытная история древней России, со изследованием религии, искуства и обычаев. том, 1. часть, 2. стран. 47. искуство. И Археологические акты, том, 1. часть, 4. стран.: 804. раздел, 20. то есть Киев.

Собор одесятствования в Киеве, егда митрополит Иларион восхоте украсити муссиею церковь десятин еже есть Премудрости Божией Софии. прииде же во храм: и виде мастеры призванные великим князем Ярославом, от варяг. иже зело искусне украси купол внутрь храма муссиею. повеле загладити, аще и вопреки содея князю: не пощаде и злато на то потраченое. и проси князя, дабы послал варяг тех украшати домы княжеские. церкви же Божия не имут о том писания, дабы от рук не точию не знающих Бога, но и еретических не быти иконописанию ни в церквах Божиих, ниже в домех християнских. и призва князь, мастеры от Корсуня греков. и украсив церковь, не точию муссиею, и мазайкою. варягами же соделанное все загладиша: устрои храм боголепен извнутрь, и извне, мастеры греческими.

Феодорит, книга, 6. глава 13. лист 161 об. в толкован. на пророка Захарию.

Имя Божие, и образ Его, и святых почитается у нас освященным потому, что мы требуем освящения его безпрестанно, возсылая к нему теплыя молитвы. и тем почитаем святых.

 

Глава, 21.

Свидетельство от святых писании, о святей и животворящей Троице, о еже с коего времени, прият святая церковь начало воображати триех лиц, Отца и Сына и Святаго Духа, на святых иконах.

 

Во обличение ко оным, иже отвергают изображение святых икон Творца Господа Саваофа. еже есть Сыноотечество. да обличатся в своем лжемудровании от нижеписаннаго доказательства, настоящия сия главизны, избранныя от различных свидетельств священнаго писания, и познают от сего правдивыи путь нами указуемыи.

Апостол толковой, зачало, 17. лист: 47.

Стефан же сыи исполнь Духа Свята, воззрев на небо виде славу Божию, и Iсуса стояща одесную Бога, и рече: се вижу небеса отверста, и Сына человеча одесную (Отца) стояща.

Тоже согласно же сему глаголет и на листу, 57. от тояже книги.

Минея служебная, месяца декабря в 26 день. в службе первомученика Стефана, тропарь, глас 4.

Ты июдейское обличил еси нечестие, видев своего Спаса одесную Отца.

В каноне, песнь, 7.

Взят бысть Духом Святым Стефане неизреченно видел еси Сына с Родителем, и зовеши Троице Боже благословен еси.

Хвалитная стихера.

Се небеса отверста вижу, и Сына Божия одесную стояща невидимаго Отца.

Третия стихера:

Той бо стоя посреди беззаконник, одесную Отца Сына видех.

Славник.

Ты небеса видел еси отверста на судищи стоя, и Сына Божия одесную стояща невидимаго Отца.

Иеренея епископа Лугдунскаго, книга, 1. глава, 4. послание, 7. к Поликарпу епископу Змирскому, о иконописании.

Ничтоже буди нам лишшее малевание о триех лиц Святыя Троицы, Отца и Сына и Святаго Духа, но якоже виде святыи первомученик Стефан. по деянии писателю Луке единому от четырех евангелист. той рече: егда же воззре Стефан на небо, и виде славу Божию, и небеса отверста, Iсуса же седяща одесную Бога, и тое есть нам предание от самовидцев Слова, и описа, и апостол Лука святую икону Сыноотечество. и тое святая церковь похвали и прият.

Иустина Философа, книга, 2. глава, 6. о иконописании.

Научихомся от ветхаго писания, яко явися Бог Аврааму в лице триех ангел, и познаваем яко в сих лицах, есть Святая Троица, Отец и Сын и Святыи Дух. творим поклонение яко единому Богу, в триех лицах познаваемому.

Иосифа Волоколамского, слово, 5. лист: 215. о Святей Троице.

Како убо Авраам уже известно уведе, яко се не человецы, но Бог явлеися: и равно трем послужи, и равно трех почте, и равно трем нозе омы. не известно ли се есть и истинно, яко святая и единосущная и животворящая Троица яви свое таинство своему угоднику Аврааму, яко едина та есть и три, едина убо божеством и едина существом, три же имать лица и три составы. глаголет же писание: и посем приидоша в Содом. отъидеже Господь, яко преста глаголя ко Аврааму, и два ангела отъидоша в Содом. виждь, яко един Бог Отец отъиде, а два в Содом посылает, сиречь Сына и Святаго Духа.

Сему же согласно глаголет и в Кириловой книге, лист: 118. о Авраамовой Троице.

Иосифа Волоколам., слово: 5. лист 247.

Яко святии Божии человецы, иже в ветхом завете и в новом угодившеи Богу, многа и неизреченна видения узреша, от Святаго Духа просвещаеми. но не суть видели божественнаго существа и невидимых вещей, но в сенех, и образех, и в гаданиих, потреб ради некоторых кажема веледарованием Божиим. не является убо, еже есть, но якоже может видяи видети. Сего ради овогда стар явися, овогда юн, овогда в огни, овогда в хладе, овогда в ветре, овогда во оружии, не прилагая свое существо, но воображая зрак различию подлежащих. ниже: Ты же егда слышиши Божия явления многоразлична сущи, не мни, яко многообразна суще божества: безтелесно бо и не описанно отнюд божество являет же видение противу требованию. Человеку же не мощно Бога видети по существу, и не токмо Бога, но ниже ангела.

Амвросия епископа Медиоламскаго, книга, 3. глава, 17.

Прият святая церковь покланятися единому Богу в триех лицех познаваемому, ов же стар, познаваем от сего Отца, ов же млад, чрез сие знаменуется лице Сына. ов же яко голубь парящь. в сих не триех догматствуем богов, но единаго.

Иосиф Волоколам. слово 1. на листу, 74. Глаголет сице:

Образ или икона Святыя Троицы в трех лицех пишем.

И на листу 75, глаголет:

Коемуждо лицу (Святыя Троицы) хранящу свое видение, ов отечьство, ов же сыновьство, ово же исхождение.

Нестор инок, историк и писатель Киевскии, книга, 6. о украшении церковнем, глава, 3.

В монастыре Успения Пресвятыя Богородицы Киевопечерском, зело искусне муссия изображена в куполе внутрь храма лица Святыя Троицы. Отец убо со снеговидными на главе власами, Сын же яко сын, Дух же святыи яко голубь парящь и осеняющь славою своею, Отца и Сына.

Новгородская летопись, номер, 67. лист, 763. о иконописании.

На правом столбце в храме Премудрости Божией Софии, местная икона Сыноотчество пред нею же древле моляшеся преподобные отцы Иоанн и Никита архиепископы Новгородския.

Из книги Поморских ответов, свидетельствуется во ответе пятом из Степенной, степень, 11. довод 36, сице:

В 6889, году. егда бяше преподобныи Сергии Радонежскии чюдотворец, и преподобныи Дмитрии Прилуцкии: преподобныи Дмитрии, во своей келии имяше образ Пресвятыя Богородицы, пред которым моляшеся. ныне же той образ в монастыре его в церкви есть. на оном образе в верху, у Господа Саваофа, такожде и у превечнаго Младенца Iсуса Христа, благословящии руце написано двема перстома.

Сие удостоверение было показано олонецкими ответами, Петру первому, под страхом смертной казни. посему и невозможно суть, показует несправедливое.

Библия от видения пророка Даниила, о Ветхом деньми, глава, 7. стих: 9. По коему видению християнская церковь пишет на святых иконах, Отчью ипостась во образе мужа старовечнаго.

Зрех, дондеже престоли поставишася, и Ветхии деньми седе, и одежда Его бела аки снег, и власы главы Его, яко волна чиста. престол Его пламень огненныи, колеса Его огнь палящь, река огненная течаше пред Ним, тысящя тысящь служаху Ему, и тмы тем предстояху пред ним Судия седе и книги отверзошася, ниже: и видех во сне нощию, и се на облацех небесных яко Сын человечь идыи бяше, и даже до Ветхаго деньми дойде, и пред Ним предста. и тому дадеся власть и честь и царство, и вси людие, племена, и языцы, Тому поработают, и власть Его власть вечная, яже не прейдет, и царство Его не разсыплется.

На сие речение пророка Даниила, изъясняет о сем святыи Иосиф Волоколамскии в книге своей, на листу 91, сице [слово: 1]:

Да постыдятся убо жидове, глаголюще, яко единолично и единосоставно есть Божество. ниже: аще бы тако: то кто к Ветхому деньми достиже; и кому дает власть и честь и царство; и власть Его, рече, власть вечна, яже не мимо идет, и царство Его не разсыплется.

Тойже, слово: 2. лист 123.

Даниил же со известием вся сказа, ниже: и не точию сказа, но и виде Того на облацех грядуща ко отцу, яко сына человеча, и яко Тому даст Отец царство вечно и власть, яже не мимо идет.

Книга Семеона Фесалонитскаго старописменная, стих: 302. во исповедании символа.

Тем и царствия Его не будет конца, яко глаголет Даниил, на облацех Того увидев Сына человеча грядуща, и даже до Ветхаго деньми своего Отца достигша, и всю власть вземша, над всеми начальство явленно, и яко человека. еже убо и яко Слово присносущно имать со Отцем, егда и вси исповедят Того Господа.

Октай 5-го гласа, в неделю на полунощницы, тропарь, в 4-й песни.

Тайно научается единаго господьства трисвятому Даниил Христа Судию узрев ко Отцу идуща, Сына и Духа проявляя видение;

Блаженнаго Феодорита епископа Кирскаго, толкование на пророка Даниила, глава, 7. стих: 9.

Сущее. Зрях дондеже престоли поставишася, и Ветхии деньми седе, и одежда Его бела аки снег, и власы главы Его аки волна чиста. Толкован.: Зде Даниил повествует о другом видении, показанном ему во образе Бога, седящаго на судилищном престоле, и притом во образе человека; ибо кому неизвестно, что мы не можем видети Бога, каков Он есть в существе своем. понеже убо немощь естества нашего не может снести всего величества славы, сущия в Бозе. Сего ради понужде является нам обличен во образ соразмерныи понятию нашему, якоже древле являяся праотцем не во всем совершенстве своем, но елико вмещала сила их, и елико было им полезно. Cия есть причина, чего ради является седяй на престоле во образе Ветхаго деньми, обличен во одежду белу, со снеговидными на главе власами, посему церковь и прият иконописание о святей живоначальной Троице в триех лицах, Божество же едино и нераздельно, разделено же лицами.

Тойже: на ст. 9.

Но и зде надлежит ведать, что Бог будучи безтелесен, прост и безвиден, никакого приемлющь описания, но неописанное имеющь естество, часто для нашей пользы различные приемлет на себя виды, так как Ему угодно: почему можно видеть Его, инако являющагося Аврааму, инако Моисею, инако Исаие, подобным образом Иезекиилю другое показал Он видение: тако убо и Даниил блаженныи, чрез Ветхаго деньми, отсюду научаемся познавать вечное Божество: ибо некоторые так разумея Ветхаго деньми, обетшавшия дни привели (то есть состаревшиися). зрит же и власов чистоту и одежду светлость, отсюду научаемся познавати не токмо непорочное и святое божественнаго естества свойство, все то, что токмо помыслить о Нем можно, яко то правосудие промысл попечение и суд.

Тамже: стих 13.

Видех рече во сне нощию, и се на облацех небесных яко Сын человечь идыи бяше, и даже до Ветхаго деньми, дойде, и пред Ним предста. и Тому дадеся власть и честь и царство, и вси людие племена и языцы Тому поработают, власть Его власть вечная, иже не прейдет, и царство Его не разсыплется. Толкование: Сие блаженныи Даниил глаголет, вси бо, рече людие племена и языцы Тому поработают, и показуя безконечность царствия, власть Его глаголет власть вечная. яже не прейдет, и царство Его не разсыплется. Ниже: отсюду следует что Христос изначала не был человеком, но точию прообразовательне или в подобии явился Даниилу, как и святыи Ириней нарицает сие предначинанием; и Тертуллиан употребляя тоже слово, глаголет, что сын Божии, творил тогда предначинание человечеству своему; убо явление сие было предзнаменованием будущаго воплощения Христова; идыи бяше и до Ветхаго деньми дойде, надлежит разумети о прославленном состоянии Iсуса Христа на небеси, яко ходатая и споручика человеческаго рода, как видно из бесчисленных мест писания, ибо Христос богочеловек; по вознесении своем от земли на небо, сел, с плотию одесную Бога Отца, ниже: таким образом Даниил продолжает здесь тоже что сказал выше о вознесении Христа к Богу, во утешение верных.

Книга святаго священномученика Дионисия Ареопагита старописмен.: глава: 10. о Ветхом деньми толкован.

Ветх убо явися Бог Даниилу, белу имея главу, якоже волну, понеже Ветхии деньми именовася, юнейши же седа старца, егда яко муж явися Аврааму со ангелы, юноша яже смотрив Великии Дионисии, разреши зде, старца убо яко всем от Бога сущим потом. Сего ради и младейшим Того. юна же яко присно в гобзовании и благосостоянном блаженстве, не ветха суща. аще ли же речеши обое, сиречь стара и млада въкупе, яко изначала Того являя во вся проходяща. и приходяща даже до конца вечновати, еже конец начало есть юнейши. воъимат глаголет и се слово, таже приводит и нрав Иерофея божественнаго, о сем бо обыче глаголати того своего священносовершителя, за еже учителя себе наричюще, како когда убо сед [зри сед Господь пишется], когда же ли юн Господь пишется. якоже еже Iсус Христос вчера и днесь тойже и в век, еже убо днесь вчерашняго младейши.

Григорьево видение, лист, 126 об. о Ветхом деньми.

И посем явися престол другии подобен судиину, и на сем Ветхии деньми Отец почиваяй со единородным Сыном и Словом. и сих видевше июдеи, и вострепеташа вельми, Бог же Отец рече к ним: коего вы призываете Бога законнаго; яко сей есть единородныи Мой Сын и Слово; что ради ищете ныне, и разлучаете со Мною Сына единосущна Мне; ниже: яко Аз и единородныи и возлюбленный Мой Сын, едино есма. ниже: посем же Бог Отец взятся отнюду же прииде. единородныи же Его Сын Господь Iсус Христос, седе судя якоже и прежде.

Семеона Фесалонитскаго, на иконоборствующих злочестивых богомилов. глава, 18.

Ельма и язычницы июдеи на святыя иконы носятся, и идолы тыя нарицают, въмале и ко всем тым отвещаем, и будет кроткое, довольно разумевающим. и Бог невидим есть, яко безтелесныи и безплотныи, безобразныи, сего ради ниже описан убо; но сего вемы описуема, пророки образуема. Авраам бо Бога виде, и Яков на лествице, и Моисей в купине и в горе, и Исаия на престоле высоце седяща, Иезекииль подобна посреде животных, и Даниил на облацех яко Ветхаго деньми, и множайши пророков инии. Сия убо истинна ли вопросити подобает, или ложна. всячески рекут, истинна, аще приемлют писания. и аще истинна, божественна ли сия, или идолов мечтание; исповедят мню, яко божественна суть, понеже Божия видения по зрящих силе от Бога бывающая; ниже бо яково есть Божество весьма зрится когда, зане безобразно есть, ельма же сия от Бога: яко глаголет (Иосия главы, 12 ст.: 10). Аз видение умножих, и в руках пророков уподобихся. дозде пророк. и видения сия Божия честна убо и свята сия, и поклонна зрения. якоже в книгах божественных, тако и во иконах святых пишемая: якоже мыслею разумеваемая, и словом глаголемая, тако и на дщицах и на стенах и ризах, благочестиво и добре и божественно пишемая, добре и благочестиве пишутся, яко да видим и мы виденно пишемыми божественными иконами, якоже в книгах, и в мыслех, и зрении от пророков виденное [зри пророческ. видения на иконах пишемая], яже суть зрения и видения Божия, и умом убо чрез почитание свящаемся. ибо ис плоти же сложени, и словом глаголюще, и зрением зряще, чувства да святим. ниже: словеса же, и вествование и книги божественных мужей, поклонны и честны в славу сущия Богу и божественныя причащающияся благодати: Сие и о божественных иконах разумей, и поклонны убо имей, елико аще же видения пророческая обдержат.

Книга глаголемая Небеса старописмен., святаго Иоанна Дамаскина, глава: 14.

Понеже множайше о Бозе телесне, в божественном писании символическо речено обретаем. ведати требует, яко человеком сущим нам, и дебелою сею плотию обложенным божественная и высокая и невещественная Божества действо, разумети или глаголати немощно, аще не икон ради и образов, и символ сущих по нам употребим.

Лествица слово, 27. лист, 250. Антония Великаго.

Вопрос: Коим образом должно есть внимати видению; Ответ: Писания сказаша нам, како Даниил убо Ветхаго деньми зряше, Иезекииль же на колеснице херувимстей, Исаия же на престоле высоце и превознесенне, Моисей же невидимаго яко видя ждаше.

Вопрос: Како ум может видети, Егоже николиже виде; Ответ: Царя николиже еси видел седяща на престоле высоце.

Вопрос: Еда како в грех вменится, за еже описати божественное; Ответ: Держи обаче якоже пророцы видеша писано, совершенное же о себе приидет. якоже и апостол глаголет, видим убо ныне яко в зерцале и гадании, тогда же лицем к лицу, а еже тогда сказует, егда помысл совершен будет, дерзновением видим.

Маргарит, слово, 4. лист: 34.

Возлюбленныи Христов Иоанн иже на перси возлегии Владычняя, и божественныя источники оттуду почерп, что убо той рече: Бога никоже виде нигдеже. воистинну громов сын трубныи бо испусти глас доволен вся посрамити любопрящаяся. но видим и сопротивляющеся. что глаголеши рцы ми о Иоанне; Бога ли никоже виде нигдеже. что убо сотворим пророком глаголющим, яко видеша Бога. Исаия бо рече [Исаия, 6], видех Господа седяща на престоле высоце и привознесенне. Даниил же паки, видех рече дондеже престоли поставлени быша, и Ветхии деньми седе. Михия же видех Господа стояща на престоле своем. и другии пророк паки, видех Господа стояща на жертвеннице, и рече ми порази на очистилище. и многа такова есть собрати свидетельства. како убо Иоанн рече, яко Бога никтоже виде нигдеже. да навыкнеши, яко опасное Его постижение, и уясненныи разум глаголет. яко бо вся она схождения беша. А чисто существо никтоже виде от онех.

Ответы блаженнаго Афанасия архиепископа Александрийскаго, ко Антиоху князю.

Вопрос: Како пророцы являются множицею видети Бога; Ответ: Прествльшимся пророком, и посем явлении, сия рече святыи евангелист, яко Бога никтоже виде никогдаже. и да утвердит яко страшен и дивен глагол приведе единородныи Сын сыи в недрех Отчих исповеда той; отнюдуже и Павел о Бозе глаголя, Его не виде от человек никтоже, да никтоже видети может человеческия ради немощи. Смотрительне Бог преобразуяся. и пророком являшеся тойже безплотен тогда, сыи; яко человек являшеся им воплощен, отнюдуже яве есть, яко не существо Божие зряху, но славу. Сие же и о ангелех, и наших душах, подобает разумети.

Вопрос: Что убо не ангели по существу являются; Ответ: Никакоже видети может тленное око существо нетленно. отнюдуже яве есть познати, яко не по существу нам являются ангели. понеже ни единым образом на земли видени бывают; но овии убо образом юношеским, инии же в видении воинском, просто же, мнози убо суть тех образы, едино же существо.

Катихисис большой глава, 61. лист: 266 на об.

Вопрос: Како же видеша святии Бога; Ответ: Явление Его токмо видеша по мере веры их, а не образ, ниже истинное существо Божие. аще же и Моисей Бога виде, и прочии святии. и ангели Божии зрят лице Божие. но существа Божия никтоже виде. глаголет бо святыи Иоанн евангелист, еже Бога никтоже виде нигдеже. тако сие имаши разумети, еже в существе Его божественнем никтоже Бога не виде, но токмо по явлению Его видеша мнози, еже Моисей виде Бога в купине, аки огнь палящь. несть убо Бог, купина горящая. и пророцы видеша Бога в человечестем образе. несть же убо Бог, аки человек. и на Иордане явися Дух Святыи во образе голубине, в пятьдесятницу же явися во огненных языцех, несть же Дух Святыи аки голубь, и аки огненныя языцы. сие же токмо явление Божие, или видение. бе во время потребное, еже нас ради человек плотских, в телесных образех явленное. но не истинныи образ Божии, ниже существо Его.

Книга о вере, глава: 29. лист, 262 об.

Даниил пророк знал единаго Бога во Отце и Сыне и Святем Дусе. и исповедует Бога Отца в Превечном, а Сына Божия в человечи образе; глаголя, Зрех дондеже престоли поставишася, и Ветхии деньми седяше. ниже: Видех и се на облацех небесных яко Сын человечь идыи бяше, и до Ветхаго деньми дойде.

Пророка Исаия, глава, 6.

И бысть в лето в неже умре Иозия царь, видех Господа Саваофа седяща на престоле высоце и превознесене, и серафими стояху и взывааху, свят свят свят, Господь Саваоф, исполнь вся земная славы Его.

Минея чет., октября, 22. в житии святаго Аверкия, лист: 327.

Три честныя жены, имущия ослепленны очеса своя, приступиша ко святому, и поклонившеся ему глаголаху: и мы веруем в Христа Iсуса Егоже ты проповедуеши, молим убо тя, отверзи и наши слепии очи, якоже отверз еси Фриелле. Святыи же рече к ним. аще истинно веруете в истиннаго Бога, якоже глаголете: узрите свет Его. Сия рекши, возведе очи свои горе и начат молитися. молящуся же святому, прииде с небесе луча неизреченнаго света, превосходящая сияние солнечное, и облиста окрест то место на нем же святыи Аверкии стоя моляшеся. и вси приключьшиися тамо, падоша на землю, не могуще зрети того неизреченнаго света, едины точию тия три слепыя жены стояху просто, прикоснуся же той свет очес слепых жен тех, и абие прозреша. и блистание небеснаго света отъиде. святыи же вопроси прозревших. что узресте первее, внегда отверзошася вам очи. первая убо поведа: видех рече Ветхаго деньми прикоснувшася очесем моим. другая же рече: аз видех юношу зело красна, прикоснувшася очесем моим. а третия рече: аз видех отроча мало и присветло, прикоснувшася очесем моим. Сия слышав святыи, и вси с ним бывшии, прославляху Бога в Троице единаго, дивнаго и преславная чудеса творящаго.

Книга Кирилова, глава, 10. лист 153. о святых иконах.

И паки убо ответ сотворим к лютором, яко они глаголют укаряя нас, яко пишут иконы почести ради, а не поклонения. и мы убо поклоняемся от древних отец наших приемше предания. а они чесо ради и пишут еже почести ради, а не ради поклонения. и почитати убо глаголют иконы, но что ради не почитают их, якоже достоит. и егда глаголют о Святей Троице, и тогда исповедуют Бога непостижима и неисповедима, и всяческая держаща глаголом силы своея, и всюду лице Его зряще сказуют, и плотных удес отнюд не имуща исповедают Его. но просто существо Его сказуют. но откуду убо сами обличаются, и якоже слепии нечювствуют. аще бо просто есть существо Божие и безплотно, и телесных удов и составов не имуще, якоже и мы о сем исповедуем. но почто видим у них на стенах и на листех, и в книгах их безчислено есть написано. како убо первое миросоставление небесе и земли, Творца Господа Саваофа, и горним силам, изобразуют шаровным видом, и держаща рукама всю тварь. се убо неописаннаго откуду прияли суть видимо описовати, иже несть сыи таков. и мы убо пишем Его яко же глагола Господь к Моисею, виждь всему строй по образу показанному ти на горе. и тако Моисей устроил образ показанныи ему на горе скинию, и херувими по стенам и по запонам писанныя и шитыя. мы же не токмо образ показанныи ему, но и самого показавшаго образ скинии Моисею, и прежде Моисея глаголавша в раи ко Адаму, и потом к Каину, таже и к Ною, и потом ко Аврааму в трех лицех пришедша, пишем иже несть сыи таков, но выше всякаго ума пресущественен сыи, и небесным силам недомыслим. и Авраам убо не смел поносити Богу, якоже еретики не поклоняются Ему. но востав и шед противу трем поклонися, единаго же исповеда. Господа. и не сомнеся о том, яко неописанныи в человечесте подобии в описаннем явися ему. а ведыи совершенно, яко Творец сыи всея твари, и превыше всякаго безтелеснаго существа естество имеяи. Такожде и Сарра глагола о трех, единем Господем и Богом нарицая, сице: смех ми сотвори Господь Бог мой. и тако же пишут сия вся неописанная, но мы поклоняемся сим. а еретики глаголют яко почитати подобает, а поклонятися не довлеет: А Авраам не поклонялся ли. И аще бы предния ваши роды за многия лета не поклонялися сим, то что ради было и писати. тако же пишут и к Давыду и к Исаии, и к Езекиилю, и к Даниилу, и к трем отроком явльшагося. и мы везде Ему поклоняемся, а еретики нигдеже. и глаголют яко единому Богу подобает поклонятися. да где убо и когда поклоняются, и твердо всем сказуют, яко Бога никтоже никогдаже виде, якоже Иоанн Богослов написа. и того ради Ему единому поклонятися достоит. и мы убо, ей, такожде веруем. но Исаия убо не видел ли Ветхаго деньми. Иезекииль и Даниил подобна сыну человечю, то кое безчестие се, еже поклонятися нисходящему Богу и Господу в явлении видимо, невидимым своим существом. аще бо везде сыи существом, еже естеством, и нигдеже вместим, и егда нисходи во еже видити Его созданию, то како не поклонятися; аще бо и умоляется, но вся содержит глаголом силы своя. и умалению Его не поклонялися ли Авраам и Исаак и Ияков, и Исаиа Ветхому деньми. такожде и Езекииль и Даниил Сыну человечю, и трие отроцы, не вси ли сии схождению поклонялися, а не истинному существу. и прочая.

Там же: глава, 5. лист, 56. на обороте. изъясняет о Отчей ипостаси сице:

А Отец седит имея одежду свою белу яко снег, а власы главы Его яко руно чистое, то бо по человечеству глаголется.

Из книги Подленника старописменнаго, иконнаго писания. Месяца сентября, 1-го. начало индикту, еже есть новому лету.

Пишется индикт сицевым подобием: Спас стоит во граде, во святилищи Божии, чтет книгу Исаия пророка, Дух Святыи на Мне, Егоже ради помаза Мя, благовестити нищим посла Мя. в верху над Спасом Господь Саваоф и Дух Святыи, а кругом жиды всяким подобием.

Того же Подленника сказание, Чесо ради пишется Господь Ветхии деньми, и паки в Давыдов образ, и во Адамов образ.

Ветхии деньми пишется по Даниилову пророчеству. а Еммануил пишется по Исаину пророчеству, яко отроча родися, и Сын дастся нам. и плотски рече, се девая во чреве приимет и родит сына, и нарекут имя ему Еммануил. еже сказуется с нами Бог. А в Давыдове образе пишется, по благовестнику и евангелисту Матфею, еже во святом евангелии глаголет: книга родства Iсус Христова, сына Давыдова, сына Авраамля, зри яко учени Давыда прежде Авраама. понеже от отечества прежде начинает Давыдова, яко первыи во царех угоди Богу. и яко бо имя Давыдово во Израиле честнее бысть, не един бо Матфей рече се, но и друзии евангелисти написаша. яко хананыня о дщери молящися. сыне Давыдов помилуй мя. яко дши моя зле беснуется, и два слепца зваху. сыне Давыдов помилуй ны. и отроцы сретаху с ветьми взываху глаголюще: осанна в вышних благословен грядыи во имя Господне, сие бо плотское рожество исповедают евангелисти. о безначальном же Божестве, от Отца прежде век тойже Давыд рекл есть Духом Святым. с Тобою начальство в день силы Твоея, во светлостях святых Твоих, из чрева прежде денницы родих Тя, клятся Господь и нераскается, а еже оболчен во святительскую одежду. понеже в обою колену воплотися Христос, от Июды и от Давыда, от царска, и от левитска, ниже: В недрех у Господа Саваофа, Iсус млад оболчен в броня правды, и возложи шлем и приим мечь, и поострив гнев на противныя. противник есть диявол и бесове, и человецы еретическая мудрствующии.

Дозде свидетельство от Подлинника.

Книга Альфавит старописменныи, под литерою, О. глава, 1. на листу, 95. пишет сице.

Чесо ради, у Господа Бога Саваофа, и у Святаго Духа, пишут на образе, венец осмиуголен; Толкован.: Осмиуголен является, яко той есть образ седьми веков Творца, и будущаго века Отца, седьмыи бо настоящии сей век наричется, понеже дневными седьморицами и летами числится. осмыи же будущии век глаголется, понеже не числим есть, небо имать конца.

Таяже книги, лист: 98.

О венце Господа Iсуса Христа Бога: Чесо ради пишется три слова сия, на венце Христа Спасителя, ОТ. О. Н. От толкования: Яко сии слова образуют неизреченное имя Божие, ибо Маноеви вопросившу о имени явльшагося ему, и речено бысть, вскую вопрошаеши имени Моего, сеже есть чюдно; яко же и Моисею древле Господь являлся в купине, глаголя: шед рцы сыновом израилевым, яко посети вас Бог извести из Египта, Моисей рече к Богу, аще вопрошати мя начнут, како имя есть, и что отвещаю к ним; и рече, тако глаголи сыновом израилевым, сыи имя мое посла к вам Бог. Се начертание те три слова образуют; Нецыи же сице толкуют, ОТ: от небес сошед, во своя приидох. О, они же Мя не познаша. Н, на кресте Мя пригвоздиша. А инде же обретается те три слова толковани сице: еврейски сыи. а по гречески не порочен. или Аз есмь сыи, Премудрость и Разум. а 9: начертании, те в венцы, знаменуют 9: драхм. сиречь, 9: чинов небесных сил, десятая же драхма, родоначальник праотец наш Адам, еже есть человеческое наше естество.

Сему же согласно глаголет, и в беседах апостольских послание к филипписеем зачало: 240. лист, 1912.

Книга о Мессии правдивом, часть, 1. лист, 209. и 219.

Вопрос жидовина: Бог есть невидимыи, и ангел невидимыи, како же вы Бога невидимаго, которыи есть Дух, и ангела невидимаго духа, можете вымолиовати, а такии образ Божескии, и ангельскии, у вас знайдутся.

Ответ християнина: По твоим словам не можем мы писати, и нигде того не пишем, естества Божияго и ангельскаго невидимаго, которыи дух есть, только телесную особу тую пишем. в которой Бог очам людским являлся, яко же пророку Даниилу, невидимыи Бог Отец показался, во образе мужа старовечнаго, которыи Ветхии деньми, старовечныи сидел на престоле огненном, так мы желая Бога Отца внушити мужа старовечнаго, (то есть седа) пишем: яко той же Сын Божии невидимыи, показался в натуре человечей видимой так же мы видимую натуру Его человеческую пишем; яко той же невидимыи Дух Святыи показался в испостасе голубиной видимой, тако мы голубя видимаго и пишем, желая Духа Святаго показати; Так же ангелы духи невидимыя в подобии, в теле человеческом видимом, с воздуха, или из облака, достойным людям показовалися, так мы человечю видимою особу и пишем, желая ангела невидимаго показати. и прочая.

О иконе Господа Саваофа в Москве у Ивана Васильевича Стрелкова, находится рукописная Псалтырь, с выходом Иоанна Васильевича Грознаго, при заглавии каждой кафизме, при первой песни, помещены в ней, 24. лицевыя изображения, Отчей испостасе.

В библиотеке профессора, М. П. Погодина. находится харатейная Псалтырь, писанная по мнению Востокова, в 12-м веке, или в 11-м, веке. в которой тоже находятся подобныя рисунки разкрашенныя. где въпреди, 16 кафизмы. изображено, рече Господь Господеви Моему, образ таковаго начертания, именуется Отечество.

 

Объяснение.

Зрите хулители, Божия явления, иконами изображаемаго, коликая вам свидетельства показахом, от священнаго писания. не явно ли вы противоборствуете божественному писанию. ибо о ком писа святыи Семеон Фесалонитскии сице:

Но сего вемы описуема пророки, и образуема. и Авраам бо не Бога ли виде, и Ияков на лествице, и Моисей в купине: и в горе. Иезекииль подобна посреде животных, и Даниил на облацех яко Ветхаго деньми. божественна ли сия, или идолов мечтание; (или по вашему мукосей ли;) исповедят мню, яко божественна суть, понеже Божия видения, по зрящих силе от Бога бывающая, не таково бо Божество весьма зрится когда. зане бозобразно есть.

И паки тойже глаголет:

Видения сия Божия, честна убо и свята. и якоже в книгах божественных, тако и во иконах святых пишемая, и якоже мыслею разумеваемая, и словом глаголемая, тако и на дщицах и на стенах и ризах, благочестиво и добре и божественно пишемое, добре и благочестиво пишутся.

Якоже и ниже сего паки глаголет:

От пророков виденное, сие и о божественных иконах разумей и поклонны убо имей, елико аще видение пророческая обдержат.

Якоже и Лествечник Иоанн сему такожде согласно свидетельствует глаголя сице:

Вопрос: Еда како в грех вменится, за еже описовати божественное; и на которое ответствует сице: Держи обаче якоже пророцы видеша, совершенное же о себе приидет.

Такожде и Кирил Иерусалимскии о сем согласно свидетельствует, о видении пророков пишемая во иконах святых сице: такожде пишут, явльшагося, и к Давыду, и к Исаии, и к Иезекиилю, и к Даниилу. и трием отроком, и мы везде Ему поклоняемся, а еретики нигдеже.

И паки глаголет к сопротивным, о поклонении видения пророческаго на святых иконах, сице:

Исаия убо не видел ли Ветхаго деньми, Иезекииль. и Даниил. подобна сыну человеческому. то кое безчестие се; еже поклонятися нисходящему, Господу Богу в явлении видимо, невидимым своим существом.

И паки якоже свидетельствует о сем и в книге о Мессии правдивом, о поклонении на святых иконах Отчей испостаси во образе мужа старовечнаго, являемаго себе святым пророком и праотцем. сице глаголет:

Тако на иконах пишется, како Бог очам людским являлся, якоже пророку Даниилу, невидимыи Бог Отец показался, во образе мужа старовечнаго ветхаго деньми.

Сице и преподобныи Сергии, и Дмитрии, моляшеся образу Господа Саваофа.

И венец осмиуголен чесо ради на сем образе пишется. и прочая многая свидетельства о том показахом, иже имущим ум, и сего довольна суть к познанию истинны.

 

Глава, 22.

Свидетельство от святаго писания о книгах. яко недостоит изтязовати пишущаго, но пишемое.

Си есть кто бы оную не писал, яковую либо книгу, того не искать, и о пишущих не пытать. а только бы было написанное православно, и догматом благочестия согласное.

 

Из книги соловецкаго старца Фирсова. ответ, 93. противу великоросийских пастырей. лист: 11. о книгах. [в лето 7222].

Разумно же и о сем да будет, яко подобает искус имущим божественных писании; яже от учитель глаголемая, или в писаниих лежащая словеса, со искушением приимати. якоже и апостол глаголет: вся искушающе рече, доброе содержите. и согласная убо писанием по Василию Великому приимати, несогласная же отметати. не изстязовающе убо глаголющих или пишущих, каков кто любо да есть. но смотрети и разсуждати силу пишемых и глаголемых. и аще согласна суть в законенных божественным писанием, приимати и слушати и покарятися. аще ли же ни, то всячески отвращатися и отбегати.

Тоже согласно же сему глаголет и в соловецкой челобитной, на листу 93. сице:

Но никтоже должен есть своего ради нерадения, слово Божие таити; но исповедати удобь свою немощь, Божия же истинны не скрывати, и паки Великии Василии глаголет, подобает, рече послушником имущим искус божественных писаний, яже от учитель глаголемая искушати, и согласная убо писанием приимати, несогласная отметати. и Великии Афанасии глаголет. всяк рече приемый от Бога разсуждение, последуя пастырю неискусну, мучен будет. такоже и божественныи Златоуст толкуя, еже во евангелии Господь рече. На Моисеове седалищи седоша книжницы и фарисеи; и прочая; глаголет, яко не достоит истязовати глаголющих или пишущих, но смотрети и разсуждати силу пишемых или глаголемых, и аще согласно взаконеным божественным писанием, приимати и послушати; и покарятися. аще же не согласно. по коему любо образу, недостоит их послушати, и приимати глаголемая, или пишемая; но отвращатися и бегати от них како кто любо аще есть, по еже от апостола реченному; яко аще мы или ангел благовестит вам паче, и прочая. Над всеми же сими, и сам божественный апостол, явственне сему научает, к солуняном пиша, вся рече, искушающе доброе содержите. и прочая.

Никона черногорскаго, слово, 9.

Яко недостоит истязовати глаголющих или пишущих. аще благословне и богодухновенная писания сказует, ничтоже может тому возбранити, зане слово Божие не вяжется. аз бо не ищу глаголющаго, но глаголемое.

Таяже книги на листу, 4. в Тактиконе.

Другое к кир Георгию игумену яже в Кипре обители Куцевентовы, яко последующая божественным взаконенным писанием недостоит изтязовати глаголющих или пишущих, яко же Господь рече, яко на Моисеове седалищи, седоша книжницы и фарисеи и прочая.

Никона черногорскаго, слово, 2. лист 13 об.

Мы же наше неведение и грубость сведяще, какову убо книгу имем, не в доброту писменем смотряем точию, но яко да от них плод некии приобрящем, да не гладом растлимся неведение помышляюще се, яко образ имать духовнаго отца некоего и богоносна, иноязычника же суща, и не еще съвершенне чисте ни добре ведяще, мало же от него глаголемых разумети могуще, приимати сия простим нравом, и благим и нелукавым устремлением, и тако весь ум можем разумети богоноснаго отца. Аще ли же и что от того же отца или от книги слово некое, или всю книгу преписати восхощем, и искус еже писати имамы, паки на сие се да помышляем, яко грубому некоему подобен есть; дающему словеса некая ведящему писати добре, обаче и егда чтем грубых писания, или худыя книги, се образ имеем да не еже обретати всегда книги добре написаны, гладом неведения якоже преди рехом погибнем; точию аще праве и полезне ум в писанных обретаем, нерастлевающь богоносных отец поучения, сия убо с радостию приемлем. Аще ли же и некия книги в беседах растлими будут, аще и доброту писмен украшение имут, сих зельне отвращаемся.

Евангелие недельное, слово, 48.

Не имущим же убо разсуждения разума, многая от добрых не добра быти мнятся, но оболгают сия и поношают.

Максима Грека, глава: 12. лист, 102.

Ни едина убо отсюду досада пребудет, преподобным чюдотворцем руским, исправлением книжным. ельма ниже бывшим во временах, гонениих святейшим Божиим архиереом, и мучеником, ни един понос или досаждение прибысть, от бывших после их различных исправлении, святаго писания, ветхаго завета, Симмахом, и Федотионом, и Акилою, и Лукияном, презвитером Антиохийским. коемуждо исполняющу презренная прежде его бывшим преводником. но и о сем убо толика довлеют, поелику пред праведным и богоразумным архиереом вышняго стязаюся словесы противу клевещущих мя напрасно.

Тойже, глава: 12. лист: 101.

Чтоже предивныи он Божии угодник, не добрым ли советом Иофоровым, мужа кумирослужиеля, и иноплеменника исправил яже о себе, и о людех Божиих.

Тойже, глава, 10. лист: 86.

Да внимаем себе прилежно Господа ради, и не без искуса веруем всякому духу учения, но да искушаем прилежно писания, аще по всему согласуют апостольским, и пророческим, и отеческим преданиям и учением, (подобает приимати я и покарятися.) аще бо по нечесому разликуют или сама к себе не согласуют, да не приемлем я, но да отверзем от себе аки лукаваго беса плевел, сеянных: посреде чистыя пшеницы благоверия, на прельщение и погибель душам нашим.

Тогоже, глава, 12. лист: 102.

Аще убо будет что глаголано добре и пряме благодарение Богу учащему человека разума. аще ли же ни, по прочтении сего слова раздрав бумагу, вверзи во огнь. Выше: Таковии суть вси неложнии Божии угодницы, со всяким смиренномудрием, и благодарением к Богу, ищут и приемлют, исправление от всякаго человека, пользовати могущаго их, повинующеся божественней заповеди глаголющей, вопроси отца твоего и возвестит тебе, старейших твоих и рекут ти.

Беседы апостольския, лист: 2374.

Научитеся от негоже научитися подобает, повиноватися а не сумнитися, веровати и не силогизмовати. верою бо вси похвалени быша, и без сия вся растлишася.

Преподобнаго Иоанна Дамаскина, книга, 4. глава, 18. лист, 51.

Небо всех знания: почерпим из сего рая источника присноточныя и честнейшия токи скачющия в жизнь вечную, напитаемся несытно насладствимся. благодать бо неизнурно стяжа. аще же и от внешних потребное приплодствити возможем: не отреченных есть. будем искуснии трапезницы; искренее убо и чистое злато грамаждающе, растленное же отмещуще. приимем словеса добрейшая, боги же смешныя и басни чуждия, псом поверзим. множайшую бо от святых на тыя крепость стяжати возможем.

Грамматика печат. московской печати, при патриархе Иосифе, в лето, в предисловии, лист, 6.

Яко и внешнее еллинское учение потребное, приято глаголет подобает быти. Но и внешнее, еже мнози от християн ненавидят и отмещут, яко пакостно и наветно, и от Бога разлучающо: сеже глаголют зле разсуждающе. ибо понеже нецыи от внешния премудрости превратишася умом, восхотевше смыслити о небеси и земли и о прочих тварех. Мы же о сих добре разумевающе, елика подобная к животу и наслаждению, сия плодствим. елика же вреждающая, отметаем: не подобящимся несмысленным, иже тварь воставляющим на Творца, но от твари Творца разумеваем. подобне же огнь и пища и железо, и елико на среде, не суть бо себе потребна, ниже повредна, но произволению же приемлющих сия, или потребна, или повредна обретаются. бывает же и от плотей и плежущих зверей спасение к здравию, ехидны яд в зелие растворяем. Тако убо и о еллинских учении, елико есть испытательно и зрительно сущих по естеству сия прияхом; елика же лестна и пагубна, сиречь боготворения бесовом, и другая подобная сим отвергохом. паче же от тех учении пользовахом во благочестии. темже не подобает укоряти и безчествовати наказания, яко же мнится неким неискусным сущим и не имущим разума, разделити лучшее от горькаго. аз убо глаголю, яко иже безчествуют наказание, тии сами ненаказани суще, и велят всем ненаказанным быти; даже от нерадения злая творяще, не обличаеми будут. по реченному, яко отринуша чувство, и обличающаго во братех возненавидеша. вси бо исповедуем яко честнейшее есть учение в нас и наказание, сущих благ.

Летописец Троицкой Сергиева монастыря, пишет о преподобнем Максиме Греке, у гроба его сице:

Егда узре великаго князя в царской книгохранительнице греческаго языка книг много, удивися, и поведа великому князю: яко ни в греческой земли, толико множество книг не сподобихся видети; понеже латинстии людие, издавна желаху восточных учителей исписания видети. но гречестии царие, не изволиша тому быти, отступления ради их от православия. егда же убо безбожнии турцы обладаша царствующим градом тогда нецыи благочестивии взяша множество греческих книг, да не доконца угаснет светило греческаго православия, от безбожных турок, и отплыша в Рим. латини же улучиша время, от принесенныя от грек книги, приложиша на свой язык, а греческия книги, сожгоша. и тако конечне оскуде, от грек философия.

Просконитария сходника Арсения Суханова на листу, 27 июня во вторыи день, пишет:

Разглагольствие бывшее с патриархом греческим Паисием, о книгах латинских переводов, которыя преведены с греческих святых книг. на которое отвеща патриарх Арсению сице: естли бы и ересь какую в книгах сыскали, но было то место поморать, а кних не жещи.

Тамже ниже, июня в 3: день.

Отвеща патриарх Паисии, яко недобре зделали греки, мы и латинских книг не истребляем, но что ересь, то помораем, а их держим.

 

Объяснение, 1.

И сего ради подобает от таковых книг греческих печатных опасение велие имети, правое приимати, несогласное же что отметати. якоже и от Оригеновых книг прияты есть некия правыя словеса церковию. понеже аще и еретики право что творят, или мудрствуют, того святии отцы не порицают и у них еретичеством. но творимое ими, или писанное что правое мудрование о Бозе, приято есть святыми отцы, якоже о том писано есть, во святых книгах.

Объяснение, 2.

Итак о сем мощно привести многая и ясная указания, яко от нечестивых иже антихристами нарицающимися, аще и не последним: но обаче многажды множицею быть имело, и суть: не точию для человек потребнаго, но и Богу не противнаго, и для церкви православныя весьма полезнаго: якоже от Оригена сущаго еретика, но приято православною церковию, не только что толкования онаго на Псалтырь, и Апостол, но и целыя книги сочиненные оным, по указанному во святом писании и извещается. якоже в книге о священстве Иоанна Златоустаго, в житии онаго. и Барония, часть, 1. лист, 129. якоже Акилою и Саммахом и Феодотионом, сущими еретиками, и злейшими отступниками, и лице антихриста имущими: и таковыми сущеми бывшими по свидетельству Баронием в части первой на листу, 116, и 126, и 140. но соделанныя оными переводы Библии, церковь православная, не точию что отвергала, но еще в некоторых местах превышающее уважение над всеми преводниками давала. как писано о том в Граматике печатной при патриархе Иосифе, в предисловии, на листу, 33. и Максима Грека, книга, 3. слово, 10. лист, 91. такожде и во Псалтыре толковой переводу тогоже Максима Грека, во многих псалмех и стихах, приемлет от оных, и соупоминает уважение. сице и Псалтырь толковая, старописменная западнаго православнаго толковника, в предисловии на оную пишет. паки Дидим будучи еретиком с молодых лет сыи, но положенное от онаго толкование: на Псалтырь, и на Апостол, на многия стихи. и церковь православная не отревала, но и потомству предала. очесом зри в толковом Апостоле, и во Псалтыре в предисловии Максима Грека. к сим и самыи собиратель Псалтыри толковой, западнаго православнаго толковника, бывыи уже по 1000-щи лет, по сказанию предисловия оныя книги: сущии бискуп, папина благословения, и поставления. уже бывших от восточныя церкви отверженных, и лице последняго антихриста занимающих, иже первым настатием господствующаго на царстве римском, по писанному Кирилом Иеросалимским в знамение девятом. но церковь православная, как восточная, так и российская, оныя Псалтыри оригинала, соделаннаго таковыми, иже от православия отчужденными, и антихриста последняго лице составляющими, не только что отвергала, но паче приняла, и для пользы потомства своего и во многия экземпляры росписала: которыя и по днесь у любителей древности, существуют драгоценностию. И паки, греком имеющим быти еще безпорочно православным, по взятии Цареграда от турок. а молитвенныя богослужения, отправляющим по книгам, которыя печатаны были в Венецыи, и в Париже, очесом свидетельствует соловецкая челобитная, и Макария Виницкаго, и проч. иже и латынницы сущии, и уже собою тело антихриста последняго составляющии: и по повелению, или рещи и по благословению своего папы имеющаго быти главою, Христу противоположною, и антихриста место занимающию, таковая соисполняющии. то есть, печатающии книги. но церковь греческая, безсомнительно по оным богослужение отправляла. и ни от кого за то порицаема не была, но еще по премногу похваляема. по сих указаний зри Максима Грека слово, 37. и 61. и о правой вере, глава, 2 и 20. и благодатнаго дара чрез то не лишились. но еще и нашу российскую церковь, тем снабдевала: то есть; рукоположением патриархов России. как то: патриарха Иова: и прочих. И паки: якоже писано есть и в Просконитарии, Арсения Суханова; что в бытность его в Цареграде: глагола к нему патриарх Цареградскии, сице: яко мы рече: и сущих латынских книг не истребляем а только где ересь обрящется: то место помораем. и прочая. и так употребляли тыя книги для чтения. и таковаго положения греков при книгах и Арсении Суханов, ревностныи обличитель новизны, ни мало ни зазрел за сие, и в вину им не поставил: как и другия некоторыя недостатки, во оных находящиися обличал. зри о том книгу Просконитарию Арсения Суханова, часть, 4. июля во вторыи день. И сия убо книга между древними почитается за редкость. почему и сказано во святом писании, о книгах. како принимать таковыя. то есть, зане только бы имели быти по всему согласны с православием: а о писателях и проч.: ни мало испытовати не вынуждает. и решительно того и не заповедует, кто бы не был таковыи в сложности от всяких порочных частей, по свидетельству преподобнаго Максима Грека, часть, 3. слово, 20. страница, 126. и того же часть, 2. слово, 15. страница, 306. сице глаголет: аще православен кто, или еретик: но точию бы православию не противное было, оным написанное. и прочая многая о сем указания обретаются в писании святом. И се ясная от святых указание: что еретиками иже антихриста тело и лице составляющими, и не точию по оных повелению, но даже и самою оных личностию сотворенное, или составленное, и к тезоименитству святости, имеющих вещей относительное. и вся таковая, имело быти православною церковию принято за здравое, и за полезное, без всякаго опасения, и без малейшия сомнительности. и не только что каковой либо вредности приносило православным, но еще служило, и до днесь для благочестивых служит орудием к исполнению спасительности душевныя. и для познания истинны. и прочая. и аще бы по приказанию таковых, или содеянное оными, кое либо вещественное художество иже к потребным тела служащее, или ко орудию соисполнении богослужебных принадлежное имело быть недостойным на приятие, и нарушительным спасительности душевныя, или приносящим каковую либо повредность вере: то в таковом случае: давно бы издревле нужно всем православным, а особенно и под властию таковых находящимся, то первое: или помереть каждому до единаго за оскудение потребных. а второе: или бо веру повредить и нарушить. но и при таких случаех, не только что не повреждались, но еще наиболее оживлялись благочестием. как писано о том в книге Максима Грека [глава 37. и 61.], и о вере книге острожеской печати [о вере час., 1.]. и не оскверняли душевнаго благородия пребыванием с таковыми. и принятием от оных поделия потребных вещей: аще веры православныя при себе не нарушали, и жительства християнскаго не теряли.

 

Глава, 23.

О произношении молитвы Iсусовой; при крестном знамении.

 

Фотия патриаха Цареградскаго, книга: 14. глава, 6. лист: 117. сказание, 180.

И от новых свидетельство, зри История российская древнейших, до падения, том, 18. и 22. о обрядовом исполнении церковной истории. времена во исходе 11, и начало 12-го века. в поучениях Иоанна 42. митрополита русскаго.

Хвалю Бога, (глаголет Фотий) и предшествовавших отец и писателей. иже и мало что изнесоша видети в писаниях. добре бо и о молитве предаша еюже в боговидение соединяемся в Господа Iсуса. еже есть, Господи Iсусе Христе Сыне Божии, помилуй мя грешнаго. с сим же и метание творим; согласуяся с богословцами, и не инако разумевати в метании рукою. назнаменуя образ креста: соединився во уме с Богом, образуя рукою, и глаголя, Господи: с сим указуя персты на главу: яко в вышних есть Бог Отец. сводя же на среднию часть живота, идеже пупец, глаголя: Iсусе Христе. сим богословствуя, яко не приведением, но воистинну зачатся от Духа Свята во утробе Девыя. и роди: паки пребысть девою, и по гласу архангела наречеся Iсус. возводя на правое плече; глаголя: Сыне Божии. знаменуя сим, яко воистинну есть Сын Божии, и седяй одесную Бога Отца. низводя на левое плече, глаголя: помилуй мя грешнаго. сим прося помилования шуяго стояния. яко воистинну ожидая суд грешным, воздаяния же праведным. и весь той суд Отец даст Сынови. якоже честнейшии во пророцех Даниил пронарече [Даниила глава, 7]: И зрях дондеже престоли поставишася, и Ветхии деньми седе, и одежда Его бела яко снег: и власы главы Его яко волна чиста. и паки: видех в видении ночнем, и се на облацех небесных, яко Сын человечь идыи бяше, и до Ветхаго деньми дойде и пред Ним предста: и Тому дадеся власть, и честь и царство. и вси людие племена и языцы Тому поработают. и власть Его власть вечная. иже не мимо идет, и царство Его не разсыплется. и сего единаго в молитве сей ищем, и просим избавления суда от шуих. но быти въкупе с праведными в царствии некончаемом егоже воздаст праведным. и буди того всем нам получити, Того благодатию и человеколюбием, аминь.

В Пандектах игумена Антиоха, писанных в монастыре святаго Савы, в 7 веке. книга: 3. глава: 7. лист: 171.

И Фотий, книга, 8. сказание, 86. глава, 4. описателей житей святых церкви грековосточной.

Мнози невегласи, неведе святое писание, ниже обычай монастырей великих: и малых. сотворяют два метания рукою и поклоны с единою молитвою: еже есть, Господи Iсусе Христе Сыне Божии помилуй мя грешнаго. мы же сия писанием предавше: не последовати таковем обычием; но творити с единою молитвою, и едино метание. и на киимждо осязании было бы чювство осязательное, и умное. осязая главу глаголя, Господи. и сводя на пуп глаголя, Iсусе Христе. и возводя на правое плече глаголя: Сыне Божии. и сънизводя на левое плече, глаголя: помилуй мя грешнаго. посем поклон до персей, или кий изволит уставец аще имаши. Точию да не осязают на киимждо метании, знака оставшии трие персты. имиже образуем Святую Троицу. во единем составе от триех. да не вменится и нам то: иже нецыи тако творят. глаголюще: аще и един Сын пострадав. но въкупе бысть и божественное. яко же рече писание, есть Бог и человек: и не мощно есть страдати единою частию. Мы же да не последуем таковем обычаем, не согласно священному писанию держащимся. о сем бо много имаши предания в монастырех палестинских. и друзех от многих стран зде приходящих, на поклонение святому гробу иже во храме Воскресения во Иерусалиме, нецыи же аще и не искусне себе знаменоваху: мы таковех с Божиею помощию исправльше, обычаями держащимися в монастыре святаго Саввы. и святаго Иоанна Иерусалимскаго. и благодариша о сем нас много. отшедше восвояси славяху Бога.

Сему же согласно глаголет и в книгах Кирила Скифопольскаго. книга, 7. глава, 4. лист, 187. и далее.

Свидетельствует о сем и Фотий патриарх Цареградскии, в книзе, 30. сказание, 217. что Кирил мних скифопольскии, писатель житей святых. писании его 20, книг. подлежал половине 8, века.

И Евагрий книга, 3. глава, 6. о обычаях в монастырех палестинских.

Книга о старчестве, и о житии иноческом старописменная, слово, 11. лист, 40, и 41. О крестном знамении, и о молитве Iсусовой.

Буди же ти ведомо и о молитве Iсусове, како лице свое знаменати крестообразно, и чесо ради, возлагаем руку свою прежде на чело, потом на пуп, и на правое рамо, и на левое. Разумей силу священныя молитвы сия, первее полагая руку свою на главу, речем: Господи. сим гласом проповедуем превечное и пребезначальное рожество Сына Божия, от Отца без матере прежде век, и потом сносит руку с высоты долу, сиречь со главы на живот, или на пуп, и глаголем: Iсусе Христе, то есть схождение Сына Божия с небесных круг от безначальных недр Отеческия славы на землю, и во пречистем чреве своея матере Девы Марии, безсеменное зачатие и воплощение. а еже паки от долу, то есть от пупа возносим руку на правое рамо или плече, глаголем: Сыне Божии. то являет паки от земли на небо преславное Сыновне вознесение, и одесную Отца седение, по пророку еже глаголет во псалме, 109. рече Господь Господеви моему, седи одесную Мене дондеже положу враги Твоя под ножию ног Твоих. враги Сына Божия отпадшия ангели, сиречь беси, и непокорнии июдеи, понеже бесовским потыканием распяша Господа славы. и оттоле паки обносим руку крестообразно на рамо левое глаголюще сице: помилуй мя грешнаго, или помилуй нас. Сим просим Господа, дабы свободил нас шуяго стояния, и со грешники мучения. Сия пять слов, и крестообразное обношение крепкое на враги оружие нам дадеся. и с сим убо оружием пустынницы и общежительницы от врагов невидимых защищаются, и мирския в домех яко оплотом ограждаются. на пути же аки во броня облачаются, и узники от бед избавляются и надеждами веселятся. Сия бо молитва страстем и помыслом отгнание, и бесом страхование, Божие примирение, грехов отпущение, уму просвещение, ярости пременение печальным утешение, страхующим утвержение болезненным изцеление, блудником целомудрие, отчаянным паки к Богу обращение, на ратех воином дерзновение, иноком воздержание, царству небесному желание. память смертная, любовь Божия, воздержанию мати, целомудрию и мужеству вина, сребролюбию смерть, милости наставница, вражде примирительница, упитанию пагуба, венцем ходатайца. О сей молитве великии апостол Павел в послании своем к коринфом пишет, хощу рече пять словес умом моим в церкви рещи да иных пользую, нежели тьму глагол языком глаголати. и блаженныи Лествечник Иоанн глаголет: сицевыи ратники Iсусовым именем, крепчайше бо сего оружия несть, ни на небеси ни на земли. и паки молитва есть совокупление, и соединение человек к Богу, благообразие мира, ходатай к Богу, слезам мати, грехом прощение, искушению мост, стена печальным, воинств содержание, ангельское дело, некончаемая служба, добродетели источник, благодати раба, брашно души, мысли просвещение, и прочие. о молитва! небесная слава, кто тебе держится весь просвещается, и от Бога венец увязется, и царствия небеснаго сподобится. яко тому подобает слава, честь и поклонение, со Отцем, и со Святым Духом, ныне и присно и во веки веком, аминь.

Сия книга о старчестве, имать в себе глава или слов, 61.

И в послании Семеона архиепископа Новогородскаго, во Псков, послание, 17. в 1416, году. о молитве Iсусовой при крестном знамении. Сие послание направленное архиепископом Семеоном, в другом извещении, каковое учение более согласное, со обычиями держащимися во вселенской церкви. но и подтверждая преподобнаго иугмена Антиоха, иже во Иерусалиме. каковое узрим из нижеследующаго содержания.

Семеона архиепископа Новогородскаго, книга, 4. глава, 7. послание, 17. во Псков, о молитве Iсусовой.

И в Актах истории, номер, 15 века. книга, 48. страница, 877.

Протопопом, и старостам церквей архиепископии Новгородския. смиренныи Семеон архиепископ Воладимерскии, Новогородскии, Псковскии, и Малор