О БРАКАХ НЕЗАКОННЫХ

ИМЕЮЩИХ БЫТИ ДО ВТОРАГО ПРИШЕСТВИЯ ХРИСТОВА.

 

[Рукопись сер. 19 в.]

 

В последней половине 9 века вышли из под пера многоученаго мужа, и учителя Восточной церкви, Цареградскаго патриарха Фотия, особеннаго содержания книг 38. из коих будем в подлежащих местах иметь по надобности доказательства. книга 10 глава. 2 лист 72. сказание 84. Зри сборник материалов и документов, относящихся к греческой церковной истории 9 и 10 века. 8 раздел под буквою Ф. издание 4 Петербургской Духовной Академии Наук в 1844 году. Иосиф Флавия. книга 12 глава 8. история 86. О незаконно порождающихся по брачному союзу, в церкви ветхозаветной.

Не лишним почтох довести к сведению читателя: и о оном глаголе патриарха Иякова, иже неоскудеет князь от Иуды, ни вождь от стегну его дондеже приидет, ему же предлежит, и той есть чаяние языком. Добро убо глагола патриарх паче реку Израиль: не оскудеет князь от Иуды. Согласуюсь и аз быти законному порождению до пленения глаголю Вавилонскаго, и до Христа ни един царь бяше, и князь. Но понеже убо исчезоша от племени жидовска, паче же от колена Иудова царие и князи, и владыки, и Ирод царствоваше не бяше жидовин: Анна же и Каиафа, архиереи бяху тогда, и законом повелеваху но не суть законнаго порождения, не от иудейска. Что же речем о рождении сем незаконном: сиречь не под законом: яко же род бяше жидовск. Аще и не под законом совокупльшихся на детотворение, идумеян и самарян, но закон исполниша, и бысть под законом яко же и Захария первосвященник и Симеон нарочиты быша. Един убо исполняя закон обрезания, исполнителю закона, паче же реку дателю закона, а другий виде Господа и рече: ныне отпущаеши раба Твоего, Владыко. Рабом называшеся, не бяше иерей от колена по плоти жидовска: мать бо бяше племени самарянска. И другий же идумейска, сиречь мать Захарии. И брак не по закону бысть но  под законом. И не возгнушася Владыка Господь, оными не от законнаго супружества произшедшими, но благоволи на них, единому же скончатися мученически между церковию и олтарем, другаго же отпусти с миром яко же и сам рече: Видеста очи мои спасение Твое. И прият оныя ко отцу их Аврааму аще и не от колена израильска: но исполниша закон. И бысть сынове Израиля, сиречь, законоисполнителя Авраама. Что же речем о Христе, иже бысть на браце в Кане Галилейской. Не суть по закону жидовску брак бысть, но под законом. И не возгнушася Владыка Господь; оными не от законнаго супружества произшедшими, сиречь познавшему закон мужеви брака. И такожде поемлемая в жену, не суть племени жидовска, и не пришедших к закону аще и зная закон. И не возгнушася Господь, чая спасения от них. Тако будет и пред вторым его пришествием на землю со славою многою, воздати комуждо по делом. Детотворение убо аще и будет не суть от брачющихся законно но от смешения греховнаго, не по закону рождьшихся, яко же и в первом пришествии бысть. И таким детотворением продолжится род человеческий до конца мира. И будут праведнии святии спасаемии, оставльшим же отца и матерь, или жену и чада. И вкупе с церковию же побегнут от прелести мира сего. А коль паче во времена скорбей царства антихристова сиречь тогда обладан будет сластьми весь мир, и всюду отступлениями правил веры. И познаем от сего пришедшу антихристу сласти умножатся, и небрежение о спасении всюду будет. Отселе познаем и браком быти под смешением греховным пришедшу антихристу. И в тыя времена оставльшим жены и чада, отца и матерь, и всельшихся в местех пустыни, идеже не достижет их Прелесть. Яко же рече апостол Павел, в послании первом к коринфом: да имущии жены, яко же неимущии будут, сиречь, имеющия жены, и оставльшия онех, и распеншиися миру, и принесоша плод достойный покаяния: ов же 100, ов же 60, ов же тридесят. о смешении к жене и детотворении. И тако от сих воинствовать пребудет церковь верных, в местех непосещаемым люду сластьми обложенному. И наполнятся от падшаго чина венцы, от сих яко же глаголах спасаемых, святых же и праведных. И по сих приидет Господь в славе ангел своих, и упражненней бывшей сласти, ею же обладан бысть весь мир, сиречь упразднит антихриста духом уст своих, и явлением пришествия своего, и с ним греховный оный брак погибнет. Ибо сынове века онаго ни женятся ни посягают, яко же рече евангелист.

С настоящей точки зрения мы имеем с тобою любезный читателю при близости наших мыслей приити на третие наше доказательство. По которому зависит во всех направлениях путь ведущий нас к вечному блаженству безспорно все сии высокия образцы нашей жизни, которое не может разрушить никакое противодействующее оружие. Например оружие направленное Павлом во всем блеске предписанном о шестой церковной тайне против безбрачия. О сем много сожалею аз, что личности сего сочинителя несть в местах зде лежащих где нахожуся аз. Да впрочем, той автор всегда избегал не только нашего присутствия, но и встречи: а иногда отзывался при встрече, каким либо уклончивым и к предмету неуместным ответом. Ибо учение его коснувших многих простых сердец, подлежащих к склонностям брачнаго врачевства, сего ради вынудил нас взять в руку трость, и прокритиковать его авторитет. При сем нужно обратить внимание многоуважаемый читателю, на доказательства нами данныя, изобразится с данным учением Павла, каковым позволил себе обусловить те доказательства священнаго писания, которыя подлежали вполне к цветущим временам церкви Христовой. Но впрочем подобное учение, его обязывает по обстоятельствам жизни ему благоприятствующим, а тем более чтобы под фирмою своих изданий учения, прикрывать блестящия на себе ризы, и под предлогом необходимым ему износить, что священницы твои облекут в правду, по слову царственнаго пророка. Проверим отзыв, что в правду ли облекся проповедник Павел. Напротив совсем в прикрывающую его светлую ширину: а не в правду и к пояснению сего поставим учение блаженнаго Симеона Фесалоницкаго, от котораго нередко пользуется и Павел. Святый Симеон пиша о предмете шестой тайны, и разсуждая при том падение первобытнаго человека: а вместе с тем и предел Всевышняго о будущности брака. Что брак устроенный от премудрости Божия, есть Его дар воспоследовавший в мир ради снизхождения, в непрерывное существование потомства Адамова, который продолжаться имеет дотоле, доколе сотлением стоит сей чюдный мир. В заявлении на то нашего согласия: имеем данныя доказательства, что существование браков, для продолжения человечества, будет иметь свою силу, в потомстве Адамова рода; в таком разряде, в каковом указали мы учениями патриарха Фотия, а тем более Иосифа Флавия. Павел в пользу своего глагола о браках, руководится книгой Иосифа Флавия о первобытных браках в церкви Христовой, в книге шестой о войне иудейской. А напротив того, в книге двенадцатой, история 86, того же Иосифа Флавия, заставляет Павла молчать: с браками обстаеваемыми, во времена нам подлежащия. И посему свидетельству, значит будет существовать полный круг мира делами относящимися вне закона мирскаго брака: до обновления всех естеств существующих. После сего Павел, должен встретиться: и обоюдно быть с теми браками, о которых писал Фотий, в возвание западных стран миру, гласом пророка Иеремии: что последователи в защищаемых: браки должны смертию болезненною погибнуть. И от сего вонмите, должны ли допустить в подлежащее нам ныне время, путь указанный Павлом. Ибо не может быть совместно его учение, со обыкновенною законною гласностию: которая указует путь без пристрастия, путь истинны, и спасения вечно желающим его получить. И сие осталось нетрудно достигнуть, потому что все трудности желающему преодолимы: и видим пред собою вполне надежное пристанище, могущее спасти, от всех сокрушающих волн, пребывающих и быти имущих на борте нашего судна, на котором паки пущаемся плавати по волнам великаго моря; проследить оставшия для нас предметы. А Павел  должен остаться, и исправить свои повреждения, зря на наши последствии имущии великое влияние на судьбу всего мира. При сем поясняется зде для неведущих о книгах Иосифа Флавия, во еже колико его книг и кая польза руководится оными. Первое Феодор чтец, подлежащий к последней половине шестого века, в книге 2 под буквою I. пишет о Иосифе Флавии, что толкование его на священное писание есть полезное в числе 18 книг. Евсевий Памфил книга 6. разсуждение 34, глаголет: что книги Иосифа евреина есть драгоценнейший памятник и руководство к пути хотящему спастись. И Фотий патриарх в книзе 7. сказание 304, глаголет: что дошли до его времени Иосиф Флавия книг 36. А в наше время видим его книг только двадцать.

 

Кроме благословения и венчания иерейскаго, и ангелословных молитв брак не состоится.

 

Матфея прав. состав Г. Правило Василия Великаго 78. Глава 8. Но и тогда убо с предстатием единем брак состояше. в нас же не убо состоятися может. кроме священнословия. без священнословия брак не состоится. Состав Ф [глава 7]. Брак иже священник требою ветхое преступление не отмыет скверен быти мнится. Кормчая глава 43 лист 444[344?] обор.: Иоанн Фракисия повелевает никакоже обручения творити, никогдаже, или обручения имя истинное имети сотворяем, аще священническаго благословения совершаема не имат на себе, лист: 346 обор.: обручение же священносовершаемо божественными глаголы, иже о браце совершаемых молитв, сочетанию приимших. Варда хранитель палаты начальныя браку молитвы. на обручение совершенное: аще не Бог посреде совокупльшихся лицу обручение внидет. Глава 47 [43?]. лист 335. Заповедь новая царя Алексия Комнина. прилагают бо и священное сословие, рекше молитвы обручения и венчания, не токмо свободным, но и рабом держати: и отселе не быти, и инако не именоватися законному браку и християнскому строению достойну, аще не молитвы совокупляющихся, рекше, жениха и невесту в любовь свяжут. Лист 336. Елико же аще без священнословных молитв своя рабы, на сочетание брака, совокупляюще, не боголюбив брак составляют им, но блудническое смешение утверждают. иже бо не совокупи Бог священными молитвами призыванием, тии вси сходятся на грех. Матфей прав.: состав Г. глава 1. Брак есть мужа и жены совокупление и наследие во всей жизни божественныя и человеческия правины приобщение, любо благословением любо венчанием, любо записанием, а яже чрез сия бываемая, яко не бывша вменяем. Кормчая старописменная. Послание Максима митрополита русскаго. глава 52. к новоначальным христианом пишуще сице: И се вам детем моим. да вси чада моя по рождении в купели новокрещенной да держите жены, от святыя соборныя и апостольския церкви. аще же держите их в блуд, без благословения церковнаго, то что ти в помощь есть, но молися и нуди их, аще и стари суть или млади, да венчаются в церкви. От послания святаго Фотия митрополита рускаго в Нов град. А котории не по закону живут с женою без благословения поповскаго понялись. тем епетимия три лета, как блуднику, да паки совокупити их молитвами. ниже: а без благословения аще восхотят жити, ино разлучити. Кормчая писменная. от послания Иоанна митрополита рускаго. ко Иякову черноризцу. глава 93. Яко же рекл еси. не бывает на простых людех благословение венчания, и не бояре токмо, но и князи венчаются, простым же людем яко и меньшицы поимают в жены своя с плесканием и гудением. разум и речь даем им, иже просте и беззаконне простцем и невежам творят совокупление кроме божественныя церкви, и кроме благословения, творяще свадьбу тай, и иже ся тако поимают, яко блудным епетимия. Кормчая печат. глава 52. лист 522. Изряднее же да весть иерей, яко супружеством между восхищающим и восхищенною. Егда сама восхищенная в власти восхитившаго ю пребывает, такожде и потаенныя и вся прочая супружества, яже не с благословением церковным и чинным от своего си пастыря, си есть от епископа, или от тоя парохии священника. венчанием при двух или триех поне свидетелей совершаемая, по соборному уставлению и святых отец учению, незаконно паче беззаконно, и ничтоже суть. Лист 524 обор. Супружество бо или законный брак, есть вещь святая, тем же и свято сию совершати достоит. Лист 411. от закона градскаго. грань 4. Никтоже втайне да венчается, но и при множайших людех. ибо се дерзнувый сотворити да накажется запрещением мучим. сиречь. иерей, яко неподобная себе вложит, втайне венчав достойных истязан будет по церковным правилом заповедей. Лист 335. глава 43. Брак убо по законному времени, ветхими же и новыми законы, и от нас изложенною новою заповедью да соблюдается со обычными его вещми и не подобает никомуже от всех граждан чрез сию изложенную от нашея державы заповедь ничто же творити. Глава 51. лист 551 обор. Некий человек утверди обручением супружество, еже имеяше заводити с некоею женою: умре же прежде даже венчан бысть, и прежде даже не снитися има, достоит брату его оную жену пояти. Ответ: святаго патриарха Антиохийскаго Валсамона. Доброе несть добро, аще не добре составлено будет, аще убо обручение составися по чину его же состави заповедь светлейшаго царя господина Алексия Комнина со обычными си есть святыми молитвами: имеющей жене 12 лет мужу же 14 исполнь. не может пояти ю в супружницу брат его, сице бо соверше́но обручение есть во всем равно венчанию, и совершенному супружеству, аще же сотворено есть инако, си есть по обычаю иже ныне содержат по всем странам полунощным, и восточным яко слышим, си есть кроме молитв не сущу мужу, может убо тогда спрящися законно брат его с нею. Матфей прав. состав Г. глава 15. Не бо совокупление, но молитвенное служение творит обручение, яко же браку вменятися. Месяца января в 11 день, от жития святаго Саввы Сербскаго архиепископа, из книги старописменыя статия 41. О исповедавших ереси святому, посылает же и эксархов. много взыскующе. ихже яко погански без благословения и молитв жены поемлющих, и сих венчати повелевает аще же и в старости и дети таковыя имуще будут, под окрыл матери прияти. и с ними венчатися. Севаст Арменополь, книга 6. во ответах хартохранителя господина Петра, глаголет: Яко смешение без священнословия блуд есть. Барония в лето Господне 258, восточныя церкви о том во Иконии, и во Фригии собор сотворише, уставиша ни едину тайну, у еретиков в тайну вменяти, и паки той же Бароний в лето Господне 57. Ко ефесеом пишет апостол. Тайною брак нарицает, его же чести ради и сей закон произыде от апостол. дабы в церкви и свидением епископским совершатися. Катихизис малый. лист 68. Вопрос. Которая есть шестая тайна. Ответ. Достояние брака, иже бывает общим изволением от тех, иже входят в достояние без всякия пакости, и благословением священническим; егда себе обручают взаемно, веру, честь и любовь брачную соблюсти, молитвою и благословением утвержено есть. и тайною именуется по реченному, тайна сия велика есть. таковое достояние брака и писание святое похваляет: честен брак и ложе нескверно: Вопрос. Что или какия пользы сея тайны. Ответ. Первая польза есть, яко иже чистоты девства соблюдати не могут, то брака ради всяко блудодеяния убегают, по реченному, обаче блудодеяния ради кождо свою жену да имат, и каяждо жена своего мужа да имат. Другая польза яко рождьшиися дети от брака, не токмо честными глаголются, но и святыми суть. Третия польза яко во всяких случаях и немощех, наипаче муж жене, и жена мужу ближними суть. яко же святое писание учит: от зачала создания, мужа и жену сотворил я есть Бог: сего ради оставит человек отца своего и матерь, и прилепится к жене своей, и будут оба в плоть едину. Четвертая польза, яко в достоинстве брака, по образу его живущии, и ни единыя хулы от Бога и от человек приимут, ниже в совести обличение. Вопрос. Кий конец брака есть. Ответ. Конец есть сему браку чтобы человеческий род умножался и число бы назнаменованных и избранных в царство небесное исполнилося. Матфей прав. состав Ф. глава 7. Разрешении согрешений яко иже в нас естественных страстей, совокупльше рещи собрание по Адамове яко же вемы преступлении в человеческий вниде род, яко же недугом со ослабою впадшим. от сих убо естеству сопрягошася. Овая же естеством строима и произволением. и ова убо имут безгрешное, еже довольно имети благоизвестие. безсловесную нужду естества аще непотребу токмо безмерие повреди. а на иная произволение ведет, еже словесному и самовластному сходится естеству подклонятися ей повинующе безсловеснаго естества страстем. мощно бе аще хотел бы и не издатися, не всячески непорочное, аще и прощенно бысть избеже, темже убо и очищения сия требуют, яко прародительному побеждению по стопам последующия. Ибо и брак, аще и безсмертнаго его же испадохом мнится носити изображение, но аще не приемлет помощника закон, и священною требою ветхое преступление омыет, сквернен быти мнится. яко же раждаемии младенцы, аще не божественною банею очистятся, и вдали нашего отстоят приобщения, и убо не от произволения естественных прародительныя причаститися скверны веруеми. яко бытия вины плотское приемше желание, яко же рече божественный Давыд себо в беззакониих зачат есмь и проч. Матфей прав. состав В. глава 1. Да убо ни еже младенцы адамова греха свободни, яко зачатию их в беззаконии бывающу. от сласти бо совокупление, и последующее зачатие, и аще не бы закон помогл браку, грех бы вменил сластолюбию бо и похотению подвижущу на то, аще и за детотворение бывает, да аще убо вину имат плотское желание, еже телес бытие, несвободна инородная отрочата прадедняго греха, егоже очиститися подобает божественною паки бытия банею. Матфей прав. состав Г. глава 15. Не бо совокупление. но молитвенное служение творит обручение, яко же браку вменятися. Книга Степенная. степень 1. глава 28. Князю Владимиру писали гречестии цари: Немедленно потщися приступить к Богу и просветитися святым крещением, и в сыновство Богови сопричтатися. И тогда абие кроме всякаго прекословия с подобающею честию послана от нас имат быти вожделенная твоему благородию на брак самобратная сестра наша, с нею же во святей церкви славою божественною, и царским венцем, и достойною честию, венчан имаши быти, и от руки иереовы приимеши ю в супружество к себе: якоже христианский закон обдержство имат. Стоглав. глава 18. Ответ собора 12: о обручении и венчании. Обручение бо и венчание было по божественному уставу, все сполна. во всем священническому чину. а венчали бы после обедни. а нощью бы не венчали. а венчали бы отрока 15 лет. а девицу в 12 лет. по священным правилом, а меньше бы того не венчали, и потом бы новобрачных поучали от божественных писаний. како подобает православным христианом жити по закону. и прочее. яко же есть писано в служебнике. Книга древлеписменная Златоструй, Иоанна Златоустаго слово 111[11?]. По вшествии Господа нашего на небеса, вере распространившейся, видевши апостоли мнози мятеже и блазни злы в житии сем, повелеша им венчатися, и священником заповедаша не ходити на таковыя пиры не сущу венчанию. Тем святии отцы таковыя в пост вложиша, любодеяние нарекоша, таковый брак. Епитимейник старописменный в предисловии глаголет. Без венчания бо женитва, не законна и не благословенна и не чиста, но тайный брак нарицают святыя книги. Номоканон старописменный. к главе 29. И еже аще дьяк, или всяк человек, без венчания жену поял, и дети прижил яве яко естественным законом, рекше при свидетелях, и самих к себе склонением, обаче повелевается всячески венчатися, аще и дети будут; лишивыйжеся сего от церкве отриновен бывает, и принос его не приемлется в церковь, и ниже в домы их ходити попускается. Матфей прав. состав ω. Сходствуя сим и святейший Никифор патриарх цареградский. не хотящаго оставити посадницу но ниже благословитися с нею, и священнодействием имети: За пренебрегание таковое и приносы его отметаются. Книга Маргарит. лист 537 об. Не можеши ли рече Златоуст: быти девственник; брачися с целомудрием, точию в церкви, точию на ризе точию пред царицею. Книга Феодора Валсамона патриарха Антиохийскаго, правило 68. книга 32. А еретический брак не есть брак но блудилище. аще есть благочестивый епископ, паки да венчает их; аще же в которой стране не случится быти благочестиву епископу, и браку сочетать некому, а хотят жить с женами совокупно, таковии до смерти да плачутся, и с верными не помолятся, но особь да помолятся.

Книга Григориева видение лист 30. О преподобней Феодоре. И обретохом мытарство. 17, еже есть любодеяние. Вскоре же убо слуги того прискочиша, и испытоваху со тщанием дела моя понеже прежде егда не работах святому нашему отцу, имех супруга, егоже предаде ми госпожа моя, и живях с ним, падохжеся некогда от него со другими юношами, и сего ради тии много на мя клеветаху. реша же им святая ангела, яко сия раба бе, ни от иерея благословися, ни в церкви венчася с мужем, его же взят. да не прелюбодеяние будут сицевии греси. но и паче блуд подобает сия глаголати. Они же противу глаголаху: несть ли вторый раб Богу стяжавый его, и искупивый его сребром господин его, сия убо у своего владыки сочетася с мужем, подобно есть прелюбодеяние глаголати грех ея, а не блуд. и в сем прении одолеста им святая ангела моя, ничтоже им давше отъидохом от них. Они же покивающе главами своими, претяху глаголюще: аще и нас проидоста лукавыми своими словесы, но блуднаго истязания никакоже убежати возможете, яко многоделательна сущи паче инех, и выше идуще. Кормчая лист 337 обор. Понеже убо ветхий рече закон обручение едино совещавающих воли сказует, и боле того ничтоже завета, или тому последствующих писаний обручении испытовает к явленному ветхаго завета противлению добре сочета. По старому же законоположению бывающая, яко человеческая угодия вопрошанием имети, оставлена быша, и един ветхий закон о сих прощает держати, яко повелена возбраненная. Святая церковь предала, во исповеди отцем духовным, в первых вопрошает женатых и вдовцов венчался ли еси с женою своею, тако же мужних жен и вдов, венчался ли еси с мужем своим. Севаст Армонополь. книга 6. Кроме же венчания сочетавшихся с воли господ, именует блудом. запрещает просфиры приимати и молитву в дому Господнем, и прочая. Симеон Фесалоницкий. глава 275. Глаголем уже о браце, иже по божественному прощению в человецех есть действуемый в мире хотящим жити, за едино детотворение попустися ради от преслушания последовавшия смерти, дондеже убо приидет яже чрез Христа жизнь и безсмертие, присущее тленное пребудет житие. И не без благословения человеческий пребудет род, и начало и еже быти в житии. и яко от нескверныя церкве. благословение имущу браку. да тщится иже в сем нескверно быти яко мощно и законно без гаждения и смерти сочетаваются, и яко рещи непорочен, и девства близ хранити брак. Глава 276. Чесо ради венцы в браце, времени же наставшу браком, во храм жених и невеста приходят. от Бога и от церкви Его муж жену емлет. и иерей во священную одежду одеявся. И прежде священная святая, зане пред Христом бывает дело. и Той будет тем в священие и к Нему правою верою и целомудрием общее и единение. И тако изшед в паперти, или внутрь дверей храма, яко начатку даему благословению и в преддвериих сущу делу яже залогов творит. Глава 277. Благословляет убо иерей Бога, и мирным глаголемым понеже и требе от Бога мира, и в мире и ради мира сочетоваются, и едино умно, да поставляет убо мужа из десных, понеже той начальник и глава жене, жену же из шуих, яко низшую и яко от ребра его, вина тоя муж и по мирных молятся, да Бог разделенная собираяй во единство, благословивый Исаака и Реввеку. и проч. Исаака же поминает и Реввеку а не иныя древних; зане иная Исааку не сопряжеся, и целомудренно с нею живяше единою. От сущих же благодати никого поминает в браце, зане не предваряющее дело христианом брак аще и благословляется от Христа за удобоползновенное и человеческое и тленное еще миру состоятися. Совершенная же евангелием мысль девство и нетление, к нему же и могущия вместити призывает. Таже сплетает их десницы, показуя еже во Христа совокупившася, и едино быша, и яко муж жену от руки церкви чрез иерея приемлет. Молится иерей. да обручивый себе самому, от язык деву чисту, нам явленно верныя. вводит тыя среди храма во многих свидетелех, яко чада церкве прямо жертвенника пред святыми дверьми яко пред Богом водя. Егда же поставит их пред жертвенником, отрешает руки напреди тыя имуще яко пред Богом стояще. иерей молитву брака глаголет. Бога Святаго призывая безтелеснаго же и чистаго, создавшаго человека, и из него жену помощницу, Того послати свыше руку своею, и сочленити друг со другом. и паки спрягает их руки, совершенное являя соединение. и спрящи глаголет в единомудрии, и дати им плод чрева благочадие же. таже венцы от жертвенника взем. иерей 2-жды глаголет молитву. Глава 281. Яко брака совершение архиерея свойственное дело иерарха. дается же сие обаче иереом творити яко совершение само а не подательныя благодати, обаче же с наказанием и в коемждо деле брака яко свойственно есть епископа, и без воли его не можно составитися браку он бо церкве архиерей един. Второе молится с молитвою: самому чрез появление свое честен, в Кане показавшу брак на него пришедшу, и сочетавающияся ныне на брак призывает в мире соблюсти непорочно нескверно же и сохранити житие и в старости мастит достигшия деяти божественныя заповеди. и возглашает. Тем же достойным быти общения браком супружествующимся и в храме святем сочетаватися в дому Божиим. Таже и прилежному молению бывающу, и поминаемым купно супружествовавшимся, уже бывшим едино. Таже Христа призвав ради Матере Его и святых Его милость всем дати и спасение, отпушает и благословляемии от него невестний, в дом с радостию идут. Сия убо и яже брака, и не треба множае глаголати, яко и о всех научают яве ны отцы, токмо нужное сие ведети, яко сочетавшиися браком от Бога сочеташася, и чисти призыванием чистаго, да соблюдают убо друг другу несквернен брак, и в мире благословенные да пребывают, и еже прияша от Бога единение в честности. Кормчая лист 336 и 338. Их же бо не совокупи Бог священными молитвами призываем и проч. и паки понеже Бог посреде совокупляющихся лицу обручением вниде. Лист 335. И свободни убо совокупляющися браком друг другу, прежде божественною связуются молитвою, раби же отпадают таковаго добра, и не приемлют Бога на благословение сочетания. Кормчая. правило 72. 6 вселенскаго собора. лист 200. Не тверд с еретики брак. совокупльшиижеся прежде сего правила, аще хотят да пребывают. Толкование. Не подобает правоверному мужу, еретицу поимати в жену: или правоверней жене за еретика ити мужа. аще неции невернии суще законным браком совокупишася, и потом муж убо неверный, приступит к вере, жена же и еще лестию одержима есть, и аще волит верен муж жити с неверною женою, или верная жена с мужем неверным, да не разлучается по божественному апостолу: святитбося рече, муж неверен женою верною, и жена неверна мужем верным. Кормчая старописменная. правило 72, 6 собора. Не тверд с еретики брак, совокупльшиижеся прежде сего правила аще хотят да пребывают. Толкование. Недостойно есть правоверну мужу с еретичкою женою совокуплятися, и еретику мужу со женою правоверною смеситися. но аще явится что таковое от некоего, и всех бываемое неизвестный брак мнети, и беззаконное разрушить совокупление. не подобает бо несмесных смесити, не может бо волк со овчатем совокупитися, ни христовой части грешных жребий. аще ли кто преступит от нас заповеданное. да отлучен будет. аще ли неции в неверии сущи. тии тако в правоверное стадо причтена между собою браком законным совокупишася, посем избравый ов доброе к свету истинному притече, ов же объяся связанием не хотя к божественным лучам воззрети. благоволит же с верным неверная жена жити. или паки неверный с верною. да не разлучается по божественному апостолу святитбося муж неверный женою верною, и жена неверна мужем верным. Матфей прав. состав Г. глава 12. правило 72. шестаго собора. Семьдесят второе шестаго собора, сице поречи уставляет, не леть буди да православен муж еретице жене совокупится. ниже убо еретику жена, православная да спряжется но аще и явится что сицево от котораго бываемо. не тверд менити брак, и беззаконное разрешати сожительство, не подобает бо несмесная смесити; ниже со овчатем волка соплетати, и Христове части грешных жребию. аще же кто преступит от нас уставленная, да отлучится. аще бо и по градскому брак уставляется. общее  и наследие Божественныя же правины како убо сложатся друг другу. иже большим разньствуют. душевным усвоением сопротивна мудрствующе о вере. тем же: и по разрешении неприкладнаго брака отлучатися приступающим сподобляет. но сия о иже брачне ныне быти совокупляющихся, и еже убо единей стране еретическим прилежати преданием, другой же православной держащеся вере. аще ли же обе части рече егда брачне снидошася исперва православных отчюждена бяху части: ова убо позна истинну, другая же еще тме нечестия работает ради сожительство да разрешится яко же в коринфе великий уставляет Павел аще бо волит рече; с неверным жити верная, или сопротив паки, верный с неверною да не разлучается освятитбося муж неверен о жене верне и: и сопротив паки. Обаче зри. како и божественный апостол Павел снисхождение творя, аще волит рече, верная часть жити с неверною. яко же аще не волит; без сумнения брак да разрушится. уповающе яко начала ради бяху сия и начаток проповедания, а еже днесь имящее, како есть мощно иудеину или агарянину крещьшуся, или крестившейся в[сожительствовати с?] неверовавшим. яко же при патриархе бысть Феодотии. просковичар бо царский всяко патриаршеским писменем распустися с женою, не покаряющуся мужеви много молящуся благочестия прияти. на поле: Феодотий патриарх при нем и распуст бысть. Севаст Арменополь. книга 1, сечение 5, надпись 2: Трульск. 72 и 18 Лаодикийскаго. Верной и неверной жене совокуплен да разлучается, пребывая иже да отлучается неверных бо супружник аще другий их уверит, и соблаговолит верному сжити неверный, да не разлучаются по Павлову гласу: Толкование: При патриархе Феодотии трубач царский крестився, патриаршескою грамотою разсупружествовася к жене, не покаряющейся мужу много примолящу благочестие прияти, еже есть противное правило сему. Книга 5. Ответов Феодора Валсамона. Вопрос 11. Аще пришедшаго к вере православных еретика жена и чады, или инии сему соучрежденницы и здомовницы, не воспрославят но удержатся первейшия ереси. не возбранится ли совершивыйся, яко речеся, крещением на иерейский степень, или епископский возъити; или за оных злобу и той сицеваго блага лишится. Ответ: Тридесят убо шестое правило в Карфагене синода глаголет: епископу и презвитеру, и диакону не хиротонисатися прежде неже вся в дому их православныя христианы сотворит. 72 правило в Трулле святаго вселенскаго синода запределяет вча́сте сия речисто. Аще же неции в неверствии суще, и не у православных пречествовавшеся, пастве друг другу браком законным сочеташеся, таже ов убо доброе избрав, к свету истинному притече, ов же от лести удержася узы, ни к божественным воззрети лучам изволися. благоволит же верному неверная, или паки неверный сожительствовати верной. да не разлучается по божественному апостолу. освятится бо неверная жена в муже. Возъявляемое убо противенство двоих сих правил правило решающе глаголем убо из рождения убо православный, с женою еретическою совокупився не сподобися клирства. аще не в дому своем сотворит православных христиан. яко и церковнаго отлучения есть собрания; яко христовой части соплетши жребий грешной, праведно, аще от некоего инаго слава не запинается, хиротонии сподобится иерейския, что бо глаголет, веси великий апостол. аще верный приведет неверную супружницу свою к вере. добре убо православную веру пришед от службы еретик, по правилом удостоится сана иерейскаго, аще и не воспрославят жена и чада его. Никона Черногорскаго: Тактикон. слово 26 лист 147 обор. Обаче паки святый шестый собор о еретикох и иноязычных, в слове совершенаго брака сущих в седмидесятном правиле глаголет: яко не лепо есть православну мужу от еретик жене совокуплятися, ниже паки еретику мужу жену православну обручати: но аще и явится что таково неким от сих бываемо, не тверд брак вменяти, и неправедное разоряти сочетание. Не подобает бо несмесным смешатися, ниже овчати с волком сходити, и сплетатися Христове части к грешных жребию, аще ли кто преступит от нас повеленная, да отлучится. Аще ли неции и еще в неверствии суще, и не у православных примешени бывше стаду, друг другу брака законом обручашася, таже ов убо доброе избрав к свету истинному притече: ов же от прелестныя удержан бысть узы, не хотя к божественным воззрети лучам: благоволит же с верным неверная жити, или паки неверный с верною, да не разлучаются по божественному апостолу Павлу, святитбося муж неверен о жене, и неверна паки жена о муже. Показа убо и сие божественное правило различие, и изначала убо правилу вещи бедное, на концы же апостолово неповинно и безбедно, понеже мнози от подобных мне от своея похоти прельщаются, и в безсловесную вину приносят божественнаго апостола слово глаголющее, яко да не разлучается неверная часть от верныя. Сию безсловесную вину святый шестый собор: от среды изъят, и истинну от прелести показа хотящим, и протолкова еже в киих и когда подобает апостолово слово ключаемо быти. Кормчая старописменная. правило 14. четвертаго вселенскаго собора. Понеже в неких областех ослаблено бысть четцом и певцом женитися: устави собор да не леть будет никомуже до них иноя веры жены поимати, аще ли будет же дети приложили от таковыя женитвы. аще ли будет рождьшияся от них у еретик крестили приводити я ко общению соборныя церкви. аще ли будет не крещен к тому не мощи́ крестити их от еретик ни смешатися браком со еретики. ни  жидовином ни еллины. аще да не обещается приложитися в простославни. в совокупляемой с простославни. всяк аще ли кто устав сей преступит святаго собора. правильному запрещению да будут повинни. Толкован. Еже поимати на совокупления брака правоверному еретическу жену. или дщерь дати за еретика. и 31 правило собора иже в Лаодикии и 72 правило шестаго вселенскаго собора иже в Трулле палатне, и се правило отрицает. аще же некий чтец, или певец прежде сего собора от иноверных жену взя или дщерь вдати за еретика, и чада с нею сотвори. и аще будет крестил ю в еретицех живый да приведет ю к причащению соборныя церкви. аще же некрещена имать к тому с еретики да не живет. но вскоре оттуду отшед к соборней церкви приведет ю и божественному да сподобится крещению. Кормчая печат. 14 правило четвертаго вселенскаго собора. Чтец или певец, еретическую поим жену, и чада с нею приобрет, да приведет ю ко общению, аще ли суть тамо некрещена, к тому да не будет крещена от еретик. Толкован. Еже поимати на сочетание брака правоверному еретическую жену, или дщерь дати за еретика, десятое и тридесятое первое правило собора иже в Лаодикии, и седмьдесят второе правило шестаго вселенскаго собора, иже в Трулле полатнем, и се правило отрицает: аще же некий чтец, или певец прежде сего правила, и от иноверных жену взя, и чада с нею сотвори, и аще будет крестил ю в еретицех живый, да приведет ю к причащению соборныя церкве, аще же некрещену имат к тому с еретики да не живет, но вскоре оттуду отшед, к соборней церкви да приведет ю, и божественному да сподобит крещению. Номоканон правило 52. на правило 72 шестаго вселенскаго собора. Яко не подобает православну мужу, еретичестей сочетатися жене аще же и будет, неключиму вменяет женитву, и законопреступен брак. Аще ли обещается покаятися лице еретическое, да не пребудет брак, донележе обетование известится, по четыредесятому правилу, собора четвертаго. Такожде и с латини аще православна жена сочтется с распутом брака и запрещению подлежит по дванадесятой главе перваго стиха. еже в Матф: аще ли кто преступит уставленная да отлучится. Изложение бывшаго церковнаго соединения Кормчая лист 568. В начале убо евангельския проповеди не требоваху твердаго законоположения, или запрещения, но точию еже приводити на крещение, по крещении же и по исполнении веры, дерзновение восприемше, вся совершаху елико подобаше яко со властию Владычныя заповеди совершиша. тогда убо основанием святую церковь оградиша, запрещения же и отлучения соборныя церкве, безчинным и непокоривым по божественному, положиша. некия же и до смерти осудиша. Потребник иноческий, от слова Иосифа Волоколам. лист 351 обор. Яко божественнии апостоли в начале не налагаху тяжек ярем верующим немного сходяще к немощем человеческим. Понеже вера христианская не укрепися тогда еще по всей земли: и церковная предания и правила еще не исполнишася: и тако бысть до шестаго собора, иже с женами живуще епископи; и мирский образ имуще. и худи быша и ненарочити. и ничтоже преславно сотвориша в житии их, ни чюдеса ни знамения. видевше же сия божественнии отцы шестаго вселенскаго собора, яко в претыкание людем и соблазн, и на вред церкви сия бываху сего повелеша оттоле никакоже сему бывати. Книга 5 севаста Арменополя. на вопросы ответ Феодора Валсамона. Вопрос 33. Епископа Марка. Православныя жены совокупляются негли брачно с ракины или с еретики, и хощут яко православящия, яко же принастоят приимати божественныя тайны, непщуем убо творительному научитися. Ответ: правило 72, в Трулле синода. сия глаголет: не готствовати православному мужу еретичестей совокуплятися жене, ниже еретическому мужу православной жене супружествоватися, но аще и явится сицево от некоего всех бывающее, не тверду браку непщеватися, и нелепотствину разрешатися сожительству, небо подобает несмесным смешатися, ниже овце волку соплетатися и Христовой пастве грешных жребий аще же преступит кто от нас определенная, да отлучится убо за нелепотное сие общение с еретиком, отлучена суще и безобщена, како божественых святынь сподобиться. (Овы зачем метите попасть на место рая. для вас еще некто его не припас), зри что глаголет: Книга Иоанна списателя Лествицы лист 261 обор. Тридесять убо иже с женами живущии целомудренно. шестьдесять же безбрачнии и житие добродетельно имущии. сто же иже весь мир возненавидевшии, и с Богом точию восхотевшии жити, могут прияти. той бо есть и глаголется инок, иже о единой души точию печется.

И паки аз же (Павел апостол) вы милуя глаголю братие, время прекращенно есть прочее, да имущии жены. яко неимущии будут. и многа такова обрящем в божественном писании. О нем же пишет великий Иоанн Златоуст. Сие и на еретические браки велие обличение, иже женятся и посягают, и папежники и люторове. яко егда прииде в мир великий апостол Павел, тогда научи две жене Нерона царя Римскаго веровати во Христа иже и крестишася. и отступиша от Неронова сквернаго смешения, Нерон же много претив апостолу, дабы повелел женам его на скверное смешение приити к нему, апостолу же непослушавшу и неповинувшимся женам Нерону, тех умучи. Павлу же главу отсече. Такожде и святый апостол Андрей, егда крести Максимиллу жену гееафа, Анфипата. тогда Анфипат даяше много злата апостолу, яко да повелит жене его на скверное смешение сочтатися с ним. апостолу никакоже не хотящи. тогда разгневася Анфипат повеле апостола стремглав распяти. Такожде и святый апостол Фома, егда крести царицу Мигдонию, жену индийскаго царя Миздия. царица же отступи сообщения царева. царь же повеле апостола копии пробости: царицу много мучив и не увеща ея быти с ним. (В житии апостола Павла. лист 332. Фомы апостола Пролог октября 6 дня). От книги иже во святых отца нашего Саввы, 1 архиепископа Сербскаго. статия 141. О исповедавших ереси святому, исповедавших же ересь, с собою в церкви удержав и особь сих испытнее сущих некрещенных прежде проклинанием ереси, юже имяху. оглашенныя дни в соблюдении чистоте заповедав им хранити, и тако повелеваше. сущих же благоверно крещенных, в латынстей ереси бывших такожде с прежде проклинанием злым их ереси. и образ веры исповедавших, и святому мvру молитву прочести, и тако тем святым мvром сих по всех чювствах помазати, и верных с нами имети. сице святый епископом своим заповедав о таковых к ним приходящих творити. Посылает же и ексархов много взыскующе, ихже яко погански без благословения и молитв жены поемлющих, и сих венчати повелевает. аще же и в старости и дети таковыя имуще будут. под крыл матере прияти, и с ними венчатися. Кормчая печатная лист 9. Великий князь Владимир, веру от Константинополя прият, и крестися во имя Отца и Сына и Святаго Духа, в лето 6496. По крещении венчан законным браком, с царевною Анною. Кормчая старописмен. От послания Максима митрополита рускаго глава 52. К новокрещенных христианом. И се вам детем моим. да вси чада моя по рождении в купели новокрещенней, да держите жены от святыя соборныя и апостольския церкви, занеже жена спасения ради человеческаго бысть. аще же их держите в блуд. без благословения церковнаго, то что ти в помощь есть. но молися и нуди их, аще и стари суть или млади, да венчаются в церкви. Бароний в лето Господне 258. В первенствующей церкви, о том во Иконии; во Фригии собор сотворше уставиша, ни едину тайну у еретиков в тайну вменяти. В лето Господне 217. Еретики не имут общения с учением православных. само их проклятие о том свидетельствует: ибо не того бога имеют его же мы имамы. убо и тайны ни едины. Кормчая правило 32 в Лаодикии. Еретическое благословение, не благословение. Соборник малой лист 93. Зиновия Отне пустыни. Яко не исходит на еретическое действо Дух Святый. Кормчая старописмен. слово Иоанна мирополита Никейскаго на арианы. Сии проклинаемии да предани будут диаволу; юже не имут место спасению, но да будут от Христа чюжди аще убо толикими от всех святых прокляти бывше, и от Христа отгнани, и диаволу предани, и до скончания века, от всех христиан проклинаеми; Аще бо тмократицею прокляти бывше, и диаволу предани; како от анафемы и от клятвы благословение изыдет; или како от диявола духовное и святое дело совершается, а от анафемы благословение не бывает, и от проклятия молитва не исходит, и от диавола Христово таинство не совершается. Катихизис Бол. глава 4. во ответе. Поистинне ничтоже у них несть истинно. но все убо еже еретики творят. от смышления своего. како могут совершати действа Божия на игралищах своих. аще и Христа проповедают. но вся сия льстиво и лживо творят. аще и церкви своя и клирики церковныя, и писания божественная прочитают. и мнятся еже тем же крещением крещатися. такожде и тайны божественыя еже есть пречистое тело и честную кровь Христову имети. вся же сия не тако имеют, но инако и нечестиво. Апостол Толковый. зачало 284[254?]. Христиане убо не бранят женитися честен убо брак и ложе нескверно, и хотящим девствовати попущают: нечистаго же брака возбраняют. Минея четия. марта в 19 день. От жития святых мученик Хрисанфа и Дарии. Не точию о своем спасении, но и о многих печахуся Хрисанф и Дария: ибо ов множество мужей ко Христу обращаше, и юнош к девственному увещаваше житию: а ова множество жен и дев Христу уневестиваше. и раздельшися во особныя на то аки монастыри дома, кийждо от них свой лик девствующих имеяше. той юнош презревших вся мира сего сласти. и обещавших чистое житие Богу: а та девиц уневестивших Христу. По неколикех же летех обоему лику Хрисанфову и Дариину умножившимся в Риме зело, воста нечаянно мятеж, и молва во граде: народ пришед к Келерину епарху клеветаша на святых рабов Христовых, и вопияху мужи глаголюще: погубихом жены наша. юноши же взываху: погубихом обрученныя девицы Дарии ради. Такожде и жены, кричаху: лишихомся мужей наших, девицы же зваху: лишихомся обручников наших Хрисанфа ради. Народ же молвяще вопиюще. како будут раждатися чада, супружеству отвергаему, оскудеют людие отлучающуся мужескому полу от женскаго странным учением и волшебною прелестию Хрисанфовою и Дарииною. Минея четия. преподобномученице Евгении. о святей мученице Василле. декабрь в 24 день. Василла же уведавши, к ней пришествие, не попусти его к себе: отшед убо Помпей со студом; и некии от сенаторов умоливше и с собою поемши, иде и припаде, к ногам царским, жалующеся на обручницу свою и на Евгению: помозите, рече: римляном своим, о светлейший царю; и Бога новаго Его же Евгения от Египта привезе, изжените от сего града: издавна бо вредни суть народу сии, иже глаголются быти христиане, ругаются законом нашим, богов же аки суетных идолов презирают и самаго естества превращают законы, неправедну быти вещь глаголюще, да обручница своего обручника поймет, аще убо не будет женитвы, то откуду имут родитися человецы; аще же тии родитися не будут, то откуду будет воинство и римская сила; кто побеждати будет враги; и како состоятися имат отечество и житие человеческое. К сему же зри свидетельство и Фотия патриарха. книга 10. глава 2. лист 72. сказание 84. которое зде выше сего объясняется. Егда слышахуся на западе. что восточный патриарх Фотий осуждает церковь западною в неисправимых ею винах: в них погрешает в церкви восточной. Глагола ко оным отступницем: гласом пророка Иеремиии, и ты да не поймеши себе жены на месте сем: смертию бо болезненною погибнут, глава 16. стих 1 и 4. Слыши и ты сыне церкви, оная пророческая словеса. яко яве о будущих по брачному сожитию сынех и дщерех у пророка речеся сие: смертию бо болезненною изомрут. иже пояша себе жены в неисцельном недуге еретичества. глаголю западныя церкви: Аще же неции хотящии обратитися в недра восточныя церкви, таковем крещаемым быть повелеваем: и браком их нивочтоже вменяем. Калиста Ксанфопула патриарха Константинопольскаго. книга 7 лист 77. из соборнаго деяния бывшаго собора в Царе граде. при патриархе Сергии, в 1019 году. Добре убо сих осуди и прежде нас бывый патриарх Царя града многоученный муж блаженныя памяти Фотий. Мы же не точию исправльше тое учение на осуждение западной церкви: но и подтверждаем таковое; а иже пребыв не раскаявся, о таковех мы соборным судом боголюбивых епископов же иерархов износим о всех отступницех, яже не имеют союза и единомыслия с грековосточною церковию отвергаем конечне. и подтверждаем на имеющие продолжать браки. во онех патриарха Фотия. словами пророка Иеремии. провидевшаго о состоянии браков быти хотящих во отступницех; не сих ныне точию, но и будущих родов по брачному союзу быти имущих: в еретицех и отступницех. О коих у пророка речеся смертию бо болезненною изомрут. Книга Феодора Вальсамона патриарха Антиохийскаго правило 68. книга 32. А еретический брак несть брак но блудилище. аще есть благочестивый епископ, паки да венчает их. аще в которой стране не случится быти благочестиву епископу, и браку сочетати некому, а хотят жить с женами совокупно, таковии до смерти да плачются, и с верными не помолятся, но особь да помолятся. Книга О девстве. Иоанна Златоустаго, слово 72 лист 134. Како время прекращенно, имущии жены, яко неимущии будут; но сие како принадлежит ко браку, речет кто может быть; весма много отвечаю: ибо естли брак заключен в настоящей жизни, а в будущем веке ни женятся, ни посягают, настоящее время к концу приближается, и воскресение при вратех есть; то несть уже время брака и любостяжания, но время убожества, и протчаго всякаго любомудрия, имеющаго принести нам тамо пользу. Там же лист 103. глава 14. Не может быть речет кто: если добро человеку жене не прикасатися, то для чего брак вшел в мир. к чему прочее будет употребляти жену неполезнствующую, ни ко браку, ни к чадородию, что воспрепятствует и исчезнути всему человеческому роду, с единыя страны на всяк день смерти посекающей людей и пожинающей, с другия слову сему недозволяющу возстановляти иных вместо падающих от разительнаго замаха смерти. Если все мы о сем возревнуем, и к женам прикасатися не будем: вся погибнут и грады и домы, и поля, и художества, и животныя и растения, яко же убиену сущу военачальнику, неизбежно есть уничтожатися благоустройнности всего воинства: тако царствующу над всеми земными человека лишившуся жизни, по причине безженства, ничтоже прочее пребудет в невредимости и благосостоянии, и сие изящное завещание исполнит землю неисчетными злами. Сии слова если бы произносимы были токмо врагами и неверными, почел бы я их маловажными. Поелику и многии мнящиися быти сынами церкве сказуют оная отмещуще подвиг девства единственно по нерадению, однако тщашеся сокрыть нерачительность свою тем, аки бы сама по себе творения недостойна излишна, да не явится, что отчюждилися они подвига сего по нерадению, но по здравому своему разсуждению: сего ради оставиши врагов. душевен бо человек не приемлет яже Духа Божия, юродство бо ему есть. Мнящихся быти с нами наставим, яко девство не токмо есть излишне, но и весма полезно есть и необходимо, и яко поношение онаго не токмо для них не безвредно. но и толикое же им нанесет бедствие, коликую вопреки прилагающии к нему восприимут похвалу и возмездие. Егда бо сотворен был весь мир сей, и вся предуготована ко упокоению, услаждению и употреблению нашему. Бог создал человека, для него же и мир сотворил Он. Сей созданый пребывал в раю, и о браке не слышалося ни единаго слова. Востребовала нужда быти ему помощнице, и бысть но ниже в сем случае брак необходим явился, а пребывали они безбрачни, обитающе во Едеме, аки бы на небеси, и наслаждалися собеседованием с Богом, желание к плотскому совокуплению, зачатие болезни, рождение и всякий вид тли, не обретали своего места в душе их: но яко прозрачная вода истекающая из чистаго источника, тако они в сем божественном жилищи украшалися девством. Тогда на всей земли не было человеков: сего боятся попечители ныне земнии, кои пекущеся тщательно о других. не хотят о своих ниже мыслити, и мятущеся страхом, да некако изнеможет и истребится человеческое общество. небрегут о собственной душе своей, аки бы о чюждой сущей, не помышляюще отнюд, яко и за малейшее нерадение о душе будут истязаны строго, за малочисленность же человеков не воздадут никакого ответа. Тогда не обретались грады, художества и домы, ибо о сем прилагаете вы немалое попечение: не обреталось сказую тогда ничтоже таковое: Однако ничтоже не воспящало быть оной жизни блаженной, и несравненно превосходящей настоящия. Егда же преслушали они Бога, и сотворилися прах и пепел: погубили со блаженным тем состоянием, и красоту девства. Удалился от них Бог, устранилося же купно с Ним и девство. Доколе бо пребывали не пленены  от диавола, и повиновалися своему Богу; дотоле пребывало девство украшающее их, паче нежели украшает царей венец и златотканная одежда. Егда же соделалися пленниками диавола, тогда совлекшеся сей царской одежды, и отчюждившеся небеснаго мира, облеклися во тление смерти. навлекли на себе проклятие, подвергнулися болезни, многотрудной жизни: тогда купно с сими бедственными следствиями привходит и брак, смертная сия и рабская одежда, оженивыйся бо глаголет, печется о мирских. Видиши, откуду брак восприял свое начало; зриши ли, откуду необходим возмнился он быти; от проклятия. от смерти. где бо царствует смерть, тамо рабствует и брак: сему же несущу, ниже оная возследствует, но девство отнюд тому не причастно: оно всегда есть полезно, всегда изящно, всегда блаженно, и прежде смерти и по смерти, и прежде брака и по браке, какий повеждь мне, брак явил Адама свету, какие Евве болезни; не можеши отнюд рещи того. Почто убо боишися всуе и трепещеши, яко уничтожившуся браку, уничтожится и род человеческий; тьмы тем ангелов служат Богу, тысящи тысящ архангелов предстоят Ему, и ни един из сих не восприял существования своего от преемственнаго происхождения, от рождения, от болезней от зачатия. Много убо паче сотворил бы Господь человеков без брака, яко и сотворил Он первых, от коих произошли все люди. Издадеся браку указ: имущие жены, яко неимущие будут: Второй указ: воскресение при вратех есть. то несть уже время браку, и любостяжанию. Но ты речешь, сие охуждаеши; никако не охуждаю. Бог бо позволил брак, и был он в свое время полезен. Однако почитаю его маловажным, и делом приличствующим отроку паче, нежели мужу. Сего ради и Христос хотя нас совершити совершенным повелел брачные союзы отлагати аки бы отроческия одежды, не могущии облещи мужа совершенна, ниже украсити меру возраста исполнения Христова, а облекатися в благолепнейшия сих, и совершеннейшие противозаконно полагая сам себе, но и по премногому согласуяся. ныне же брак неполезен воспоследовал с нами, иже птенцам подобное, егда бо воспитает птенцов матерь: из гнезда выводит. егда же узрит их еще немощным сущим падающих, еще имеющих нужду во гнезде пребывати. Брак убо установлен и ради чадотворения, но много боле ради угашения естественнаго жара, сие свидетельстует Павел глаголя: блудодеяния ради кийждо свою жену да имат. а не чадотворения ради. и паки собиратися повелевает, не да соделают отцы чад многих. но ради чего да не искушает глаголет вас сатана, и продолжая свое слово не рек: если желают чад по что. аще ли же не удержатся да посягают. В начале бо яко речено мною, были две причины брака: после же наполнившейся земли, морю, и всеми обитаемым местам человеками, остается едина вина токмо потребление, то есть невоздержания и похоти: и ныне валяющимся во блате страстей, и хотящим по примеру свиней жити, и в блудилищах погибати, приносит брак немалую пользу, свобождая их нечистоты и неизбежности оныя, и сохраняя в целомудрии и во святыни. но доколе буду бра́тися с тению, ибо и вы утверждаше сия, не менее нас весте превосходство девства, вся же глаголемая вами суть подлог и покров невоздержания и похоти. Дозде книга О девстве. Апостол Толковый лист 506 обор. Апостол: Скорбь же плоти имети будут таковии. Аз же вы щажу, сие же глаголю братие, яко время прекращено есть прочее. Златоуст: Посягшии приимут рече печаль, сущих ради в браце печалей. аз же рече щажу вас яко чада, и хощу да свободны будете, ибо и сладострастие отъемлется краткостию времени, и к будущим нам тщатися достоит. Апостол: да имущии жены яко неимущии будут, и плачущися яко неплачуще, и радующиися яко не радующиися, и купующе яко не содержащии. Толкование: Како есть еже яко неимущи будут, рекше непослушати их в буия мира сего похоти краткости ради времене. и жену и вся сущая имети яко несущия и с радостию скорбети. Егда бо близ смерть, почто возлюбление, почто брак, или купля, почто требовати что от мирских. Златоуст: Не законополагаю рече горы достизати, и пустыни, но благу быти и кротку и целомудренну посреде града живущи. ибо вся нам узаконена обща суть к иноком разве брака. наипаче всем сим глаголом повелевает Павел, во всех сравнятися им глаголя, преходит образ мира сего. да имущии жены яко неимущии будут. Апостол: И требущии мира сего яко не требующии. Толкование: Всяко мирскаго наслаждения, питания и богатства, и силы требования, неключимство нарицает, и повелевает не требовати сих аки нелепых, не того бо ради приведены быхом в мир, да таковая делаем, но на дела благая создани есмы. и аще иная мира сего действуеши, бездельство есть. Апостол: Преходит бо образ мира сего. Толкование: Что требуете погибающаго, конец бо приимет сый видимый мир. того бо ради и образ речеся до вечера стоящи и ничто же тверда и пребывающа в себе не имущи. Маргарит. в слове о лжеучителех. Внушите вси живущии на вселенней вкупе богат и убог, мужеск пол, и женеск, черноризец, и мирский, стар, и юн, девы, и старцы, земнии, цари и все судящии земли. [1 коринф. 7 зач. 138; 2 Тим. зач. 302] Послушайте писаннаго время сокращено есть, да имущия жены, яко неимущия будут. темже убо отвергшеся нечестия мирских похотей, целомудренно и праведно, и благочестиво поживем в нынешнем веце. ждуще блаженныя надежды, и явления великаго Бога, и Спаса нашего Исуса Христа. Поминайте же мя всегда братие, и держите предания яже приясте от святых муж, от пророк и апостол и Владыки всех. наказание же злостраданию и долготерпению, имате пророки терпение, Иовле, целомудрие Иосифово, любовь Господа нашего Исуса Христа, еже дал есть себе о нас. Покаяние же имейте богоотца Давыда, ибо той бысть нам образ покаянию, научая нас и моля глаголет. приидите чада послушайте мене, и аз покажу вам образ покаяния. Понеже некогда и аз запенся падох; но покаянием востах.

 

Может ли брак совершен быть родительским совещанием.

 

1. Вдовы и сиротствующие, странный же и воинствующие, независимый никакою властию, входят в брак сомопроизвольным сложением, но неотро́чно с благословением церковным, яко же в Кормчей на листах 522 обор. и 409 показует. 2. Закон есть повелеваяй [Кормч. глава 52]. аще за три лета отец неведом будет где пребывает. или жив есть, или мертв, могут обою естеству его дети, рекше мужеск пол и женск женитися или посягати. Без священнословия же никако же не могут, ибо и таковии вси от презвитера венчаются. без правды возбраняя женитися, или посягати, отец под властию его сущим детем, или не дадый вена, от властителя женити сына, или дщерь даяти вено, и зде кроме родителя бывает брак; без священнословия никакоже самовластный сын, совершен имея возраст, и без отча совещания женятся. Самовластная дщи, совершен имея возраст, и не хотящу отцу ея законным браком и идет замуж, зде в конечной недействие родительское совещание, или не совещание прииде, яко повелевает, и без него в брак вступати, но всячески священнословием. Зане весь закон в той же главе на листу 411 обор. тако быти укрепляет; 5. книга Феатрон или позор исторический засвидетельствует: супружества несовершенным соизволением родителей приятая. или явственная обручения, ведущи и соизволяющим родителем, но прежде благословения священническая бывшая. Огласи быти недействительна. Где ныне новоженская чета, укрепляющая естественный закон, паче божественнаго; да зрит яко во всех правах божественный преимуществует. без него же кто творя беззаконнует и блудствует, есть и познавается. следует паки на испытание.

 

Совершается ли брак единым господьским повелением,

 

его же сочетание воздушнии бесове утверждая быть законным рекоша: несть ли вторый раб Богу стяжавый его; сия убо у своего владыки счетася с мужем; обаче за лишением иерейскаго благословения и в церкви венчания, ангели Господни блудом именоваша. Господин Никифор хартохранитель, о решительном послании к Феодосию мниху затворнику коринфскому глаголет: О несвященнословном же сопрягаемых рабех рабыням, знай: яко не долженствует, аще не возсвященнословятся, божественныя тайны приимати, но возбранитися яко блудствующии. Никита митрополит Фесалонический. на вопросы мниха Каппадока, во еже в миру приемлющу, приходящих к нему на исповедь и обретшу некиих безсвященнословне с воли господ сопрягшихся в речении своем глаголет: И ни един имут владыки извет, во еже супружествовати своя рабы законно, рабыням женам, мужем рабом с священнословием. и аще не сия творят. повинни суть правильным запрещением, сиречь отлучением, и безобщением, сицевых же ниже просфиры приятны, дондеже аще исправятся, но и повелений наблюдати сицева и исправляти, аще не сие творят, и тии священным правилом повинни бывают. К сему же по вопрошению быти случилося и случается господину иметь едино лице мужское или женское, браком же сочетати за лишением другаго лица. и купить не могущем случается блудствовати, и на то в решительном ответе изъясняя глаголет: да весть яко сие не изметает я церковнаго и правильнаго запрещения, но и сам всячески да просит научити своего раба целомудрствовати, или возбранити блуд, чрез образ всяк, браку яко либо супружествовать блудствующее лице, и тако да будет повинен. И зде показуется; ни в нужди будучи господин, свободится правильнаго запрещения, но всячески или целомудрию учит или брачит, а с воли их творимое рабам спряжение, незаконно почитает, и правильному запрещению и отлучению подчиняет, и приносы отревает, и тех имже вручено иметь безсвященнословных, и не сильно господьское соизволение, и жениха и невесты склонение. В разрешении честнейшаго хартохранителя господина Петра рабов и рабынь. господами их супружествуемым блудниками именует, и причащати святых таин не допускает, и жертвы приносимыя ими отревает.

Се помощию Божиею показахом, яко повелением господьским, без священнословия церковнаго брак, не толико совершен, но блуд паче есть, и познавается, темже вси сии сочетовающиися. Брацы по первому неподобному даже и доныне держащемуся обычаю заматоревшуся, подобает и на тех молитвами быти.

 

Естли жениха и невесты склонение, совершение и печатление браку.

 

Минухом выше во изследовании о вступающих в брак, кроме родительскаго изволения, и господьскаго повеления, яко непорочен и законный есть, где без всякаго прекословия имети жених и невеста, добровольное и беззазорное между собою при многих свидетелех изволительное к сожитию склонение. Однако никто не отважется показать, как за силою предъявленных свидетельств, без священнословия оным быти; Зане лишивыйся сего, возъименословнаго блудническим и неподобным и церкви отлученным, сами же сочетавшиися и виннии вси правильному суду подвержены, и причастия лишены, и приносы их не прияты, как самое то и нижеследующия доводы укрепят. Кормчая глава 51. лист 551. Святый патриарх Антиохийский господин Феодор Валсамон. во ответе своем о некоем человеке обручившем себе жену, и неуспевшем венчатися умершем, другому брату пояти я, аще кроме молитв деяся повелевает; аще ли со обычными молитвами запрещает; понеже со священнословием обручение есть во всем равно венчанию и совершенному супружеству. Зде ясно хотящих свет истинны познать открывается. Благочестивый царь Алексий Комнин новою заповедию, о том же подтверждая, глаголет: Немало зло зде наносит, начальныя браку молитвы, на обручение совершенные яко нечто суетно, и в ничто же вменити, и в небрежение имети свою вещь, яко же аще не Бог посреде совокупляющусю лицу обручением внидет. Обычные молитвы на обручающихся от презвитер неизречены быша: таковым убо обручением неистинным елико же по церковному обручению, не быти же ни именоватися ни соборному же повелению на сих не имети действа, яко же просто рещи угодием человеческим вопрошением утверженом действа заповеди не имети. Не прилично же присовокупить зде и еже аще дьяк, или всяк человек, без венчания жену поял, и дети прижив. и прочая: Святейший патриарх Антиохийский господин Феодор Валсамон: на вопрос 42 святейшаго патриарха Александрийскаго господина Марка во ответе наложничествующих яко блудников лишает приятия святыни; и тии бо добровольным склонением, и всем ведомо сожительствующии; но за силою неприятия священническаго благословения, яко блудницы возименословишася. Тому же подобно и Илия митрополит Критский во ответе на вопрос некоего мниха Дионисия глаголет; аще ли рече не дадут к расторжению сведеннаго брака своего обещания, то не во исходе души не дати им покаяния ни святаго причащения сподобляти их; а поелику по взору внешнему, яве яко естественнаго залога их, и женою его нарицает. Матфей Иеросалим. состав ω. Сходствуя сим и святейший Никифор патриарх цареградский прав. 33: не хотящаго оставити посадницу, но ниже благословитися с нею, и со священнодействием имети: за пренебрегание таковое, и приносы его отметаются. Зде ясно показуется, яко естественный закон. ими сохранен есть, за еже со священнодействием токмо имети ю, а не до конца отревает, но яко несовершение есть брака, кроме церкви бываемое сопряжение, так до конца таковый уже упражняется. Последуя прочим и всероссийский архипастырь Иоанн митрополит, иже бе в лето 6671. в послании своем ко Иякову черноризцу пишет: И зде естественный закон наблюден есть, и не беззазорно всеми ведомо сопряжение есть; поелику при том плясание и плескание неподобное употреблялось; так и ни есть совершение естественный закон. но церковный, лишивыйжеся сего блудник именуется. Снастольник его святейший митрополит Максим иже через сто девятнадцать лет, по Иоанне бывый. согласно тому в послании своем, содержащих жены без благословения церковнаго, за блуд разумеет. лист 65 обор.: Чем ясно показует, и на сих естественному закону выполнившуся, и беззазорно и всем известно появших, почему и женами их именует: но за лишением церквонаго благословения блудниками нарицает: тем и не есть склонение жениха и невесты совершение и печать браку, но молитвенное славословие. Фотий митрополит руский по Максиме, через сто двадцать пять лет бывый, в послании своем в великий Нов град, глаголет [Карамзин. том 5]: А который не по закону живет с женою без благословения поповскаго понялись. тем епетимия три лета, как блуднику, да паки совокупити их молитвами, а без благословения аще восхотят жити, ино их разлучити. И зде признается по всему, естественному закону выполнену, почему и женою именует, и благословити велитствует, а за лишение токмо благословения поповскаго, яко блудника наказует. Почему и не есть печать браку склонение жениха и невесты но церковное благословение.

 

С некоторых времен со священнословием брак уставлен:

 

Божественный Златоуст яснозрительне свидетельствует о сем глаголет [Златоструй слово 111(11?)]: По вшествии рече, Господа нашего на небеса, вере распространившейся, видевши апостоли мнози мятежи и блазны злы в житии сем, повелеша им венчаватися, и священником заповедаша не ходити на таковыя пиры не сущу венчанию. тем святии отцы таковыя в пост вложиша, любодеяние нарекоша, таковый брак. Повелеваше святый собор святых апостол, и святых преподобных отец [Зонар правило 144]: Третиему браку не быти, аще ли кто рече иерей ведая, се благословит трибрачнаго, да извержется иерейства, да навыкнет убо во первых добре вся правила, яже о законных брацех, и уставы святыя яже о сих, изряднее же яже соборы святыя вселенския и поместныя уставиша, и хранити повелеша, и да тщится еже в парохии его, опасно и совершенно сия хранимы быти; яко же и Бароний в лете Господнем, 57, числе 4 глаголет: В первенствующее церкви время, брак, с ведения епископскаго бываше, яко же священномученик Игнатий в послании к Поликарпу епископу Смирнской церкви засвидетельствует. Тот же Павел апостол тайною брак святый нарицает, на котораго учтивость, и оной устав от апостолов предан, чтоб в церкви и с ведомости архиерея брак мужественный имамо. Но сице Игнатий к Поликарпу пишет: Пристоит чтоб тии которые в жену имают, или замуж идут с ведомости сие архиерейской чинили, чтоб явно было, иже в брак идут, не ради похоти телесной, но сице: яко Бог повелел сие есть, что апостол глаголет: пускай идут в брак, но точию в Бозе, то есть противу уставу и порядков церковных от святых апостол преданных. И паки той же к тарсяном пишет, о супружестве научает: дабы без епископа и священника не было. и паки почитайте сия, яже в девической чистоте живут, яко Христовых священников, вдовицы же яже в чистоте пребывают, яко же олтарь Божий. О супружестве научает таможде, дабы без епископа и священника не было, и паки той же взем из эпистолии Павла апостола глаголет, к ефесеом пишущь апостол: тайною брак нарицает, его же чести ради, и сей закон от апостолов произыде, дабы в церкви венчание брачное совершалось. Игнатий бо ученик апостольский, иже бе в лето, 5609 и современник его Поликарп, в лето 5643, Алексеева же заповедь бе в лето 6593. предваривше за тысящу лет Алексия Комнина. Зде дивитися приходит, како бедные новожены, яко совы нощные, во свете породы церковныя не узрев сего и других многих показаний, яко и со апостольских времен бе благословенный, и с венчанием брак стояше, глаголет: с заповеди царя Алексия Комнина, брак с благословением и венчанием уставися. а дотоле, родительским токмо, и жениха и невесты склонением, бысть: О злобы вражия, о злоучительства душепагубнаго, о языка лживаго и кривосказательнаго како совести своея не усрамистеся, како непреподобныя есте чада огнем сатанинскаго нрава дышуще, безчестите матерь свою, соборную глаголю и апостольскую церковь и всех святых Божиих, яко бы на такий мерзский и поганский брак вам невозбранно путь показавших. Тако где ваше клеветливое противление; почто остависте по пророку источника воды, и ископаша себе кладенца разоренны, иже содержати не возмогут воды да приидет ныне и серафимский видец, божественый Исаия, и вопия на вы глаголет: сынове беззаконнии, племя любодея и блудница, ким воспитастеся, и на кого отверзосте уста ваша, и на кого обостристе язык ваш; по истинне, сребро ваше непотребно, корчемницы твои мешают вино с водою. всяк бо холм воздвигнутый, и по всякому древу лиственну ты распростреши блуд: О люте, страно грешна, людие полны грехов, племя злое сынове беззаконний, остависте Господа и разгневасте святаго израилева: Но како же не отерпе язык ваш. Пишет бо яко устав и порядок церковный, от апостолов преданный, а вы глаголете, от Алексея Комнина: но идите бедные и в предняя. да прострем широце о сем сказание.

Святый Тимофей архиепископ Александрии, единый от 150 святых отец, иже в Константине граде на Македония собравшихся в лето 5804. Предваривый Алексея Комнина за осмь сот лет, глаголет: Причетник позван бысть венчати брак, аще увесть яко беззаконен, к чужим грехом себе да не приобщает. Видите ли яко с епископскаго сведения по церковным уставом брак бывает, по казуистике и венчанием действуем: Святый поместный собор, иже в Новой Кесарии, правилом 17, не повелевает у двоеженца на браце ясти, но благословив отходити, и инде, но и венчавшаго их презвитера с ними вечеряти не попусти: на коем соборе по описанию в Кормчей, на листе 17-м был и священномученик Василий Амасийский, иже преставися в лето, 5802. За седмь сот с лишним лет до Алексия Комнина. И сие правило в лицо вам предста обличает. яко священническим благословением и венчанием издревле бе брак. Действительность та бе извещается историею, яко преподобный Алексий человек Божий: венчан бысть в Риме брак в церкви честными святители, что самое и на образе древлеписменном изображено, венчание сие в церкви от святителя стояща с крестом Христовым, и новобрачных благословляюща, который бе в странствии 17 лет, в дому толико же а всего 34 лета, иже преставися в лето 5900, а действие брака бе в лето 5866, до Алексия Комнина за 626 лет: Устранитеся прочее сего клеветническая и лживая сонмица: да при том внимай и предняя. Святый Иоанн Златоуст показующий непрерывный церковный обычай глаголет: сего ради венцы на главах (жениха и невесты) полагаются образование победы, яко непобедими бывше, тако приходят к ложу, зане непреодолени бывше от сласти. иже преставися в лето 5902. и сей предвари до Алексия Комнина за 790 лет: яко пращею бия, заграждает клеветливая уста, сказует издревле быти венчанию в церкви. Паки Златоуст те же беседы: напечатаны в 1673 году. лист 109 пишет: таким образом невест себе приводить да тщимся (т. е. не одними внешними принадлежностями) почто честное брака таинство позорно безчествуеши. должно все сие прочее откинуть и сначала стыдливости научить девицу, и священников позвати, и молитвословию и благословением союз супружества утвердити, чтобы и любовь жениха умножилася, и целомудрие невесты возрастало; и таким образом чрез все случаи дела добродетельныя внидут в дом оный. и все козни диавольскии потребятся. (виждь что невозможно совершится, браку без священства, что козни диавольския не истребятся) Дозде Златоуст. Севаст Арменополь книга 9. Премудрый царь Лев, приемник скипетра греческаго царя Василия, Македонянина. иже бе воцарися с лета 6396-го. О нем Михаил Анфипат судия италиан в собрании своем гражданских законов, в конце глаголет: Блаженный царь господин Леон, неары изложи многия, невоздержавствоваше же. разве самыя, яко же иным законом неподсущим, написашася или в прилог оставленных неарами, Иустиниана быша, сия бо самыя от неар господина Леона Мудраго имут крепость и чествуются яко есть о священнословии. и ныне не составляется брак, аще священнословие не будет, яко же той царь Леон устави. И сии Алексия Комнина предварив за двести лет: что здесь имут рещи новожены: Яко крепость и чествование над всеми гражданскими законами, сей с священнословием быть браку, уставленный закон показуется, выше же и ниже всюду являются божественныя законы, таже самое подкрепляюще. Той же премудрый царь Лев, яко же в Кормчей во главе 43, на листах 344 и 346. показуется со священнословием уставил и обручение, и сей царский закон каменем уже сокрушая челюсти ваша, не толико браку, но и обручению с благословением церковным быти сказует; В житии преподобнаго отца нашего Феодора Студийскаго обносится яко царь Константин сын Иринин, развратися юношеским стремлением на всякия страсти и любодеяния, и согна матерь свою от царства, и сам царствовати нача, а супружницу свою Марию нуждею во иночество постриже, и в место ея Феодотию, сродницу по отце и жену поя. и патриарху Тарасию святому не благословляющу его, Иосифом же презвитером же икономом церковным венчан бе. Тарасий же святый бе: начальник вселенскаго седмаго собора, иже бе в лето 6306-м. и сей предвари Алексия Комнина за 286 лет: яве яко с всея вселенныя отцы предаста заушают неправедных ложное сплетение. Кормчая глава 18. лист 526 обор. Святый Никифор Исповедник града патриарх. вторым правилом запрещает двоеженца венчати; иже преставися в лето 6344-м. предварив Комнина за 250 лет. И сей ревностию наступая, обличил ложь, отступническия сонмицы: Кормчая: глава 55. лист 533. Вопросом первым Константин Памфилийский к митрополиту Ираклийскому, объясняя глаголет: Владыко мой святый, девица некая взят мужа законным браком, на нем же молитвы обручения сотворишася и венчание; И сий непрерывный церковный закон ясно показует браку быти с благословением и венчанием священническим. Кормчая глава 52. лист 555 обор. Соборным свитком Сисиний патриарх Царя града, воспрещая беззаконный брак глаголет: се же яве и невозбранно и со священнословием творити и паки: Таковому же браку молитву сотворив презвитер, конечно извержен будет. яже бысть собор в лето 6509, и сей до Алексия Комнина за 90 лет. Минея Макар., март 26 в житии Василия Новаго: ангели Господни на 17-м прелюбодейном мытарстве о преподобней Феодоре, с другими юношами смесившейся, кроме даннаго ей господином, яко безсвященнословный сый и сей, блудом нарицая глаголют: раба бе ни от иерея благословися, ни в церкви Господни венчася с мужем, его же взят да не прелюбодеяние будет таковии греси, но паче блуд подобает сия глаголати. Бесове же противу глаголаху: несть ли вторый раб Богу стяжавый его, и искупивый его сребром господин его, сия убо у своего владыки счетася с мужем, подобное прелюбодеяние глаголати грех ея. а не блуд: и в сем сопрении одолеста има святая ангела. Феодора бе в лето, 895 по Христе. предварив Алексия Комнина за 200 лет. Оле сонме новоженское, како в вас по пророку потемне злато, и изменися сребро доброе, и одеяние златом первым, како наменишася в сосуды глиняны дело руку скудельничу, кормимии зерны, одеяшася в гной, по темну паче сажи образ; кожа ваша яко пещь о чаде, спаде венец с главы вашея, и померкнуста очи ваши; о соборе ратный, за кого побораете; о воинство противное, на кого оружие воздвигосте; слышите ли яко ангели безсвященнословный брак, аще по вам, в разсуждении господьскаго сочетания и законный блудом порицают. Бесове же противу их, яко же и вы противу нас законным именуете. Где первое истиннаго разсуждения злато и сребро ваше. и прочая вся святыя соборныя апостольския церкве богатство. с которым полком согласистеся бесовским, от котораго удалистеся ангельскаго; и сия тако: рцем же паки настоящая.

Градский закон яже в Кормчей во главе 49. О обручении браках же пространно узаконяючи, в главе 4: и 27. Именно законный брак сказует быти священнословием, а не согласие только родителей, и самих брачившихся. сице бо глаголет: Никтоже втайне да не венчается [лист 411], но при множайших людех; ибо се дерзнувый сотворити, да накажется запрещении мучим. сиречь иерей яко же в неподобная себе вложит втайне венчав, достойных истязан будет по церковным правил заповедей. В главе 43 в суду, в главе 49, на листу 411 обор., яже выше показахом, во главе 51 на листе 521. и прочих во главе 52, на листе 555 обор., 560, 563. во главе 53, на листу 583. во главе 88, на листу 596-м обор; разумеется законный брак со священнословием: Се помощиею Божиею показахом.

 

Яко же бысть во дни Ноевы. тако будет и во дни Сына Человеческаго.

 

Божественнии апостоли соборной церкви предали закон, а святии отцы правилами утвердили, и в ней положили брачную тайну совершать, священным лицам церкви, глаголя: Тайну бо навершают муж со женою, и жених с невестою, Христовою церковию, Соборник старописменной преподобных Иова и Феодосия. А кроме сего законнаго утверждения несть, чтобы как ныне простолюдины безчинно дерзают: понеже бо не имеют чина положеннаго им от святых отец на браковенчание, того ради и сбываются на них слово Божие глаголющее; будут безстрашно и самовластно жити, и брак возлюбят безчинный. яко же во время Ноя, прежде потопа. Катихизис Большой, слово о втором пришествии Христове. Понеже Господь наш Исус Христос евангелием показует, о настоящем антихристовом времени, и в нем бываемом браке, идеже сице глаголет: являет же яко антихристу пришедшу, сласти похотныя умножатся в человецех, и на питания и браки, безсрамно уклонятся, яко же при Нои исполини. Евангелие от Матф. лист 194. В та же времена Ноевы лета, сынове Сифовы звашеся сынове Божии, сынове же Каиновы именовашеся сынове человечестии. О них же речено бысть, яко впадоша сынове Божии ко дщерем человеческим. Гранограф глава 8: сиречь, сынове дщерей человеческих брали себе в жены, чрез запрещение Божие, того ради гнев излияся всемирным потопом, о них же в книзе Кирила Иеросалимскаго написано тако: Повеле бо Бог древле сыновом своим не смешатися со дщерями человеческими: (ниже) и видеша сынове Божии, дщери человеческия яко добры суть, и забыша повеление Божие, и соединишася с ними. (ниже) Такожде егда сынове Божии со дщерями человеческими смесишася, и Бог мир весь потопи водою; лист 14, достоит нам с божественным апостолом глаголати: в неже время достигохом тожде мудрствовати, и темже правилом жительствовати, его же достигохом, сие и содержим. и сим правилом житие наше превождаем. Книга вера: глава 3 лист 38 обор. Понеже уподоблено сие время самим Богом Ноеву времени и тако содержим. Слыши свидетельствующа о нем: святаго Исидора Пилусийскаго: Не пост ли рече, и смешения отвержения, Ноя и сущих с ним, от возмущения преславнаго моря спасе, семена убо ядущих. не прикасающихжеся супружницам, в плотстем смешении. послушай убо писания заповедающаго. Вниди в ковчег ты и сынове твои, и жена твоя, и жены сынов твоих, разлучитеся рече, мужие от себе, блуд уцеломудряется, и нечистота от наносимых вод, книга 1. послание 69[67?]. Зри как разлучи Бог Ноя, и сынов его от жен, и брак нарек блудом. Хам же сын его чрез неизбежное обстоятельство, то есть чрез заповедь Божию, падеся в ковчеге с женою своею. Еще зри. Яко же бысть во дни Ноевы, тако будет и во дни Сына Человеческаго: ядяху пияху, женяхуся и посягаху. донегоже дне вниде Ное в ковчег. внезапу прииде потоп и погуби вся. (ниже) Яко антихристу пришедшу, безместными сластьми обложени будут человецы, блудницы будут, и в беззаконии сласти отдадятся. Евангелие от Луки толкован. Феофилакта, зач. 87 лист 189. тако о сем браке Христос с толкователем Феофилактом объявил, глаголет: Будут женитися и посягать, в сие антихристово время люди. Толкователь же говорит: Блудницы будут таковии женящиися и посягающии. И апостол глаголет: Ибо и сладострастие отъемлется краткостию времени, и к будущим нам тщатися достоит. Апостол толков. 1 коринф. зач. 138 лист 506 обор.: Егда смерть, почто возлюбление почто брак. лист той же обор.: И паки: Златоуст вещает: а настоящее время к концу стремится, и аки при дверех воскресение настоит, то несть сие супружеств время. Детская оная поистине игралища, не бо помышляти должно. Книга О девстве Иоанна Златоустаго, глава 73. Еще зри главу 1-ю, послание 2-е, Филарета патриарха. И от сего видно что какой бракоприемлющих безсвященнословныя браки происходит тон, противный церковным учителем. Они глаголют: несть сие время супружеств, и ниже помышляти о нем должно, понеже воскресение при дверех настоит. Они же противоупорствуя сицевым вопиюще: яко зело брак нужен, и без него не может мир состоять. Аще ли же тако молвите пустошная, то для чего же апостоли своих жен оставили. а Богослов и прочии девственники жен себе не побрали. А по вашему мнению когда народили тогда бы и крестить стали. О злоучительства и суеумия! Воззрите на них, кого крестили, когда по идолопоклонническим градом ходили. К сему же зри лист 116. Бог Дух Святый, яко голубь от воды крещения изводит птенцы своя чистыя телом и душею голуби, глаголю девственники: а до сего мало где слышашеся, все раждаемо от плоти бяше плоть, точию раждаше Дух бываше бесплотен. яко глаголати иногда Богу: Не имать Дух Мой пребывати в человецех сих, зане плоть суть. Егда же человеческое естество во Иордан ста, и осени над ним Святый Дух, тогда абие вышше супружество родися от Духа девство, не плотьская но духовная мудрствующее. Глаголюще Богослову: рожденное от Духа дух есть, а яко же дух честнейший есть паче плоти, сице девство соединяющееся во един Дух с Господем, честнейше есть паче плотскаго в супружестве союза, плодно сотворися наше естество, в девьственныя лики, егда во Иордане в супружество духовное со Христом вниде. Духовное супружество не весть ино родити точию девство. Минея чет. киевская. января 6. лист 377 обор. Слово 2 на Богоявление. Духовное же си есть совокупление, или обручение, и во умножение чад, есть обручение Христово с церковию: жених бо есть церкви Христос. Обручих бо вас; рече блаженный Павел, единому мужу деву чисту, представити Христови. Бог послал есть рабы своя, да обручит отроковицу церковь, сие обручение божественным крещением, и свыше рождением чада во умножение рождает безчисленная. яко же пророк провидя глаголаше; яко многа чада пустыня, нежели имущия мужа. Гавриил Филадельф. о браке глава 1. Апостол толковый. лист 884: Апостол: День Господень яко тать в нощи приидет. Златоуст: Сеже рече и о общем всех скончании и о себе комуждо чесо же ради яко тать; того ради еже втай и внезапу приидет сеже помногу полезно есть. Первое аще бы кто ведал последний день, нерадил бы детели прилежати, но тмами творяй злая крещением в последнее издыхание пришел бы. Второе яко мнози греси смертию отсекаются. и аще бы ведал ныне не умрети, вся нелепая сотворил бы. Третие, аще бы ведал всяк яко в то лето умрет, в печали бы житие скончал. ныне сего не явлением, всегда благих надеждою утешаемся. Апостол: Егда бо рекут мир и утвержение, тогда внезапу нападет на них всегубительство. яко же и болезнь во чреве имущей. и не имут избежати. Златоуст: Сим являет второе пришествие Господа нашего Исуса Христа хотящи неначаянне приити судити живых и мертвых. Еже и Христос рече: яко же бяше во днех Ноевых ядуще и пиюще женящеся и посягающеи, дондеже вниде Ной в ковчег, и не уведеша дондеже прииде потоп и взят вся. сице будет и пришествие Сына Человеческаго. и паки яко же болезнь во чреве имеющия. сия же рече являя, како внезапу приидет неначаянне. и множайшим питающимся, и во благодеянии живущим и вам напаствующе и нечающе приити концу, но всяко приидет. како же внезапу приити погибанию солнцу. прежде приити антихристу вещахом. концу бо знамения си. пришествию же Христову несть тако. внезапу бо будет и той воздаст каждому по делом его. добре же указ положи от имущуей во чреве. ибо и та знамения рождению имать, самого же дня и часа не весть. Аще тогда мир и утверждение; како же глаголет Христос, по скорби же дней онех. аще бо пища тогда. како скорбь; пища нечювственне пребывающим и мир, сего не рече егда мир, но егда рекут мир и утвержение. нечювственность сих показует, яко же и при Ное сущих. Апостол: Вы же братие несте во тьме, да день вас яко же тать постигнет. Златоуст: О грешницех глаголет: и омрачении от грех, ибо не в нощи ли сокрывается блудник, не нощи ли ждет тать. Зде же не о ведении дня глаголет; но о скорби яже тогда будут. не к вашему же ли рече злу приидут, ибо и тем неведомо приидет, но ни единою скорбию не оскорбит. да день вас глаголет яко же тать постигнет. понеже аще бы мужегубитель к бодрствующим и во светлости живущим пришел, ничесоже их устрашити не возможет, тако и праведно живущих. елико же спящих закосневающи обрящет. тех всех пленивших отведет. Апостол. Вси бо вы сынове свету есте и сынове дне, несмы нощи ниже тьмы. темже убо да не спим яко же и прочии. Златоуст: Яко же бо сынове геены глаголются. иже геене достойная творят, и сынове противления. ибо и Христос фарисеом рече: Горе вам яко обходите море и землю да сотворите единаго пришельца, и егда будет. творите его сына геены. и Павел рече, и того ради прииде гнев Божий на сыны непокоривыя. сиречь яже творят дела достойная геены, еже непослушания суть. такоже и сынове Божии суть. яже Богу благоугодная творят. Апостол: Но да бодрствуем и трезвимся. Златоуст: еже во дне сим являет яже нашему призванию достоят. ибо в сем житии нощь находит, и нехотящим нападает. а еже достоит к духовной оной нощи и сну, не тако убо можем всегда в день действовати, души очеса заключати. и злому сон наводити, не естеству, но воли; и глаголет: бодрствуем, и трезвимся. может убо бодрствующий и спати егда ничто же благотворит. и того ради наводит трезвимся. ибо в день аще кто бодрствует, трезв не будет, во многая злая впадает. Апостол: Спящии бо в нощи спят, и упивающиися в нощи упиваются. Златоуст: Пиянство зде глаголет, не еже от вина токмо, но сущие и от греха. Чесоже ради сном наричет; иже к доброму нерадив есть. сон же есть и богатство, слава, и еликие таковые. ничтоже не имеюще крепкаго и известнаго. тако бо сие настоящее житие. Апостол: Мы же сынове сущи дни, да трезвимся. Облекшеся в броня веры и любве. Златоуст: Выше рек яко требе бдение, и трезвение, ныне же приложил, яко к сим и вооруженным быти достоит. невооруже́нных бо обрет диавол искушает, любо паче и бдим и трезвимся. Броня же веры веща, любве твердость. веру бо и любовь души прилучивши. ни едину стрелу от огненных стрел диавольских вонзити может, не простую же любовь глаголет: но ону яже есть крепкая аки броня. Апостол: И шлем упования спасения. Златоуст: Шлем бо главный уд сущих в телеси нашем сохраняем отвсюду главу покрывающи и защищающи, тако и упование помыслу нашему низпадати не подает и уму превратитися не попущает. Пребывает же вера, надежда, любовь, егда же рече оболкшася во оружия, являет откуду собирается вера, надежда крепчайшая бывает. Апостол: Яко положи нас Бог во гнев. Златоуст: Се же веща стяжати оружия. Понеже и Бог не отложися ни отлучися, ни на се нас сотвори да гнева Его будем приятни, но да спасет ны, зане же убо воля Божия еже спасати нас. и той поспешит на стяжание таковых оружий. Апостол: Но в снабдение спасению Господем нашим Исус Христом, умершим за нас. Златоуст: В себе веща сна бди ны и стяжа ны, дав за ны цену юже им честную кровь Единочаднаго.

 

О еже како правоверныя брачились с неверными.

 

Яко же к коринфом пишет Павел апостол: Аще который брат жену имат неверну, и та благоволит жити с ним да не оставляет ея. И жена аще имат мужа неверна, и той благоволит жити с нею, да не оставляет его, аще ли неверный отлучается да разлучится. Апостол 1 коринф. зач. 137. Такожде и Матфей Властарь, с Севастом в своих собраниях утверждают. Обаче зри како и апостол снисхождения ради творя, аще волит рече верная часть жити с неверною; яко же аще не волит без сомнения брак да разрешится. уповаю же яко начала ради бяху сия, и начаток проповедания. а еже днесь имящее, како мощно июдеину или агарянину крещшуся или крестившейся, сжительствовати с неверовавшим. Матфей Иеросалимский состав Г. глава 12. То же и Севаст книга осмая. Всяко сице предположа, и сии яко же и апостол, в расходе неверному с верной дал. И тако сим положением ясно показуется что верный с неверною, живет не есть закон но един допуск то есть снизхождение апостольское. Понеже о обоих верных в браке, при апостолех бывших, от священиков сходились; Повелеваше святый собор святых апостол, и святых преподобных отец, третиему браку не быти, аще ли кто рече иерей ведая се, благословит трибрачнаго, да извержется иерейства. Зонарь правило 144. и книга древлеписменная Златоструй, Иоанна Златоустаго, слово 111[11?]. сице глаголет: По вшествии (рече) Господа нашего на небеса, вере распространившейся. видевши апостоли мнози мятежи и блазни злы в житии сем, повелеша им венчаватися. и священником заповедаша, не ходити на таковыя пиры не сущу венчанию. тем святии отцы, таковыя в пост вложиша, любодеяние нарекоша таковый брак. И посему видно что при апостолех брак был со священнословием, зане божественный апостол, ясно объявляет о безсвященнословных браках, что они есть блуднические, когда тако писал: аще кий брат именуем будет блудник. С таковым ниже ясти. к коринф. зач. 134. Севаст же о сем блуднике, тако глаголет: Яко смешение без священнословия блуд есть, аще же раб есть неблагословен, аще же свободь. ниже в дароношение приятен, ниже в молитву, в дому Господне, понеже и божественный апостол, ниже ясти велитствует ниже возсмешатися с ними. Севаст Арменополь книга 6, в ответе. И сия убо тако толкует Севаст, что апостол за блудников почитал брачных которыя сходились без иерея. и кто может доказательством воспротивитися; и всяко должно сие восприять. и противников апостола Павла за блудников тако почитать. Ибо сие должно разуметь, от Антиохийскаго собора, что при апостоле Павле, неверный с верною в церкви от священника венчались, и законным браком назывались. Говорит Зонарь [прав. 112]: Аще муж верен, а жену неверну имать, и не хощет тая жена уверитися или жена верна, а мужа неверна имат, и не хощет муж той уверитися. О сем не имам что глаголати. Обаче же якоже писахом многажды, якоже не подобает верну христианину с неверными женитися. Аще ли приключится сице некако быти. о сих глаголет апостол Павел: яко спасается жена неверна о муже верне. и муж неверен о жене верне. Тем же не подобает их разлучити; но да всегда кается муж верный о жене неверне, да помолится во вся дни живота своего. да обратит ю Господь во истинную веру. ясти же и пити воедино не возбраняем. Точию же верная часть, да приходит ко отцу духовному, приимати заповеди святыя от него. Зонарь правило 113: Не довольно ли сие может уверить, Антиохийский собор. аще ли который глаголет, приключится некако быти, неверному с верною, темже не подобает их разлучити. а пред сим объявил; яко же многажды писахом, не подобает верному христианину с неверными женитися. Яко же пишет: иже женящийся на иноверныя дщери, или сыны, таковыя да отлучатся пять лет: такожде и попове иже венчают таковых, и тии отлучатся три лета вне церкви правило 77. сице засвидетельствовал Зонарь, и толкованием предал. а которых апостол писал к коринфом, что таковии от священных лиц с венчанием были. понеже и при апостоле, точно же исполнялось, еже и он попускал, верному жить то есть брать неверную; аки и при Антиохийском соборе находилось. И тако пишет: в первенствующей церкви, Павел святый попускал посягати, верным с неверным, и не разлучатися посягшим. Святитбося муж неверен о жене верне. и проч. Сожитию благочестивыя жены, муж неверен святится, се есть благословение Божия, еже в тайне супружеством жены к благочестию может обратитися, такожде и жена неверна чрез мужа вернаго, и проч: Сице объявлено что и при апостоле Павле, верной неверную брал, и на них благословение Божие было, понеже от иерея венчались. По Зонарю. Яко же он сказал и сие верно слово, понеже и от сего можете сразуметь. Царь греческий Михаил Палеолог дщерь свою за князя татарскаго присутствием архимандрита даде. Историк Пахимер. книга 3 глава 88. и паки благоверный великий князь Иван Васильевич, дщерь свою Елену выдал за литовскаго князя Александра, венчана в Вильне, имела же при себе всегда священников своих, Фому и проч. Летописец руский книга 3. Зри убо се како брачились христианы с неверными от иерея благочестиваго. и так святился муж неверен о жене верне, по Апостолу. и при нем существовало в двух видах, к коринфом послание, о верных с неверною, яко же о сем укрепляют, на шестом вселенском соборе, святии отцы. числом 170. К сущим глаголют не тверд с еретики брак. совокупльшиижеся прежде сего правила, аще хотят да пребывают.