ГЛАВА

О ПРИТЕЛЬНЫХ БЕСЕДАХ.

СТИХ 1-й.

Апостол толковый, зачало 253, лист 853.

Сие же глаголю, да никтоже вас прельстит словопрения. ЗЛАТОУСТ. Сего ради рече сия рекох, да от человеков премудрости не ищите. И никтоже вас прельстит баснословием яко ведыи что, ни един бо человек весть что, но Богови вся есть ведати.

СТИХ 2-й.

Апостол толковый, зачало 237, лист 922, Златоуст.

Видиши ли яко многая злая от словопрения родятся, недоумение, гордость. АПОСТОЛ. Отступай от таковых. ЗЛАТОУСТ. Аще бо не наказуются, страшися от них подобает, ибо их неискуство от нерадения родится, и сребролюбия ради сие творят, сребролюбиваго бо рече яко насыщаются.

СТИХ 3-й.

Апостол толковый, зачало 293, лист 931 оборот. Апостол.

Сия воспоминай за свидетельствуя пред Господем не словесы претися, ни накакую не потребу на разорение слышащим. ЗЛАТОУСТ. Полно воистину страха еже пред Богом засвидетельствовати, от совопрошения же не толико ни коея пользы несть, но и на вред бывает немощнейшим слышащим.

СТИХ 4-й.

Творения святаго Иоанна Златоуста, том 11, толкование на 1-е послание к Тимофею, беседа 7-я, стран. 743.

Но недугуяй, говорит, о состязаниих. Следовательно состязание есть недуг. И словопрениих. И справедливо ... Посредством изследования и споров ничего нельзя найти ... От них же бывают хулы, непщевания лукава, – то есть, от изследований раждаются вредныя мнения и учения. Мы начинаем о Боге думать то, чего не следует когда приступаем к изследованию. Беседы злыя, – то есть праздныя занятия как пустыя разсуждения. Или следующим образом он понимает беседы злыя: подобно тому, как овцы, будучи заражены чесоткою, когда приходят в соприкосновение с здоровыми, и им сообщают свой недуг, так и эти злые люди. Ниже стран. 744. Видишь ли, что, по его словам, раждают споры, постыдную корысть, невежество, гордость; да, и гордость раждается от невежества. Отступай, говорит от таковых. Но сказал: приходи туда, но: отступай, то-есть, отвращайся ... В самом деле, каким образом можешь ты убедить людей, спорящих из-за денег. Иначе таковых ты не убедишь, как всяк не дашь опять, но и этим не насытишь их жажды приобретения. Око лихоимца, говорится, не насыщается части /Сир. 14, 9/. Поэтому, от них, как от неисправимых, надобно отвращаться. Если же он тому, кому предстояла крайняя необходимость вступать в борьбу, заповедует не приходить туда и не связываться с ними, то тем более /он заповедует это/ нам, которые учимся и находимся в ряду учеников.

СТИХ 5-й.

Творен. св. Иоанна Златоуста, толкование на 2-е послан. к Тимофею, беседа 5, том 11, стр. 789.

Сия воспоминай, засвидетельствуя пред Господем, не словопретися, ни на кую же потребу, на разорение слышащих. Страшно – говорить, приводя во свидетели Бога, потому что, если никто не решится изменить, призвав во свидетели человека, то тем более – Бога ... Что значит: засвидетельствуя? Значит – призывая Бога во свидетели своих слов и действий. Не словопретися, ни на кую же потребу; и не поэтому только, но и на разорение, говорит слышащих. Отсюда не бывает не только никакой пользы, но и великий вред. И так, сие воспоминай, если же слушатели будут пренебрегать, то Бог им судья. А для чего Он увещевает не несловопретися? Он знал, что это дело обыкновенное и что человеческая душа всегда склонна к состязанию и словопрению. Чтобы этого не было, он не просто говорит: не словопретися, но употребляет более страшное выражение, присовокупляя: на разорение слышащих.

СТИХ 6-й.

Блаженнаго Феофилакта Болгарскаго, толкование на 1-е послание к Тимофею, глава 6, стран. 845.

Но недугуяй о состязаниих и словопрениих. Итак, состязание есть болезнь: ибо где нет веры, там все больно; там только разгорается война словесная и больше ничего, причем более искусный в прениях напрягается низвергнуть другого. Вера есть око; не имеющий очей ничего не находит, а только ищет.

От них же бывает зависть, рвение, хулы, непщевания лукава. То есть от состязаний рождаются вредные догматы. Когда мы предаемся состязаниям, начинаем богохульствовать и думать о Боге то, чего не следует.

5. Беседы злыя. То есть пустые споры. Ибо переливанием из пустаго в порожнее обыкновенно назывались досужие разговоры. Или потому, что как паршивыя овцы, когда трясь между здоровыми, заражают и их своею болезнию; так и инако учащие потираясь беседами своими, с другими и растлевают их.

Растленных человеков умом, и лишенных истины, непщующих приобретение быти благочестие. Видишь ли, что словопрения раждают постыдную корысть? И справедливо. Ибо эти спорщики, привлекая к себе большее число учеников, пользуются ими, и все больше и больше подвизаются в спорах, чтобы все более и более их привлечь к себе.

Отступай от таковых. Не сказал: схватывайся с ними и борись, но: отступай, то-есть по первом и втором наказании (Тит. 3, 10). Ибо тех, которые бьются из-за прибыли и денег, когда и чем можно убедить? Поэтому удаляйся от тех людей, которые неисправимы.

СТИХ 7-й.

Блаженнаго Феофилакта Болгарскаго, толкование на 2-е послание к Тимофею, глава 2, стран. 861.

Засвидетельствуя пред Господем не словопретися ни на кую же потребу, на разорение слышащих. Так как это дело имеет приятность и человеческая душа всегда склонна к состязаниям и словопрению, то ты говорит апостол, засвидетельствуй им пред Богом не словопретися, то есть: научи, призывая во свидетели Бога, чтобы они знали, что, если будут пренебрегать тобою он осудит их. Словопрение не только не приносит никакой пользы и выгоды, напротив причиняет большой вред. Ибо стенобитными машинами словопрений низвергается вера слышащих, как бы некий столп.

СТИХ 8-й.

Из письма Александра Васильевича к Семену Васильевичу Катюшину, и Фотию Федоровичу, писано октября 23, 7417 года.

Вдобавок скажем еще, что вы прибегаете к неправильным средствам познавать истину. А именно к прению, что будто, вы от прительной беседы и веру узнаете. Но от прения без благодати Божией вы не узнаете истинную веру. О сем и Павел апостол сказал: что прение ни на кую же пользу, но на вред слышащим. Посему вы ищите веру познать прением безполезным, а даже по апостолу и вредным, и точию свойственным диавольскому духу и его еретикам любившим любопрения.

С истинным и добрым желанием пребываем к вам

Александр Васильев.

СТИХ 9-й.

Просьба Фомы Васильевича, к Александру Васильевичу, и Феодору Михайловичу: писана Фомой Васильевичем, в каргапольской стране, 7421 года, месяца декабря 13 дня.

И мы Фома Васильев с Василием Алексеевичем, месяца декабря 12-13-го производили двух-сторонния прительныя беседы, по поводу происходящих церковных внутренних смут, настоящаго времени.

Но от сих междуусобных бесед, ведущих не к любви, и церковному миру, а прямо к междоусобной ненависти и разделению. И смотря на сие люди немощныи в вере, с ненавистию к нам обоим прящимся, отпадают от веры: и крепкия в вере не только не пользуются, но уныло поникше главою, неблагодарно отходят от нас, как от имеющих гордость и непокорство и ненависть.

Во удостоверение чего и подписуемся.

Помощник первому преимущему старейшему Фома Васильев.

Предельный старший Александр Петров.

Грешный Василий Алексеевич.

Ничтожный Феодор подписуюсь.

Грешный Корнилий Васильев.

К сей же просьбе временно числящийся каргопольския страны старший брат Прохор Филиппов.

Феодор Васильев.

Шуньскаго предела, Сергей Иванов.

Поморскаго предела Петр Алексеев.

Старец Иван Петров.

Зосима Стефанович.

Симеон Симеонович.

Стефан Васильев.

По просьбе старца Федора Никитича и за себя подписался Зосима Михайлов.

Сергей Петрович.

Михаил Иванович.

Максим Иванов.

Ефрем Иосипович.

Агапит Матвеев.

СТИХ 10-й.

Барония часть 1, дето Господне 451, число 11, лист 513 оборот. Сочин. Амадея Тьери: ересиархи 5-го века, выпуск 2, стран. 197.

На пятом сидении слушан посол кесарийский Александр, чрез котораго возвести отцем Маркиан: яко монаси и архимандрити, от нихже первейшии бяху сии, Карос, Дорофей, и оный Варсума, просиша прение о истинной вере с православными сотворити пред ними. Кесарь им отвеща: аще бых хотел между вами монахами сидети, и вас слушати, и не устроил бых собора: но устроих того ради, и вам тамо быти не возбраних, да научитеся от них, чесого не весте, идите убо к собору. Сие наше праведное изречение. Веждьте же, яко то еже собор святый вселенский уставит, и еже мне на хартии подаст, тому последую, сие прииму, тому веровати буду. Имейте сей ответ, а инаго не вопрошайте. То слышаще отцы, зело похваляху Маркиана. О да бы сице творили власти мирстии, егда еретики пред ними претися желают, лучше бы о своем спасении промышляли.

СТИХ 11-й.

Творения блаж. Феодорита, епископа Кирскаго, том 7. толкован. на 1-е послание Коринфянам, глава 11, стран. 246.

/19/. Подобает бо и ересем в вас быти, да искуснии явлени бывают в вас. Ересями называет Апостол прения, а не разногласия в догматах.

СТИХ 12-й.

Статии церковнаго уложения, обыскание 23-е. Раздел 3-й, лист 314 оборот.

Признаки заблуждающих от истины, суть сия: таковии бо суть любопрепирательны и упорны.

Ниже: лист 315.

И беседы, стран. 1549. Мати ересей любопрительность.

----------------------------

ГЛАВА

О НЕ ПОЛЕЗНОМ ПРЕНИИ.

ВСТУПЛЕНИЕ.

СТИХ 1-й.

МНОЖИЦЕЮ И ЗЛЕЙШИИ ОБЛАДАЮТ КРОТЧАЙШИМИ.

Беседы апостольския, к коринфяном, послание 1, глава 2, беседа 6, стих 5, зачало 125.

Когда убо в премудрости словес бывает указание, множицею и злейшии обладают кротчайшими, силнейшии глаголати суще, и лжа изгоняет истинну.

СТИХ 2-й.

ЛЖЕ БОЛЕЕ ЕМЛЕТСЯ ВЕРА, НЕЖЕ ИСТИНЕ.

Четия минея месяца ноября 23 дня, житие святаго Григория епископа Акрагантийскаго.

Соблазнишася же мнози, и яша веру лже. /на поле/. Лже более емлется вера, неже истине.

-------------------------

О ПРЕНИЯХ

НА КОТОРЫХ ЕРЕТИКИ ПОБЕЖДАЛИ ПРАВОСЛАВНЫХ.

СТИХ 1-й.

ОН ПОШЕЛ, И УДАЛИЛСЯ /ИЕРЕМИЯ/ КАК БЫ ПОБЕЖДЕННЫЙ.

Книга пророка Иеремии, глава 23, стих 1-2.

И бысть в четвертое лето, царствующу Седекии царю Иудину, в пятый месяц, рече ми Анания сын Азоров лживый пророк Гаваонитский в дому Господни, пред очима жерцев, и всех людей, глаголя: Тако рече Господь Вседержитель Бог Израилев: сокруших ярем царя Вавилонскаго. Ниже: И взя Анания пред очима всех людей клады от выи Иеремиины и сокруши я. И рече Анания пред очима всех людей глаголя: сице рече Господь: тако сокрушу ярем Навуходоносора царя Вавилонска еще два лета дней со выи всех языков. и отиде Иеремия на путь свой.

ИЗ ТОЛКОВАНИЯ БЛАЖЕННАГО ИЕРОНИМА, НА 10, И 11 СТИХИ ЭТОЙ ГЛАВЫ. ЧАСТЬ 6, СТР. 457.

И вместе достойно внимания благоразумие Иеремии, его смирение и терпение. Лжепророк оскорбляет его действием, схвативши ярмо с выи его, сокрушает его ... а тот молчит и скрывает огорчение, ибо ему еще не было открыто Господом, что сказать.

Ниже:

Он пошел, говорит, и удалился своей дорогою, как бы побежденный и исполняя оное пророческое: бых яко человек не слышай и не имый во устнех своих обличения.

СТИХ 2-й.

ЕПИСКОП СВЯТЫЙ НЕ МОЖАШЕ СЛОВЕСЫ /ВОЛХВА/ ОДОЛЕТИ.

Четии минеи, месяца декабря в 24 день. страдание преподобномученицы Евгении.

Немногими же прежде сего времени денми, явися в сих местех некий волхв, именем Зарий, многими и великими лукавствы и волшебствы людей прельщаяй той поведаше ложна быти епископа Елиа, себе же от Христа послана людем учители сказоваше. И собравшеся множество народа християнскаго, приидоша к сему, егоже видите, отцу нашему, глаголюще: слышим, яко Зарий от Христа послан есть: или убо в содружестве себе приими его, или, аще он ложная глаголет, словеси препри его, да иже от вас в словесах победитель будет, к тому приобщимся. Изволи убо епископ святый быти словесному с Зарием прению: надеяшеся бо на Христа, якоже и Зарий уповаше на бесы свои. и уставися день ко имущему быти прению, и месту уготовася посреде града Идиополя. Прииде убо Зарий волхв с волшебными хитростьми своими, прииде и епископ с богодухновенными глаголы, и благословив народ, рече: ныне познаете духи, яже от Бога суть (на поле: 1Ин. 4, 2). И обращся к Зарию, нача словесы с ним велие имети прение. Но понеже волхв во лжах своих хитр бе зело, горд же, и в глаголании безчинен, тщащися составити победу не от истины, но от безстуднаго велеречия: того ради кроткий и незлобивый епископ не искаше словесы его одолети. Скорбяше же народ, яко Зарий в словесех превосходит епископа. Епископ же то видя, испроси мало молчания, и рече к народу: Павлова ныне наказания всячески послушати подобает, еже к Тимофею ученику своему глаголет (на поле: 2 Тим. 2, ст. 14): не словопретися, ни на куюже /бо есть сие/ потребу, /но паче/ на разорение слышащих.

СТИХ 3-й.

ЕРЕТИК ИЕРАКИТ, ПРИИДЕ К ПРЕПОДОБНОМУ МАКАРИЮ, И ПРЯШЕСЯ С НИМ О ВЕРЕ, РУГАШЕСЯ ЖЕ ПРОСТОТЕ СЛОВЕС ПРЕПОДОБНАГО, САМ СЫИ ХИТРОСЛОВЕСЕН. И ВИДЕВ СВЯТЫЙ БРАТИЮ В ВЕРЕ СУМНЯЩУЮСЯ.

Четия минея, месяца генваря в 19 день. житие преподобнаго Макария Египетскаго.

Еретик некий Иеракит, глаголяй воскресению мертвых не быти, от Египта пришед смущаше учением своим братию живущую в пустыни, прииде же и к преподобному Макарию, и пряшеся с ним о вере пред собором многих братий, ругашеся же простоте словес преподобнаго, сам сий хитрословесен. И видев святый братию в вере сумнящуюся, рече к еретику оному: кая потреба есть нам словесы претися на разорение паче слышащим, неже на созидание; грядем на гробища прежде умерших о Господе братий наших, и емуже от нас предаст Господь воскресити мертваго от гроба, да видят вси, яко того вера права есть, и от Бога свидетельствована. Сие преподобнаго слово угодно бысть всем братиям, и идоша на гробища.

СТИХ 4-й.

ПЕТР СВЯТЫЙ НИНЕВИСКИЙ [Никейский? – И.К.] ЕПИСКОП К ЦАРЮ РЕЧЕ КАКО ГЛАГОЛЕШИ, ДА ПРЮ ИМЕЕМ С ТЕМИ, ИМЖЕ ТЫ ПОМОГАЕШИ, И С НИМИ ЖЕ НА НАС САМ ВОЮЮЩИ; НЕ ВЕСИ ЛИ, ЯКО АЩЕ БЫ И МАНИХЕИ ЗДЕ ВВЕЛ ЕСИ, И ПОМОГАТИ ИМ ВОСХОТЕЛ БЫ ЕСИ, ТО И ТИИ УДОБНО ПРЕПРЕЛИ БЫ НАС, ПОМОЩЬ ОТ ТЕБЕ ИМУЩЕ.

Четия минея, месяца Апреля в 3-й день. житие Преподобнаго Никиты исповедника.

------------------------------------

ГЛАВА

НЕ БО ТАКО ОБЫКОША ВНУТРЬ В ДУШИ ВЛАГАЕМА БЫВАТИ УЧЕНИЯ ОТ ГЛАГОЛ, ЯКО ЖЕ ОТ ВЕЩЕЙ.

СТИХ 1-й.

Беседы на деяния святых апостол. нравоуч. 30. лист 550.

Что велемудрствуеши; яко учиши словесы; Но удобно есть сие, еже филосовствовати во глаголех: Научи мя житием своим. сие есть учительство изрядное. глаголеши, яко подобает смирятися, и долгое о сем слово простираеши. и риторствуеши незапинаем бывая. Внегда глаголати: Но тебе лучшии он, рече, иже дело сему наказуяй мя. Не бо тако обыкоша внутрь в души влагаема бывати учения от глагол, якоже от вещей. Елма бо аще дела неимаши, нетокмо непользовал еси рекии, но и болше вредил еси. Лучше молчати. Почто; зане невозможную ми вещь устрояеши, помышляю бо, яко аще ты иже сия глаголяи, неисправляеши, много паче аз прощения достоин, ничтоже таковых глаголяи. Сего ради глаголет пророк (на поле: Псал. 49): Грешнику же рече Бог: Вскую ты поведаеши оправдания моя; Болии бо еси вред, егда добре уча кто глаголы, делы же воюет на учительство. Сие многим виновно бысть злым в церквах.

И выше: Беседа 1. лист 1.

Ничтоже бо учителя студнейше есть, в словесех токмо любомудрствующа: Сие бо не учителя есть, но лицемера. Сего ради апостоли первее от жития учаху, и тогда от глагол: Паче же ниже потреба им бе глагол, делом вопиющим.

СТИХ 2-й.

ПРЕМУДРОСТЬ НЕ ЯЖЕ СЛОВОМ СВЕДЯЩАЯСЯ, НО ЯЖЕ ДЕЛЫ ОБЛИЧАЕМАЯ.

Кн. Альфа. Пред. Лис. 1 об.

Святыи Григории Богослов глаголет: Премудрость первая, премудрость презрети, иже в слове лежащую: и обращения речем, нечистых излишних сопротивлении. ниже: не бо иже в слове премудр, той мне премудр. ниже иже язык убо удоб обращаем имея, душу же (в духовных) не наказану. якоже от гробов, елицы внешними суще благолепни и красни, внутрь же мертвыми смердят, и многу воню покрывают. ниже: Премудрость не яже словом светящаяся, но яже делы обличаемая разум бо благ всем творящим я рече, а не проповедующим. добро и зело благо премудрость во смирении (глаголю) и исполнении заповедей Божиих.

СТИХ 3-й.

АЩЕ И ВСЮ БИБЛИЮ ИЗ УСТ ИМЕТИ БУДЕШИ, ЧТО ОТ СЕГО ЗА ПОМОЩЬ, НЕ СУЩИ БЛАГОДАТИ БОЖИИ И МИЛОСТИ.

Книга Альфа. лист 234 об.

Святыи Фома, иже в малеонстей горе постився. Аще еси разумен, и всю библию из уст имети будеши, и всех любомудрец повести. что от сего за помощь, несущи благодати Божией и милости; суета суетствии, и все есть суета, кроме любити Господа Бога и работати Единому. Сия есть высочайшая премудрость уничижением мира влекущеся к царствию небесному. Тойже. Уншии есть воистинну смиренныи делатель, иже Богу работает, нежели гордый мудрей, иже самого себе оставивши, течению небесному внемлет; престани от излишняго разумения желания, ибо много тамо обретается раздор и прелесть.

Ниже: лист 236.

Ст. Добродетельныи бо и страх Божии имея, всех есть разумнейши. Ниже: Любомудрец есть божественныи, иже деянием и видением неходатайственне соединивыися Богови, и друг Божии быв и глаголемыи, яко первую и творительную и истинную мудрость и лобзав и возлюбив паче всея иныя любве и премудрости и разума. Любославец же есть и не воистинну любомудрец. аще и слова любомудрые имя присвоивши, якоже рече велики Григории: Ниже: Книжник же есть, иже во царство Божие научивыися. всяк же деянием во еже о Бозе видении упражняяся и в безмолвие пребываяй. иже износит от сокровища своего сердца новая и ветхая. сиречь евангельская, или новаго и ветхаго завета, или учителская или отеческая, или законная и апостолская. сия бо суть новая и ветхая таинства, яже действенныи книжник износит, учився в богоугодном жителстве. Книжник паки есть всяк действенныи, иже телесне и еще к деланием упражняется. Ветииже божественныи и естественныи, иже к разумом и словесем сущим посреди стояй и показателен сим в дусе разделителною слова силою. Любомудрец же истинныи, иже преестественное Божие соединение ведоме и неходатайственне имея в себе.

Ниже: лист 237 об.

Ст. Рече авва Иперхии: премудр воистинну той есть, иже словом не учит но делы добродетельными наказует. Ниже: Непотщавыися кто проити собою тесныи путь евангельскии, и о очищении ума вознебрег: и аще и всю внешнюю мудрость извыче, слеп есть душею. писма точию убивателнаго предержится, духа же оживляющаго не приемлет, и не точию инех но ниже себе совершенне исправити может.

Выше: лист 235.

Св. Фома. Сокры тайны Бог, от мнящихся быти мудры, не яко завидя, или повинен неразумию. но зане недостойны быти за то еже мнети быти мудрым.

СТИХ 4-й.

ВОЗДЫХАЯИ ЕДИН ЧАС О ДУШИ СВОЕЙ ЛУЧШЕ ЕСТЬ ПОЛЬЗУЮЩАГО ВЕСЬ МИР ВИДЕНИЕМ СВОИМ.

Книга Исаака Сирина. слово 41. ст. 198, в конце.

Ощутивыи грехи своя, лучшии есть воскрешающаго мертвыя молитвою своею, егда же обрящется обитание его посреде многих. Воздыхай един час о души своей, лучшии есть пользующаго весь мир видением своим. Сподобивыйся увидети себе, той лучший есть сподобльшагося увидети ангелов. Сей бо, к телесныма очима общение имать: он же, ко очима душевныма. Последуяй Христу плачем уединенническим, сей лучше есть похваляющаго себе в соборищах. И никто же да приведет на среду апостолство, еже анафема быти аз, глаголет молилбыхся от Христа, и прочая (х): Приемшему бо силу Павлову, и оно сотворити повелевается. Повележе от Духа иже в нем предлагашеся, на пользу мира, якоже сам свидетелствова, яко не своею волею сие творяше: нужда бо ми, глаголет есть, и горе мне есть аще не благовествую (ц). И избрание Павлово не своего ему покаяния образ смотряше (ч), но еже благовестити человечеству, и силу изобильну прия.

Обаче безмолвие возлюбим мы, братие, дондеже умертвится мир от сердца нашего, и помяним, смерть присно, и с таковым размышлением приближимся к Богу сердцем нашим, и презрим суету мира сего, и презелно будет сладость его пред очима нашима, и претерпим со сладостию телом недижливым праздность всегдашнюю, сущую в безмолвии: яко да сподобимся наслаждения, онаго со ввертепах и пропастех земных (ш) чающими откровения похвальнаго Господня, еже с небесе. яко Ему, и Отцу Его, и Святому Его Духу слава и честь и держава, и великолепие во веки веком, аминь.

СТИХ 5-й.

ЛУЧШЕ ТИ ЕСТЬ КОСНОЯЗЫЧНУ БЫТИ РАЗУМЕВАТЕЛЬНУ СУЩУ, И ИСКУС ПРИЕМШУ, ПАЧЕ ЕЖЕ ИСТОЧАТИ ОСТРОТОЮ УМА ТВОЕГО АКИ РЕКУ УЧЕНИЕ.

Книга Исаака Сирина. сл. 56. ст. 315.

Да несравняеши творящих знамения, и чюдеса и силы, в мире, с безмолствующими со разумом. Возлюби праздность безмолвия, паче еже насытити алчющих в мире, и обратити многи языков к поклонению Бога. Лучше бо ти есть себе разрешити от связания греха. нежели свободити рабы от работы. лучше ти есть умиритися с душею твоею во единомыслие сущия в тебе троицы, глаголю же тела, и души, и духа, нежели умирявати (х) учением твоим разстоящихся (ц). Григорий бо глаголет, добро есть еже Бога ради возблагословити, лучше же сего еже очистити кому себе Богови. Лучше ти есть косноязычну быти, разумевательну сущу, и искус приемшу, паче еже источати остротою ума твоего аки реку учение. Полезнее ти есть пещися воскресити умерлость души твоея от страстей, в божественных движением помышлений твоих, нежели воскресити умерших. Мнози силы совершиша, и мертвых воскресиша и потрудишася еже обратити заблужденна и сотвориша чюдеса велика, и руками их мнози наставишася к познанию Бога, а посих сами тии, многих оживотворившии, падоша в страсти скверны и мерзостны, и сами себе умертвиша (ч), и соблазн мнозем быша, явльшихся от них деянием; занеже еще (ш) и недузе бяху души и не попекошася о здравии душ своих. но предаша себе в море мира сего, еже исцелити души инех, еще суще сами недужни, и погубиша души своя от надежи Божия имжеобразом рех.

СТИХ 6-й.

ИМЕЮЩИМ ЗДРАВ УМ НЕ ТРЕБОВАТИ ПИСАНИЯ.

Кн. служ. мин. августа.

2 служ. блажен. Вас. 2 кан. песн. 1. троп. 2.

Антонии великии рече, имеющим здрав ум не требовать писания. На тебе же сбысться премудре Васил, главу свою всегда имея к небеси возведену, очима же горняя зря ума чистотою тщася ко Адаму, и верному Аврааму.

СТИХ 7-й.

АВРААМ И ИСААК И ИЯКОВ И ПРОЧИИ ОТЦЫ НЕ ПИСМЕНЫ НИ СЛОВЕСЫ УЧИМИ БЯХУ; НО ЧИСТО ИМУЩЕ СЕРДЦЕ, ДУХОВНЫМ ОСИЯНИЕМ ПРОСВЕЩАХУСЯ И ТАКО БОЖЕСТВЕННАЯ ХОТЕНИЯ ВЕДЯХУ И ИЗВЕЩАХУСЯ.

Ев. поучит. в неделю праотец. лист 432.

Древние убо они, иже прежде закона божественнии мужи, не писмены ни словесы учими бяху, но чисто имуще сердце духовным осиянием, просвещахуся и тако божественная хотения ведяху и извещахуся: самому Богу тому беседующу с ними, и повелевающу и вещающу усты ко устом. Таков убо бяше Ное, Авраам, Исаак, и Иаков, и сих внуцы, Иов, Моисей. И понеже убо изнемогоша человецы, и недостойни быша извещатися, и научени бывати Духом Святым, подаде человеколюбец Бог писания, даже поне сими воспоминают, и научаются Божию хотению.

СТИХ 8-й.

БЕЗ ДОБРЫХ ДЕЛ, СУЕТНО УЧЕНИЕ.

Чет. мин. Генваря 6-го. лист 36 об.

Ибо безделен и суетен бывает тамо учения глас, идеже крыла жития богоугоднаго незрятся ... Не тако бо хитроплетенное слово, не тако сладкоглаголивая уста, не тако громогласная гортань, якоже добрых дел крыле, и учителя и ученика к небеси возносят.

СТИХ 9-й.

ЖИТИЕ ЧИСТО. СЕ ЕСТЬ ПОЛЕЗНОЕ ПОУЧЕНИЕ ИСТИННЫХ ПАСТЫРЕЙ НА ПРОСВЕЩЕНИЕ.

Кн. Кирилла иеросалим. слов. о опресноцех. лист 306 об.

Ибо всякоя трубы велегласнейше, еже самеми делы показание, и света самого чистеиши и явственей, житие чисто. си есть полезное поучение истинных пастырей, и просвещение, прочим от них христоименитым людем, множае паче неже ли словесное учение. яко да видевше рече добрая дела ваша, и прославят Отца вашего иже на небесех (Матф. 11).

Книга Никона чер. гор. сл. 22. лист 169.

Святаго Исидора от послания еже к Евсевию епископу.

Зиждеши якоже глаголют церковь в Пилусии, красну убо ухищренми. злу же начинанми, и неправдами, и досадами, и нищих насилованми, и убогих имением, еже ничтоже есть ино разве зиждати Сиона в кровех, Иеросалима в неправдах, не требует же Бог от туждых жертвы, но сия якоже на жертву приносима пса гнушается, престани убо и зиждати и обидети, яко да не церковь она в обличение твое пред Богом обрящется, возвышен убо и высок стоя, вопия же на тя вечно и немолчно с Иеремиею, горе зиждущим храмину свою в высоту со неправдою. и превыспреняя своя, не в судбе от искренняго своего дело есть туне, и мзду его не отдаст, и от яковех зол создася, и лишеных мзды истязуя, и мсти вредившихся ища.

Книга Альфа. глав. 73. лист 237.

Иже кроме духа пишуще иже и глаголющи, и церковь создати хотящии душевни суть. якоже негде рече божественныи апостол духа не имущии. таковии бо повинни суть клятве глаголющей. [горе разумным о себе и пред собою художным! о себе бо глаголют, а не дух божии есть глаголяй в них, по господню словеси. от своих убо помысл прежде чистоты глаголющей: духом мнения прелстишася. о сем бо глаголет притча: видех мужа мневшася в себе мудра быти, упование же паче имать безумныи его, и еже не бывайте мудри о себе, премудрость бо запрещает нам; но и сам исполненныи духа божественныи апостол, исповедует глаголя: ни бо доволни есмы о себе помыслити что, яко от себе, но доволство наше от бога. и еже не яко от бога, пред богом о христе глаголем. но таковых бо словеса не сладка и непросвещенна, не от живаго источника духа, приемлющеже и глаголюще, но якоже от некоего езера тименнаго от сердца, пиявица и змия и жабы похотем. возношения и невоздержания имущаго питающее, и вода разума их смердящи, мутнаже и тепла, еже пиющей на возгнушение и скаредие и блевание преминуеми обращаются]